طالما احنا جاهزين ليه ميبقاش الاعتصام يوم الخميس الجاى انا شايف حوالى 80 واحد كتب اسمه ممكن لحد بكره ان شاء الله يوصل العدد 200 وكل واحد يعرف 3 او 4 من المعاه نقدر نوصل 800 والعملية فى عز سخونتها بعد احداث رجالة تونس وموظفين ديوان الوزارة نقدر نعمل حاجة لكن بعد 14 يوم هنكسل زى كل مرة والله ان شاء الله انا هروح حتى لو لوحدى احنا مش اقل من رجالة تونس الى شالوا رئيس احنا نقدر نشيل المتعجرف احمد ذكى بدر ونجبره خاصة ان واخد ضربات ورى بعض وشكله بقى ضعيف قدام الرأى العام نتفق ويبقى كلنا نتجمع الساعة 11 صباحا والله وانا اولكم وزى ماتيجى وربنا معانا

ياريت فعلا
بس دى عاوزة الناس تتفاعل بسرعه عشان كده مافيش وقت

انا معاك ياأستاذ احمد احنا قدمنا 3 ايام فى 80 واحد عند استعدا يروح وده من اول يوم اعتقد انخلال 3 ايام العدد ممكن يكون مع بعض التجميع من 700 الى 800 وده هيبقى بداية الشرارة ان شاء الله انا بقول كده واحنا فى عز حمسنا قبل ما نكسل وبعض الاخوة المتواكلين وليس التوكلين يحبطونا

وانا معاكم فى الراى ده يارجالة المهم التنفيذ بسرعة

يا جماعة احنا اتفقنا على يوم 31/1/2011
الامن هناك محاصر المكان ومش هنقدر نعمل حاجة دلوقت

هههههههه حتى منتش عارفين تستقروا على ميعاد واحد

عموما
فى اليوم السابع الخبر دا

أحاطت 12 سيارة أمن مصفحة ديوان وزارة التربية والتعليم بوسط القاهرة تحسباً لتجدد مظاهرات موظفى قطاع الكتب بالوزارة ضد الدكتور أحمد زكى بدر، كما فرض الأمن "كردوناً" أمام بوابة مبنى القطاع، فى الوقت نفسه أكد شهود عيان أن السيارات المصفحة تواجدت أمام الهيئة العامة للأبنية التعليمية بمدينة نصر وقطاع الكتب "فرع فيصل" لمنع الموظفين من التوجه إلى "التعليم" للتظاهر.

وأغلقت مديرية أمن القاهرة الشارع الذى تطل عليه البوابة الرئيسية لوزارة التربية والتعليم بداية من تقاطعه مع شارع إسماعيل أباظة ونهاية بشارع صفية زغلول مع منع السيارات من المرور فى هذه المنطقة، وسط تواجد مكثف للقيادات الأمنية، وقال مصدر أمنى إن عدد جنود الأمن المركزى المتواجدين داخل السيارات المحيطة بالوزارة وصل إلى 150 جنديا.

فيما لم يقم موظفو قطاع شئون الكتب اليوم الاثنين بالتظاهر داخل ديوان الوزارة، غير أنهم أبدوا عدم رضاهم عن نتائج لقائهم ليلة أمس الأحد مع "بدر"، مؤكدين أنهم مازالوا مصرين على تنفيذ باقى مطالبهم وعلى رأسها تعهد الوزير بعدم نقل أى موظف منهم "متعاقد أو معين" خارج القطاع مع البت سريعاً فى إعادة قيمة مكافآتهم المالية إلى ما كانت عليه.

وكان المئات من موظفى قطاع الكتب والمطابع قد تظاهروا أمس أمام مكتب الوزير مطالبين بإقالته هو وعادل شكرى مستشاره للتطوير الإدارى اعتراضاً على ما أسموه التعسف ضدهم

http://img248.imageshack.us/img248/3630/50352179677982060612530.jpg (http://www.facebook.com/pages/mlmwn-mtsmwn/179677982060612?ref=sgm)