احمد معطى
18-01-2011, 02:14 AM
انا المعلم المساعد طول الليل عالنت قاعد
ادور على قرار تثبيت واقول يارب يامساعد
واخش على ميت منتدى واقرأ كل الجرايد
واضيع ايامى وعمرى وياريت يعود بالفوايد
على وضعى انا مش راضى وحريق جوه قلبى قايد
اسمع تصريح كل دقيقة من مسئول على كرسى قاعد
باصص للسما عايز يوصلها ويدوس على رقاب الخلايق
انا مليت من الروتين مش عايز غير ابقى سايد
وتبعد عنى عيون الحساد ونظرة جاهل حاقد
يتمنى الموت يجيلى او ابعد عنه حتى دقايق
الرحمة يارب من عندك او التثبيت اللى مباعد
علشان اعمل وارضى ضميرى وانتج وادى واساعد
قالوا عايزين الآى سى دى ال والتربوى فوقه وزايد
ومعاه كمان عشرة اميه وادى اللى ناقص يا حبايب
اوراقى جهزت من سنتين ولسه برضو متعاقد
انام واصحا على حلمين اتثبت فى الجيل الواعد
وادعو دعوة للسامعين يكون عليها العالم شاهد
ان الاله للمظلومين هينتقم يوم م الظالم
M.Ahmed Elsaid
18-01-2011, 02:30 AM
ان الاله للمظلومين هينتقم يوم م الظالم
أوجزت وأنجزت اخى الفاضل
لنا الله
احمدالفطاطرى
18-01-2011, 12:55 PM
انا المعلم المساعد طول الليل عالنت قاعد
ادور على قرار تثبيت واقول يارب يامساعد
واخش على ميت منتدى واقرأ كل الجرايد
واضيع ايامى وعمرى وياريت يعود بالفوايد
على وضعى انا مش راضى وحريق جوه قلبى قايد
اسمع تصريح كل دقيقة من مسئول على كرسى قاعد
باصص للسما عايز يوصلها ويدوس على رقاب الخلايق
انا مليت من الروتين مش عايز غير ابقى سايد
وتبعد عنى عيون الحساد ونظرة جاهل حاقد
يتمنى الموت يجيلى او ابعد عنه حتى دقايق
الرحمة يارب من عندك او التثبيت اللى مباعد
علشان اعمل وارضى ضميرى وانتج وادى واساعد
قالوا عايزين الآى سى دى ال والتربوى فوقه وزايد
ومعاه كمان عشرة اميه وادى اللى ناقص يا حبايب
اوراقى جهزت من سنتين ولسه برضو متعاقد
انام واصحا على حلمين اتثبت فى الجيل الواعد
وادعو دعوة للسامعين يكون عليها العالم شاهد
ان الاله للمظلومين هينتقم يوم م الظالم
اخوانى الاعزا فؤجت اليوم انى متعين فى وزارة التربية والتعليم انا فاكر انى متعين فى الاثار مش دى برده شركة الهرم قصدى شركة التعليم قصدى شركت التنظيم قصدى يواااااااااااااااااااااه بقى انا مين انا ايه الى جبنى هنا انا فين انا مين اناااااااااااااا اه انا اه اه؟
:confused:
رضاالوادي
18-01-2011, 03:57 PM
عاف والله عن الواقع ما خرجت
صعيدية
18-01-2011, 07:10 PM
و الله تمام وربنا يبعتلنا التثبيت من عنده
ابواروى555
18-01-2011, 09:53 PM
دى عبقريه من عبقريات المبدعين واسميها ديوان المعلم المساعد
بصراحه جامده جدااا جداااا
وفيهانوع من التنفيس وواقع انا اتقدم لك بخالص شكرى وامتنانى
الشريف صلاح سرور الحسينى
AHMED TEACH
18-01-2011, 10:55 PM
عشان انت معلم مساعد لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
عشان انت معلم مساعد العذاب بيناديك
بتبدا فى يومك حاجات بترازيك
ده كله هجايص مايدخل ودانى
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
مديرك سايبلك كومه حصص
ده غير حصةفاضية وعمر اتسرق
وفى كام موجة عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى معلم مساعد؟؟؟ جتك القرف
مأخوذة عن أحمد فؤاد نجم