Samir Elamir
23-01-2011, 11:37 AM
ما تكونوش مساكين
********* شعر/ سمير الأمير
أنا بين بنين
بحرين من ضلام
وندعتين من ضى
على مشارف سكتى
طوابير من الحزنانين
والمغلوبين على أمرهم
مادين إيديهم يمّتى
وكأنى المسيح الحى
ما يعرفوش إن انا خشب الصليب؟
برئ من دم النبى
ومش برئ ؟
برئ كمان من كلمتى وجبان ؟
ملعون بذنبى وذنب المخدوعين فيّا
إنسان بسيط وشيطان ,
مجنون وباتقلب مابين صُباعين
فى إيدين زمن مقلوب على نفسه
ومش مضمون.. خفيف
كما رملايه ف الصحرا
محكومه بالريح القوى وبالريح الضعيف ؟
يأيها المساكين
حلونى من ذنبكم
ما تعلقوش حلمكم بيّا
أنا سكه مقفوله لا رايحه ولا جايه
يأيها المساكين
كونوا انفجار الغضب
كونوا انتفاض الحياه والطين
وما تكونوش مساكين.
********* شعر/ سمير الأمير
أنا بين بنين
بحرين من ضلام
وندعتين من ضى
على مشارف سكتى
طوابير من الحزنانين
والمغلوبين على أمرهم
مادين إيديهم يمّتى
وكأنى المسيح الحى
ما يعرفوش إن انا خشب الصليب؟
برئ من دم النبى
ومش برئ ؟
برئ كمان من كلمتى وجبان ؟
ملعون بذنبى وذنب المخدوعين فيّا
إنسان بسيط وشيطان ,
مجنون وباتقلب مابين صُباعين
فى إيدين زمن مقلوب على نفسه
ومش مضمون.. خفيف
كما رملايه ف الصحرا
محكومه بالريح القوى وبالريح الضعيف ؟
يأيها المساكين
حلونى من ذنبكم
ما تعلقوش حلمكم بيّا
أنا سكه مقفوله لا رايحه ولا جايه
يأيها المساكين
كونوا انفجار الغضب
كونوا انتفاض الحياه والطين
وما تكونوش مساكين.