مشاهدة النسخة كاملة : شوفوا الشاب بيوقع البنت المحترمة ازاى
جمانة2 19-01-2011, 01:56 AM هى قاعدة عالاميل فجاة لقت ايميل شخص
جديد
هى طبعا قبلت الاضافة عشان تشوف مين
لقت واحد بيقول
انا سمير من القاهرة ممكن نتعرف
على احلى واجمل بنت؟؟؟؟؟؟؟؟؟
البنت
احترم نفسك واتقى الله انت كدة بتاخد ذنوب
وامسح ايميلى من فضلك
سمير
خلاص يا ستى سلام معطر بذكر الله على
احلى خلق الله ممكن نتعرف؟؟؟؟؟؟؟؟
البنت
لا انا مبكلمش شباب
سمير
والله هعاملك زى اختى ونكون اصدقاء باحترام
البنت
مفيش حاجة اسمها صداقة بين ولد وبنت
والاخوة فى الاسلام معناها احترام الاخرين
ومساعدتهم فى الضرورة مش نكلم الشباب
ونقول احنا اخوات على كدة بقى ملبسش
الحجاب ادامهم لاننا اخوات بالطريقة اللى
انت شايفها
سمير
بلاش اخوات ولا اصدقاء نكون حبايب
ههههههههههههه
هههههههههههه
البنت
انت فعلا سافل وقليل الادب
انا مش هرد عليك
انا كنت بقولك نصيحة يمكن تعمل بيها
سلام
سمير
خلاص متزؤيش الحق عليه انى عبرتك
فى داهية
سمير قفل ايميله
وهى لسة قاعدة عالنت وكسلت
تمسح الايميل لانها شافته مشى
وشكله مش هيكملها تانى
طنشت وخلاص
وفى اليوم التانى وشوف بقى ...........
سمير فتح الايميل لقاها اون لاين
ياااااااااه
كويس والله
السلام عليكم اختى
ارجوكى سامحينى على كلامى امبارح انا حتى والله
معرفتش انام طول الليل وعمال افكر واستحقرت
نفسى اوى مش همشى الا ما تسامحينى
ارجوكى قولى سامحتك ضميرى عمال يانبنى
ومش هعرف انام تانى
البنت
ربنا يهديك
سمير
والله انا فعلا اول مرة اشوف بنت محترمة بالشكل
دة والله انتى محترمة جدااااا بجد البنات اللى زيك
مش مو جودين دلوقتى ارجوك ساعدينى وخدى
بايدى لانى محتاج حد يساعدنى هو الصراحة معذور
مش هيلاقى مشايخ الا فى وجود سحر ومش هيخشع
الا معاها برده
سحر
انا هساعدك بس اوعدنى تكون محترم ومش هنكلم
الا فى الدين
سمير
طبعا ودى محتاجة كلام
سحر
انا بسمع شيخ دلوقتى هبعتلك اللينك بتاعه
سمير
اوك
بعد مرور نص ساعة
سحر
ها ايه رايك؟؟ يارب تكون استفدت
سمير
هقولك ايه بس انا والله بعيط
وهو فعلا بيعيط بس عشان الاغنية
اللى شغلها بدل الشيخ
سحر
طيب الحمد لله ربنا يزيدك ايمان
معلش بقى مضطرة استاذنك ورايا درس
سمير
اتفضلى ربنا يوفقك
انا كمان هقفل الميل هروح اكلم والدتى
محمود صاحب سمير كان بينادى عليه
سمير
ادخل يا عم الحاج مستنى عزومة
محمود
ايه دة انت كنت بتكلم مين دى بنت جديدة؟
سمير
ايوة بنت جديدة
كان محمود طبعا قاعد بيقرا الكلام واستغرب
طبعا صاحبه بيكلم باحترام مع البنت
وكمان بيقولها انه سمع الشيخ
وعيط
محمود ضحك اوى وقاله
محمود
بقينا نسمع مشايخ اهو كنا فى جرة وطلعنا لبرة
ههههههههههه
سمير
كنت بضحك عيها يا عبيط هو انا بعرف اصلى عشان
اسمع مشايخ ههههههههه
دة انا اخر جمعة صلتها كانت يوم التلات اللى فات
ههههههههههه
محمود
حرام عليك دة باين عليها بنت مؤدبة
اضحك على وحدة غيرها
سمير
يا حمار هما دول اللى بينفعوا ممروش بتجارب
قبل كدة انا بحب القطط المغمضة
محمود
وانا مالى انت حر يلا بقى نروح نلعب كورة
دى بقى مجرد بداية وما خفى
كان اعظم
ودلوقتى الشباب بيتتفننوا انهم
يوقعوا اى بنت
البنت الكاجوال
ازيك يا قمر .............
البنت المؤدبة انتى اكتر انسانه محترمة
شفتها فى حياتى..............
ممكن المحترمة تقع فى الخطا
لانها بتفتكر ان اللى بتعمله بيكون
صح ودة بيكون سذاجة منها
يعنى مثلا تكلم شاب من اجل
الدعوة الى الله وتفتح باب شبهة
وتعتقد ان هذا من الدين
وربما تدرك فى النهايه انها وقعت
فى الخطا ولكن للاسف لاتستطيع
الابتعاد عنه
وقد قال الله تعالى
ولا تتبعوا خطوات الشيطان
ولم يقل ولا تتبعوا الشيطان
والجبال تكونت من الحصى
فلا تنظر الى صغر المعصية
وانظر الى عظم من عصيت
هدانا الله جميعا الى صراطه المستقيم
http://www.youtube.com/watch?v=-4SgMSIalzc
رابط انشودة رائعة
enason 19-01-2011, 02:13 AM بارك الله فيكي وفي جهودك وحمى بناتنا وأولادنا
medo khalid 19-01-2011, 03:25 AM دا فعلا بيحصل كتير
حتي دلوقتي ممكن الاقي واحد عامل نفسة بنت
عشان يوصل للبنت اللي مش ترضي تكلمة
جزاك الله خير
وجدان حنفي 19-01-2011, 05:31 AM فعلا بيصحل كدة وادام عيني اقسم بالله وحاولت انصح اكتر من مرة
بس دة ميمنعش اني اخترت شريكة حياتي من النت بس والله عمري ما كنت بتكلم بالطريقة دي
لان دي ازدواجية في الشخصية بغض النظر عن الواقعة نفسها سواء مع بنت او ولد
يعني انا مبتفرقش معايا الولد دة كان بيضحك ع بنت اسمها سحر ولا ع ولد اسمه فلان او علان
كل اللي همني في القصة هو مرض الازدواجية في الشخصية
المرض اللي بينتشر زي الكانسر في مجتمعنا الا من رحم ربي
اللهم نجنا منها يا رب العالمين
أستاذ/شفيق الأخضر 19-01-2011, 11:20 AM بارك الله فيك
ونرجو تثبيت الموضوع لأنه فعلا مهم جدا
هدى الله بناتنا وشبابنا لما فيه الخير
Specialist hossam 19-01-2011, 11:53 AM والجبال تكونت من الحصى
فلا تنظر الى صغر المعصية
وانظر الى عظم من عصيت
جزاكم الله خيرا
ياليتنا نضع هذا نصب اعيننا
عَنْ سَهْلِ بْنِ سَعْدٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِيَّاكُمْ وَمُحَقَّرَاتِ الذُّنُوبِ كَقَوْمٍ نَزَلُوا فِي بَطْنِ وَادٍ فَجَاءَ ذَا بِعُودٍ وَجَاءَ ذَا بِعُودٍ حَتَّى أَنْضَجُوا خُبْزَتَهُمْ وَإِنَّ مُحَقَّرَاتِ الذُّنُوبِ مَتَى يُؤْخَذْ بِهَا صَاحِبُهَا تُهْلِكْهُ".
Mr. Ali 1 19-01-2011, 12:11 PM عجيب أمر النساء !!
حينما تصفهن بنقص العقل والسذاجة , يثرن ويدعين بأنهن لديهن عقل راجح ولا ينخدعن بسهولة !!
ولكن عند وقوعهن في المشاكل والازمات , نجد دائماً عبارة ( تم التغرير بالفتاة من قبل ذئب بشري ) !!
في الكوارث الفتاة دائماً ضحية , والشاب هو الذئب البشري الفاقد للضمير والاخلاق !!
في هذا العصر الذي نحيا فيه لم يعد هناك فتاة ساذجة في مثل هذه الأمور !!
سيذكرنى التاريخ يوما ما 19-01-2011, 12:21 PM الف شكر ليكى بجد
عاشق البلانكو الابيض 19-01-2011, 12:37 PM شكرااااا
موضوع جميل وقيم
أ/رضا عطيه 19-01-2011, 01:19 PM موضوع هام للتوعية
ومن تجارب الأخرين تتكون سبل النجاه للغير
نتضامن مع الأستاذ الكريم / شفيق
فى الرجاء بتثبيت الموضوع
صوت العقل 19-01-2011, 01:24 PM بارك الله فيك وفعلا ده الواقع اللى بيحصل
وده من مساوئ النت وغيره..............
لكن هناك البقية التى ترفض الرد او فتح
الايميل من الاصل اذا كان غير معروف
وهناك من الشباب من يتقى الله ولا
يقلل من نفسه بمثل هذه الامور
جزاك الله خيرااااااااااااااااااااااااااا
موضوع رائع تقبلى تحياتى
Dr. Hoda Ahmed 19-01-2011, 01:31 PM موضوع جميل والله يا جمانه
فى ناس كتير انعدمت من عندها الاخلاق حتى المحترمة مش يسبينها فى حالها
بس ربنا مش بيضيع حد بيرضيه ابدا وبيحفظه وبيحفظ كل من يخشى عقابه ويرجو رضاه
وزى ما شوفنا ى موضوع ام عمار (عجبنى فيكى لون عنيكى )
ازاى البنت المنتقبة الشاب الفاسد ما قدرش يأذيها بالرغم من الخطط دى
وحتى لما قالها انا هبقى كويس ردت ع اخوها وتركت له الامر فده افضل شئ لانها ما رضيتش تغضب ربنا
وهى دى البنات الجدعة بجد
فى حدود فى الدعوة والنصح اكيد (بس اللى بيدعى لللحق المفروض يكون عارف امتى يقف عند حد معين والا مش يبقى بيدعى للدين بقى وما يسمحش اكيد لنفسه بارتكاب ذنب مهما صغر او كبر )
ربنا يهدينا ويحمينا يا رب
نقاء الروح 19-01-2011, 01:33 PM فعلا دا ال بيحصل ..
ربنا يحمينا ويحفظنا يارب ..
ومن الافضل اننا مش نضيف اي حد
احنا مش نعرفه شخصيا
ولو حصل وعرفنا انه كدا علطول بلوك وديليت ..
جزاك الله خيرا عالموضوع المهم ..
مسلمة متفائلة 19-01-2011, 01:37 PM بـآركـ الله فـيـكـِ أختى
و حـفظنا الله و سآئر بنات المسلمين
merozero 19-01-2011, 01:42 PM موضوع اكثر من رائع
Mr. Ali 1 19-01-2011, 01:43 PM هى قاعدة عالاميل فجاة لقت ايميل شخص
جديد
هى طبعا قبلت الاضافة عشان تشوف مين
يا سلام
تقبل اضافة واحد وهي لا تعرفه من أجل أن تعرف من هو !!
والأغرب أن يتم وصف هذه الفتاة بأنها محترمة !!!!!!
بالطريقة دي بنثبت مفاهيم غلط لدي الفتيات عن مفهوم الاحترام !!
نقاء الروح 19-01-2011, 01:49 PM يا سلام
تقبل اضافة واحد وهي لا تعرفه من أجل أن تعرف من هو !!
والأغرب أن يتم وصف هذه الفتاة بأنها محترمة !!!!!!
بالطريقة دي بنثبت مفاهيم غلط لدي الفتيات عن مفهوم الاحترام !!
حضرتك عادي ممكن تحصل ..
احيانا بتكون الايميلات غير واضحة
سواء كانت بنت او ولد
فبتم الاضافة وبعد كدا ممكن لو طلع مش نعرفه
ربنا يخلي البلوك وديليت :d ..
يعني حضرتك دا مش مقياس احترام او لاء ..
دراسات2011 19-01-2011, 01:54 PM يارب ارحمنا واحفظنا يارحمن يارحيم
Mr. Ali 1 19-01-2011, 02:00 PM حضرتك عادي ممكن تحصل ..
احيانا بتكون الايميلات غير واضحة
سواء كانت بنت او ولد
فبتم الاضافة وبعد كدا ممكن لو طلع مش نعرفه
ربنا يخلي البلوك وديليت :d ..
يعني حضرتك دا مش مقياس احترام او لاء ..
لا متحصلش من واحدة محترمة انها تضيف ايميل عندها سواء كان الاسم لواحد او لواحدة طالما هي مش عارفة ايميل مين دا !!
جايز مش مقياس للاحترام من وجهة نظرك انتي , لكن من وجهة نظري أنا هو مقياس للاحترام ( أقل ما يقال عن هذه الفتاة أنها مستهترة )
جمانة2 19-01-2011, 02:05 PM عجيب أمر النساء !!
حينما تصفهن بنقص العقل والسذاجة , يثرن ويدعين بأنهن لديهن عقل راجح ولا ينخدعن بسهولة !!
ولكن عند وقوعهن في المشاكل والازمات , نجد دائماً عبارة ( تم التغرير بالفتاة من قبل ذئب بشري ) !!
في الكوارث الفتاة دائماً ضحية , والشاب هو الذئب البشري الفاقد للضمير والاخلاق !!
في هذا العصر الذي نحيا فيه لم يعد هناك فتاة ساذجة في مثل هذه الأمور !!
والله يا اخى
البنت لما شاب يضحك
عليها بيكون بسبب نقص فى دينها
مش فى عقلها لانها بتعصى اوامر ربنا
وتكلمه وهو اجنبى عنها
ويظهر ان حضرتك برده لسة معرفتش
لحد دلوقتى
التفسير السليم لنقصان عقل
المراة ونقصان دينها والبنات عموما
بيضحك عليهم اكتر لانهم عاطفيين
اكتر من عقلانين
نقاء الروح 19-01-2011, 02:06 PM لا متحصلش من واحدة محترمة انها تضيف ايميل عندها سواء كان الاسم لواحد او لواحدة طالما هي مش عارفة ايميل مين دا !!
جايز مش مقياس للاحترام من وجهة نظرك انتي , لكن من وجهة نظري أنا هو مقياس للاحترام ( أقل ما يقال عن هذه الفتاة أنها مستهترة )
وجهة نظر تُحترم ..
بس حضرتك مش ملاحظ انك جاي علينا حبتين ! :(
معظم ردود حضرتك ضدنا..
عالعموم مش عاوزة اخرج عن الموضوع ..
شكرا جزيلا لحضرتك .. :)
جمانة2 19-01-2011, 02:08 PM جزاكم الله خيرا
اسعدنى مروركم
جمانة2 19-01-2011, 02:23 PM يا سلام
تقبل اضافة واحد وهي لا تعرفه من أجل أن تعرف من هو !!
والأغرب أن يتم وصف هذه الفتاة بأنها محترمة !!!!!!
بالطريقة دي بنثبت مفاهيم غلط لدي الفتيات عن مفهوم الاحترام !!
اكيد اى وحدةة بتعمل ايميل بتديه لكل اصحابها
وولما بيضيفوا نفسهم مبتبقاش
عارفة هما اللى داخلين ايميلها ولا لا
وبعدين لازم اقول انها محترمة
لانها مبتكلمش شباب وكلمته فى الدين
ودة من وجهة نظرها شىء كويس لانها بتدعوا
الى الله
وفعلا والله شفت بنات محترمين جدا
فاكرين ان الدعوة الى الله بالطريقة دى حلاال
ودة غلط ولاحظ ان انا قلت عليها محترمة
لانها اعتقدت ان دة حلاال فعشان كدة عملته
يعنى حضرتك متنظرش للامر بسطحية اوى
كدة لان موضوع الايميلات والفكر واختلاف
الاراء يجعلنا نتفاوت فى الاراء ان كانت هذه
محترمة ام لا
وكان لازم العنوان بتاعى يكون بالشكل
دة لان البنات انواعها كتير ومش معنى
ان بنت ردت على واحد كى تدعوه فى الدين
ان نجردها من الخلق لانها ترد على الايميلات
الجديدة
يعنى مش عشان عملت كدة نحطها فى كفة مع
سيئات الخلق
الاخلاق متفاوتة
فهناك فتاه على خلق بنسبة مائة فى المائة
وبنات بنسبة تسعين
وهكذا
فلا يحق لنا ابدا ان نضع البنت اللى بتكلمش شباب
بس ردت على حد وكلمته فى الدين
زى البينت اللى عايشة تكلم شباب بقلة ادب وسفالة
ليل نهار
Mr. Ali 1 19-01-2011, 02:23 PM وجهة نظر تُحترم ..
بس حضرتك مش ملاحظ انك جاي علينا حبتين ! :(
معظم ردود حضرتك ضدنا..
عالعموم مش عاوزة اخرج عن الموضوع ..
شكرا جزيلا لحضرتك .. :)
لا والله لا أتعمد أن أكون ضد المرأة ولا أنكر دورها وأهميتها في الحياة كلها .
ولكني لاحظت كيف بدأ الموضوع وربما لم يلاحظ بقية الاعضاء ما لاحظته أنا , لذا أردت أن ألفت الانظار إليه حتي لا تقتنع بعض الفتيات بأنها حينما تضيف ايميل لا تعرف صاحبه بأنها فتاة محترمة ثم تتحدث معه أيضاً وهي لا تعرفه , بل وتسترسل في الحديث وأكثر من مرة , وبعد كل هذا نصفها بأنها محترمة !!!
أنا عندي المرأة درة مكنونة يجب الحفاظ عليها حتي وان كان رغماً عنها .
جمانة2 19-01-2011, 02:28 PM لا والله لا أتعمد أن أكون ضد المرأة ولا أنكر دورها وأهميتها في الحياة كلها .
ولكني لاحظت كيف بدأ الموضوع وربما لم يلاحظ بقية الاعضاء ما لاحظته أنا , لذا أردت أن ألفت الانظار إليه حتي لا تقتنع بعض الفتيات بأنها حينما تضيف ايميل لا تعرف صاحبه بأنها فتاة محترمة ثم تتحدث معه أيضاً وهي لا تعرفه , بل وتسترسل في الحديث وأكثر من مرة , وبعد كل هذا نصفها بأنها محترمة !!!
أنا عندي المرأة درة مكنونة يجب الحفاظ عليها حتي وان كان رغماً عنها .
راى حضرتك سليم
لكن انا اكون ضد تجريدها
من الخلق
Just User 19-01-2011, 02:30 PM يا سلام
تقبل اضافة واحد وهي لا تعرفه من أجل أن تعرف من هو !!
والأغرب أن يتم وصف هذه الفتاة بأنها محترمة !!!!!!
بالطريقة دي بنثبت مفاهيم غلط لدي الفتيات عن مفهوم الاحترام !!
لا متحصلش من واحدة محترمة انها تضيف ايميل عندها سواء كان الاسم لواحد او لواحدة طالما هي مش عارفة ايميل مين دا !!
جايز مش مقياس للاحترام من وجهة نظرك انتي , لكن من وجهة نظري أنا هو مقياس للاحترام ( أقل ما يقال عن هذه الفتاة أنها مستهترة )
معلش بعد أذن حضرتك ....
طيب لـــو حضرتــك جالك طلب أضـــافة من أيميـــل ما تعرفهوش ... هاتعمـــل ايه (( بكــل صراحة )) ؟؟؟
و ياتري لـــو وافقت عليه علشان تعرف مين ده .. تبقى انت (( مستهـــــتر )) و غيـــــر ---- ؟؟
ياريـــت بس أعرف أجابتك .. بس بلاش الرد التقليــدي اللى هو (( انا راجل أختلف عنها .. لكن هي بنت )) ^_^
نقاء الروح 19-01-2011, 02:31 PM لا والله لا أتعمد أن أكون ضد المرأة ولا أنكر دورها وأهميتها في الحياة كلها .
ولكني لاحظت كيف بدأ الموضوع وربما لم يلاحظ بقية الاعضاء ما لاحظته أنا , لذا أردت أن ألفت الانظار إليه حتي لا تقتنع بعض الفتيات بأنها حينما تضيف ايميل لا تعرف صاحبه بأنها فتاة محترمة ثم تتحدث معه أيضاً وهي لا تعرفه , بل وتسترسل في الحديث وأكثر من مرة , وبعد كل هذا نصفها بأنها محترمة !!!
أنا عندي المرأة درة مكنونة يجب الحفاظ عليها حتي وان كان رغماً عنها .
انا مع حضرتك تماما ..
بس ما زاد عن حده ينقلب ضده ..
فطبيعتنا لا تأتي بالارغام .. ^_^
واختي جمانة جزاها الله خيرا وضحت نقطة محترمة دي ..
Mr. Ali 1 19-01-2011, 02:41 PM راى حضرتك سليم
لكن انا اكون ضد تجريدها
من الخلق
وأنا لم أجردها من الخلق , وانما أبديت اعتراضي فقط علي اطلاق لفظ محترمة عليها.
Mr. Ali 1 19-01-2011, 02:44 PM معلش بعد أذن حضرتك ....
طيب لـــو حضرتــك جالك طلب أضـــافة من أيميـــل ما تعرفهوش ... هاتعمـــل ايه (( بكــل صراحة )) ؟؟؟
و ياتري لـــو وافقت عليه علشان تعرف مين ده .. تبقى انت (( مستهـــــتر )) و غيـــــر ---- ؟؟
ياريـــت بس أعرف أجابتك .. بس بلاش الرد التقليــدي اللى هو (( انا راجل أختلف عنها .. لكن هي بنت )) ^_^
هي دي مشكلة بعض الفتيات
نعم الرجل يختلف عن المرأة , وفي أمور كهذه يختلف فيها الرجل عن المرأة !!
أما عن نفسي فلا أقبل اضافة أي ايميل دون أن أعرف صاحبه .
Just User 19-01-2011, 02:50 PM هي دي مشكلة بعض الفتيات
نعم الرجل يختلف عن المرأة , وفي أمور كهذه يختلف فيها الرجل عن المرأة !!
أما عن نفسي فلا أقبل اضافة أي ايميل دون أن أعرف صاحبه .
على فكرة انا ولـــد :d
عمومـــا (( الاحترام + عدم الاستهتار )) واحـــد عند الرجل و المرأة .. مش الراجل يعمل كده و يبقى محترم و كل حاجة و البنت لما تعمل نفس السلوك تبقى مش محترمة و مستهترة ...
مش هتكلم كتير علشان و جهة نظري وضحت ووجهة نظر حضرتك وضحت .. و للأعضاء الحكم :)
Mr. Ali 1 19-01-2011, 02:52 PM اكيد اى وحدةة بتعمل ايميل بتديه لكل اصحابها
وولما بيضيفوا نفسهم مبتبقاش
عارفة هما اللى داخلين ايميلها ولا لا
وبعدين لازم اقول انها محترمة
لانها مبتكلمش شباب وكلمته فى الدين
ودة من وجهة نظرها شىء كويس لانها بتدعوا
الى الله
وفعلا والله شفت بنات محترمين جدا
فاكرين ان الدعوة الى الله بالطريقة دى حلاال
ودة غلط ولاحظ ان انا قلت عليها محترمة
لانها اعتقدت ان دة حلاال فعشان كدة عملته
يعنى حضرتك متنظرش للامر بسطحية اوى
كدة لان موضوع الايميلات والفكر واختلاف
الاراء يجعلنا نتفاوت فى الاراء ان كانت هذه
محترمة ام لا
وكان لازم العنوان بتاعى يكون بالشكل
دة لان البنات انواعها كتير ومش معنى
ان بنت ردت على واحد كى تدعوه فى الدين
ان نجردها من الخلق لانها ترد على الايميلات
الجديدة
يعنى مش عشان عملت كدة نحطها فى كفة مع
سيئات الخلق
الاخلاق متفاوتة
فهناك فتاه على خلق بنسبة مائة فى المائة
وبنات بنسبة تسعين
وهكذا
فلا يحق لنا ابدا ان نضع البنت اللى بتكلمش شباب
بس ردت على حد وكلمته فى الدين
زى البينت اللى عايشة تكلم شباب بقلة ادب وسفالة
ليل نهار
أولاً: أنا لم أنظر للأمر بسطحية اوي كده ( وهذا اللفظ في غير محله ولا يجوز ) !!!
ثانياً: لم يطلب الاسلام من الفتيات أن يقمن بدعوة الشباب للدين سواء عن طريق الايميل أو غيره ( بلاش نتوهم أشياء علي أنها من الدين )
ثالثاً: أنا عبرت عن رأيي في هذه الفتاة وهذا من حقي تماماً وطالما أن الأراء متفاوتة في مفهوم كل شخص للاحترام , فمن حقي أن أعبر عما أراه صواباً .
الزعيم اا 19-01-2011, 02:56 PM مشكوووووووووووووووووووووووووووووووووووور
libero 19-01-2011, 03:03 PM حسبي الله ونعم الوكيل .....
Mr. Ali 1 19-01-2011, 03:12 PM على فكرة انا ولـــد :d
عمومـــا (( الاحترام + عدم الاستهتار )) واحـــد عند الرجل و المرأة .. مش الراجل يعمل كده و يبقى محترم و كل حاجة و البنت لما تعمل نفس السلوك تبقى مش محترمة و مستهترة ...
مش هتكلم كتير علشان و جهة نظري وضحت ووجهة نظر حضرتك وضحت .. و للأعضاء الحكم :)
قلت هناك أموراً يختلف فيها الرجل عن المرأة , ولم أقل في كل الأمور !!
يعني مثلاً الرجل يستطيع أن يتأخر خارج البيت لوقت متأخر , فهل تفعل المرأة نفس الأمر ؟!!
بما أنك طلعت ولد , فهل تقبل لأختك أن تقبل اضافة من لا تعرفه وتتحدث معه علي الايميل حتي وان كان في الدين ؟!!!
أتمني الرد بكل صراحة .
احمد محمد 99 19-01-2011, 03:49 PM لا والله لا أتعمد أن أكون ضد المرأة ولا أنكر دورها وأهميتها في الحياة كلها .
ولكني لاحظت كيف بدأ الموضوع وربما لم يلاحظ بقية الاعضاء ما لاحظته أنا , لذا أردت أن ألفت الانظار إليه حتي لا تقتنع بعض الفتيات بأنها حينما تضيف ايميل لا تعرف صاحبه بأنها فتاة محترمة ثم تتحدث معه أيضاً وهي لا تعرفه , بل وتسترسل في الحديث وأكثر من مرة , وبعد كل هذا نصفها بأنها محترمة !!!
أنا عندي المرأة درة مكنونة يجب الحفاظ عليها حتي وان كان رغماً عنها .
فعلا كلام حضرتك مظبوط
بس فى بعض الاوقات الشباب
بتتكلم عى انهم بنات ويوقعوا البنات المحترمة
Mr. Ali 1 19-01-2011, 05:19 PM فعلا كلام حضرتك مظبوط
بس فى بعض الاوقات الشباب
بتتكلم عى انهم بنات ويوقعوا البنات المحترمة
كلامك صح , وفعلاً فيه شباب كتير اوي بيعمل نفسه بنت بغرض ايقاع الفتيات وسهولة الحديث معهن , ولذلك قلت بأن علي الفتاة المحترمة رفض اضافة أي ايميل سواء كان الاسم لشاب أو لفتاة طالما هي لا تعرفه ( هل في كلامي هذا أي خطأ أو سوء فهم ؟!!)
Dr. Hoda Ahmed 19-01-2011, 06:34 PM اكيد اى وحدةة بتعمل ايميل بتديه لكل اصحابها
وولما بيضيفوا نفسهم مبتبقاش
عارفة هما اللى داخلين ايميلها ولا لا
وبعدين لازم اقول انها محترمة
لانها مبتكلمش شباب وكلمته فى الدين
ودة من وجهة نظرها شىء كويس لانها بتدعوا
الى الله
وفعلا والله شفت بنات محترمين جدا
فاكرين ان الدعوة الى الله بالطريقة دى حلاال
ودة غلط ولاحظ ان انا قلت عليها محترمة
لانها اعتقدت ان دة حلاال فعشان كدة عملته
يعنى حضرتك متنظرش للامر بسطحية اوى
كدة لان موضوع الايميلات والفكر واختلاف
الاراء يجعلنا نتفاوت فى الاراء ان كانت هذه
محترمة ام لا
وكان لازم العنوان بتاعى يكون بالشكل
دة لان البنات انواعها كتير ومش معنى
ان بنت ردت على واحد كى تدعوه فى الدين
ان نجردها من الخلق لانها ترد على الايميلات
الجديدة
يعنى مش عشان عملت كدة نحطها فى كفة مع
سيئات الخلق
الاخلاق متفاوتة
فهناك فتاه على خلق بنسبة مائة فى المائة
وبنات بنسبة تسعين
وهكذا
فلا يحق لنا ابدا ان نضع البنت اللى بتكلمش شباب
بس ردت على حد وكلمته فى الدين
زى البينت اللى عايشة تكلم شباب بقلة ادب وسفالة
ليل نهار
كلام حكيم وعاقل
Dr. Hoda Ahmed 19-01-2011, 06:38 PM على فكرة انا ولـــد :d
عمومـــا (( الاحترام + عدم الاستهتار )) واحـــد عند الرجل و المرأة .. مش الراجل يعمل كده و يبقى محترم و كل حاجة و البنت لما تعمل نفس السلوك تبقى مش محترمة و مستهترة ...
مش هتكلم كتير علشان و جهة نظري وضحت ووجهة نظر حضرتك وضحت .. و للأعضاء الحكم :)
زى ما الفتاة مذنبة الولد كمان مذنب مش كل حاجة البنت تعملها تبقى مش محترمة والولد كمان عادى الاحترام لا يتجزأ
H . M 19-01-2011, 06:59 PM بس انا شايفه ان البنت لما تدي الايميل بتاعها لصاحباتها المفروض تعرف ايميلاتهم هما كمان علشان لما يجيلها
اي ايميل غريب تاني متقبلوش (انا شايفه كده) علشان تجنب نفسها من اي حاجه زى كده
وفعلا الشباب اليومين دول بقوا مستهترين اوى وتافهين زياده عن اللزوم ومش بيحطوا في بالهم ان كما تدين
تدان وكل ده هيتحاسبوا عليه (ربنا يهديهم)
علشان كده لازم البنت تاخد بالها كويس ومتديش للشاب المستهتر ده فرصه انه يسمع صوتها اصلا
لأنه ميستاهلش
شكرا طبعا على الموضوع الجمييييييييل والقيم ده
ودي حاجه مش جديده عليكي
جزاكي الله خيرررررا
أسطورة الأحزان 20-01-2011, 12:27 AM فعلا والله ده اللى بيحصل .........
جزاكى الله خير ربنا يحميكى ويحمينا ويهدينا جميعا
ويثبتنا
الـشـيـمـ ء ـا 20-01-2011, 11:43 AM جزاكى الله خيرا ياجمانه
بس الحاجات دى كان زمان شويه انه يقولها انتى اكتر واحدة محترمة والكلام دا
لكن دلوقتى الكلام دا مش بيخلى بنت زى سحر تتخلى عن مبدأها لانه بقى محفوظ
لكن بيقولها هاتى تليفون بابا وهيجلكو البيت قريب ودا بقى اللى بيوقع دلوقتى
بس العنوان بيقول شوفوا الشباب بيوقعو البنات المحترمة ازاى
طب هو كدة وقعها!
عمل ايه هو يعنى اللى مفكر نفسه فتك ووقعها دا
قال سلام عليكم وهى خدت حسنه بالرد على السلام
لكن عمل ايه يعنى!
ربنا يهدينا كلنا
ahmed salama00 20-01-2011, 04:26 PM موضوع جميل جزاكي الله كل خير
**تسابيح** 20-01-2011, 05:53 PM يا سلام
تقبل اضافة واحد وهي لا تعرفه من أجل أن تعرف من هو !!
والأغرب أن يتم وصف هذه الفتاة بأنها محترمة !!!!!!
بالطريقة دي بنثبت مفاهيم غلط لدي الفتيات عن مفهوم الاحترام !!
لا متحصلش من واحدة محترمة انها تضيف ايميل عندها سواء كان الاسم لواحد او لواحدة طالما هي مش عارفة ايميل مين دا !!
لكن من وجهة نظري أنا هو مقياس للاحترام ( أقل ما يقال عن هذه الفتاة أنها مستهترة )
]لذا أردت أن ألفت الانظار إليه حتي لا تقتنع بعض الفتيات بأنها حينما تضيف ايميل لا تعرف صاحبه بأنها فتاة محترمة ثم تتحدث معه أيضاً وهي لا تعرفه , بل وتسترسل في الحديث وأكثر من مرة , وبعد كل هذا نصفها بأنها محترمة !!![/color]
أنا عندي المرأة درة مكنونة يجب الحفاظ عليها حتي وان كان رغماً عنها .
كلام الأستاذ علي مضبوط أووووووووووووووووووووووووووووووووووووووووووووووووو وووووووووووووووووي
shima'a 20-01-2011, 06:06 PM جزاكم الله خيرا
yara attia 20-01-2011, 06:28 PM بارك الله فيك والله موضوع كويس جدا
ومهم جدا
تسلم ايدك بجد
تقبلي مروري
بنت الشاطئ1 20-01-2011, 06:35 PM بارك الله فيك و هياك لما هو صالح
أم عمار قائد الأحرار 20-01-2011, 07:06 PM ربنا يبارك فيكي يارب
لكن بلاش اليوتيوب ربنا يباركلك هاتي الانشوده ع رابط اخر وجزاكي الله خير
merna waled 20-01-2011, 07:22 PM فعلا معاكي حق وده بيحصل كتير اوووي
ويسلموووو ع التوبيك ده
mr.aiad 20-01-2011, 07:25 PM والله أنا شايف إنك تنفعى كاتبه مسرحيه بالسيناريوهات اللى كتبتيها و ربما تكون حصلت فى الواقع وتقولى نسيت ربنا يهدينا جميعا فى حاجه فى الدين اسمها سد الذرائع يعنى نقفل الباب من أوله مش نقعد نحكى ونقول نسيت ......!!!!
Justonelook 22-01-2011, 07:27 PM جزاكي الله خيرا كلامك مفيد وسليم
مجنونة الثانوية 22-01-2011, 10:25 PM بجد موضوع مهم جداااااااااااااا
فارس المحبة 24-01-2011, 07:28 AM هدى الله الجميع وحفظهم شرور الفتن
صوت الامة 24-01-2011, 03:25 PM بارك الله فيكم
وحفظ الله شباب وبنات المسلمين اللهم امين
CAn u see me 24-01-2011, 06:30 PM من يقكر فى الصداقة والايميل ممكن يذكر الله لان القلب لا يجتمع فيه حاجتين عكس بعض يعنى القلبالذى يسمع صاحبه الاغانى هل من الممكن ان يبكى من خشية الله ؟
تغريد الطيور 25-01-2011, 06:07 PM موضوع ممتاز بصراحة ...... ربنا يجازيكى كل خيييير و يكرمك و يوفقك فى حياااااتك ياااااااارب
و الله بجد انتى ممكن مش هاتصدقى بس اقسم بالله حصلت معايا انا شخصيا كذا مرة :redface:
يعنى اقولكو اللى حصل كنت مشتركة فى موقع مش هاقولكو اسمه بس انا اصلا داخلة باسم نور الايمان دا و عاملة علة انى من الاسكندرية و دخلت داعية اسلامية بنصح الناس ....... المهم , كنت بتلقى طلبات صداقة كتييير من اولاد و بنات و كونت بعمل اكسيبت للبنات و اجنور للاولاد بس مرة روحت لقيت رسالة بتقول انتى بروفايلك اسلامى و رائع و انتى شخصيتك محترمة و اتمنى نكون اخوات فى الله و عايزين نتعرف:friendsxs3:
روحت انا بقى بغبائى:d عملت اييييه ..... روحت قولتاه اتفضل راح قالى اسمه و انا قولتله ان اسمى نور " رغم ان اسمى مافيهوش و لا حرف من الاسم دا:d " ......... و بعد كدة فى نص الكلام قولتله مش انت عندك اخوات بنات و مش ترضى تخليهم بتكلمو شات مع اولاد ازاى بتكلمنى ... راح اتكسف و قالى انا اسف رغم انى عارفة انه اصلا انسان مجرم ماعندوش مشاعر و لا بيتكسف اصلا :p
و روحت ضيفته للائحة السوداء يعنى استحالة يوصلى :p:p
بس و روحت من هنا و رايح قولت اى رسالة هاتتبعتلى من ولد عمرى ما هاقراها و هاحذفها على الفور:romarioxp6:
ــــــــــــــــــــــــــــــــــــــــــــــــــ ـــــــ
عندى طلب صغيور ممكن تجيبى الانشودة على رابط غير اليوتيوب عشان بابا مانع علينا ندخل الموقع دا
سورى انى طولت
أنوار 25-01-2011, 08:28 PM جزاكم الله خيراً
أحسن الله خطاكم
موضوع قيم
وهذا ما يحدث فعلاً
.
roka roka 26-01-2011, 02:13 AM ده بجد موجود وده اول موضوع اقراه لاني لسة جديدة في المنتدي ده بس بجد جاااامد شكرا جدا
amira elnaggar 27-01-2011, 02:48 PM موضوع جميل اوى بس شوية مضحك
العروبة2 27-01-2011, 03:03 PM بارك الله فيكي وفي جهودك وحمى بناتنا وأولادنا
آآآآآآآآآآآآآآآآآآآآآآمين
Ahmad Okasha 02-02-2011, 04:29 PM جزاكِ الله خير
MR : ABO BATTA 02-02-2011, 05:18 PM اللهم اهدي شباب المسلمين ونساء المسلمين واهدنا جميعا الى صراطك المستقيم
سمسمه2005 03-02-2011, 09:26 PM بارك الله فيك وفعلا ده الواقع اللى بيحصل
http://img261.imageshack.us/img261/5315/lelnesaa0059wg3.jpg
جمانة2 04-02-2011, 10:15 PM والله أنا شايف إنك تنفعى كاتبه مسرحيه بالسيناريوهات اللى كتبتيها و ربما تكون حصلت فى الواقع وتقولى نسيت ربنا يهدينا جميعا فى حاجه فى الدين اسمها سد الذرائع يعنى نقفل الباب من أوله مش نقعد نحكى ونقول نسيت ......!!!!
ممكن توضح لانى مش فاهمة تقصد ايه؟
جمانة2 04-02-2011, 10:30 PM اسفة يا جماعة بخصوص
الانشودة اللى عاليوتيوب
لانى مخدتش بالى من
نقطة زى دى وانا هحاول
اشوف الموضوع دة
tones 04-02-2011, 10:42 PM جزاك الله خيرا
وجعله الله فى ميزان حسناتك
جمانة2 05-02-2011, 10:29 PM جزاك الله خيرا
وجعله الله فى ميزان حسناتك
وجزاك مثله
اسعدنى مرورك
aleman 05-02-2011, 10:40 PM ربنا يكرمك يارب
توتاااااااااااااااااا 05-02-2011, 10:45 PM معظم البنات مأنتمه اليومين دول
الشباب مبقاش يصدق ان فى بنت عينا مغمضه او ساذجه
والله فى بنات بتوقع الشباب المحترمين
وهبقى اعمل ليكم موضوع عن بنت كانت بتوقع ولد محترم عن طريق امه
FiRsT.lOvE 05-02-2011, 10:49 PM مفيش غير النت سبب المشاكل كلها بس زى مالة ميزات لة عيوب ولازم تكون البنت على دراية بدة خصوصا انها عاطفية زيادة عن اللزوم وكمان اذا كانت مش صادفت حاجة زى دى قبل كدة وربنا يحفظ بنات المسلمين
جمانة2 06-02-2011, 12:28 PM مفيش غير النت سبب المشاكل كلها بس زى مالة ميزات لة عيوب ولازم تكون البنت على دراية بدة خصوصا انها عاطفية زيادة عن اللزوم وكمان اذا كانت مش صادفت حاجة زى دى قبل كدة وربنا يحفظ بنات المسلمين
تعليق جميل
النت سلاح ذو حدين
جمانة2 06-02-2011, 12:30 PM معظم البنات مأنتمه اليومين دول
الشباب مبقاش يصدق ان فى بنت عينا مغمضه او ساذجه
والله فى بنات بتوقع الشباب المحترمين
وهبقى اعمل ليكم موضوع عن بنت كانت بتوقع ولد محترم عن طريق امه
البنات المحترمة دايما موجودة
حتى لو عددهم قليل جدا
يعنى لسة فيه قطط مغمضة
وانا منتظرة موضوعك الجديد
يا توتا
جمانة2 06-02-2011, 12:35 PM موضوع ممتاز بصراحة ...... ربنا يجازيكى كل خيييير و يكرمك و يوفقك فى حياااااتك ياااااااارب
و الله بجد انتى ممكن مش هاتصدقى بس اقسم بالله حصلت معايا انا شخصيا كذا مرة :redface:
يعنى اقولكو اللى حصل كنت مشتركة فى موقع مش هاقولكو اسمه بس انا اصلا داخلة باسم نور الايمان دا و عاملة علة انى من الاسكندرية و دخلت داعية اسلامية بنصح الناس ....... المهم , كنت بتلقى طلبات صداقة كتييير من اولاد و بنات و كونت بعمل اكسيبت للبنات و اجنور للاولاد بس مرة روحت لقيت رسالة بتقول انتى بروفايلك اسلامى و رائع و انتى شخصيتك محترمة و اتمنى نكون اخوات فى الله و عايزين نتعرف:friendsxs3:
روحت انا بقى بغبائى:d عملت اييييه ..... روحت قولتاه اتفضل راح قالى اسمه و انا قولتله ان اسمى نور " رغم ان اسمى مافيهوش و لا حرف من الاسم دا:d " ......... و بعد كدة فى نص الكلام قولتله مش انت عندك اخوات بنات و مش ترضى تخليهم بتكلمو شات مع اولاد ازاى بتكلمنى ... راح اتكسف و قالى انا اسف رغم انى عارفة انه اصلا انسان مجرم ماعندوش مشاعر و لا بيتكسف اصلا :p
و روحت ضيفته للائحة السوداء يعنى استحالة يوصلى :p:p
بس و روحت من هنا و رايح قولت اى رسالة هاتتبعتلى من ولد عمرى ما هاقراها و هاحذفها على الفور:romarioxp6:
ــــــــــــــــــــــــــــــــــــــــــــــــــ ـــــــ
عندى طلب صغيور ممكن تجيبى الانشودة على رابط غير اليوتيوب عشان بابا مانع علينا ندخل الموقع دا
سورى انى طولت
والله ياريت كل البنات تستفاد من كلامك يا نور
وشكرا يا قمر
اسعدنى مرورك
داندن 11-03-2011, 06:37 AM بارك الله فيكي
توفيق رفعت عجيز 11-03-2011, 07:11 AM ربنا يهدي شبابنا الي ما يحبه ويرضاه
جارةالوادى 12-03-2011, 02:31 PM ههههههههه معقولة هو فيه لسة حد بيعاكس بالهبل ده عالشات والكلام ده يعنىمالبنات موجودين فى كل حتة حبكت النت يعنى شباب ربنا يهديه ويشفيه صحيح
عموما احسن حاجة فعلا الطناش وان الواحد يقفل اى باب للشيطان وميكلمش حد ميعرفوش خصوصا من الجنس الاخر
"(شروق) "sh*m 12-03-2011, 11:18 PM جميل قوى
كلامك ياجمانة
وهو دة الى بيحصل
والا نشودة كمان جميلة
بارك الله فيكى
وربنا يجعة فى ميزان حسناتك
أ/رضا عطيه 12-03-2011, 11:45 PM جزاكم الله خيرا
mano 4 ever 13-03-2011, 02:09 AM بجد انتى انسانه روعه
بس هقولك على حاجه الصح صح والغلط غلط
بس ممكن تكون هى عاوزه تتكلم مع حد فالغلط هنا مش من البنت ولا الولد الغلط من الاهل الى مش فاهمين اولدهم وسايبنهم من غير ميتكلموا معاهم
( بس ده بره مش مبرر انها تتمادى فى الكلام مع الشاب متعرفوش )
تسلم الايادى على الموضوع الجميل وان كان من الافضل للفتاة ان لا تضيف اميل من لا تعرفه
محمود بن سلامة 14-03-2011, 04:19 PM بارك الله فيك وأكثر من أمثالك ةهدى بك الضالين آمين
حياتى وقف لله 16-03-2011, 06:00 AM جزاكم الله كل خير
اللهم اهدى شباب المسلمين
جمانة2 17-03-2011, 09:13 PM جزاكم الله خيرا
اسعدنى مروركم جميعا
جمانة2 19-03-2011, 11:56 AM بجد انتى انسانه روعه
بس هقولك على حاجه الصح صح والغلط غلط
بس ممكن تكون هى عاوزه تتكلم مع حد فالغلط هنا مش من البنت ولا الولد الغلط من الاهل الى مش فاهمين اولدهم وسايبنهم من غير ميتكلموا معاهم
( بس ده بره مش مبرر انها تتمادى فى الكلام مع الشاب متعرفوش )
يا بنتى اهل مين اللى هيعرفوا يراقبوا
ولادهم فى زمن النت والتلفزيون والموبيلات
وهما برده وراهم مشاغلهم مش كل حياتهم
هتكون للمراقبة
وبعدين كل واحد عارف الغلط من الصح
مش لازم يستنى اهله اما يراقبوه
مصري وافتخر 2011 22-03-2011, 04:26 PM بارك الله فيكي وفي جهودك
جمانة2 20-04-2011, 01:16 PM اسعدنى مروركم شكرا لكم
فاطمة الزهراء كارم 20-04-2011, 03:01 PM صدقا مفيش فعلا حاجة اسمها صداقة بين بنت وولد ..... جزاك الله خيرا
,, أَمـــَـة الله ,, 20-04-2011, 03:11 PM موضوع مهم وجميل
أنا مره حصلت معايا ..
كنت فاتحه الياهو لقيت واحد بيقول : هاي
ما أخدتش بالي كويس من اسمه إنه ولد ..
قلت له مين معايا ؟ ..
قاللي : الحب الجميل !!!!!!!!!
والله كنت هكسر الكمبيوتر ساعتها
وروحت مسحته من عندي وقفلت الياهو
ومن ساعتها مابقتش أفتحوا
بجد بقت حاجه تحزن أوي ..
الشباب ضايع وعنده فراغ يقتل ..
ودي نتيجه سيئه من نتائج البعد عن الدين
ربنا يهديهم يارب ..
شكراً جزيلاً .. موضوع فعلاً مهم للغايه
بارك الله فيكِ
وجعلكِ ذخراً للإسلام والمسلمين
ostazmath4m 20-04-2011, 11:31 PM البنات المحترمة دايما موجودة
يعني حضرتك قلتي كده وماستحملتيش كلمه علي البنت اكيد برضو مش هنستحمل كلمه علي الولد لانه فيه الاغلبية من الولاد كويسين جدا و
ياريت برضو ده يكون انطباعك عن الولاد
مش يبقي همنا نهاجمهم وخلاص
زي مابنقول الوحش ياريت نقول الكويس حتي لا يختلط الحابل بالنابل
حتى لو عددهم قليل جدا
ربنا يزيدهم
يعنى لسة فيه قطط مغمضة
دفاع مقبول لانك بنت وبرضو فيه قطط مفترسه وعن تجربة
وانا منتظرة موضوعك الجديد
يا توتا
واحنا كلنا منتظرينه ربنا يهدي الجميع
ostazmath4m 21-04-2011, 01:14 AM هى قاعدة عالاميل فجاة لقت ايميل شخص جديد اكيد هي قاعده ع الايميل
عشان بتكلم صحباتها اللي تعرفهم
ولو هي شافت ان ماحدش
منهم فاتح اكيد بتقفل او بعد شويه؟؟
هى طبعا كمان خلتيها طبعا سبحانك
يارب امركن غريب ايتها الفتيات وليه
يعني طبعا مع انها مفيهاش
طبعا ولا حاجه قبلت الاضافة عشان تشوف مين
وهو ده سبب مقنع لبنت محترمه
انتي يعني شايفه ان ده مبرر مقنع
يعني مثلا لو سالنا احد شيوخنا الافاضل
الذين لا يختلف عليهم اثنان امثال
الشيخ محمد حسان هنقوله
كده تفتكري هيرد عليكي يقولك ايه؟؟;)
اذا كان الولد المحترم
مش بيقبل اضافه لحد غير اللي
يعرفه يعني هيكون معاه ايميله اساسا
لقت واحد بيقول
انا سمير من القاهرة ممكن نتعرف
على احلى واجمل بنت؟؟؟؟؟؟؟؟؟
اكيد هيقول كده طبعا وهو يعني
داخل مسجد
عشان يقولها السلام عليكم
اختنا الفاضله اسف
دخلت مسجد النساء خطأ
البنت
احترم نفسك واتقى الله انت كدة بتاخد ذنوب
ايه الجرأة دي بسم الله ماشاء الله
لا شخصيتها قويه بتقوله احترم
نفسك علي اساس انه هيسمع
الكلمه دي ويقولها انا اسف سوري
مش هعمل كده تاني انا معرفش
عملت كده ازاي سامحيني والله
لو البنات كلهم بنفس تفكير الاخت
/المحترمه/ دي يبقي نقول عليهم
يارحمن يارحيم مفيش بنات
تعرف ربنا ولا تعرف ادني مستويات
التعامل العقلي
وامسح ايميلى من فضلك
اه كده فعلا بتثبتلنا انها جريئه
اووووووي ايوة كده هم دول البنات
ولا بلاش طبعا هو هيتخض ويكش
ويندم اشد الندم من كلمه تتقاله
عبر شاشه الكمبيوتر من شخص
لا يعرفه والله دي اعلي قمه السذاجه
والسخافه دي سذاجه قاتله وغير
مقبوله من بنت مسلمه او غير
مسلمه علي الاطلاق
سمير
خلاص يا ستى سلام معطر بذكر الله على
احلى خلق الله ممكن نتعرف؟؟؟؟؟؟؟؟
والله هي اللي شجعته انه يتمادي
في كده ويتريق عليها كمان لانها
تستحق ذلك اما لها ان تغلق
الايميل عندما خاطبها ولم ترد
عليه ابدا ثم تنتظر فترة من الزمن وتفتح
حتي تتاكد انه غادر وتقوم بعمل
اوف لاين دائم لهذا الشخص اذا اصر
بعد ذلك علي مخاطبتها ولكن
اين عقل النساء؟؟؟؟
البنت
لا انا مبكلمش شباب
واضح عندك حق بعد مارديتي
عليه فاكراه هيقتنع والله البنات
دول بيصعبوا عليا اذا كان كل مرة
تردي عليه يبقي هيسيبك في حالك
ازاي؟؟حاجه تجنن
خصوصا انه مستهتر هو كمان وبتاع بنات
سمير
والله هعاملك زى اختى ونكون اصدقاء باحترام
البنت
مفيش حاجة اسمها صداقة بين ولد وبنت
والاخوة فى الاسلام معناها احترام الاخرين
ومساعدتهم فى الضرورة مش نكلم الشباب
ونقول احنا اخوات على كدة بقى ملبسش
الحجاب ادامهم لاننا اخوات بالطريقة اللى
انت شايفها
هذه مجادله باطله لا يحق لكي
ايتها المسلمه ان تردي هكذا مع
شخص لا تعرفيه اين اسلامك؟؟
ثم اين عقلك تقنعي شخص لا
تعرفيه بعدم معاكستك مع ان
ذلك يدفعه للتمادي اكثر واكثر؟؟
ياحسرتي علي نساء الامه اين
ذهبت عقولهن؟؟:mad::mad:
سمير
بلاش اخوات ولا اصدقاء نكون حبايب
ههههههههههههه
هههههههههههه
طبعا دي نتيجه متوقعه منه ولا
يتوقعها مثلك اكيد يعني تفتكري
هيقول ايه غير كده ماهو شايفك
بتردي عليه كلمه بكلمه مش
بتاخدي موقف حاسم وتقفلي
في وشه يبقي هيسوق فيها
ويقعد يتكلم ويدردش معاكي
البنت
انت فعلا سافل وقليل الادب
انا مش هرد عليك
انا كنت بقولك نصيحة يمكن تعمل بيها
سلام
ياااااااااااه هي لسه فاكرة انه كده
هي صحيت متاحر كده ليه والمصيبه
بررضووووو بترد بتردي
ليه يا انسه يا محترمه بتردي ليه
انتي عايزة تتكلمي وخلاص ايه
مفيش بنات تكلميهم ماتقفلي الاميل
ايه الشركات مش هتعرف تكلمك
وانتي قافله الايميل والله حاجه
تفرقع اللي عنده ذرة عقل انا مش
فاهم وتيجي تقول الولد مش
محترم بصراحه تماديكي في هذه
المجادله يعطيكي نفس الصفه لان
ده مش حل لا وحلوة انا كنت
بديك نصيحه لله
انتي المفروض اول معرفتي انه
ولد كنتي قفلتي في وشه من
غير ماتكلميه ال ايه مش بكلم
ولاد والله حاجه عجيبه
سمير
خلاص متزؤيش الحق عليه انى عبرتك
فى داهية متوقع منك كده طبعا
سمير قفل ايميله وممكن
عمله اوف لاين مش شرط يقفله
وهى لسة قاعدة عالنت اه مستنيه
حد يبعتلها اضافه تاني قصدي
مستنيه حد تنصحه تاني والله دي
حاجه تغيظ يعني الولد اللي انتي
بتقولي عليه صايع وقليل الادب
وغير محترم وانه سافل وكده هو
اللي قفل ايميله وانتي المحترمه
مقفلتيش عندكم تناقد رهيب بالله
عليكم يابنات ويا ولاد مين احق
انه يقفل ايميله دلوقتي خليني
معاكم للاخر اللي اتعاكست ومتضايقه
انها اتعاكست هي اللي تقفل
ولا اللي بيعاكس ومعندهوش ريحه
الدم وغتت وكذا وكذ زي ماهي
وصفته اظن بقي مفيش عاقل
هيختلف معايا ان اللي المفروض
يقفل هي البنت اللي يعني محترمه علي
ماتفرج وكسلت
تمسح الايميل اه معلش اصلها كانت
لسه هتجيب المساحه من جوة
مسافه برضو لا عندها حق فعلا
ليها عذرها مين يقدر يلومها يا جماعه
اوعي اشوف حد يلومها
فلانها شافته مشى ههههههه لا
بجد شافته مشي اه الوحش ده
مشي اخيرا وهي اللي قاعده
وشكله مش هيكملها تانى
وهي جاتلها النباهه دي علي
اساس ايه انه بيسمع كلامها
ويحس علي دمه ولا حته شكله
مش هيكلمها تاني دي ياريت اعرف
بس بناء علي ايه واضح انها استنتجتها
من كلامه الحلو معاها
طنشت وخلاص
لا عندها حق
وفى اليوم التانى وشوف بقى ...........
اه ياما شوفنا واللي يعيش ياما يشوف
والله ليكي سيناريوه عجيب فعلا
سمير فتح الايميل لقاها اون لاين
ياااااااااه
كويس والله
السلام عليكم اختى
ارجوكى سامحينى على كلامى
امبارح انا حتى والله
معرفتش انام طول الليل وعمال افكر
واستحقرت
نفسى اوى مش همشى الا ما تسامحينى
ارجوكى قولى سامحتك ضميرى
عمال يانبنى
ومش هعرف انام تانى
طبعا عنده حق بعد اللي عمله
معاها المفروض انها تكون مسحته
من علي وجه الارض مش الاميل بس
ومع ذلك لقاها موجوده عنده
البنت
ربنا يهديك
برضو لسه بتتكلمي انتي ايه مفيش
يعني اي ذرة تفكير ولا عقل خالص
سمير
والله انا فعلا اول مرة اشوف بنت محترمة بالشكل
دة والله انتى محترمة جدااااا بجد البنات اللى زيك
مش مو جودين دلوقتى ارجوك ساعدينى وخدى
بايدى لانى محتاج حد يساعدنى
هو الصراحة معذور
مش هيلاقى مشايخ الا فى وجود
سحر ومش هيخشع
الا معاها برده
لا وكمان معذور لحاجه تانيه انه
مش هيلاقي خيبه ولا سذاجه احسن
من كده دي لو كانت سذاجه
يعني وهي برضو مش هتلاقي غير
عمنا سمير تنصحه امال ايه
مفيش بنات خالص تنصحهم في الدين
سحر
انا هساعدك بس اوعدنى تكون
محترم ومش هنكلم
الا فى الدين
مش هنتكلم غير في الدين يا ولد يا وحش انت
:slap1qk6: ماتعملهاش تاني بقي اوك
سمير
طبعا ودى محتاجة كلام
اه والله عندك حق وهي دي محتاجه كلام
سحر
انا بسمع شيخ دلوقتى هبعتلك اللينك بتاعه
والله هم كل البنات اللي ع الاميل
بيسمعوا شيوخ يا محاسن الصدف
شوف والنبي ايه؟؟ياتري ده الشيخ
تامر حسني ولا عمرو دياب ربنا يهديكم
سمير
اوك
بعد مرور نص ساعة
سحر
ها ايه رايك؟؟ يارب تكون استفدت
اقولك حاجه هو اللي استفاد طبعا بس استفاد
انه بيتكلم معاكي زي ماهو عاوز وانتي
اللي مش استفدتي زي مانتي عايزه
لانك حاولتي تخليه مش يكلمك وبرضو
بتكلميه يعني انتي خسرانه خسرانه
وانتي ولا انتي هنا
سمير
هقولك ايه بس انا والله بعيط
وهو فعلا بيعيط بس عشان الاغنية
اللى شغلها بدل الشيخ
سحر
طيب الحمد لله ربنا يزيدك ايمان
ويزيدك انتي كمان معلش بقى مضطرة
استاذنك ورايا درس
سمير
اتفضلى ربنا يوفقك
انا كمان هقفل الميل هروح اكلم والدتى
محمود صاحب سمير كان بينادى عليه
سمير
ادخل يا عم الحاج مستنى عزومة
محمود
ايه دة انت كنت بتكلم مين دى بنت جديدة؟
سمير
ايوة بنت جديدة
كان محمود طبعا قاعد بيقرا الكلام واستغرب
طبعا صاحبه بيكلم باحترام مع البنت
وكمان بيقولها انه سمع الشيخ
وعيط
محمود ضحك اوى وقاله
محمود
بقينا نسمع مشايخ اهو كنا فى جرة وطلعنا لبرة
ههههههههههه
سمير
كنت بضحك عيها يا عبيط هو انا بعرف اصلى عشان
اسمع مشايخ ههههههههه
دة انا اخر جمعة صلتها كانت يوم التلات اللى فات
ههههههههههه
محمود
حرام عليك دة باين عليها بنت مؤدبة
اضحك على وحدة غيرها
سمير
يا حمار هما دول اللى بينفعوا ممروش بتجارب
قبل كدة انا بحب القطط المغمضة
ايوة قطط مغمضه مش بتمسح
ايميلات غريبه ياعم
محمود
وانا مالى انت حر يلا بقى نروح نلعب كورة
دى بقى مجرد بداية وما خفى
كان اعظم فعلا دي مجرد بدايه
لسقوط مفهوم الفتيات المحترمات
ودلوقتى الشباب بيتتفننوا انهم
يوقعوا اى بنت طيب كملي كده الجمله
ناقصه اجابه ناقصه والبنات برضو
بيتفننوا انهم يوقعوا اي ولد
البنت الكاجوال
كويس انك وصفتيها كاجوال بس
ياتري كاجوال دي يعني هي محترمه
ولا كاجوال دي طريقه لبس؟؟
ولو كانت طريقه لبس ياتري الكاجوال
في الاسلام عند البنت المحترمه
موجود ازاي اصل احنا مادرسنهاش
بصراحه منكم نستفيد
ازيك يا قمر .............
البنت المؤدبة طبعا ده معناه ان الكاجوال
مش مؤدبه:049gc0: انتى اكتر انسانه محترمة
شفتها فى حياتى..............
ممكن المحترمة تقع فى الخطا
لانها بتفتكر ان اللى بتعمله بيكون
صح ودة بيكون سذاجة منها قصدك
قله عقل
يعنى مثلا تكلم شاب من اجل
الدعوة الى الله وده موجود في
شرع مين ولا هي عرفته منين يعني؟
هي شافت ستات قبل كده عملوا
الحركه دي وتفتح باب شبهة
وتعتقد ان هذا من الدين
وربما تدرك فى النهايه انها وقعت
فى الخطا ولكن للاسف لاتستطيع
الابتعاد عنه
وقد قال الله تعالى
ولا تتبعوا خطوات الشيطان
ولم يقل ولا تتبعوا الشيطان
والجبال تكونت من الحصى
فلا تنظر الى صغر المعصية
وانظر الى عظم من عصيت
هدانا الله جميعا الى صراطه المستقيم
http://www.youtube.com/watch?v=-4SgMSIalzc (http://www.youtube.com/watch?v=-4SgMSIalzc)
رابط انشودة رائعة
اتمني من الله ان يهدينا جميعا ارجو
من الفتيات الا يغضبن من كلامي فانا اقوله
لله لا للتقليل من شانهم حاشا لله ان
افعل ذلك اللهم استر بنات
المسلمين جميعا واستر شباب المسلمين يارب
العالمين اللهم امين
وبناء علي طلب الاعضاء انا نزلت الانشوده اللي
جابتها اختنا صاحبه الموضوع عشان اللي مش عايز
يدخل موقع يوتيوب ورفعتهالكو علي موقع
فورشيرد واليكم الرابط
http://www.4shared.com/video/j6_qkwpA/___.html
ostazmath4m 21-04-2011, 01:30 AM المشاركه موجوده بصورة افضل
جمانة2 21-04-2011, 04:28 PM المشاركه موجوده بصورة افضل
انا اعلم انك تريد النصيحة
ولكن الم تسمع قول الله تعالى
وادع الى سبيل ربك بالحكمة والموعظة الحسنة
وانا لم اقصد ان كل الشباب سىء ولم اقصد ان كل
الفتيات قطط مغمضة
ومش معنى ان كتبت موضوع وحكيت عن حاجة بتحصل انى اكون موافقة عاللى بيحصل
لا بالعكس خالص انا ذكرت الموقف وغلطته واعترضت
وانا والله مكتبتش الموضوع من فراغ انا شفت بنتين
كانوا اصغر منى واتكلموا فى الموضوع دة وانا كتبته
بناءا على ذلك وكانوا اول مرة يقعدوا ومش عارفين شروط الدعوة ولا عارفين حاجة وفاكرين انهم كدة بيخدموا الاسلام ويريت تبقى تبص كويس لجميع جوانب الموضوع مش تشوف جانب وتترك جانب
انا كل اللى عملته انى وضحت الغلط بيبدا ازاى
واعترضت عليه
هو انا لو حكيت عن موقف لابو جهل معنى كدة انى
موافقة عاللى عمله
ياريت دايما تحاول تكون حكيم فى اسلوبك اكتر من
كدة
وتوضح وجهة نظرك باحترام وباختصار
هويدااحمد76 21-04-2011, 06:48 PM هيه غلطانة انها اضافت حد ما تعرفوش وده بيحصل معانا ناس كتير بتطلب اضافة وانا ارفض بضيف الناس اللى نعرفهم بس
جمانة2 21-04-2011, 07:19 PM هيه غلطانة انها اضافت حد ما تعرفوش وده بيحصل معانا ناس كتير بتطلب اضافة وانا ارفض بضيف الناس اللى نعرفهم بس
طبعا ستين غلطانة
ولاحظوا انا قلت بيوقعها
ازاى وهى بالشكل دة
وقعت لانها محافظتش على تعاليم دينها دخلها
من باب الاحترام وذهب بها
الى الهاوية
ostazmath4m 23-04-2011, 05:50 PM المشاركه موجوده بصورة افضل
انا اعلم انك تريد النصيحة
ولكن الم تسمع قول الله تعالى
وادع الى سبيل ربك بالحكمة والموعظة الحسنة
وانا لم اقصد ان كل الشباب سىء ولم اقصد ان كل
الفتيات قطط مغمضة
ومش معنى ان كتبت موضوع وحكيت عن حاجة بتحصل انى اكون موافقة عاللى بيحصل
لا بالعكس خالص انا ذكرت الموقف وغلطته واعترضت
وانا والله مكتبتش الموضوع من فراغ انا شفت بنتين
كانوا اصغر منى واتكلموا فى الموضوع دة وانا كتبته
بناءا على ذلك وكانوا اول مرة يقعدوا ومش عارفين شروط الدعوة ولا عارفين حاجة وفاكرين انهم كدة بيخدموا الاسلام ويريت تبقى تبص كويس لجميع جوانب الموضوع مش تشوف جانب وتترك جانب
انا كل اللى عملته انى وضحت الغلط بيبدا ازاى
واعترضت عليه
هو انا لو حكيت عن موقف لابو جهل معنى كدة انى
موافقة عاللى عمله
ياريت دايما تحاول تكون حكيم فى اسلوبك اكتر من
كدة
وتوضح وجهة نظرك باحترام وباختصار
أرجو ان حضرتك تراجعي مشاركتي تاني لانها
مش وصلتك كويس وانا لما رديت علي الموضوع رديت عليه
كلمه بكلمه يعني تناولت جميع جوانب الموضوع
لان الموضوع اساسا لازم نتناوله بجميع جوانبه مش زي ماحضرتك
عملتي وجبتي مثل سئ لشاب سئ بيوقع بنت هي في
حد ذاتها بتماديها مع شاب مش محترم واكتر من مرة تتكلم معاه
ده يخليها هي وهو واحد.....شكرا علي رد حضرتك الزوق
أ/رضا عطيه 23-04-2011, 07:29 PM بارك الله فيكم
على الحفناوى 29-04-2011, 05:41 AM مشكوره كتير
ده بيحصل ووارد طبعا وبيكون الفراغ سبب ليه والنيه الصالحه أحيانا بس بدون خبره
وأحيانا بتقول تجربه جديده فى تجارب الدعوه لكن مهم جدا هذا التنبيه
علي عضاضلي 29-04-2011, 11:35 AM رائــــــــــــــــــــــع
جزاكم الله خيرااااا
|