من اجمل ما سمعت من الشاعر على سلامة
على باب سفارة كندا






حتى ابليس هاجر من مصر
على باب سفارة كندا.. لمحت ابليس و ف ايده استماره..
بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

..بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده

علمونا بالعصاية
ورضعونا الخوف رضاعة
علمونا فى المدراس
يعنى اية كلمة قيام
علمونا نخاف من الناظر
فيمتنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى ما موش باسمع كلامكم
وما تزعلوش لما ابقى خارج النظام
مستنى اية من طفل ربوه بالزعاق
غير المشاكل والخناق
كل اللى يقولك بحبك دول نفاق
انا لما قلت لك بحبك
كان نفاق
الحب يعنى اتنين بيدوا
مش ايد بتبنى وستميت تيت تيت تهدوا
الحب حالة
الحب موش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما لية بقوا مسجونين
يعنى اعيش علشان هدف
علشان رسالة
يعنى احس بقيمتى فيكى
انى موش عايش عوالة


الحب حالة
موش شعر وقواله
الحب حاجة ما تتوجديش فى وسط ناس
بتجيب غداها من صناديق الزبالة
اكتفى بهذا القدر من هذة القصيدة وبالفعل هى تعبير عن الحالة التى نعيش فيها ولكن يبقى الامل فى ان نتغير وينصلح الحال ونصلح انفسنا ونتصالح معها بصدق واخلاص ونكشف عيوبنا لانها هى التى ادت بنا الى هذا الوضع لان فى النهاية مهما الظلم ساد والفساد انتشر سوف ياتى يوم وينتهى ما دام لم يجد من يساندة ويدعمة لانة نبات شيطانى ليس لة جذور وعلينا ان نزرع الخير والمبادىء الطيبة بحسن اخلاقنا حتى نحصد الخير وان يكون انتماءنا وحبنا الى مصر وان نعمل ونجتهد ونخلص النوايا حتى نجد ما يسعد ايامنا فى الدنيا والاخرة اللهم اصلح احوالنا واهدينا الى صراطك المستقيم فى الدنيا والاخرة واحسن خاتمتنا يارب العالمين
المصدر: منقول من قصيدة جحا هشام الجخ

علمونا بالعصاية
ورضعونا الخوف رضاعة
علمونا فى المدراس
يعنى اية كلمة قيام
علمونا نخاف من الناظر
فيمتنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى ما موش باسمع كلامكم
وما تزعلوش لما ابقى خارج النظام
مستنى اية من طفل ربوه بالزعاق
غير المشاكل والخناق
كل اللى يقولك بحبك دول نفاق
انا لما قلت لك بحبك
كان نفاق
الحب يعنى اتنين بيدوا
مش ايد بتبنى وستميت تيت تيت تهدوا
الحب حالة
الحب موش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما لية بقوا مسجونين
يعنى اعيش علشان هدف
علشان رسالة
يعنى احس بقيمتى فيكى
انى موش عايش عوالة


الحب حالة
موش شعر وقواله
الحب حاجة ما تتوجديش فى وسط ناس
بتجيب غداها من صناديق الزبالة
اكتفى بهذا القدر من هذة القصيدة وبالفعل هى تعبير عن الحالة التى نعيش فيها ولكن يبقى الامل فى ان نتغير وينصلح الحال ونصلح انفسنا ونتصالح معها بصدق واخلاص ونكشف عيوبنا لانها هى التى ادت بنا الى هذا الوضع لان فى النهاية مهما الظلم ساد والفساد انتشر سوف ياتى يوم وينتهى ما دام لم يجد من يساندة ويدعمة لانة نبات شيطانى ليس لة جذور وعلينا ان نزرع الخير والمبادىء الطيبة بحسن اخلاقنا حتى نحصد الخير وان يكون انتماءنا وحبنا الى مصر وان نعمل ونجتهد ونخلص النوايا حتى نجد ما يسعد ايامنا فى الدنيا والاخرة اللهم اصلح احوالنا واهدينا الى صراطك المستقيم فى الدنيا والاخرة واحسن خاتمتنا يارب العالمين
المصدر: منقول من قصيدة جحا هشام الجخ

حلوة حلوة حلوة

نرجو المذيد لتلطيف الجو

اكيد باذن الله