ارجو الصبر معى
ترددت كثيرا فى كتابه هذا الموضوع!!!
وبعد طول تفكير قررت ان تشاركونى فى همى الدفين
منذ عده اسابيع وانا امشى فى الشارع لاحظت (حصوه) اتت على قدمى
وطول عمر اصحابى يلقبونى بالذكى وسريع البديهه وادرك ما حولى
فنظرت سريعا الى خلفى فوجدت اطفال يجرون ولم يلاحظ احدا ماحدث
فكرت فى الموضوع وحزنت جدا جدا وصمت صمتا طويلا
وبعد مرور الايام وجدت مجموعه من الاطفال يسلمون على بامتنان وهم الان فى الصف الثانى الاعدادى
واذا وبعد خطوات وجدت نفس الحادث ولم يلاحظ احد شيئ
وعرفت الفاعل ولكن لم اعرف او اتذكر اسمه
طنشت ومشيت واذا بهم الاثنين
يسبون امى الوقوره
ذات الحسب والنسب فما ذنبها وهى جالسه فى بيتها ان تسب لان ابنها مدرس هل تفهمون مدرس
والايام مرت والموضوع طوى الى هذا الحد
وبعد ايام ذكرت الموضوع دون الافصاح عن هويه المفعول به طبعا
وجدت العجب العجاب احد المدرسين الطيبين المحترمين يقول لى انا باتحرج من السير فى شوارع المدينه مش زى زمان يا ابنى وهو فى عمر ابى
ومدرس زميل لكن اكبر منى شويه قال لى
انا ياما اتشتمت واتحدفت بالطوب امال انت مفكر ايه
لا تعليق وانتظر تعليقكم و اهتمامكم :excl:

إذا ضاعت مكانة مربي الأجيال ضاع كل شيئ
ولذلك هنفضل عالم ثالث متخلف
والله الواحد حزين

لا حول ولا قوة الا بالله انا هقولك على موقف بس انا محرجة جدا منه بس حصل معايا شخصيا انا والله على قد مااقدر باحترم نفسي يعني بابعد عن المواطن اللي ممكن احس فيها باني قليلة< بمعنى اصون نفسي >الحمد لله ناهيك عن شخصيتي في المدرسة الكل بيحترمني ويعمل لي حساب< ماعدا المدير> وانا التلمذة اللي درستلهم في اولى ابتدائي دلوقتي في سنة رابعة وانا معاهم سنة بسنة وباربيهم مثل بنتي بمعنى الكلمة يعني اخلاق ودين ووطنية ومادة علمية وكل حاجة المهم مش هطول عليك لظروف في الجدول اخدت سنة تانية ابتدائي مش هقولك انهم كانو سيئين لا هما كانو اسوا من السوء ان صح هذا التعبير بدات معاهم سنة سنة ولاحظت تطور بعض الشىء المهم بنت خايبة جدا مهملة لاكراسة ولا واجب ولا حتى ترد ورايا وانا باقريها معدومة الاستجابة شخطت فيها يوم و***تها وطلبت ولي امرها المهم وهي داخلة قالت انتي ابلة بنت ...............العيال سمعوها وانت عارف تانية ابتدائي الفصل جماعي ياابلة الحقي قالت عليكي ايه المهم اتكسفت اعرض الموضوع برة الفصل حاولت اخد موقف هزاتها واصريت انها تجيب ولي امرها بعد كام يوم لقيت التلاميذ بيقولو لي ياابلة احمد قال عليكي كذا الله الموضوع اتكرر بس احمد شاطر قمت اتنرفزت وطلبت ولى امره الحمدلله ماسالش في كام يوم لقيت عيل تالت قال شتمة والعيال قالو لي <طبعا دلوقتي هتقول الابلة دي شكلها مهزأة >مامسكتش نفسي وجبت عصايا وانهارت وقعدت اقول انتو اهاليكو ماعرفوش يربوكو انا هربيكو وضربت الاول والتاني جامد الواد الاخير نزل تحت الكرسي ودنوا يترعش لدرجة اني كنت حاسة ان في زلزال في الفصل ويقول اخر مرة مش هقول كده تاني وانا في عز عصبيتي فتحت باب الفصل وناديت على الوكيل وقولتله العيال دول مش متربيين الواد بيقول والبت بتقول ورحت على المدير نفس الحوار وحلفت بالله اللي ماهييجي بكرة بولي امره ليتفصل من المدرسة الواد اللي كان بيترعش ده لقيت بالليل امه جت لي البيت وقالت لي انتي زعلانه من محمد ليه ياابلة بقولها بيقول كذه قالت لي عيل صغير يابلة هو فاهم حاجة هو يعني يقصد يشتم امك اللي قاعده في البيت المهم اديتها شوية مواعظ في الادب وقولت لها خلاص الموضوع خرج من ايدي ولازم ابوه يروح للمدير بكره والا هيتفصل ابوه كان راجل طيب اوي راح للمدير الصبح في الطابور ومعاه عصاية وقال للمدير لازم تضربه قدام زمايله وفعلا المدير ضربه جامد وفضلت متازمة من الموقف ده فترة اهي بتمشي واولياء الامور جوني وقعدو يعتذروا وانتي الوحيدة اللي عيالنا بيطورو على ايديكي والموضوع عدى اسفة لو طولت بس موضوعك قلب على مواجع

انا باستاذن حضراتك هانقل المشكلتين دول نسخ لموضوعى ....اسوا موقف حصلك بعد ما بقيت مساعد

ياريتني ما تكلمت يامس اميمة يعني افضل شايلة همي جوايا شهور وبعدين في ثانية انشروا على صفحات المنتديات

أظن ان المواقف ديه هى نتاج طبيعى لانعدام القيم والاخلاق فى المجتمع الذى أصبح كل شيىء فيه مباح بغض النظر ان كان صح أو خطأ وده ايضا بسبب ضعف الرقابه فى المنزل الذى اصبح الدين والأخلاق صف ثانى سواء فى البيت والمدرسه التى انعدمت فيها القدوه الصادقه فى الافعال قبل الاقوال فلابد لنا أن نجنى ما زرعناه وها هى بدأت الثمار تنضج ........... الدين هو الاساس الدين هو الاساس الدين هو الاساس

!!!!!!!!!!!!!!!!!!!!!!!!!!!!!!!!!!!!!!

انتو متخيلين ان الكلام ده جديد علينا ولا اول مرة نسمعه لا طبعا الكلام معتاد جدا فى كل المدراس الحكومية ومدرسات كتير بتسكت وتقول بلاش افضح نفسى ومدرسات تانية تتكلم والموضوع يبقا قصة الاسبوع مع الطلاب قبل هيئة التدريس انا عن نفسى مكنتش بحب المهنة دى وتعديل ثانوية عامة هو اللى فرضها عليا رغم انها اسمى المهن بس فى مصر مش كدا خالص سامحونى لو قلت ادنى المهن لاعيال عايزة تتعلم ولا هيئة تدريس تقدر تعبك .... وطبعا انت اكيد اكيد فى مصر

لاحول ولا قوة إلا بالله

هذا نتاج التربية السيئة احنا عايشين في مجتمع للأسف ضاعت فيه القيم والمبادئ إلا من رحم الله

اتذكر أني كنت باعتبر مدرسي ومدرستي قدوتي ومثلي الأعلى

اتذكر أنني كنت أوقرهم واحترمهم واخاف منهم وبحس أنهم أشمخ مافي الدنيا

هذا نتيجة إعلام فاسد دخل للبيوت فخربها لنا الله
اللهم انتقم من كل الظالمين آمين

انتو بتتكلموا على مواقف فى الفصل
امال لو بقت فى الشارع
ونفس الردود جت لى من اكثر من استاذ وولى امر
دا عيل يا استاذ
يعنى هتحاسب عيل


انا موافق على نقله يا اميمه يا اختى لموضوعك مع تجهيل اصحابه اى عدم الافصاح عنهم
فاذا بليتم فاستترو
اما انهيار القيم فى المجتمع
فقد حدث ذات مره ان هرب طالب من المدرسه واحضر ابوه فى نفس الوقت وقال حدث لى .......و........و...... الخ
ثار الاب ثوره ثور
هداه المدير واعتذر له وصرفه
وحكى لى المدير ما حدث
وقال لقد اعتذرت له بالنيابه عنك
قلت له الولد طلع للممرضه لانه عنده مغص واسئل زمايله
وكيف يخرج الولد من المدرسه اثناء اليوم الدراسى
وكيف لا تبلغنى الحدث
قال لى اسيبك تضربه يعنى!!
قلت له الولد يكدب ويصدق ونحن ولاد.........فى هذه المهنه القذره
والغريب انه لم يحدث اى شيئ بعد ذلك مطلقا وكان مافيش حاجه حصلت من اى حد
وظل الولد طول السنه يبصلى بترقب وتتنيح وتعجب وانتظار لاى رد فعل نتى
وانا تجاهات الامر كله
لانى عرفت قيمتى فى دولتى ومهنتى

وزارة لالالالالالالالاتربية ولالالالالالا تعليم

لو حصل لي هذا الموقف لن اسكت وسادخل حتي السجن في هذا الطالب الذي يقل ادبه علي مدرسه فاين القيم والمباديء وكيف يستطيع المدرس ان يشرح امام تلاميذه بعد ذلك الموقف يا جماعة لو كان الكلام اللي بتقولوه ده حصل فعلا يبقي يا خساره والف خسارة علي التعليم في مصر يبقي الواحد يدور علي وظيفة تانيه يجد فيها الاحترام وطز في التدريس

اتذكر أني كنت باعتبر مدرسي ومدرستي قدوتي ومثلي الأعلى

جميله جدا الجمله دى بس خلونى اسال سؤال اى مدرس واى مدرسه اللى احنا كنا بنعتبرها قدوه وفين المدرسين دول دلوقت

اللى افتكره ان المدرس اللى كنت بحترمه انا كان بيراعى ضميره فى كل حاجه ابتداءا من الشرح كان بيجبرنى بتصرفاته على احترامه والسؤال ياترى لسه المدرس دا موجود دلوقت للاسف الغالبيه العظمى من المدرسين مبقوش كدا للاسف احنا اللى عملنا فى نفسنا كدا او بمعنى ادق اللى معندهومش ضمير مننا وللاسف كمان دول مش قليلين دلوقت المدرس بدل مابيعلم الطالب علم بيعلمه ازاى يطلع انسان غشاش ومبنى على غشاش دى حاجات كتير جدا من منعدم ضمير وغيره من النماذج المنتشره دلوقت فى مجتمعنا انا بالصدفه كنت داخله لجنه لقيت المدرسه ماشاء الله عليها قاعده مع كل طالب شويه فى التخته عماله تحلله الامتحان كانها هى اللى بمتحن وللاسف مش المدرسه دى كل لجان المدرسه بالمنظر دا ساعتها سالت نفسى سؤال ياترى هى بتعلمه ايه غير انه يطلع غشاش وللاسف الاطفال دول لسه فى تانيه وتالته ابتدائى وطبعا تاثير المدرسين فى المرحله دى تاثير مهم جدا وطبيعى انهم يطلعوا المرحله اللى بعدها عندهم لامبالاه ماهم اتعودوا على الغش وان المدرس هيدخل يكتبلهم يبقى يذاكروا ويتعبوا نفسهم ليه وطبعا المدرسه اللى بتغشش بلامبالاه دى مش واخده بالها انها بتقلل من قيمه المدرس والتعليم فى نظر الطفل دا وهى هتكون اخر واحده ممكن يكن ليها اى احترام وللاسف مش ليها لوحدها كل اللى يهمها وقتها انها بتخدم فلان وفلان وفلان وبتنجح ليه ابنه مش عارفه انها بتديله قيم غلط بتكبر معاه مع الايام ولو سالنا نفسنا سؤال ياترى المنظر اللى انا شفته دا كام واحد فينا شافه وكام واحد فينا بيعمله وكام واحد مننا بقى عنده ان دا الطبيعى هتلاقوا الاجابه كارثه كمان للاسف التعليم دلوقت مابقاش تعليم بقى استثمار الهم الاول لاغلب المدرسين انهم يجبروا الطلبه على انهم يروحوا عندهم درس هو دا المهم وفيه اللى بيقول اننا نشرح ونشتغل على قد الفلوس اللى بناخدها للاسف الناس دول اقل رد عليهم هو رد بيقول انت قبلت تشتغل الشغلانه دى وبالمرتب دا يبقى فى المقابل المفترض انك تراعى ضميرك فى شغلك اما تسيب الشغل لحد تانى لان العقد شريعه المتعاقدين طبعا دا جزء بسيط جدا من الواقع الفعلى اللى بيحصل وبصراحه المسؤل عن عدم احترام الطلبه لينا هو احنا فى المقام الاول بافعالنا وافعال غيرنا سواء قبلنا او بعدنا يمكن فيه اسباب تانيه بس الاساس هو احناااااااااااااا بتصرفاتنا وافعالنا

سيبك من اندفاع الشباب ودور على اكل عيشك يارامى ياخويا وهو انت عارف ان احنا بنألف دا حصل واكثر
وهو انت هتعمل عقلك بعقل عيال صغيره
طب ما رايك فى تلاميذ رجمو بيت استاذهم بالحجارة
مش هاقول كلمه زياده
علشان الموضوع ده معروف جدا عندنا ولو زودت هتتعرف البلد وكل حاجه
والله الموضوع ده حصل ومن قام بالفعل ده
اولاد ناس مسئولين فى البلد وغرب عن البلد بمساعدة قله من اهل البلد
والله العظيم حصل
وكانت النتيجه
فى غير صالح معلم الاجيال
لا المدرس اتنصف
من الاداره ولا الامن ولا زمايله فاهم زمايله زمايله زمايله زمايله
وطظ فى المدرس
ولما فحفرت وجدت الموضوع بسبب الدروس هههههههههاهاها

الله ينوررررررررررررر بصراحه انحنيلكم وارفعلكم القبعه برافووووووووووووووووووووووووووووووووووو

شكرا يا اخت منار جدا واوافقك الراى
هل تعلمى ان اول امتحان احضره فى المدرسه
وجدت ان اللجنه عباره عن شارع عام واولاد المدرسين هما الى مبوظين الدنيا لان طابور من المدرسين بيراجعولهم ..الخ
وكمان بيباركو لابائهم على النهائيه
وللاسف انا اصغر واحد سنا فى المدرسه واتحرجت اقول عيب وحرام وغلط لمن هم فى سن ابائى الكرام
انا لله وانا اليه راجعون
ووجدت نفسى دون ان ادرى انظم عمليه الغش ولا حول ولا قوه الا بالله العلى العظيم
وكمان منفعش وجدت القلم الازرق شغال فى التصحيح
اذن مجهود السنه كلها راح فى الشارع

لا نملك الا ان نقول حسبنا الله ونعم الوكيل
ضاع الحياء ضاع الحياء ضاع الحيااااااااااااء
ضاع الحياء ضاع الحياء ضاع الحيااااااااااااء
ضاع الحياء ضاع الحياء ضاع الحيااااااااااااء
ضاع الحياء ضاع الحياء ضاع الحيااااااااااااء

مبسوط يا عبد الله حضرتك قوى

يااستاذة منار لما تقراي حاجة زي دي اسالي الله العفو والعافية اولا واخيرا ثانيا انا معاكي ان المدرس واسلوبه عليه عامل كبير في النهوض باخلاق وسلوك التلاميذ ولكن لاعلاقة بين الغش وقلة ادب التلاميذ واساليني انا الموضوع ان دول عيال اهاليهم بيودوهم المدرسة روتين فهي بالنسبة له مكان يقضي فيه وقت مش عايز التزامات وواجبات وكلام فاضي فهو كطفل لم يتربى على تحمل المسئولية بالاضافة لغياب الاباء غياب حسي ومعنوي يعني لااهتمام ولا اخدت ايه النهاردة ولا بيلقو نظرة عابرة في شنطته حتى لا فيه عيب ولا حرام ولا اي قيم لان الاهالي دول اصلا منعدمي التربية بمعنى الكلمة المهم تلميذ كهذا لاب كذلك ابسط حاجة تناسب بيئته انه يفك عن القهر اللي حاسس بيه تجاه المدرس انه يتلفظ بلفظ خارج لكن ده لا يعفي كثير من المدرسين من المسؤلية

الهم الاول لاغلب المدرسين انهم يجبروا الطلبه على انهم يروحوا عندهم درس هو دا المهم وفيه اللى بيقول اننا نشرح ونشتغل على قد الفلوس اللى بناخدها للاسف الناس دول اقل رد عليهم هو رد بيقول انت قبلت تشتغل الشغلانه دى وبالمرتب دا يبقى فى المقابل المفترض انك تراعى ضميرك فى شغلك اما تسيب الشغل لحد تانى لان العقد شريعه المتعاقدين طبعا دا جزء بسيط جدا من الواقع الفعلى اللى بيحصل وبصراحه المسؤل عن عدم احترام الطلبه لينا هو احنا فى المقام الاول بافعالنا وافعال غيرنا سواء قبلنا او بعدنا يمكن فيه اسباب تانيه بس الاساس هو احناااااااااااااا بتصرفاتنا وافعالنا


لخصتي السبب بارك الله فيكي
ليراجع كلا منا نفسه
كلكم راع ومسئول عن رعيته

والله الوضع الآن مخزي محزن وهو نتاج لخبطة في كل شيئ نسأل الله الصلاح والهدى آمين

!!!!!!!!!!!!!!!!!!!!!!!!!!!!!!!!!!!!!!!!!!!! لاتعليق

الحمد لله

الريف الريف الريف

لو لم أكن ريفيًا لوددت أن أكون ريفيًا
استحالة يحصل دا عندنا فى الريف

ممكن يكون عندكم حق في كل اللي قلتوه وانا نفسي قبل ماشتغل مدرس كنت خايف من كده
بس بعد مااشتغلت بسنه وجيت انقل من المدرسة ماكنتش متوقع ان الطلبة يعملو معايا كده لانهم طلعو بيحبوني اكتر مما كنت اتوقع لانهم عملولي قصيدة شعر دا غير ان الطلبة كلهم كانو بيبكو طول اليوم اللي انا كنت سايب فيه المدرسةولحد النهاردة وهم بيتصلو بي مع اني ماقعدتش معاهم غير سنه واحدة ومشيت في تاني اسبوع في السنة التانية

الحمد لله


الريف الريف الريف

لو لم أكن ريفيًا لوددت أن أكون ريفيًا
استحالة يحصل دا عندنا فى الريف



كل مكان فيه وفيه

كل مكان فيه وفيه
احسنت عن تجربة مشاكله قليلة بس عويصة

احسنت عن تجربة مشاكله قليلة بس عويصة


انا كنت أعمل بالريف وبعدين انتقلت للمدينة

والله مشكلة الريف زي ماحضرتك قولتي عويصة وعويصة جدا صعب إقناع أطفال الريف بسهولة

انا الحمد لله بدرس للصم وتلمذتى دلوقتى فى سنة رابعة يوم مادخلت المدرسة الادارة ادونى سنة اولى لان الكل بيهرب منهم لانهم مايعرفوش حتى لغة اشارة .الحقيقة تعبت معاهم ترم كامل لغاية لما عرفت اتواصل معاهم ودلوقتى انا اقربلهم من اهاليهم لانى بافهم وباهتم بيهم والصم بهم ميزة انهم يخلصون جدا لمن يساعدهم ومن كثرة اخلاصهم لى يجولى البيت بعد المدرسة علشان لو محتاج حاجة ولو عايز اروح مشوار يبعتلى ابوه بالعربية ودول بقى لا بتوع دروس ولا غيره عايزين فقط الى يفهمهم ويخلصلهم ولكن للاسف الموضوع ده اثار حقد الكثيرين من المرسين المثبتين الى مايعرفوش عن التربية الخاصة الا الحوافز والقعدة على بحجة ان العيال دول مابيفهموش حاجة

انا الحمد لله بدرس للصم وتلمذتى دلوقتى فى سنة رابعة يوم مادخلت المدرسة الادارة ادونى سنة اولى لان الكل بيهرب منهم لانهم مايعرفوش حتى لغة اشارة .الحقيقة تعبت معاهم ترم كامل لغاية لما عرفت اتواصل معاهم ودلوقتى انا اقربلهم من اهاليهم لانى بافهم وباهتم بيهم والصم بهم ميزة انهم يخلصون جدا لمن يساعدهم ومن كثرة اخلاصهم لى يجولى البيت بعد المدرسة علشان لو محتاج حاجة ولو عايز اروح مشوار يبعتلى ابوه بالعربية ودول بقى لا بتوع دروس ولا غيره عايزين فقط الى يفهمهم ويخلصلهم ولكن للاسف الموضوع ده اثار حقد الكثيرين من المرسين المثبتين الى مايعرفوش عن التربية الخاصة الا الحوافز والقعدة على بحجة ان العيال دول مابيفهموش حاجة


بارك الله فيك يارب وثوابك عند الله كبير جداً

واجتهد في عملك ربنا يعينك

هل تعرف ان الجهل طلعنى من المدرسه الفكريه الى التعليم العام مع انى متخصص بحجه انى متعاقدج وحتى الان العيال بيحبونى

ليراجع كلا منا نفسه
كيف والعامل الخارجى هو المسيطر والمتحكم

والله يا جماعه المشكلة ليست التعيين فقط

عرفين المشكله ايه؟ فعلا مش تعيين بس؟
التعيين بمثابة القشه التي قصمت ظهر البعير
بمعنى ان الواحد مننا عايز يتجوز ويستقر ويفتح بيت فتلاقى مشاكل كتير بتواجهك
اصلي العشاء ونكمل باذن الله

تقبل الله ياعم على يا فعال

الحمد لله


الريف الريف الريف

لو لم أكن ريفيًا لوددت أن أكون ريفيًا
استحالة يحصل دا عندنا فى الريف


ده مش بيحصل غير مع المدرسين اللى بيشتغلو فى الريف يعنى مش من نفس البلد وطبعا فى الريف مش مهم التعليم عند الطلبة كفاية خالص عنده دبلوم علشان يسافر على اى بلد عربى يكون نفسه هناك سامحنى بس ده واقع حاصل

ده مش بيحصل غير مع المدرسين اللى بيشتغلو فى الريف يعنى مش من نفس البلد وطبعا فى الريف مش مهم التعليم عند الطلبة كفاية خالص عنده دبلوم علشان يسافر على اى بلد عربى يكون نفسه هناك سامحنى بس ده واقع حاصل لا والله مش بلد عربي دي ايطاليا او زي مابسمع منهم اطاليا الله يسامحهم اقنعوني اني اشتغل في الريف مسؤلياته اقل وفعلا الطلبة علشان على ابيض انت بتاثر فيهم بسرعة بس لما يروح البيت وامه تفكره انه يجدعن علشان ياخد الدبلوم ويسافر اطاليا لابوه تقول عليه العوض وطبعا ده مش حكم بالتعميم في ناس في الارياف جهابذة لكن كل مجتمع فيه وفيه

لا والله مش بلد عربي دي ايطاليا او زي مابسمع منهم اطاليا الله يسامحهم اقنعوني اني اشتغل في الريف مسؤلياته اقل وفعلا الطلبة علشان على ابيض انت بتاثر فيهم بسرعة بس لما يروح البيت وامه تفكره انه يجدعن علشان ياخد الدبلوم ويسافر اطاليا لابوه تقول عليه العوض وطبعا ده مش حكم بالتعميم في ناس في الارياف جهابذة لكن كل مجتمع فيه وفيه





السفر هم يعتقدوا أنه سيحل كل المشاكل


والله يأم رهف مانا مسافر وفي بلد عربي وحاسس أني مقهووووووووووووور

السفر قطعة من العذاب وهيرجع في الآخر بفلوس

ولكن سيظل في أعين الناس معاه دبلوم يعني للأسف اللي محصلشي على شهادة أحسن منه

تغيرت المفاهيم وباظ التعليم

الحمد لله



الريف الريف الريف

لو لم أكن ريفيًا لوددت أن أكون ريفيًا
استحالة يحصل دا عندنا فى الريف



مين اللى قال ان الريف ما بيحصلش فيه كده
دا الريف بيحصل فيه اقوى من كده
انا اخويا مدرس ثانوى فى الريف وولد من تلاميذه عمل معاه حركات مش كويسة قدام الفصل كله
اخويا قاله متجيش بكرة الا مع ولى امرك ....... بس
تانى يوم فوجىء اخى بضابط شرطة والبوكس وخدوه على نقطة الشرطة
كان الولد وابوه موجودين
دخلوا هما الاتنين امام الضابط
نظر الظابط الى التلميذ وقاله ايه اللى حصل يااستاذ من الولد دا قصده على اخى
يعنى الضابط افتكر ان التلميذ هو المدرس
علشان طويل وعريض ولابس نظارة شمس وواقف قدام الضابط منفوخ الصدر
فالضابط افتكره ان هو المدرس
اما المدرس واقف مكسوف وشه فى الارض ومنكسر
لم يتصور فى يوم من الايام ان ولد من تلاميذه يوديه نقطة الشرطة
الولد قال للضابط انا مش المدرس
المدرس قدامك اهو !!!!!!!!
فالتفت الضابط الى اخى واستغرب جدا
وقال للولد : اين ولى أمرك ؟؟
رد بكل عظمة وكبرياء : واقف بره
وقف الضابط وكله غضب وقال هاتولى ابو الواد دا
دخل الاب والعباءة الغالية تزيده وقارا وعظمة
لم يعبأ الضابط بشكله ولا هيئته وقال له باستهزاء : ياخى دا شكل طالب !!!!!
حرام عليك اتقى الله وخد ولدك وربيه كويس
ونظر الى الولد وقال : اخلع النظاره ياد وقف كويس
وانت يااستاذ لما حد يعمل معاك الحركات دى اضربة بالجذمة وتعال وانا اخدلك حقك
اطلعوا بره وخلوا الشويش يعمل محضر صلح
بلاش قلة ادب


وحكابيت كتير قوى عن مشاكل المدرس ما يكفهاش ولا الف سنة علشان تتحل

الله المستعان مصر هيه مصر

المواقف دى الحمد لله مش بتحصل معايا يمكن لان اصلا مدرستى مافيهاش غش وده اتفاق جماعى اصلا مادام بنعمل اللى علينا يبقى مفيش غش وانا شخصيا مجهودى فى الحصة ومش بدى دروس خصوصية لافى المدرسة ولاغيرها ولو حتى حد جه لى البيت عشان اشرح له حاجة تبقى مساعدة منى ولااتقاضى اجر وياسلام بقى لو ولى امر جاى لى مرة انى ضربت ابنه ولاحاجة اقوله بعنطزة كدة الحمد لله مش بدى دروس اصلا عشان استقصده ابنك مهمل او مش مذاكر وان بضربه او ازعق له عشان مصلحته اصل انا فى بلد ريفية يعنى العيال هناك مش بتذاكر غير لما تعمل حساب للمدرس وتحبه وكمان تخاف منه ده غير بقى انى بطلب منهم انهم يعملو حاجة بطبقها على نفسى الاول عشان انا قدوتهم وكمان عشان مبقاش بخدعهم ويحترمونى لانهم بيبقو مركزين معانا اوى فى كل حاجة بنعملها او بنقولها

الحمد لله مستغنية عالاخر اه الفلوس حلوة بس كرامتى اهم عارفة ان الموضوع مختلف مع الاساتذة الرجال بس فيه ناس كتير بتدى دروس خصوصية وعاملة لنفسها برستيج معين لدرجة ان اولياء الامور هما اللى يبقو بيتحايلو عليه عشان يدى ابنهم درس مش يقف له عالواحدة وينقص درجاته ويستقصده عشان الدرس ويفضل عليه اللى بياخد عنده درس وممكن كمان يغششه او يعمله علامة مميزة فى الامتحانات وبعدين يروح له الدرس عن كره وعدم اقتناع ويبقى كمان مستنيه يحترمه طيب ازاى ؟؟؟؟؟؟

عليه العوض من كل فيلم اغنيه
وكل يغنى على ليلاه