مشاهدة النسخة كاملة : بشرى سارة


احمد معطى
19-01-2011, 04:45 PM
احييكم بتحية الاسلام السلام عليكم ورحمة الله وبركاته
انا المعلم المساعد طول الليل عالنت قاعد
ادور على قرار تثبيت واقول يارب يامساعد
واخش على ميت منتدى واقرأ كل الجرايد
واضيع ايامى وعمرى وياريت يعود بالفوايد
على وضعى انا مش راضى وحريق جوه قلبى قايد
اسمع تصريح كل دقيقة من مسئول على كرسى قاعد
باصص للسما عايز يوصلها ويدوس على رقاب الخلايق
انا مليت من الروتين مش عايز غير ابقى سايد
وتبعد عنى عيون الحساد ونظرة جاهل حاقد
يتمنى الموت يجيلى او ابعد عنه حتى دقايق
الرحمة يارب من عندك او التثبيت اللى مباعد
علشان اعمل وارضى ضميرى وانتج وادى واساعد
قالوا عايزين الآى سى دى ال والتربوى فوقه وزايد
ومعاه كمان عشرة اميه وادى اللى ناقص يا حبايب
اوراقى جهزت من سنتين ولسه برضو متعاقد
انام واصحا على حلمين اتثبت فى الجيل الواعد
وادعو دعوة للسامعين يكون عليها العالم شاهد
ان الاله للمظلومين هينتقم يوم م الظالم
ابن الشرقية - فاقوس - الدميين

أحمد قلانه
19-01-2011, 04:49 PM
يا اخى بلاش تعب أعصاب .. حرام عليك .. الله يصلح حالك
يرجى عدم اللعب بالأعصاب

mmagdy_81
19-01-2011, 04:52 PM
ياعم هى نقصاك كفايه اللى احنا فيه .ايه البشره الساره. هو ده مش من الكدب بره ارحمونا.

saidsamy10
19-01-2011, 04:59 PM
يا اخى الصدق ثم الصدق ثم الصدق

أ/ عمرو عبد الرحمن
19-01-2011, 05:01 PM
ناس فاضية
بيألف شعر حضرته
هي دي البشري الساره

نسيم الروض
19-01-2011, 05:03 PM
علشان اعمل وارضى ضميرى وانتج وادى واساعد

عشان كده هتفضل طول عمرك مساعد !!

احمد معطى
19-01-2011, 05:08 PM
معلش لازم الواحد ينسى شوية ياجماعة

ويفرج عن نفسه مع الزملاء الاعزاء

hishamhassan
19-01-2011, 05:12 PM
.......................................

أحمد قلانه
19-01-2011, 05:15 PM
لا تعليق
..................
..................
..................

علي عضاضلي
19-01-2011, 06:35 PM
بص يا ريس قول اللى ف نفسك بس بلاش العناوين اللي من بره الاه الاه ومن جوة يعلم الله

الصصاروخ
19-01-2011, 06:41 PM
لا حول ولا قوة الا بالله العلي العظيم
ان لله وان اليه راجعون
يارب ارحمنا احنا عازين نعرف مصرينا ايه فقط