يا اخوانى الاعزاء كل يوم بنسمع فى التليفزيون وبنقرا فى كل الجرايد على تعيين المعلم المساعد خلال ايام والايام دى منذ اكثر من 6الى 7 شهور وحنا بينضحك علينا كانا يا اخوانى سلبييين وانا اولكم بس كفاية كدة احنا كلنا معلمين مؤهلين تربويا وفكريا وكانا تقديرنا من جيد جدا الى جيد
بذمتكم الناس السائقين اللى حطم ايديهم فى ايد بعض خدم حقهم ولا لا
طبعا خدم حقهم واتشالت الضرائب اللى كانت حتتفرض عليهم

هل سنفعل مثلهم من اجل حفظ كرامتنا اولا ثم اخذ حقوقنا


معا تربية وتعليم وازهر سنفعل كل شئ
احنا انتظرنا كتير وايضا سنكمل اعمال الامتحانات حتى الاسبوع القادم
والفرصة هى اجازة نصف العام لوقفة سلمية منظمة تعبر عن مندرسين اكاديميين حقا
ولن نرجع الى ان ناخذ حقنا وهو التعيين على درجة مالية من 1/7/2010 او 1/1/2011 فاستحلفكم بالله ان تقفوا معى وبانتظار مشاركتم القيمة من اجل فعل شئ والمره دى لازم نلاقى رجالة وباذن الله انا واثق فى اخوانى لناخذ حقنا
ونحدد يوما لهذة الوقفة ولتكن من يوم 23/30 يناير حسب اقتراحتكم


وجزاكم الله خيرا

كلامك بجد عين العقل
بس الوقفة هتبقى فين؟ في القاهرة عند الوزارة ولا امام مبنى المحافظة (كل جماعة في محافظتهم )؟

على رأيك
احنا حتى محصلناش السواقين اللى فرضوا رايهم وخدوا حقهم من الحكومة من خلال اعتصامهم

اما احنا المعلمين المربيين
مش قادرين نتفق على رأى واحد
يا جماعة يوم واحد نتفق عليه
موافقين على الاعتصام
وانا من العاملين بادارة قليوب التعليمية بالقليوبية
نرجو من المشتركين توضيح ادارته
لمعرفة مدى انتشار فكره الاعتصام
وكل واحد عليه يبلغ المدرسين فى ادراته بميعاد الاعتصام
ونرجو المتابعة

والله عندك حق بس لازم ياجماعة نعمل شىء قبل شهر يناير ما يخلص لان عندنا السكرتيرة قالت لى التعيين بيكون إما فى شهر يناير أو فى شهر يوليو ولو شهر واحد عدى وما فيش شىء حصل هنستا شهور كتييييييير

يجب أن يكون الاعتصام خلال هذا الشهر .. وأنا معكم في الاعتصام إن شاء الله

يا نهااااااااار لو عدى شهر يناير هنستنى كتييييييييييييييييير اكتر من كدا؟؟؟؟؟؟؟؟؟؟؟؟؟؟؟؟؟

هافكر وارد

يا ريت والله ده اللي بنقوله من زمان بس يا ريت يكون في تنفيذ وإحنا معاكم إن شاء الله

بصراحه الفكره هذه لابد من دعمها لانه من الواضح لان حكومتنا مبققتش وبتحل الا بعد الاعتصام قبل كده عمال المحله ...... سائقى النقل ... الخ
عايز اقولكم بجد لازم يكون لينا وقفه فات اكثر من خمس سنوات على التعاقد
هو عمر الانسان فيه كم خمس سنوات ؟
هنستقر ونتعامل معامله ادميه فى المجتمع امتى ؟
الفتره دى هى افضل فتره ممكن للانسان العمل فيها وتكوين نفسه ؟
هنأديها فى السخره فى قناة السويس ؟
أقصد فى التربية والتعليم
اسف ............................ انا معاكم

وانا معاك بس يبقى فى حاجة بجد مش كلام زى كل مرة ولازم الردود والمشاهدة تعدى العدد المفروض انة يكون علشان يبقى فى مصداقية
والله لو الوزير علم باننا ننظم وقفة احتجاجية فى اكثر من منتدى لازم يصدر القرار فورا لانة مش عايز مشاكل تانى معى الاعلام وخصوصا اننا لنا الحق فى التعين من سنة فاتت

وانا معاك بس يبقى فى حاجة بجد مش كلام زى كل مرة ولازم الردود والمشاهدة تعدى العدد المفروض انة يكون علشان يبقى فى مصداقية
والله لو الوزير علم باننا ننظم وقفة احتجاجية فى اكثر من منتدى لازم يصدر القرار فورا لانة مش عايز مشاكل تانى معى الاعلام وخصوصا اننا لنا الحق فى التعين من سنة فاتت


والله عندك حق بس ياريت الكل ينفذ وما يكنش كلام وبس

يوم الوقفه 30/1/2011
كل واحد امام محافظته

انا معاكم ان شاء الله

والله عندك حق بس لازم ياجماعة نعمل شىء قبل شهر يناير ما يخلص لان عندنا السكرتيرة قالت لى التعيين بيكون إما فى شهر يناير أو فى شهر يوليو ولو شهر واحد عدى وما فيش شىء حصل هنستا شهور كتييييييير


بالشكل دا احنا لازم نقوم بالاعتصام قبل نهاية شهر يناير بفترة مناسبة
على الاقل بأسبوع ولا انتو ايه رايكم
ماذا عن 23/1

الوقفه لابد ان تكون قربه وقريبه جداا مالداعى لتاخيرها ليوم 23 يعنى ايه حنكون مستنيين امل يعنى لا ما تستنوش حاجه متحطوش املكم فى حاجه خلاص راح كل شىء وضاع كل شىء حنستنا ايه تانى نخاف عليه والله يا اخوانا احنا ما حصلنا اقل درجه وظيفيه فى البلد دى احنا \\\ الواحد مش عايز يتلفظ بحاجه مش كويسه بس هو دا حالنا كلنا كل يوم بنخش على المنتدى على امل يلاقى خبر بدون جهد ولاتعب يفرحه ويديه امل بالتتثبيت لاكن خلاص وانا انادى بها من الان لابد لابد من الاعتصام نهاية لذلنا وانكسارنا الوقفه بتاريخ 15\1\2011وخلاص لوفتحنا مجال للتاخير مش حنحلص حنستنى ايه دا احنا بقينا ملطشه ومهزاة للكل والصراحه احنا نستاهل نكون كدا لان احنا سكتنا كتير بمجرد سماع اى خبر من مسئول كل تالناس واكررر كل الناس خدو حقوقهم تالت ومتلت الا احنا عشان احنا مستنيين التثبيت يجى لغايت عندنا وانا مش عارف الناس اللى بتطمنا على على طول فا ى المنتدى ده قصدها ايه ياريت كفايه كفايه لحد كدا وانا قلت الوقفه يوم 15 واللى عايز يرد على والا انتو احرار زى كل مره وسلمولى عالتثبيت يا شعب ساكت