انا بحب بنت وعاوز اتقدملها ومش خايف من حد لآنى مبعملش حاجة غلط بس لما قولتلها انى معجب بيها من ثلاث شهور وكنت بشوف لو فى حد فى حياتك والجرائة اجت النهارده وقولتلها ضحكت وقالت ليا طب الناس اللى ورانا هيشوفونا فقولتلها هكلمك بعدين بس جد انا ارتحت لما اتكلمت معاها حسيت انى فرحان بقيت بصلى بحب فى الله بقيت فرحان على طول حبيت ضحكتها الجميلة البريئة نفسى الانسانة دى تشاكرنى حياتى بس انا عاوزها تحبنى تخلصلى لان الحاجات دى لازم متتخدش فى يوم وليلة بس عاوزكم تسعدونى يا بنات انا بجد مش بلعب بيها بس طرقتى ازاى اعرف انها مبتعرفش حد طب وازاى اتأكد من القبول مع انى ادام اى حد مجزرة كلام بس قصادها عصفور مش عارف يتكلم بس لما بشوف عنيها برتاح معاها ارجووووووووووووكم ساعدووووووننننننننننننىىىىىىىىىىىىىىىىىىىىىىىىى ومتشكر لاعضاء افضل منتدى فى الدنيا دى والسادة المشرفين الرائعين

بص يا اخي ربنا يحفظك

اول حاجه انت طلبت راينا وبما انك طلبت راينا ف الموضوع ف مافي زعل من اي راي بارك الله فيك


ف الاول احب اقولك ان البنت الكويسه استحاله تضحك لولد او حتي تبتسمله اوك

ناهيك عن انها تكلمه


انا لا اقصد اي اساءه للاخت طبعا ربنا يحفظها ويبارك فيها


تاني حاجه لو فعلا عايز تتقدملها او عايز توصلها زي ما بتقول ف ده عمره ماهيجي عن طريق مكالمات او ضحكات او مهاتفات

ده هيجي عن طريق بيتها وف حضور اهلها


يعني بجد لو عايز تتزوجها يبقي تعرف فين مكانها او بيتها يعني وتروح تتقدملها واكيد ف دينا ف حاجه اسمها خطوبه ساعتها باه هتقدر تعرف اذا كانت كويسه فعلا والا لا من خلال الفتره دي


انما ما ينفعش خالص تقابلها وتكلمها وتضحكلك ........


خااااااااالص مينفعش


انت بتطلب رزق من الله عز وجل وهو الزواج



وما عند الله لا ينال الا بطاعته


عايزها بجد بلاش تخلي للشيطان طريق بينكم واقفل كل الابواب الا باب الاستعانه بالله ف ذالك الامر ولا مانع من مشوره الخلق



وصدقني يا اخي الابتسامه والكلام وكل ده عمر الحجات دي مبتعرف الشيخص كويس والا لا


واكررهالك لتاني مره مفيش بنت عندها حياء ملتزمه كويسه زي ما بتقول كده تفكر حتي ترفع الطرف الي اي ولد ايا كان الولد ده

حتي لو كان جواها حاجه من ناحيته ف دينها وتربيتها والتزامها بيمنعوها انها تعمل حاجه زي كده



توكل ع الله يا اخي وادخل البيت من بابه ان كنت فعلا بتحبها زي ما بتقول

ولو وافقه بيك اكيد ساعتها هتعرف انها بتحبك و ع الاقل حابه تدرس اخلاقك زي ما انت هتدرس اخلاقها وده ف فتره الخطوبه


انما كونك تنتظر لحد ما تعرف بتحبك والا لا

فصدقني كلها خطوات شيطان


وربنا يرزقك الخير يا اخي حيث كان ويرضيك به


ويوفقك لما يحب ويرضي


وبعتذر جدا اني رديت اول واحده فانا عرفه والله ان ده مش من باب الادب اني ارد قبل اخواتي الفضليات ربنا يحفظهم


فعذرا


وجزاكم الله خير


وسدد الله رميك اخي الفاضل

قولتي ياأم عمار الكلام المظبوط وربنا يوفقك يا أخ احمد إن شاء الله

استاذ احمد اعتقد ان ام عمار قالت الكلام المظبوط
وانا كبنت هقولك
لو فعلا بتحبها متكلمهاش ف موبايل او انك تقابلها لانها لو وافقت هتبقى مش الانسانة اللى بتدور عليها دا من راى انا
واسأل عليها شوف هيا الانسانة اللى هتربى عيالك و تحمل اسمك ودى اهم حاجة
وتروح تخطبها احسن من بيتها
وساعتها هتكبر ف نظرها اوووووووووووووى
وان شاء الله ربنا يوفقك للخير
ارجو ان تتقبل مرورى