مشاهدة النسخة كاملة : اخر اخبار مسابقة الازهر الشريف
عجلت اليك ربى لترضى 18-01-2011, 05:19 PM الأسبوع القادم: 40 ألف فرصة عمل جديدة بالأزهر
د.واصل: سد العجز في جميع التخصصات بالمعاهد علي مستوي الجمهورية
يعلن الأزهر الشريف خلال الأسبوع القادم عن فتح با...ب التقديم لوظائف خالية بجميع المعاهد الأزهرية علي مستوي الجمهورية.
وصرح الدكتور محمد واصل وكيل الأزهر الشريف أنه تم تفير 40 ألف وظيفة في جميع التخصصات بالمعاهد لسد العجز في أعضاء هيئة التدريس بالمعاهد الأزهرية بالمحافظات.
وكانت مشيخة الأزهر قد أجرت عدة اتصالات ومفاوضات مع د.يوسف بطرس غالي وزير المالية للوصول إلي توفير كادر مالي لهذا العدد المطلوب من الوظائف علي مستوي الجمهورية.
وده من مجلة عقيدتي .. وده اللينك:
http://www.aqidati.net.eg/
مينومينو 18-01-2011, 06:08 PM فرج ربى قريب
الله المستعان
البروفسير اسامة قمبرة 18-01-2011, 06:13 PM شكرا شكراشكرااااااااااااااااااااااااااااااااااااااااااا اااا
منالت 7 18-01-2011, 06:27 PM الله ينور عليكى ياسارة
على الخبر الحلو ده
ويارب يكون لنا نصيب فيها
ويارب يوفق الجميع ويفتح باب الرزق للجميع
ويغير الاحوال للاحسن
انه ولى ذلك والقادر عليه
Observer 18-01-2011, 06:50 PM الرقم كل شوية بيتغير بس لفوق
فى الاول 27 وبعدها 31 ودلوقت 40
ياريت يكون 40 الف فعلاً
عجلت اليك ربى لترضى 18-01-2011, 06:55 PM امييييييين يارب
وان شاء الله يا منالت يكون لينا نصيب فيها
ونصيب لكل اللى عايز يشتغل ياااااااااااارب
وربنا يكرم الكل ان شاء الله
salama201043 18-01-2011, 07:58 PM شاء الله يا منالت يكون لينا نصيب فيها
emy_nour 18-01-2011, 08:08 PM يارب ان شاء الله يكون لينا نصيب فيها
وربنا يوفق الجميع
حسن عسلة 18-01-2011, 08:27 PM [quote=سارة1;3023360]الأسبوع القادم: 40 ألف فرصة عمل جديدة بالأزهر
د.واصل: سد العجز في جميع التخصصات بالمعاهد علي مستوي الجمهورية
يعلن الأزهر الشريف خلال الأسبوع القادم عن فتح با...ب التقديم لوظائف خالية بجميع المعاهد الأزهرية علي مستوي الجمهورية.
وصرح الدكتور محمد واصل وكيل الأزهر الشريف أنه تم تفير 40 ألف وظيفة في جميع التخصصات بالمعاهد لسد العجز في أعضاء هيئة التدريس بالمعاهد الأزهرية بالمحافظات.
وكانت مشيخة الأزهر قد أجرت عدة اتصالات ومفاوضات مع د.يوسف بطرس غالي وزير المالية للوصول إلي توفير كادر مالي لهذا العدد المطلوب من الوظائف علي مستوي الجمهورية.
وده من مجلة عقيدتي .. وده اللينك:
http://www.aqidati.net.eg/
جزاك الله خير وصحة وعافية
supermagicoo 18-01-2011, 08:36 PM الف شكر ليكى على الخبر الجميل
يا ريت لو تكتبى لينا الاوراق المطلوبه بالظبط ولكى جزيل الشكر والتقدير
supermagicoo 18-01-2011, 08:37 PM الف شكر ليكى على الخبر الجميل
يا ريت لو تكتبى لينا الاوراق المطلوبه بالظبط ولكى جزيل الشكر والتقدير
وبتكون أماكن التقديم فين بالظبط
Miss Moony 18-01-2011, 10:21 PM شكرااااااااااااااااا
المشتاقة للنقاب 18-01-2011, 10:50 PM جزاكى الله خيرا ياقمر
وربنا يجعل لك نصيب فيها
ياسارة انتى ومنالت يااااااارب
وكل انسان بيتمنى الشغل
وربنا يوفق الجميع
منالت 7 18-01-2011, 11:07 PM شكرا لكم
سارة
سلامة
المشتاقة للنقاب
وبالمناسبة يارب يبارك فيكم
لانكم ما بتبخلوش بأى خبر يهم الخريجين
وياترى ايه الاوراق المطلوبة
ويارب ما يطلبوش الخدمة العامة المرة دى
لان سنة 2009 بهدلونا وقالوا لازم نعلم 10 اميين
علشان يدولنا شهادة الخدمة العامة
وفى الاخر ما كانش لينا حظ فيها
لانهم كانوا طالبين عدد قليل خالص 5000 على
مستوى الجمهورية
يـــــــــــــــــــــــــــارب
المرة دى كون معانا يارب ووفقنا احنا كلنا يـــــــارب
المشتاقة للنقاب 18-01-2011, 11:23 PM لازم ياحبيبتى الخدمه العامة
دى اهم حاجة
لو انتى خريجة ازهر مش شرط محو الامية
ومسابقة الازهر مش شرط فيها
محو الامية بس لازم الخدمة العامة
حولى تعمليها او حتى تبقى تقدمى
بورقة من الخدمه العامة اسمها
لمن يهمه الامر
وان شاء الله لما الوظيفة تجيلك
مش هتكمل الخدمه العامة
وربنا يوفقك
بس حولى تخلصيها بدرى
قبل المسابقة
وربنا يوفقك الجميع
المصرى 18-01-2011, 11:26 PM اللهم وفق الحميع
المصرى 18-01-2011, 11:28 PM الله وفق الجميع وشكرا على الخبر
منالت 7 18-01-2011, 11:32 PM المشتاقة للنقاب
انا خريجة ازهر ودفعة 2008
وجيدجدا
وبرغم كده طلبوا الخدمة العامة
وقاوا لازم تعلموا 10 اميين
وخدناها بعد عذاب وحطينا الاصل فى ملف التقديم
ياترى هنعمل واحدة جديدة السنة دى والا ايه
المشتاقة للنقاب 18-01-2011, 11:41 PM بدل انتى خريجة ازهر
خلاص مش لازم محو الامية
مش شرط والله
هم بتوع الشئون اللى عوزين
محو الامية
لكن فى مسابقة الازهر
لايهتمو بمحو الامية دى
المهم شهادة الخدمه العامة
وبس.
انا خريجة ازهر 2007 والحمد لله
عملت الخدمة العامة وكانو عوزينى اعمل محو امية
بس رفضت وعملتها فى حضانة الشئون
ولما المسابقة نزلت قدمت والحمد لله
اتعفيت من الخدمة العامة
عجلت اليك ربى لترضى 18-01-2011, 11:59 PM شكرااااااااااااا جزيلااااااااااا لكم جميعا وعلى دعواتكم الجميلة
استاذ حسن وسوبر ماجيكو ومنالت والمشتاقة للجنة ومس مونى والمصرى
وربنا يوفقنا جميعاااااااا ان شاء الله
وبالنسبة للخدمة العامة يا منالت انا عملتها بكل سهولة من اكتر من شهر
مكملتش عشر دقايق ومطلبوش منى محو امية ولا اى حاجة بس انا تعليم عام
مش ازهر وكمان كانوا بيعملوها لأى حد وهو واقف
وبالنسبة للطلبات هما طبعا عايزين
شهادة المؤهل وشهادة الميلاد الكمبيوتر والبطاقة والخدمة العامة للاناث
والخدمة العسكرية للاولاد وبيان بالدرجات موضح فيه نسبة تقدير اخر سنة
وده المفروض يكون معاكم الاصول والصور هما هياخدوا الصور مننا بس لازم
يطلعوا على الاصول
وكمان لزيادة التأكيد نستنى لما تنزل المسابقة ان شاء الله
وربنا يوفقنا جميعا ان شاء الله
وادعولى يا جماعة ياخدوا تخصص لغة فرنسية ان شاء الله
المشتاقة للنقاب 19-01-2011, 12:11 AM ان شاء الله
ربنا يوفقكم جميعا
عجلت اليك ربى لترضى 19-01-2011, 01:43 AM امييييييييييين يارب
ممكن تقوليلى يا مشتاقة للنقاب هما بياخدوا لحد تقدير ايه؟
رضاالوادي 19-01-2011, 12:48 PM تسلمي يا سارة
emy_nour 19-01-2011, 02:08 PM ياجماعة ممكن لو حد عارف يرد عليا
اية شهادة الخدمة العامة الي بيطلبوها مع اوراق التقديم بالنسبة للاناث
ولو حد يعرف بتطلع منين يفيدني
المشتاقة للنقاب 19-01-2011, 03:23 PM امييييييييييين يارب
ممكن تقوليلى يا مشتاقة للنقاب هما بياخدوا لحد تقدير ايه؟
اكيد بيخدو التقديرات العالية اولا
ثم التقديرات اللى بعد كدة
لحد ما يكتفو
انا تقديرى جيد .
وعلى فكرة لما بكون العدد كبير
احيانا بيخدو بالدرجات
ووخدين ناس جيبين مقبول
ربنا معاك ياسارة
ويكون لك نصيب فيها انتى ومنالت
وكل انسان نفسة يشتغل
ربنا يوفق الجميع
المشتاقة للنقاب 19-01-2011, 03:29 PM ياجماعة ممكن لو حد عارف يرد عليا
اية شهادة الخدمة العامة الي بيطلبوها مع اوراق التقديم بالنسبة للاناث
ولو حد يعرف بتطلع منين يفيدني
الخدمه العامة دى للبنات
زى ما الجيش للاولاد
لما بتخلصى كلية بتاعتك
وتخدى الشهادة المؤقتة..
بتروحى مكتب الشئون الاجتماعية
التباع لبلدك وتقولى عوزة اقدم فى الخدمه العامة
وتقدمى ورقك هناك وتحددى عوزة تعمليها فى اية ..
وهم هيقولولك على اللى بعد كدة
وتعمل اية ؟؟وتحضرى الاجتماعات بتعتهم
كل شهر ...
والخدمه العامة مدتها سنة ....
ولما تنزل مسابقة بتروحى تجيبى ورقة اسمها
لمن يهمه الامر
وتقدميها فى المسابقة
وربنا يوفقك الجميع
عجلت اليك ربى لترضى 19-01-2011, 04:12 PM تسلمي يا سارة
ربنا يخليكى يا رضا الوادى
عجلت اليك ربى لترضى 19-01-2011, 04:22 PM اكيد بيخدو التقديرات العالية اولا
ثم التقديرات اللى بعد كدة
لحد ما يكتفو
انا تقديرى جيد .
وعلى فكرة لما بكون العدد كبير
احيانا بيخدو بالدرجات
ووخدين ناس جيبين مقبول
ربنا معاك ياسارة
ويكون لك نصيب فيها انتى ومنالت
وكل انسان نفسة يشتغل
ربنا يوفق الجميع
ربنا يطمنك يارب يا مشتاقة للنقاب
هو انا تقديرى جيد بنسبة 71.8
وتقدير سنة رابعة 72.5
دعواتك معانا
saracat92 19-01-2011, 04:29 PM لى سؤال وارجواالرد انا دفعه 2010 دور سبتمبر هل لاننى دور سبتمبر ممكن يمنعنى من التقديم
مستر الشرقاوى 19-01-2011, 04:43 PM لى سؤال وارجواالرد انا دفعه 2010 دور سبتمبر هل لاننى دور سبتمبر ممكن يمنعنى من التقديم
لو فيه مسابقة من أصلا هيخدوا أولاً بالتقديرات سواء دور سبتمبر أو أكتوبر . المهم تقديرك . إنت تعرف انت لو رايح تخطب هيسئلوك على تقديرك و معاك تربوى و لا لا . مش هيقلوك خريج دور اية
tahataha40 19-01-2011, 04:52 PM انا دور سبتمبر وده منعش انى اتقبلت فى المسابقه بتاعت 2009
المهم الاقدمية بالتقدير والله يوفق الجميع ان شاء الله وتتقبلو كلكم باذن الله
saracat92 19-01-2011, 04:56 PM شكرا لكم على الرد وانا الحمد لله تقديرى جيد وتربوى
saracat92 19-01-2011, 05:08 PM طيب ممكن سؤال تانى
هل فى معاد معين لعمل الخدمة العامة لدور سبتمبر اصلى رحت سالت قالولى فى شهر 2؟؟؟؟؟؟؟؟
mamoon2000 19-01-2011, 08:12 PM يارب يكرم الكل فى هذه المسابقه
عجلت اليك ربى لترضى 20-01-2011, 12:47 AM اميييييييييييييييييييين ياااااااااااااااااااااااااارب
ياريت يا جماعة لو حد يعرف اذا كانوا بيطلبوا اللغة الفرنسية ولا لأ يقولى
وبارك الله فيكم
المشتاقة للنقاب 20-01-2011, 04:02 PM ان شاء الله هيطلبو ياسارة
ربنا يوفقكم جميعا
عجلت اليك ربى لترضى 20-01-2011, 06:27 PM ربنا يبارك فيكى يا مشتاقة للنقاب
وشكراااااااا على ردك
|