ردا على العضو
Eyad Wali (http://www.thanwya.com/vb/member.php?find=lastposter&t=280031)
طبعاً لازم اعرض المشاركات اللى حضرتك شاركت بيها فى البداية
وهما مش كتير
ردين ويس
كررتهم طبعا فى كافة مشاركات المنتدى بصورة غريبة


الرد الأول

يا جماعة ممكن حد يقولى هو الوزير ذنبه ايه فى تثبيتنا او عدم تثبيتنا ؟؟؟؟!!! الراجل بيطبق سياسة دولة يا ريت نقف بجواره و نسانده و بعدين احنا والله فى نعمة الامن و الامان و انا عن نفسى خريج 2002 يعنى اكتر واحد ممكن ازعل !!!! بس انا بشكر رئيس مصر الرئيس مبارك لانه جنبنا كثير من الحروب و يا ريت منخلطش الامور ببعضها احنا بس نساند وزيرنا و الراجل جاى بعد تراكمات عديدة مش هيقدر يخلى الدنيا وردى بين يوم و ليلة و عايز اقول حاجة احنا بنغلط فى الشخص و بنميل لشخصنة الامور مع انى لو اى حد مكان الوزير الحالى كنا هنقول عليه نفس الكلام !!! ادعوكم لضبط النفس و بصو كويس على اللى حاصل فى تونس و العراق و كل الدول العربية المضطربة و انتو هتحمدوا ربنا على نعمة الامان و انا شخصيا معنديش مانع اشتغل بعقد طوال حياتى طالما انى باصص لمهنة المعلم على انها رسالة !!!!!! و بعدين الترقية هتكون من هنا و رايح بالكفاءة

الرد الثانى

يا جماعة محدش يفهمنى غلط انا اول واحد هروح الاعتصام و محدش يعرف انى تقدمت بالعديد من الشكاوى بسبب اوضاعنا السيئة القديمة بس انا قصدى ان احنا منغلطش فى اى ولى امر لينا و لا ده مش اللى بيدعو ليه ديننا الحنيف و بعدين ممكن اسأل سؤال واحد و عايز حد يرد عليا باجابة مقنعة ( لو الحكومة بكرة قالت ان المتعاقد مرتبه هيبقى 2000 جنيه مثلا و لو اتثبت هيقل مرتبه ايه اللى هيحصل ؟) وهل هتفضلو التثبيت و لا التعاقد ؟؟؟؟ يا جماعة المشكلة مش فى التثبيت او عدمه ياريت نركز مطالبنا فى الحياة الكريمة و انى الاجور تتماشى مع الاسعار علشان نعرف نربى اولادنا و نطالب الوزير بمحاولة تصحيح اوضاعنا المعيشية ككل مش بس نبص تحت رجلينا أظن أنا وضحت وجهة نظرى و شكرا للاستاذ / أحمد وارجو الرد على سؤالى!!!!!!!

اولا احنا بقا من الاخر فاهمينك صح وصح قوى
وياترى ايه فحوى الشكاوى اللى انت بعتها وبعتها لمين ؟؟
وبعدين طبعا انت عارف كويس قوى ان الحكومة مش هتصحا بكره تقولنا مرتبكو 2000 جنيه
طبعا بنطالب بحياة كريمة ودى من مطالبنا بس فى حدود المعقول اللى ممكن يتحقق مش 2000 جنيه زى مابتقول
فاذا اردت ان تطاع فأمر بالمستطاع
والتثبيت من حقنا
وهل حضرتك لما نطالب بالتثبيت يبقا كدا بنبص تحت رجلينا
التثبيت دا هو المستقبل اللى لازم تبصله كويس قوى وتجتهد للوصول اليه مش تقول كدا بنبص تحت رجلينا
ممكن نختلف فى وجهات النظر ..
لكن الاختلاف لا يفسد للود قضية
لكن اتمنى ان يكون اسلوبك فى طرحك لرأيك أفضل من كدا
ومينفعش تفرض رأيك فكره معينة وتكررها فى كل الممشاركات
والفكره دى بتخالف كل اراء اعضاء المنتدى
نرجو منك الرد ....

نرسل للعضو رسالة خاصة افضل
من عمل موضوع مستقل
والموضوع مغلق موقتا لحين نقله
تحياتى للجميع

الفاضل صاحب الموضوع
سبق وأن أخبرتك أن مثل تلك الأمور والتعامل معها من اختصاصنا نحن مشرفي المنتدي
وذلك حتي لا يحدث احتكاك وتراشق بين الأعضاء ،وأنا قمت بلفت نظره وتحذيره من تكرار مشاركة واحدة في كل الموضوعات
مع احترامنا لوجهة نظره طبعا ،وإن لم يمتثل سوف يتم التعامل معه .