السلام عليكم
يا ريت لو حد فعل ايميله يقولي
ويشرحلي عمل ايه بالظبط
لان الصور اللي على المنتدى هنا مش واضحة عندي
ومفهمتش حاجة

وجزاكم الله خيراااااااا

انتى طالبة فى الصف الثالث ام الثانى

لو انتى 2 ثانوى انا هاقولك عملت ايه بالتفصيل وان شاء الله هاتفهمى الشرح..

طبعا انتى معاكى البريد والرقم القومى بتاعك ... صح ؟

هاتيجى بعد كده هاتدخلى على الموقع ده ..

outlook.com

وهاتكتبى فى الخانة الاولى البريد بتاعك اللى هو بالصيغة دى ..

your name.your code*than.moe.edu.eg

وفى الخانة التانية الرقم القومى اللى مكتوب على البطاقة بتاعتك ..

ملحوظة : لو لسة معملتيش بطاقة تقدرى تجيبى الرقم القومى من المدرسة برضه ..

وبعد كده هاتدخلى اول حاجة هاتقابلك تغيير كلمة السر وده لازم لان الوزارة عاملة رقم السر الرقم القومى كشئ مبدئى..!!

المهم ..

هاتكتبى فى الخانة الاولى الرقم القومى اللى هو كلمة السر الحالية ..

وفى الخانة اللى بعدها هاتكتبى كلمة سر جديدة وطبعا لازم تكون سهلة الحفظ ليكى علشان لو نسيتيها هايبقى فى مشاكل ..

والخانة الاخيرة هاتكتبى كلمة السر الجديدة مرة تانية للتاكيد ..

تحت بقى فى مرربع متحطيش علامة صح عليه اوكى ..

وبعد كده دوسى موافق ..

هاتفتح صفحة تقليدية فيها زر واحد دوسى عليه اللى هو الدخول الى windows live

هاتفتح الصفحة الاولى خالص صفحة البداية بتاعت outlook.com

هاتدوسى على دخول وهاتكتبى كلمة السر اللى انتى عملتيها جديد ..

استنى شوية هاتفتح معاكى صفحة فيها اول حاجة بتختارى اللغة اختارى العربية المصرية ..

وبعد كده تختارى الوقت بتاع المدينة اللى انتى فيها وطبعا بالنسبة لمصر هاتختارى +2:00 cairo

وبعد كده دوسى موافق وبكده يبقى انتى خلصتى تفعيل الايميل انتظرى مدة يومين او 3 لغاية مايبعتوا كلمات سر الاستمارات للايملات..

وابقى ادخلى عليه باستمرار علشان تشوفى بعتوا كلمة السر ولا لا .

معلش مقدرتش اجيب صور ..

وارجو انى اكون وفقت فى الشرح ..

شكرا جزاك الله خيرا

شكررررررررررررررررررررراجدا**بس انا مااخدتش كلمة السربتاعت الايميل والاستمارة

يبقى تروحى المدرسه تخديهم

لو سمحتم بليييييييييييييييييييييييييييييييييز ضرورى فى مستقبل بيضيع انا عملت كل اللى انتو قولتوه و لما جيت افتح الايميل بالباسوورد الجديد قالى انا الباسوورد غلط مع العلم انى لما كتبت الباسوورد كتبته على طول تانى على فايل وورد يعنى ما نسيتوش و لا حاجة و انا دلوقتى مش عارفة اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الحقونى

ارجع اكتب الرقم القومى ككلمة سر علشان حصل تعديل من تانى للايميلات!

لو مطلعش صح برضه حاول تانى لكن ركز كويس ..!!

اوكى ..