رسالة إلى أمهات الشهداء
يا أم الشهيد
أنت أم البطل
أنت حبل الوريد
اللي بيحيى الوط
أنت الدرع الحديد
اللي صان الشرف
أنت أم الوليد
اللي في الجنة سكن
أنت أم البطل أنت أم البطل
يا أماي مالك حزينة
والدمع سال بحور
والوش كله حيرة
والدم داير ما يدور
والبسمة ماتت منتحرة
وانتهى زمن السرور
لا ... لا ... أنت لازم تفرحي
ابنك سكن في الجنة
يا أماي قومي وافرحي ...... زغرتى .........
نورى كل الشموع
دابنك جالى في المنام
لابس ثياب ابيض
ملاك من الرحمان
جاى عايز يبوس ايدك
اللي خلته إنسان
عايز يقول لك اصبري
الجنة تحت أقدام الأمهات
وأنت مش أم ....أنت مش اى أم
أنت أم البطل أنت أم البطل
عايز يقول لك انهضي
ربى كمان شهيد
ربى اخوي الوليد
اصنعي منه بطل اصنعي منه بطل
عايز يقول لك اصرخي
أنا أم البطل أنا أم البطل
يا اماى مالك تايهه
والخلق طالعة وداخلة
والجلبية سوده
ودارك ليه كدة زحمة
إياكى تخدى العزا
مافيش عزا في الشهدا مافيش عزا في الشهدا
يا اماى ليه كل الدموع دى
ليه الصراخ ده
أنت لازم تفرحي
ابنك سكن في الجنة
ويوم القيامة لو صبرت
هيخدك من أيديكى للرسول
هتشربى من حوضه
هتدخلوا سوا عالجنه
يا أماي بعد كل الكلام ده
لازم تصلى شكرا لربك
ابنك حجزلك في الجنة
لازم تفرحي من جوا قلبك
لازم تقول لكل اللي جانبك
انك أم البطل انك أم البطل
افرحي يا أم الشهيد
أنت أم البطل أنت أم البطل