مشاهدة النسخة كاملة : ادينى الحقنة بسرعة
_GUIDE_ 25-10-2007, 10:48 PM بسم الله الرحمن الرحيم
ادينى الحقنة بسرعة ارجوك محتاجة الجرعة
كثير منا شاهد الفيلم الذى يعرض على شبكة (art) وش اجرام بعيد عن كون الفيلم سطحى بدرجة كبيرة
ولكن مع ذلك فى الفيلم له مضمون واقعى بدرجة كبيرة والفيلم يحكى قصة الشاب طه الفاشل فى كل شى والذى
بدوره يحاول البحث عن فرصة للعمل بشتى الطرق وتقع الكثير من المفارقات
ولكن ما احب التحدث عنه هنا (الحصانة ) عندنا هرب اللص الكبير فى نهاية الفيلم بطائرة وذلك بدعوى الحصانة
تذكرت هنا (ممدوح اسماعيل ) صاحب عبارة السلام وعضو مجلس الشعب والذى طار الى لندن وفى رقبته اكثر من الف ضحية ماتت وهو الوحيد المسئول عنها إلى أن الرجل اللغز وراءه من يحميه ويدفعه إلى الإقامة في داخل فندقه الكونكورد بلندن والذي اشتراه بنحو 13 مليون جنيه إسترليني
وايضا تذكرت (ياسين عبد الفتاح عجلان ) صاحب اشهر قضية اختلاس فى مصر والقضية المعروفة با اسم قضية نواب القروض والذى استطاع بمعاونة عدد كبير من شركائه اختلاس ما يقدر ب1.6 مليار جنية من اموال الشعب قبل ان يقبض عليه وهو يحاول العبور الى إسرائيل عن طريق الحدود السورية وقد سارت العديد من الشكوك حول مساعدة شخصيات نافذة داخل الحكومة ساعدته على الهرب تم القبض على (ياسين عجلان ) ولكن ما يزال عدد كبير من رجال الأعمال وصل إلى 25 رجل أعمال على رأسهم رامى لكح والهارب إلى فرنسا وعادل مبارك فهمى المشهور ب دوارف والهارب ب 375 مليون جنيه ومحمود وهبة الهارب إلى أمريكا ومعه 300 مليون دولار وهانى يعقوب وهدى عبدالمنعم وأشرف السعد وغيرهم حيث تشير الأرقام الرسمية بأن هؤلاء نجحوا فى تهريب 37 مليار جنيه خارج حدود الوطن كل هولاء استطاعوا الهرب بفضل القانون الظالم الذى يسمى الحصانة والتى تتيح السرقة والنهب وفى النهاية يفر الجانى فى طائرة وتنزل كلمة
( النهاية )
صوت الحق 26-10-2007, 10:59 AM هذا هو حالانا اليوم وهو ده دور الحصاااااااااااااااااااااااااا اااااااااااااااااااااااااااااااااااااااانه
شكرا على الموضوع
The Happy Angel 26-10-2007, 11:19 AM ايه حكايتك يا حج اسلام مالك كدا شبه القضاه
سيب الناس في حالها بس صدقني بجد ان العيب في الشعب مش في الحكومه او تقريبا مش كل حاجه وحشه الحكومه عملاها
ممكن يبقي اسوء
تقبل مروري حبيبي
_GUIDE_ 26-10-2007, 03:53 PM هذا هو حالانا اليوم وهو ده دور الحصاااااااااااااااااااااااااا اااااااااااااااااااااااااااااااااااااااانه
شكرا على الموضوع
شكرا على مرور حضرتك بس اعتقد ان الحصانة معمله علشان تحمى ممثل الشعب
من اى اضهاد من الحكومة
مش علشان يسرق بيها البلد ويخلع
ايه حكايتك يا حج اسلام مالك كدا شبه القضاه
سيب الناس في حالها بس صدقني بجد ان العيب في الشعب مش في الحكومه او تقريبا مش كل حاجه وحشه الحكومه عملاها
ممكن يبقي اسوء
تقبل مروري حبيبي
ماشى انا معاك ان الحكومة ليها حسنات
بس برضه مش بتعمل كل ده لله والوطن اكيد ليها منفعة بتعود عليها
وانا معاك ان الشعب هو اللى يستاهل لانه ماشى جنب الحيط
ومطبق مبدا من خاف سلم
وربى عيالك وياعم احنا مالنا وفى الاخر يقولك الحياة صعبة والعيشة مره
ما احنا اللى سكتين
شكراا على مرورك يامحمد
M I D O 26-10-2007, 05:13 PM مواضيعك رائعة من حيث فكرتها احيك
راى ان فعلا بيحصل كثير جداا فى مصر
ولكن الكل فوق القانون
فى مصر بس
gamal saber 26-10-2007, 05:40 PM الله عليك يا اسلام
هى دى المواضيع الى تودى فى حديد على طول
وبيتهيقلى الموضوع باين
مش معقول رجل اعمال يخرج ب106 مليار
منغير ماحد من جوة يساعدة
fares elnet 26-10-2007, 08:16 PM والله ياسلام الواحد مش عارف يقول ايه
بس ماتستغربش لان احنا فى مصر والباقى انت عارفه
كل شى مباح يا صاحبى
وشكرا على موضوعك
_GUIDE_ 26-10-2007, 08:53 PM مواضيعك رائعة من حيث فكرتها احيك
راى ان فعلا بيحصل كثير جداا فى مصر
ولكن الكل فوق القانون
فى مصر بس
شكرا على مرورك ياميدو
وفعلا مصر بلد المتناقضات
الهرم فيها مقلوب
الله عليك يا اسلام
هى دى المواضيع الى تودى فى حديد على طول
وبيتهيقلى الموضوع باين
مش معقول رجل اعمال يخرج ب106 مليار
منغير ماحد من جوة يساعدة
لا متخفش يا ياجمال انا قولت 100 مرة
الحكومة عندها حاجات اهم من دخول المنتديات
والله ياسلام الواحد مش عارف يقول ايه
بس ماتستغربش لان احنا فى مصر والباقى انت عارفه
كل شى مباح يا صاحبى
وشكرا على موضوعك
عارف عارف البلد دى تجيب الضغط كل حاجة فيها غلط
وعندنا كمية لا مبالاه مش معقولة
شكرا على مررورك يا استاذ حسام
بورسعيدى 27-10-2007, 12:20 AM موضوع مهم يا مرشد
كعادتك دائما تجيد وضع يدك على الجرح
لكن هى دى مصر يا مرشد
وهاتفضل طوووووووول عمرها كده
وعلشان ماتتعبش
حاول تتعود على كده
الاسطورة 27-10-2007, 04:50 PM يا مرشد اغلب اعضاء مجلس الشعب دول حرامية وتجار مخدرات و نواب قروض
وهما مش يدخلوا مجلس الشعب الا عشان ياخدوا الحصانة ويشتغلوا من غير ما يخافوا!!!
_GUIDE_ 01-11-2007, 10:02 PM موضوع مهم يا مرشد
كعادتك دائما تجيد وضع يدك على الجرح
لكن هى دى مصر يا مرشد
وهاتفضل طوووووووول عمرها كده
وعلشان ماتتعبش
حاول تتعود على كده
يعنى راى حضرتك من راى سعد باشا زغلول ان مفيش فائدة
عمتا لا حياة مع الياس ولا يأس مع الحياة
منور الموضوع يا استاذ مجدى وحشنى والله
يا مرشد اغلب اعضاء مجلس الشعب دول حرامية وتجار مخدرات و نواب قروض
وهما مش يدخلوا مجلس الشعب الا عشان ياخدوا الحصانة ويشتغلوا من غير ما يخافوا!!!
ماشاء الله عليك يامحمود
بقيت استاذ فى السياسة:D
أحمد2025 01-11-2007, 11:12 PM هذا هو حالنا فى مصر العظيمة سابقا
ايدينى الحقنة بسرعة ارجوك محتاجة الجرعة
MohammeD el_SadaT 02-11-2007, 07:15 PM بجد يا إسلام شكلى مش هدخلك مواضيع تانى
بدخل أفور دمى وأخرج
نصيحه من أخ لأخوه بطل كتابه شوه على ما الجو يهدى حاسس في يوم إنك هتوحشنى
الشفق الباكي 31-08-2008, 05:08 PM انا بفكر فى موضوع الحصانه دا ناويه اول مااكبر شويه ارشح نفسى لمجلس الشعب
خلينا نعمل اللى على مزاجنا ماهى بلد كوسه
لنا الله
the black rose 31-08-2008, 06:25 PM موضوعك حلو يا اسلام
يابنى لو ده محصلش منبقاش فى مصر
اللى عايز يعرف اصول النصب يجى مصر علطول
ZAHIMR 31-08-2008, 08:07 PM عندك حق فعلا
بارك الله على كلامك الحقيقى
شكرا لصراحتك يا اسلام
_GUIDE_ 31-08-2008, 08:52 PM شكرا ليكم
بس عمتا البلد فعلا ماشية بالحصانة
اللى ليه معرفه فى اى حته بيفكر نفسه خلاص محدش قده
ويبخت من كان مسئول فى الحزب الوطنى خاله .... يهبش ويعلى فى رأس ماله :d
باسم باشا 01-09-2008, 11:49 AM الناس دي هربت من الحكومة الو الشعب
بس مش هتهرب من ربنا ولو هربو في اي حتة لربنا هيجبهم
وربنا معندوش حصانة او وسطة او رشوة
عشان كدا لازم نرتاح ونريح بالنا
ونتيقن ان الفلوس دي هترجع يعني هترجه
ولو مش في الدونيا هتبقى في الاخرة
وشكرا عالموضوع
JusT DreaM 01-09-2008, 11:55 AM بجد احنا في بلدنا دي لو مكنش في قانون الحصانه ده مش هيبقى في مسؤول واحد بره السجن
فاحنا خلينا كده احسن عشان منبقاش بلد مالهاش كبير:(
king mo7amed 01-09-2008, 11:58 AM شكرا عالتوبيك الجميل ده
COoL HEaRT 01-09-2008, 12:55 PM بجد احنا في بلدنا دي لو مكنش في قانون الحصانه ده مش هيبقى في مسؤول واحد بره السجن
فاحنا خلينا كده احسن عشان منبقاش بلد مالهاش كبير:(
مش فاهمه ازاى انا عندى مش يبقلنا كبير احسن من ان الحراميه يمسكونا
وبعدين هى الحصانه جت ع انهم يسرقوا الفلوس ويطلعوا بره
شوف اللى بيستخدمها فى تهريب مخدرات وبلاوى سوده تانيه
وع راى احد الاعضاء هما هيروحو من ربنا فين يعنى
بس المفروض الاول نحاول نديهم جزائهم فى الدنيا
الساكت عن الحق شيطان اخرس والصراحه محدش يحب انه يكون شيطان
Tawfeek Yahia 01-09-2008, 01:04 PM والله شوفنا الفيلم ودا مش موقع قصص افلام
Dr.diamond 01-09-2008, 01:57 PM ماهى دى امتداد للكوسه الى ماشيه فى البلد
بجد مبقاش فيه حد بياخد الحاجه الى بيستحقها
أصحاب النفوذ بس هما الى معاهم الفلوس والى بيسرقوها من الشعب وكمان معاهم حصانه يعنى بيسرقوا ومحدش يقدر يحاسبهم. أمال هما بيبقوا هيموتوا نفسهم ويدخلوا مجلس الشعب ليه
بيلاقوا شغلهم بايظ واحتمال حد يقفشهم او يطالبهم باى حاجه
او حتى يفضحهم بأى حاجه
يقوموا ياخدوا الحصانه دى عشان يسكتوه
وينهبوا الناس الغلابه بقى
الناس الى بتموت كل يوم عشان تجيب عيش من الفرن
الناس دى لو حلمت فى يوم يبقى عندها حصانه
يبقى بس عشان تقدر تجيب العيش اسرع
بدل ما بيقوفوا بالساعتين شان يجيبوا عشره أرغفه
Dr.diamond 01-09-2008, 02:01 PM والله شوفنا الفيلم ودا مش موقع قصص افلام
هى فين قصه الفيلم الى هنا ؟؟؟
JusT DreaM 01-09-2008, 02:08 PM مش فاهمه ازاى انا عندى مش يبقلنا كبير احسن من ان الحراميه يمسكونا
وبعدين هى الحصانه جت ع انهم يسرقوا الفلوس ويطلعوا بره
شوف اللى بيستخدمها فى تهريب مخدرات وبلاوى سوده تانيه
وع راى احد الاعضاء هما هيروحو من ربنا فين يعنى
بس المفروض الاول نحاول نديهم جزائهم فى الدنيا
الساكت عن الحق شيطان اخرس والصراحه محدش يحب انه يكون شيطان
ايوة طبعا مفيش حد يحب انه يكون شيطان بس قوليلي احنا هنجزايهم في الدنيا ازاي
نطالب انهم يتشالو ؟
طيب نطالب مين لما هما اصلا اللي بيشيلو
وبعدين انا عاوزة اقول ان الحصانه مش وحشة في كل الاحوال مش معنى ان في ناس بتستخدمها وحش ان هي نفسها وحشه
ممكن حد يستخدمها في انه يخلي البلد دي تتقدم بس ازاي
الله اعلم
لما يظهر الحد ده يبقى يقولنا ازاي:confused:
happiness_sadness7 01-09-2008, 02:09 PM اهلا بيك ياجايد
بجد مواضيعك رائعة
وكويس ان في حد بيتكلم
واكيد لازم كلنا نتكلم
مش لازم نسكت علي اي حاجة غلط
علشان الساكت عن الحق شيطان اخرس
وحنا كلنا بقينا شيايطين خرس
محتاجين اللي يفوقنا
يللا
عالعموم شكرا علي مواضيعك
نتمني منك المزيد
وتقبل مروري
JusT DreaM 01-09-2008, 02:09 PM والله شوفنا الفيلم ودا مش موقع قصص افلام
!!!!!!!!!!!!!!
فجر الإسلام 01-09-2008, 02:14 PM الموضوع مضمونه حلو أوي
والأحلى انك تتكلم بحريه وتعبر عن الظلم اللي انت شايفه
بس احنا ياما بنتكلم بس إيه الفايدة
_GUIDE_ 01-09-2008, 07:18 PM الناس دي هربت من الحكومة الو الشعب
بس مش هتهرب من ربنا ولو هربو في اي حتة لربنا هيجبهم
وربنا معندوش حصانة او وسطة او رشوة
عشان كدا لازم نرتاح ونريح بالنا
ونتيقن ان الفلوس دي هترجع يعني هترجه
ولو مش في الدونيا هتبقى في الاخرة
وشكرا عالموضوع
بس احنا نفسنا نشوف اصحاب الشأن بيطبقه القصاص العادل فى الدنيا
عمتا شكرا على مرورك
_GUIDE_ 01-09-2008, 07:24 PM بجد احنا في بلدنا دي لو مكنش في قانون الحصانه ده مش هيبقى في مسؤول واحد بره السجن
فاحنا خلينا كده احسن عشان منبقاش بلد مالهاش كبير:(
هههههههههه
وجهة نظر برضه :d
شكرا عالتوبيك الجميل ده
الاجمل مرورك وكان نفسى اشوف تعليقك
مش فاهمه ازاى انا عندى مش يبقلنا كبير احسن من ان الحراميه يمسكونا
وبعدين هى الحصانه جت ع انهم يسرقوا الفلوس ويطلعوا بره
شوف اللى بيستخدمها فى تهريب مخدرات وبلاوى سوده تانيه
وع راى احد الاعضاء هما هيروحو من ربنا فين يعنى
بس المفروض الاول نحاول نديهم جزائهم فى الدنيا
الساكت عن الحق شيطان اخرس والصراحه محدش يحب انه يكون شيطان
صح كلامك ياسمين
فين دورنا احنا
طيب فين ناس كتير بتكشف الفساد بس مفيش حد بيسمعلهم
والحق انقلب باطل والباطل بئا هو الحق
والله شوفنا الفيلم ودا مش موقع قصص افلام
معاك حق نورتنا بمرورك
وطبيعى ان لزم يكون فيه واحد او اتنين مش فاهمين حاجة
***star*** 01-09-2008, 07:30 PM معاك حق نورتنا بمرورك
وطبيعى ان لزم يكون فيه واحد او اتنين مش فاهمين حاجة
هههههههههههههههه...جامده....ده مش مترجم خالص....قري العنوان ودخل رد علطول
أولا الموضوع جميل جدا...وعنوانه يشد......بالنسبه يااسلام لقضايا الأختلاس كتير اوووووووووووي في مصر....انت قولت أسماء المعروفين بس..واللي عليهم احكام...بس في ناس تانيه متداريه......وطبعا دول غلابه جدا...بينهبو علي قليل شويه...يعني بيلعبو في مليون او نص مليون.....تقبل مروري
Cray_Bird91 01-09-2008, 07:37 PM احنا ياما اتكلمنا بس ناقص الحركة
الظلم زاد وبيزيد وحيزيد
والناس اللى بتمشى بمزاجها حتفضل كدة لحد ما تتلسع عشان ربنا مش بيسيب ظالم ابدا
طول ما فى شياطين قاعدة ساكتة عن الحق
مفيش حاجة حتتعدل
شكرا على التوبيك
Dr.korombaia 01-09-2008, 07:38 PM نصيحه ما تتفرجش على افلام تاني
عشان ما يفكركش باللي بيحصل :d
بس بجد في حاجه لو القانون ده ما كانش موجود كان كل المسئولين هيبئا في السجن
وهنشمت العدوين فينا
خلينا كده متلصمين احسن
وميرسي كتير ع الموضوع اللي بيقلب المواجع بس
ميراج 08-11-2008, 12:30 PM هيه دى بلدنا مصر فيها كل اللى قلبك يحبه
|