السلام عليكم
ازيكم يا شباب..عاملين ايه
كل سنة وانتم طيبيبن

انا نور
فى اولى صيدلة القاهرة:(

وللاسف ضايعة ضايعة ضايعة فى math ومش عارفة هعمل فيه ايه
وبحضر كل المحاضرات بس مش بفهم حاجة من الدكاترة بتوع المادة دى بذات :(


ياريت يعنى بعد اذنكم لو اى حد فى صيدلة القاهرة او اى صيدلة يرد عليا يقولى انيل ايه فى المادة دى:)

سورى ان كنت ضايقتكم بس اذا انتم مش كنتم هتساعدونى مين هيساعدنى :):(

بتوه الصيدلة كتيييييير زى الرز هنا فى المننتدى بس شكلهم بطلوا يدخلوا !!!

:d
ازيك يا نور
انا درست السنه اللى فاتت كورس الماث ده
بصى هوا لازم يتفهم
يعنى مش مهم تذاكريه
لكن لازم تفهميه
انا كنت بفهم من الدكتور و الحمد لله
و جبت فيه 100/100
لكن لو مش فاهمه يبقى لازم تاخدى فيه كورس
لانه هتيجى فى الاخر تذاكرى
مش هتلاقى نفسك فاهمه حاجه
و مش هتعرفى تذاكريه و انتى مش فاهماه
لكن لو فهمتيه هتذاكريه اخره يوم و نص
و كمان لسه مدخلتيش ع الابليكيشنز
محتاجه فهم اكتر و اكتر
فنصسحه لو مش فاهمه من المحاضره
ولا لاقيه حد يفهمه
خدى فيه كورس و ريحى نفسك
هوا ده الحل الوحيد
و شكرا:d

ميرسى اوى يا ايمن على اهتمامك وردك
وشكلها فعلا مش هينفع معاها غير الكورس
لانى مش فاهمة حاجة وبالتالى مش عارفة اذاكرها خالص
بس معلش هرخم عليك شوية
ممكن تقولى اخد الكورس ده مع مين
انا سمعت عن كذا دكتور زى ايهاب على ووائل وناس كتير
ممكن تقولى مين احسن واحد؟؟؟
ميرسى اوى

اصل انا مش فى القاهره يا نور
بس زمايلى اللى فى القاهره
كانو بياخدو مع وائل
و كانو بيقولو عليه شرحه كويس
و كان عاجبهم
بس انتى اسألى برده و اتاكدى
و على العموم لو عايزه حاجه
موجود ان شاء الله:d

انا كمان في صيدله زيك بس صيدله حلوان في سنه اولى .. تعرفي بالعكس انا شايفه الماث لذيذ جدا ..
هو اكتر اعتماده ع الثانويه العامه وانا عن نفسي كنت خدته في الثانويه العامه في الامارات ..
بس انتي طالما مش فاهمة خدي كورس علشان تعرفي تسيطري ع الوضع ..

انا كمان في صيدلة بس اكلينيكل فارمسي
مبناخدش الماث ومفيش اصلا عندنا اعدادي
بنبدا علي طول اول سنة صيدلة الي هيا تعتبر عندكوا يا نور سنة اولي بعد اعدادي
والمواد مختلفة تمام
ولكن للاسف مقدرش افيدك
لكن اوعدك اني هسالك صحابي الي في القاهرة بيعملوا اية في الحوار دة وهقولك