مشاهدة النسخة كاملة : كلاكيت ثاني مرة بعض أخطاء كتاب الفصل الدراسي الثاني


رشا حسن
22-01-2011, 01:43 AM
كلاكيت ثاني مرة بعض أخطاء كتاب الفصل الدراسي الثاني
1- ص 4 السطر السابع والثامن من أسفل وقد انتشرت الزراعة من شرق حوض البحر المتوسط وجنوب غرب آسيا !!!!!!!!!!!!! هو مش جنوب غرب آسيا يعني شبة الجزيرة العربية فكيف انتشرت منها الزراعة ؟
2- ص13 في الأسئلة س1 أكمل ما يلي رقم ب من الدول المنتجة للقمح في آسيا ------ و----و------ رغم أن الكتاب لم يذكر سوى الصين والهند فقط وفي نفس السؤال رقم هـ تعد قارة آسيا أكبر دول العالم هي آسيا بقيت دولة ؟؟؟؟؟؟؟؟؟؟؟؟؟؟؟؟؟؟؟؟؟؟
3- ص32 في الأسئلة س3 ضع علامة ( ü ) أو ( û )
رقم (أ) تعتبر قارة استراليا أكبر دول العالم إنتاجاً للفحم ( )
رقم (ج) تصدر مصر فائض الإنتاج الصناعي من الحديد والصلب إلى الدول العربية ( )
ملحوظة هامة الجملتان غير موجودتان بالدرس نهائياً
4- ص 36 تحت عنوان مراكز صناعية حديثة (قارة أمريكا الجنوبية) البرازيل - الأرجنتين - شيلي – المكسيك مازال المؤلف مصراً أن المكسيك في قارة أمريكا الجنوبية !!!!!!!!!!!!!!!!!!!!!!
5- ص44 قصب السكر تنتج منه الهند 280 مليون طن وفي صفحة 10 من نفس المنهج بالرسم البياني تنتج الهند 268 مليون طن ( أي الرقمين صحيح ؟)
6- ص 48 تحت عنوان الموقع الفلكي والجغرافي والمساحة (في البرازيل) مكتوب الآتي بالنص
( تمتد البرازيل على 45 درجة عرضية بين دائرتي عرض 5 شمالاً و33 جنوباً أي خلال 38 دائرة عرضية) ما رأيكم في هذا التهريج ؟؟؟؟؟؟؟؟؟؟؟؟؟؟؟؟؟؟؟
7- ص51 تحت عنوان الرعي وصيد الأسماك بالسطر 5 و6
- تعد البرازيل من الدول المنتجة للأسماك نظراً لامتلاكها سواحل طويلة على المحيط الأطلنطي والبحر الكاريبي ( أريتم التطوير البرازيل أصبحت تمتلك سواحل على البحر الكاريبي )
وفي نفس الصفحة وصل إنتاج البرازيل من خام الحديد 110 ملايين طن وفي صفحة 24 من نفس المنهج المطور تنتج البرازيل 120 مليون طن ( أي الرقمين صحيح ؟)
8- ص 55 تحت عنوان الموقع الجغرافي والمساحة
- السطر الأول والثاني تمتد ( نيجيريا ) حتى دائرة عرض 14 شمالاً وفي السطر السادس حتى دائرة عرض 12 شمالاً (رأيتم فرق السطور أدى إلى فرق في دوائر العرض) بالإضافة إلى أن العنوان ينقصه كلمة الموقع الفلكي وفي نفس الصفحة على الخريطة الكاميرون أصبحت تكتب ( الكمرون )
9- ص 61 تحت عنوان السهل الألماني الشمالي السطر الرابع مكتوب ( وتجري من خلاله الأنهار وتصب في بحر الشمال والبحر البَـلطي والألب والراين وفيزر) حد فاهم حاجة؟ ( خلط الأنهار مع المصبات)
10- في نفس الدرس صفحة 62 تحت عنوان المُناخ والنبات الطبيعي السطر الثاني مكتوب (فصل الصيف يكون معتدلاً على مدار العام) واخدين بالكم الصيف و على مدار العام في نفس السطر.
11- ص 67 تحت عنوان التمهيد مكتوب (هي "الولايات المتحدة" الدولة الثالثة في العالم من حيث المساحة بعد روسيا وكندا) يعني روسيا الأولى (هي مش كانت الصين أكبر دول العالم مساحة وسكاناً في كتاب الفصل الدراسي الأول لنفس مؤلفي المنهج؟) وكمان مكتوب في نفس التمهيد أنها تتكون من واحد وخمسون ولاية (هما مش كانوا خمسين بس؟)
وسلم لي على التطوير؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حمدان حباله
22-01-2011, 06:39 AM
الجميع اظهر سخطه على هذا المنهج
و لكن التوجيه الهزيل للدراسات الاجتماعية وقف مكتوف الايدى
و صاحب الكتاب يهاجم المعلمين و التوجيه و يتهمهم بالسطحية و ان ومعلوماتهم قديمة و يحتاجون هم ايضا للتطوير .
و لا تعليق من جانب التوجيه

النجم الكبير
22-01-2011, 08:31 AM
الله ينور عليكى يا اخت رشا

وبارك الله فيكى

انت كنت منتظر ترفعى هذا الموضوع مرة اخرى لان بحثت عليه فى القسم ولم اجده

جزاك الله خيرا

وعموما اللى يلاقى اى خطأ يبادر برفعه يمكن التوجيه يعمل حاجة بدرى الترم ده






خطأ اخر بالكتاب

الخريطة صـــ 48 الخاصة بتضاريس البرازيل

كاتب نهر بارانا مكان نهر بارجواى

والمفروض العكس ( انا رجعت للأطلس )

محمد عباس عبدة
22-01-2011, 10:43 AM
جزاك الله خيرا يا أخت رشا
أكيد ستنزل تصويبات للأخطاء بس قبل امتحان الترم الثاني بكام يوم كالعادة

gtashraf
22-01-2011, 01:14 PM
معلومة اثرائية
(يحد الولايات المتحدة من الشرق البحر المتوسط ويبلغ انتاج الفدان 12 كجم/ ساعة ولذلك تمارس ضغوط سياسية علي بائع الحلابسة في الوطن العربي )
اكيد المعلومة دي هتنفع مع المنهج الجديد حاجة خيال علمي !!!!!!!!!!!!!

عزازى العزازى
22-01-2011, 01:55 PM
مشكوره على مجهودك وانا بكتب المذكره اكتشفت اخطاء كثيره وكنت فى حيره

رشا حسن
22-01-2011, 02:03 PM
أرجو تثبيت الموضوع للأهمية

محمد خليل محمد
23-01-2011, 01:27 AM
كنا بنقول ان المناهج الجديدة دى يا اما هتطلع عباقرة ونوابغ يااما هتطلع ؟؟؟؟؟؟؟؟؟؟؟ بس الواضح والاكيد انها بتطلع؟؟؟؟؟؟؟

محمد حلمي الدالي
23-01-2011, 01:45 PM
الله يسلمك التطوير بخير والحمد لله وبيسلم عليكي ..... مؤلفين الكتاب معذورين يا اخونا ..اكيد حلاوة الكتاب التي دفعت للوزارة كانت كبيرة شوية علشان كده الراجل صاحب الكتاب لازم يهاجمنا ويتهمنا بكل ما هو سيئ . الكل في الوزارة بعد الحلاوة اكيد اخبروه هو وبقية المؤلفين انهم عباقرة الماضي والحاضر والمستقبل ثم فوجئ الرجل واصحابه بان المدرسين والتلاميذ الوحشين اللي مش كويسيين بيهاجموا الكتاب فاكيد هو فاكر نفسه زكي بينما الاخرون اغبياء.

بهاء عبيد
23-01-2011, 05:10 PM
جزاك الله خيرا يا أستاذة رشا ولكن لي تعليق على ثلاث نقاط ذكرت الأول:- على رقم 1 فجنوب غرب آسيا كانت مروجا خضراء وربما قصد المؤلف ممالك اليمن وحضارة عاد وغيرها - الثاني :- على رقم 3 لا يوجد فيه خطأ معلومتان نستخلصهما من الدرس - الثالث :- على رقم 9 ربما سقطت منه سهوا كلمة مثل أنهار بعد كلمة البلطي ويا ستى جل من لا يسهو وده كتاب وزارة مطور !!!! يعنى لا هو ماجستير ولا دكتوراه وكله عندنا صابون
لكن الأخطر من ذلك كمية المعلومات والحشو في المنهج كثيرة وخطيرة ، نشعر بها مع الإعتذار بأنها مادة مالئة ليس فيها أهمية

السيد عز العرب
24-01-2011, 12:14 AM
جزاكم الله خيرا

محمد حلمي الدالي
24-01-2011, 11:02 AM
ص 8 تقول العبارة ( يزرع الارز في امريكا الجنوبية في دولة البرازيل وتنتج 9 مليون طن كما يزرع في الولايات المتحدة والتي تنتج 9 مليون طن ويصدر جزء كبير الي الخارج وهي اكبر دولة منتجة للارز خارج اسيا )
المفهوم من العبارة ان المقصود باكبر دولة منتجة للارز خارج اسيا هي الولايات المتحدة الامريكية بينما في كتاب الجغرافيا للصف الاول الثانوي يعتبر البرازيل هي اكبر دولة منتجة للارز خارج اسيا فمن نصدق ؟
طيب اذا كان المقصود الولايات المتحدة اذن العبارة خاطئة لان البرازيل والولايات المتحدة دولتان خارج اسيا والانتاج واحد فكيف تعتبر الولايات المتحدة هي الاكبر خارج اسيا .
ياريت لو حد فهم المقصود يقولنا وله الاجر والثواب عند الله
الظاهر ان مؤلف الكتاب كان عيان ودماغه مصدع فكان مش مركز .. وبعدين يتهمنا كمدرسين بالسطحية واننا محتاجين للتطوير ؟ والله هو اللي محتاج للتطوير .

هانى يوحنا
24-01-2011, 02:43 PM
جهد مشكور يا أخت رشا ونرجو المزيد من هذه الإبداعات

ا\السيد مسعد
24-01-2011, 05:27 PM
عمل رائع يااخت رشا بارك الله فيكى

الضوء الشارد2010
24-01-2011, 10:58 PM
شكرا على مجهودكم الكبييييييييير انا مش عارفه كنت هعمل ايه انا فى 3ع بصراحه النمهج زفت كل دى اخطاء انا مش عارفه هو كان بيعمها وهو بيعمل ايه شكله كان نايم يلا ربنا يعنى وشكراااااااااااااااااجزيرااااااااااااا

kotoz200024
24-01-2011, 11:37 PM
لا تتعجبوا يااساتذة احنا سالنا واضعى كتاب الاقتصاد للثانوى عن معنى كلمة فى الكتاب الثلاثة اجابوا اجابات مختلفة والحمد للة كلها غلط
فاكيد احنا سطحيين

النجم الكبير
25-01-2011, 02:00 PM
شكرا للجميع على المشاركة

بس يا جماعة مش عايزين نخرج عن الموضع خلينا فى الاخطاء التى يتم اكتشافها فى المنهج

كل واحد بيراجع المنهج وبيعمل ورق ومذكرات بيقى تركيزه اكبر واكتشافه للاخطاء اسهل

فرجاء اغتنام الفرصة وتوضيح الاخطاء

قدر المستطاع

وشكرا للحميع وللاخت رشا صاحبة الموضوع

Sub-Zero
25-01-2011, 02:57 PM
يعنى حضراتكم مدرسين ولسة بتدرسو المنهج اومال احنا تلاميذ هنعمل فية اية والله حرام الى بيعملوة فينا دا شكلنا هنجيب ملاحق فى الدراسات واللى حاطط المنهج دا شكلو مش كان فى وعيو او كان مسطول

النجم الكبير
25-01-2011, 05:16 PM
من الاخطاء ايضا

اخر سطر صفحة 49

يتركز السكان فى ........ الخ مثل ريودى جانيرو العاصمة ( هى مش برازيليا العاصمة برضه )


ثم فى الصحفة التالية

يذكر ان

أنشئت مدينة برازيليا عاصمة جديدة للبرازيل

يا عم طب وضح ان ريودى جانيرو العاصمة القديمة حتى عام 1960


على فكرة هو عدل الكلام بتاعه فى المدن الهامة وذكر كل الكلام ده

خطأ أخر فى صفحة 71 فى العلاقة مع مصر
كاتب :
وتصدر مصر إلى الولايات المتحدة الأمريكية وتصدر مصر الولايات المتحدة الامريكية
( لم يذكر ما هو الذى تصدره مصر ) بل كرر الجملة فقط


اعتقد انه لابد من الوزارة اعادة النظر فى المنهج وطبع نسخ منه فى الاعوام القادمة جديدة بعد مراجعتها جيدا وتنقيحها

وطبعا لازم يشركوا المدرسين فى الكلام ده

mw_mw335
26-01-2011, 08:44 PM
المشكلة ان الناس دى مش قادرة تفهم ان احنا درسنا المنهج دة فى اولى سنوى

النجم الكبير
27-01-2011, 11:33 AM
خطأ اخر

صـ 67 عنوان الخريطة

خريطة ( 22 ) موقع الولايات المتحدة الأمريكية وأهم مدنها
حد شايف اية مدينة ؟؟؟؟؟
طب حد شايف موقع ؟؟؟
مثلا فى الشمال ايه ؟؟؟ أين دولة كندا
فى الجنوب أيه ؟؟؟ أين دولة المكسيك

خطأ أخر بنفس الصفحة صـ 67
ما معنى هذا السطر ؟؟
• يحدها من الغرب المحيط ..... مجموعة من الجزر تقع بالمحيط الهادي.
طبعا اقصد الكلام من بعد النقط ما علاقته بما قبله ؟
خطأ أخر صـ 68
هضبة كولومبيا في الشمال الغربي عند الحدود مع كندا في الشمال والوادي الأوسط بولاية كاليفورنيا
وصحراء أريزونا في أقصى الجنوب الغربي عند الحدود مع كندا.
هو الشمال الغربى كندا
والجنوب الغربى كندا

مش المفروض مع المكسيك ؟

خطأ صـ 68
السلاسل الجبلية الغربية :
تمتد من الشمال إلى الجنوب وأهمها كسكيد وسيرانيفادا وجبال الروكى فى محاذاة ساحل المحيط الهادى تاركة سهلا ساحليًّا ضيقًا .

ايه اللى جاب جبال روكى تانى هى مش فى نطاق المرتفعات والأحواض الجبلية :
* تتألف من سلاسل جبلية وهضاب مرتفعة أعلاها جبال الروكى


لا حول ولا قوة إلا بالله

terminator1
27-01-2011, 01:33 PM
كلمة واحدة هرد بيها على كل اللى بتعملوه فيا


بللللللللم بلللللللللم

hamada kang
27-01-2011, 05:24 PM
شكرا وجزاكم الله خيرا وكل عام وانتم بخير وجعلنا واياكم هداة الى الى خير مهتدين

takory2020
02-02-2011, 01:59 PM
- جزاكم الله خيرا على المجهودات العظيمة -
- ربنا يصلح الحال بس دى مسئولية وضع المناهج ولابد من التدقيق قبل اخراج المنهج للطلاب حتى لايحدث الشتات للطلاب

A.SH
02-02-2011, 06:21 PM
this is games

A.SH
02-02-2011, 06:22 PM
what is your opinion? hhhhhhhhhhhh

Dr.Michael
02-02-2011, 08:21 PM
اخطاء غريبة جدا من المولفين واللى يخلى الواحد يتجنن انهم داكترة فى مناهجهم والترم الاول جابوا 4 ورقات فيها اخطاء
حرااااااااااااااااااااااااام دول مش اولاد عاوزين ينجحوا

ايه السعيد
03-02-2011, 07:44 AM
شكرا جزيلا
جزاك الله كل خير

زاهر الغريب
03-02-2011, 11:55 PM
جزاكم الله خيرا جميعا على هذه الملاحظات الدقيقة .

الاستاذ2011
04-02-2011, 06:45 PM
اسأل الله العظيم رب العرش الكريم أن يسترك في الدنيا والأخرة

اللهم احفظ مصر
وارزقنا الامن والامان والسلامة والاسلام
قولوا امين
تردد قناة الخليجية
10992 راسى على النيل سات انشرها

الياقوتة
05-02-2011, 11:22 PM
شكرااااااااااااااااااااااااااااااااااا

الياقوتة
05-02-2011, 11:25 PM
جزاكم الله خيراااااااااااااااا

كيمو عصام
06-02-2011, 03:13 PM
الف شكر يا استاذه رشا

أشرف أبو الغيط
06-02-2011, 11:55 PM
والله المنهج دا هو اللى محتاج تطوير أخر لأنه لايصلح فعليا للدراسة
والله يكون فى عون أبنائنا الطلاب

أ/ مروان حسن
07-02-2011, 12:13 AM
جزاكم لله خيرا تم التثبيت للمناقشة

يايا@2001
07-02-2011, 01:21 AM
المنهج دة فى اولى سنوى

zakarianasser
08-02-2011, 01:37 AM
ربنا يصلح الحال

هانى محمد خالد
08-02-2011, 08:43 AM
توجيه الدراسات عاوز ثورة تغير مثل 25 يناير

سما25
09-02-2011, 02:21 PM
بارك الله فيكم جميعا
على هذه المعلومات التى سوف تساعدنا كثيرا فى الايام القادمة :excl::excl::excl:
وربنا معنا

عبدالمنعم قطب
10-02-2011, 08:44 PM
جزاكم الله خيرا على المجهودات العظيمة
اكبر خطا فى الكتاب ص81 السطر 27

السيد عز العرب
13-02-2011, 09:12 PM
جزاكم الله خيرا

النجم الكبير
15-02-2011, 11:39 AM
جزاكم الله خيرا على المجهودات العظيمة
اكبر خطا فى الكتاب ص81 السطر 27


تقصد

ولم تزدهر الديمقراطية وتتجسد في الواقع إلا في عهد الرئيس محمد حسني مبارك.

لحن الفرح
15-02-2011, 02:09 PM
انا مكنتش اتصور ابدا ان الكتاب يكون في اخطاء بالشكل ده

انا عايزة اسأل سؤال :: هل الكتب الخارجية بتصحح الاخطاء دي ؟؟

وكمان عايزة اضيف خطأين لاقيتهم

في الصفحة 22 الاسئلة

في اكمل ما يأتي رقم د ( تشتهر اليابان بصيد الاسماك وتحتل المركز الرابع في انتاج الاسماك ... )

وفي صفحة 20 كاتبين ان البابان المركز التاني بعد الصين !!

انا الي غلطانة ولا ده خطأ مطبعي ولا ايه !!!!!!

خطأ كمان في نفس الصفحة

بم تفسر استيراد مصر للاسماك رغم زيادة انتاجها منه ؟

هم مجابوش سيرة استيراد اسماك خالص في الدرس انا متهيألي يقصدوا الدواجن

مش كده بردو ؟؟

انا نفسي اعرف فين التطوير الي بيقولوا عليه ده لما الطلاب هما الي يصححوا لدكاترة ومؤلفين ‍!!!!

النجم الكبير
15-02-2011, 02:24 PM
الكتب الخارجية لا تقوم بتصحيح اى خطأ الا بعد ارسال نشرة بذلك من المستشار بتلك التصويبات

والاخطاء ده اللى احنا كتبناهها هى اكتشافات من الاساتذة والمخلصين

وبارك الله فيكى

أروتي
17-02-2011, 08:54 AM
بخصوص إنتاج الارز الصح البرازيل الاولى خارج نطاق قارة اسيا الدليل --------- الرسم البيانى الموضح للدول المنتجة للارز -- نلاحظ أن البرازيل موجودة على الرسم البيانى ولا توجد الولايات المتحدة على هذا الرسم ----- هذا دليل انة كان نايم ومش واحد بالة ان هنالك مدرسين بتدرس هذا المنهج للصف الاول الثانوى من سنين ( بالرغم من أن المحترم واضع الكتاب موضح أن الولايات المتحدة تنتج 9 مليون طن والبرازيل تنتج 9 مليون طن )

abdoyousef66
17-02-2011, 11:13 PM
شكرااااااااااااااااااااا

مستر / إيهاب احمد رفعت
18-02-2011, 05:13 AM
يارب استر علي المدرسين من كثرة الاخطاء

مسيو/ عصام عبد التواب
18-02-2011, 01:28 PM
واللة المنهج دة حرام على الى وضعة وأنا متاكد أنة لو اتعمل امتحان للى عامل المنهج لابد أن يتوة فية علشان كدة أنا بوجة نداء لجميع معلمى الدراسات أن يتدخلو ا ولا يقفون مكتوفى الايدى من أجل تغيير منهج الصف الثالث فى العام الجديد وتخفيف الاحصائيات والنسب الموجودة

eveay
18-02-2011, 05:02 PM
بارك الله فيك

الغزالة
19-02-2011, 10:58 PM
المنهج مسئولية الجميع وخاصة المعلم علشان هو الصورة الحقيقية أمام الطالب
أرجو من الاخوة الزملاء بارك الله فيهم توضيح كل ما عندهم لابنائم الطلاب لانها مسؤليه أمام الله سبحانه وتعالى
وجزاكم الله خيرا أخوكم................أ /عبدالمجيد شاهين

عماد ابو خالد
20-02-2011, 01:10 PM
الف شكر علي المجهود الطيب

abdou2000
20-02-2011, 09:07 PM
ارجو من حضرات الاخوة الزملاءمدرسي الدراسات الاجتماعية وضع المادة في الاعتبار لحدوث بعض التهاون للمادة مثل
1- جعل المادة درجتها من 40 بعد ان كانت 60 يعني درجتنا هي المزودة درجات الطلاب
2- نرجو دراسة الاقتراح الاتي وهو جعل للمادة يومان للامتحان مثل الرياضيات يوم جغرافيا ويوم تاريخ

مستر / إيهاب احمد رفعت
21-02-2011, 02:46 AM
جزاكم الله خيرا على المجهودات العظيمة

zaksok
14-03-2011, 02:18 PM
خطأ تانى
بيقولوا انتاج الوطن العربى من الذرة يصل 4.2 مليون طن واحان برده بندرسه لتانيه انتاج الوطن العربى من الذرة الشاميه 7.5 ومن الرفيعه 7.7 مش عارف هو يعنى لو جمعنا الاتنين يبقى 15.2 هى هياها 4.2 ولا ده فر ق من تانيه لتالته

zaksok
14-03-2011, 02:19 PM
فى درس الذرة ايضا
مصر اولى دول افريقيا انتاجا للقمح وتنتج من كميات قليله تصل الى 150 الف طن مش احنا قلنا فى القمح انتاجنا 6 مليون

Ahmed Alaa Elwakil
14-03-2011, 06:34 PM
احب اقول حاجة ومش هاقول اكتر منها
تالت فرخات ودجاجة ومحدش فاهم حاجة

دا تهريج السنين

kha000led
14-03-2011, 10:45 PM
http://islamroses.com/zeenah_images/User5148.gif

احمد الصفوري
16-03-2011, 11:17 PM
هذا المنهج الممل الذى وضعة اساتذة المفروض انهم كبار ولكن للا سف نجحو بتقدير امتياز فى ان يكرة الطالب التعليم بصفة عامة وتاريخ بلدة بصفة خاصة لماذا يكرراسباب ثورة 23 يوليو وكذلك الدروس المستفادة من حرب اكتوبر وما هذا الكم من الارقام والمعلومات شارك فى وضع الكتاب ثمانية كلهم استاذ دكتور على ما اعتقد انها سبوبة مش اكتر وما هذا الكم من الاخطاء هل تمت مراجعة المنهج على هؤلاء الا بتعاد عن التأليف وعدم المشاركة فى وضع اى منهج مستقبلا لن اسرد الاخطاء فقد سبقنى الزملاء فى ذلك دعوة للجميع لمطالبة الوزير بتغيير هذا المنهج ا لمشبوة

لولا50
17-03-2011, 02:57 PM
خطأ اخر

صـ 67 عنوان الخريطة

خريطة ( 22 ) موقع الولايات المتحدة الأمريكية وأهم مدنها
حد شايف اية مدينة ؟؟؟؟؟
طب حد شايف موقع ؟؟؟
مثلا فى الشمال ايه ؟؟؟ أين دولة كندا
فى الجنوب أيه ؟؟؟ أين دولة المكسيك
(حضرتك الكتاب ص67 فى الخريطة دولة كندا فى الشمال ودولة المكسيك فى الجنوب واضحين فى الخريطة وضوح الشمس)


خطأ أخر صـ 68
هضبة كولومبيا في الشمال الغربي عند الحدود مع كندا في الشمال والوادي الأوسط بولاية كاليفورنيا
وصحراء أريزونا في أقصى الجنوب الغربي عند الحدود مع كندا.
هو الشمال الغربى كندا
والجنوب الغربى كندا

مش المفروض مع المكسيك ؟
(مكتوب فالكتاب الاتى /
هضبة كولومبيا في الشمال الغربي عند الحدود مع كندا في الشمال والوادي الأوسط بولاية كاليفورنيا
وصحراء أريزونا في أقصى الجنوب الغربي عند الحدود مع المكسيك)




لا حول ولا قوة إلا بالله
.................................................. ...

لولا50
17-03-2011, 03:07 PM
خطأ أخر فى صفحة 71 فى العلاقة مع مصر
كاتب :
وتصدر مصر إلى الولايات المتحدة الأمريكية وتصدر مصر الولايات المتحدة الامريكية
( لم يذكر ما هو الذى تصدره مصر ) بل كرر الجملة فقط

اللى حضرتك بتقوله ده مش مكتوب خاااااااااااااااااالص فى الكتاب ولكن المكتوب فى الكتاب الأتى
(مكتوب فى الكتاب الاتى / تعد العلاقات المصرية من العلاقات القوية وتوجد اتفاقيات بين البلدين فى اطار التعاون الاقتصادى والتكنولوجى والثقافى والعلمى وتوجد اتفاقيات تجارية بين البلدين منها اتفاق منطقة التجارة الحرة واتفاقية الكو يز وتستورد مصر من الولايات المتحدة منتجات تكنولوجية حديثة وأسلحة وطائرات وغيرها)


...............................................

aboadham.elmasry
18-03-2011, 10:48 PM
فى خطأعند العضوmw_mw335 (http://www.thanwya.com/vb/member.php?u=293076)أولى ثانوى وليس أولى سنوى

yasersaad
29-03-2011, 01:05 AM
اخطا كتاب الفصل الدراسي الثاني اريده ورد

tarek hosny
29-03-2011, 07:38 PM
يا جماعه هو مش بيتقال في الكتاب ان مصر انتاجها من الذرة 150 الف طن وهي اولي دول القارة انتاجا للذرة وان انتاج افريقيا 40 مليون طن طب ازاي الكمية القليله دي وعدد دول القارة 53 دولة انا مش فاهم الرقم ده صيحيح

محمد على الحلوانى
31-03-2011, 07:50 PM
طيب ايه الصحيح احنا عرفنا الاخطاء هل فى نشرة بالتصحيح ولا لا ؟

tamoso
06-04-2011, 11:05 PM
بعض الإخطاء العنجهية فى الدراسات الإجتماعية
1 . انتاج الهند من القصب مرة 168 م ط و مرة 180 م ط
2 . الولايات و اسيا أم اسيا و أوربا أوالئل انتاج الفحم ؟؟؟؟؟؟؟؟؟؟؟؟؟؟؟؟؟
3 . انتاج الذرة فى الوطن العربى 14 م ط فى الصف التانى أما فى التالت أصبح 4.2 م ط
4 . سهل كروماندل بين جبال الغات الغربية و الساحل الشرقى ؟؟؟؟؟؟؟؟؟؟ طبعا المفروض الغربية
رنا يرحمنا و يغيروا منهج الصم و الحفظ الجغرافى اللى كان موجود فى أولى ثانوى

مستر رامى حبيش
09-04-2011, 03:18 AM
بارك الله فيكى ياأستاذة رشاوأحب أضيف لحضرتك (( أنه تم عرض التوزيع الجغرافى للمعادن وخاصة الحديد فكانت القارة الثانية = الهند ودلها الصين : 110 مليون طن ،،، الهنـــــد : 50 مليون طن وبما أن العبقرية عندهم زايدة عن الوصف والعملية عندهم بتقاس بمصطلح مشى حالك حالك يمشى فكانت الثروة المعدنية (للهند) خام الحديد 40 مليون طن أكيد الـ 10 مليون اللى نقصوهم كانت من نصيب أحمد عز

النجم الكبير
09-04-2011, 06:04 PM
ان شاء الله المنهج ده هيتغير

حسب كلام بعض الاخوة هنا فى المنتدى

salute
10-04-2011, 07:42 PM
شكراً لكى اختى رشا على هذا الموضوع .مع العلم ان هناك اخطاء اخرى .
وحتى فى منهج التاريخ مكلفش نفسه بذكر مقر منظمة الاتحاد الافريقى ولا سنة انشائها.ولا مقر جامعة الدول العربية وغيره وغيره .على العموم حسبنا الله ونعم الوكيل.

mohamadhm73
12-04-2011, 05:59 AM
هل ياتر يانتاج الهند من الفحم 50 ملون طن ولا 40 مليون طن ولو السؤال ده في الامتحان اكتب ايه

عبد الرحمن آدم
12-04-2011, 10:34 AM
الرسوم البيانية وخاصة انتاج النحاس 9م طن وابعد اضافة عمود الولايات 2م طن يصبح الناتج 10و6 حد يفهمنا
والنبى ولكم تحياتى ؟

manal.mony
15-04-2011, 12:45 AM
مؤلف الكتاب نجح في حاجة واحدة فقط ، وهي ان كل الطلاب و المدرسين و أولياء الامور كرهوا مادة الدراسات ، منه لله الله لا يسمحه

el_kashef
17-04-2011, 02:23 PM
merciiiiiiiiiiiiiiiiiiiiiiiiiiiiiiiiiiiiiiii

ايات رضوان
21-04-2011, 10:16 PM
شكرااااااااااااااااااااااااااااااااااااااااااااااا اااااااااااااااااااااا

doaa elhoseny
24-04-2011, 11:07 PM
طيب يا جماعة ادينا اعدنا نقول غلطات ماشى و اعترفنا بيها بس لحد الوقتى مجتش نشرة من الوزراة تصحح الكلام ده و لا تعترف انه فيه غلطات فعلا فكتاب الوزراة و لا حد صلحها

المفروض بقى اننا هنذاكرها كده ... و لا هى اصلا الحاجات دى اتعرف انها غلط و مش ممكن تيجى فامتحانات و لاايه؟!

عباس خضري
12-04-2013, 07:26 AM
ارجو التوجيه والتصحيح البناء بدون سخرية من أحد

شريف55
12-04-2013, 08:47 AM
- ص 48 تحت عنوان الموقع الفلكي والجغرافي والمساحة (في البرازيل) مكتوب الآتي بالنص
( تمتد البرازيل على 45 درجة عرضية بين دائرتي عرض 5 شمالاً و33 جنوباً أي خلال 38 دائرة عرضية) ما رأيكم في
( مش موجوده بالكتاب المدرسى )

شريف55
12-04-2013, 09:16 AM
فى المنهج الجديد تم تعديله من كل الاخطاء وتم حذف كثير من المنهج

الباشا المنياوى
14-04-2013, 04:26 PM
رد على موضوع اخطاء الكتاب المدرسى
1- مقوله ان الوراعه عرفت فى شرق المتوسط وجنوب غرب اسيا مقوله صحيحه لان شبه الجزيرة العربيه تضم اليمن
2-ذكر بالكتاب المدرسى ان الولايات المتحده رابعه دول العالم مساحه وليست الثانيه
3- ذكر بالكتاب المدرسى ان البرازيل اولى دول العالم انتاجا للارز خارج اسيا ولا اعرف من اين جاءت الاخطاء السابقه
لا ننكر ان المنهج سىء جدا ويحتاج الى تغيير شامل ولكن لا نفترى بعض الاخطاء