بسم الله الرحمن الرحيم

انا طالب في الصف الثاني الثانوي وفي مشكلة كبيرة
ان نص شهر واحد عدي وانا مفتحتش الفرنساوي تماما الا اول شهر في بداية 2 ثانوي
ولا خدت فيه درس حتي
انا في بقية المواد الحمد لله بس الفرنساوي هو اللي عقدة بالنسبالي لاني مفتحتهوش اصلا .. انا بدات من دلوقتي اخد درس فيه وعليا دروس كتيرة وحاسس ان الوقت صعب
هل من دلوقتي اذا ذاكرته بجد فيه امل اني اجيب فيه درجة نهائية ؟
وانا داخل في الدرس في مجموعة بعد نص السنة وهما باديين من الاول يعني الدروس اللي في الاول ايه احسن طريقة عشان اقدر المها مع الجديد؟

انت اعقد عزمك وتوكل على الله وخصصله وقت زيادة للمذاكرة وحاول انك ماتحسسش نفسك انك مضغوط وخد راحتك بس لازم يكون هدفك النهائية باذن الله ولو ذاكرت كل يومين درس باذن الله حتخلص قبل اخر السنة وماتخليش الامتحان التجريبي يحسسك بالضغط او فقدان الامل وياريت تدخل فيه درس خصوصي على اساس المدرس يتقدم بيك في المنهج وما تكونش مرتبط بمجموعة او غيره وباذن الله ربنا يسهلك وقوي ارادتك وما تخليش تساؤلك الكتير عن المستقبل يحبطك ما تفكرش كتير فيه انت قرر اللي عايز تعمله وحدد هدفك واعمل على تحقيقه على طول........واحسن الظن بربنا لأن الله عند حسن ظن عبده وافتكر ان الله لا يضيع أجر من احسن عملا......اتمنى اكون افدتك وان شاء الله تجيب النهائية في الفرنساوي وكله وربنا يسهل ليك ولينا....