مشاهدة النسخة كاملة : امتحان محافظة حلوان تافههههههه
محمد سعيد عبد العزيز 19-01-2011, 08:55 PM جاء امتحان محافظة حلوان في مسيوي الطالب الضعيف
ولا يوجد به أي نقطة تقيس مستوي الطالب المتوسط
أضاع مجهود ترم كامل من التدريبات و الحل و المذاكرة
أنا حزين علي هذا التدهور المستمر في التعليم
" وجهة نظري التي أتبناها منذ فترة أن هناك مخطط لضرب التعليم العلمي في مصر "
قد يقول قائل : هل في سهولة الإمتحان مخطط ؟
الإجابة نعم . لأن ما يقابله الطالب في المرحلة الثانوية من صعوبة في الإمتحانات لابد أن يتعود عليها من المرحلة السابقة .
لك الدليل : مسألة الإمتحان :
جسم متحرك كانت سرعته الإبتدائية 5 م / ث و سرعته النهائية 10 م / ث خلال 5 ثواني أحسب العجلة و بين نوعها ؟ تعويض مباشر أين الفكرة ؟
و لكم التعليق
اشرف حازم محمد عبده 19-01-2011, 09:08 PM أؤيد هذا الكلام بشدة لأن الأمتحانات بقت سهلة جدا و كل واضعي الأمتحانات بيخافوا وكل ده ضد مصلحة التعليم في مصر
Mr /Joseph 19-01-2011, 09:29 PM المصيبة ان امتحانات النقل عندنا جت المسائل بنفس الارقام الموجودة فى الكتاب
محمد فتحي عبد الفتاح 19-01-2011, 11:17 PM جاء امتحان محافظة حلوان في مسيوي الطالب الضعيف
ولا يوجد به أي نقطة تقيس مستوي الطالب المتوسط
أضاع مجهود ترم كامل من التدريبات و الحل و المذاكرة
أنا حزين علي هذا التدهور المستمر في التعليم
" وجهة نظري التي أتبناها منذ فترة أن هناك مخطط لضرب التعليم العلمي في مصر "
قد يقول قائل : هل في سهولة الإمتحان مخطط ؟
الإجابة نعم . لأن ما يقابله الطالب في المرحلة الثانوية من صعوبة في الإمتحانات لابد أن يتعود عليها من المرحلة السابقة .
لك الدليل : مسألة الإمتحان :
جسم متحرك كانت سرعته الإبتدائية 5 م / ث و سرعته النهائية 10 م / ث خلال 5 ثواني أحسب العجلة و بين نوعها ؟ تعويض مباشر أين الفكرة ؟
و لكم التعليق
لأ طبعا مع احترامي الشديد لرايك وباقي الزملاء الامتحان في مستوى الطالب المتوسط انت عايزه يبقى ازاي قيس الامتحان ومدى صعوبته على عقلية الطالب مش عقليتك انت يا كبير وبعدين انت عايز الامتحان يبقى اصعب من كده ليه يعني فيها ايه لما تيجي المسألة مباشرة وواضحة وما فيهاش غموض ممكن نقيس مستوى الطالب فوق المتوسط في جزئية تانية زي 4 في علل و3 في اكمل مش لازم يعني تبقى تعجيز علشان اقيس بيها مستوى الطالب المتميز ما كفاية بقى تعقيد في الطلبة دول كرهوا التعليم بسبب صعوبة المناهج يبقى كمان نعقدهم بالامتحانات !!! الامتحان ممتاز وبكرر الكلام ده تاني ولو جه اصعب من كده يبقى ده مش تعليم ده يبقى تعجيز وعلى اي حال كده كده كبر على التعليم عندنا ف مصر اربع تكبيرات على فكرة انا معلم مش ولي امر
إيادعمرو 19-01-2011, 11:30 PM جداااااااا
0العبقري0 20-01-2011, 02:33 PM انا مش عارف لو جيه الامتحان صعب تقولوا الامتحان صعب جدا وحرام ولو جيه سهل تقولوا الامتحان تافه ولو جيه متوسط تقولوا الامتحان فيه حاجات صعبة يعني ايه اللي يرضيكم
الاستاذ محمد الطنطاوى 20-01-2011, 03:06 PM السلام عليكم
والله عندك حق يا العبقرى
فعلا
مفيش حد بيرضى بنصيبة
احمدوا ربنا ان الامتحان مفيهوش صعوبات ولا تعقيدات
اتمنى ان امتحان الغربية يكون شكلة
Ahmed ELzaidy 20-01-2011, 03:12 PM المشكلة مش فى الامتحان سهل ولا صعب المشكلة فى واضعى الامتحان هل بيقس المحصلة على مدار الترم ولا القدرات الخاصة ومن وجهى نظرى لابد ان يراعى الموهوب والمتوسط والضعيف
teacher_2 20-01-2011, 03:29 PM حلوان محافظة جديده وشكلهم بيشجعو الصناعة المحلية
امتحان الرياضيات بتاعهم أيضا نفس الوضع تافه مع مرتبة الشرف
nabila_banoub 20-01-2011, 06:38 PM جاء امتحان العلوم اليوم فى الاسكندرية سهل جدا" وورقة واحدة
و الطلبة كلهم حلوة فى نصف ساعة
2009HABIBA 20-01-2011, 11:03 PM انا فى رائ الامتحان عادى فى مستوى الطالب المتوسط وكلة من سئلة كتاب المدرسة
محمد سعيد عبد العزيز 21-01-2011, 12:13 AM علي فكرة أنا ضد التعقيد بس لازم الطالب يحس بالإمتحان
بمعني الامتحان ساعتان ما قولك يا أستاذ محمد فتحي أن الطلبة قد أنهت الامتحان في 20 دقيقة فقط
و هذا ليس طالباً واحداُ بل عدد كبير
Hisham_physics 21-01-2011, 01:00 AM سيبوا العيال و أولياء الأمور تفرح شوية
و بعدين لما بيجي الإمتحان صعب مهو بيجي فوق دماغنا إحنا كمدرسين في الآخر
و ولي الأمر يطلع عليك إنك مدرس فاشل و إن إبنه ملاك
هو ده تفكير أولياء الأمور بتوع اليومين دول
أنا وبس 21-01-2011, 02:31 AM فعلا الامتحان حلو جدا وبسيط اوى يحله اى حد
بس فعلا لو حضرتك حابب تشوف امتحان كويس يقيس مستوي الطالب فوق الممتاز
اكيد هتستنى امتحان العلوم عندنا فى الغربية
اظن بيقولوا ان مش بيبقى بعده كلام
يعنى مش تافهه ولا شي
يلا ربنا يستر
محمد فتحي عبد الفتاح 21-01-2011, 01:42 PM علي فكرة أنا ضد التعقيد بس لازم الطالب يحس بالإمتحان
بمعني الامتحان ساعتان ما قولك يا أستاذ محمد فتحي أن الطلبة قد أنهت الامتحان في 20 دقيقة فقط
و هذا ليس طالباً واحداُ بل عدد كبير
ما شاء الله ده شيء طيب ويدل على مجهودكم مع الطلاب طوال الترم بس انا بعذر واضع الامتحان لانه من الصعب جدا تحط امتحان تخلي جميع الطلاب يحلوه في ساعتين او احتى ساعة ونص اكيد فيه اللي هيحله في ساعة وفي اللي هيحله في ساعتين وفي اللي هيحله في ثلث ساعة زي ما حضرتك ذكرت مفيش مشكلة كده احسن ما كلهم يحلوه على اخر الوقت بالضبط ويطلعوا يشكوا من صعوبة او طول اسئلة اللامتحان
akh20089 22-01-2011, 07:02 PM ولو كان جه صعب كنا هنزعل ونقول ليه كدا
السيد عبد الرؤوف 24-01-2011, 11:49 AM هذا ما تعودنا عليه منك يا نجم
جهد مشكووووووووووووووووووووووووووور
جزاك الله خيرا
Dr. Hoda Ahmed 24-01-2011, 01:15 PM ربنا يستر ابقوا شوفوا امتحان الدقهلية اكيد هيفوق الوصف لانها دائما معروفة بامتحاناتها
طيب يا رب يجى كويس بس مش تافه
mr salah Osman 24-01-2011, 11:54 PM هو المنهج الجديد لابد يكون امتحانه مباشر كما اعتدنا دائماً
|