مشاهدة النسخة كاملة : مطالبنا يوم الاعتصام 30/1 او 30 يناير


المعلم الحزين
22-01-2011, 01:35 AM
ارجو من المشرفين والمراقبين تثبيت الموضوع نظرا لاهميته وحتي لا يكون عملنا ارتجاليا او اعتطباطيا وكلنا واحد بأذن الله ومطالبنا واحده الله الوطن المعلم
اما بعد فقد قررنا نحن المعلمون المساعدين الذين اجتازوا اختبارات 20 نوفمبر قررنا المطالب الاتيه ارجو الاهتما بالصيغه ولنتكاتف جميعا قررنا ما يلي :
1 - تعيين المعلمين المساعدين علي درجة وظيفيه كما نص القانون
2- عقد اختبارا ت الكادر لللمعلمين الذين لم يجتازوا اختبارات الكادر بعد وتطبيق نص القانون 155 لسنة 2007 للجميع وليس لبعض الفئات دون البعض
3- عقد اختبارات في اللغة الانجليزية والمواد التي رسب فيها بعض المعلمين المساعدين حتي يتثني لهم اللحاق باقرانهم
4- الغاء فكرة مدرس الحصه حيث اصبح وضعه مهين في المجتمع هو ومن يطلق عليهم معلموا الاجر وتعينهم علي درجة معلم مساعد حتي يتدرجوا للوصول الي درجة معلم كما نص القانون 155
5- اخذ قرار حاسم في كل مطالبنا هذه في اقرب وقت ممكن ولا نريد وعود ومماطلات كاذبه
6- تعيين كل المعلمين المساعدين الذين اجتازوا الكادر بلا استثناء كل من اجتاز كادر المعلم حتي في حالة عدم اكتمال حصوله علي الرخصه الدوليه علي اعتبار انه سيتم الحصول عليها في القريب العاجل
نرجو النظر الي مطالبنا بعين الاحترام حيث لا يعقل ان يكون المعلم الذي يستحق افضل مكانه ان يعيش مهانا وسط جموع وطبقات الشعب وهو الذي يخرج الدكتور والمهندس والفلاح والمواطن البسيط
الله الوطن المعلم
ارجو من زملائي الاعزاء كتابة اي تعديل ترونه مناسبا او من الممكن اضافته حتي يتثني لنا المطالبه بها ولا نعمل اعتباطيا سوف نذهب ومعنا مطالب واضحه منظمه

أحمد قلانه
22-01-2011, 01:55 AM
رائع يا حزين ... تسلم يمينك

أبوووووعبدالرحمن
22-01-2011, 02:00 AM
ونعين من وقت ظهور النتيجة

رضاالوادي
22-01-2011, 02:08 AM
أول مرة تفرحني يا حزين

المعلم الحزين
22-01-2011, 02:15 AM
ربنا معانا يا جماعه نرجو تثبيت الموضوع علشان نقف وقفه واحده وانا عن نفسي ان شاء الله معاكم قلبا وقالبا سيروا علي بركة الله نرجو تثبيت الموضوع واشكر اخواني علي تشجيعهم وخصوصا اخ احمد ورضا الوادي ونتقابل يوم الاعتصام ان كان لينا عمر

محمدسعدالجمل
22-01-2011, 04:09 AM
ونأخذ زيادة الكادر (50%) بأثر رجعى مثل المعلمين الأساسيين.

ايهاب العراقى
22-01-2011, 07:38 AM
كلنا يدا واحدة

hishamhassan
22-01-2011, 07:42 AM
رااااااااااااائع

samehnabil
22-01-2011, 08:13 AM
تسلم يا ابو الأحزان وربنا يفرحك

منالت 7
22-01-2011, 09:27 AM
هو دا الكلام المظبوط
بارك الله لك
وبالتوفيق للجميع

بحراوية من دمنهور
22-01-2011, 09:39 AM
احييك على فكرة توحيد المطالب بس فى مشكلة ان المطالب دى فيها كذا اتجاه وعمرها محتتحل فى يوم وليلة محتاجة وقت واحنا عايزين قرار فورى من الحكومة والالتزام بيه وليس المماطلة كالعادة لاحظو ان الاعتصام ده مش شوية ناس واقفين يهللو وخلاص لازم الثبات على الموقف ولازم اننا نحط فى حسابنا ان الحكومة مش هتنفذ اللى عايزينه بمجرد التجمع يومها لان حالتنا غير موظفين الكتب هما كل الحكاية 50 موظف عايزين يفضلو فى اماكنهم لكن احنا بنطالب بتثبيت 72 الف معلم يعنى محتاجين مزانية و درجات و و و يا جماعة لازم ننسق الموضوع اكتر ولازم نلتزم بالاتى:
توحيد المطلب هو الاساس
استخدام الاعلام كوسيلة اساسية فى نقل طلباتنا وكمان ده وسيلة التواصل بينا وبين الحكومة وهو اللى هيقوم بدور سلاح الضغط علي الحكومة.
وجود مجموعة منسقة من جميع المعلمين المساعدين على مستوى المحافظات لتقديم صيغة متفق عليها لطلباتنا
وعشان يحصل ده كله لازم التواصل بينا وعدم التفكير بشكل فردى عشان نحقق هدفنا من الاعتصام ده

المعلم الحزين
22-01-2011, 10:02 AM
طيب ما هي هي دي طلبات المطحونين منا
وعلي فكرة احنا لو اتثبتنا هتبقي فيه اماكن خاليه يخش بدالنا مدرس الحصه في اماكنا اللي هنسيبها وتوفير امتحان للي لم يمتحنتوا امر سهل الاكاديميه موجوده ولا انتم شايفين ايه

hamadazeny
22-01-2011, 11:00 AM
ايوه كده استااااااااااااااااااااااااااااااااذ

hamadazeny
22-01-2011, 11:02 AM
برافوووووووووووووووووووووووووووو

ahmed salh
22-01-2011, 11:26 AM
الا خت بحراويه

انت بتقولي ان تثبيت 72 الف معلم يعنى محتاجين مزانية و درجات و و و يا جماعة لازم ننسق الموضوع اكتر

لا لان المرتب هونفس المرتب والعمل نفس العمل ونفس عدد الحصص

التغيير هو في الاستقرار النفس والمعنوي والوظيفي والزباده الماليه هي 50% من الاساسي يعني حوالي 75 ج كل شهر وده موجود في الفلوس اللي مخصصه للكادر حوالب 2 مليار جنيه

ومرتبابتنا كلها كل ال72 الف متجيش مرتب 10مستشارين ملهومش لازمه في اي وزاره

Mr.Shaaban
22-01-2011, 11:38 AM
الموضوعات دي عاوزة تسرد في لائحات كبيرة لانها هتكون المطالب اللي الاعلام هينشرها ويأكد عليها لكن ياريت حد يكتبها بلغة جميلة للفت الانتباة . ومش شرط التدقيق علي اللغة العربية وقواعدها , ساعات العامية بتوصل الفكرة

المعلم الحزين
22-01-2011, 11:42 AM
يا اخواني هي نريد زخما علي الشبكة العنكبوتيه نريد وصول الفكرة ارجوكم اذا تخاذلتم هذه المرة فلن تقوم لكم قائمة مرة اخري وسوف تفقدون المصداقيه مستنين ايه

ahmedhassanien
22-01-2011, 01:06 PM
لازم كلنا بقى ايد واحدة ........ صياغة ممتارزة للمطالب

وليد فوده
22-01-2011, 02:11 PM
كلام 10/10 وانا معكم واكن والله اليوم وانا فى المدرسه جاء الينا مير تنسيق العليم الابتدائى وقال ان هنالك منشور وصل المديريه عندنا فى الغربية بخصوص معلمى الاجر للعقود المميزه وان التعيين للسابقينقادم لو حد يعرف يسأل اكثر فى الموضوع يبقى شكرا