نصائح للبنات في فترة الخطوبة [الأرشيف] - بوابة الثانوية العامة المصرية

مشاهدة النسخة كاملة : نصائح للبنات في فترة الخطوبة

مدرسة الانجلش

24-01-2011, 12:22 PM

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

عاشق البلانكو الابيض

24-01-2011, 12:27 PM

هههههههههههههههـ

هو حد مستعد يخطب الايام دى يا رجالة سبوهم يعنسوا:022yb4:

بجد موضوع رائع جدااااااااااااااااااااااااا

شكرررا

maha nor aleman

24-01-2011, 12:30 PM

هههههههههههههههـ

مدرسة الانجلش

24-01-2011, 12:33 PM

هههههههههههههههـ

هو حد مستعد يخطب الايام دى يا رجالة سبوهم يعنسوا:022yb4:

بجد موضوع رائع جدااااااااااااااااااااااااا

شكرررا

في ناس كتير بالرغم من ظروفها المادية بتخطب وكمان بتجيب شبكة

معرفش منين في ايامنا دي

المهم منور الموضوع يا استاذ محمود

مدرسة الانجلش

24-01-2011, 12:34 PM

هههههههههههههههـ

شكرا لمرورك

واضحك من قلبك

Mr. Ali 1

24-01-2011, 12:54 PM

أ/رضا عطيه

24-01-2011, 12:58 PM

لا حول ولا قوة الا بالله

شكرا على الموضوع

ostazmath4m

24-01-2011, 01:26 PM

مدرسة الانجلش

24-01-2011, 01:30 PM

هههههههههههه
أكيد الموضوع فكاهي ( مش نصائح بجد ) مع ان الكلام دا بيحصل فعلاً قبل الزواج , لكن بعده الواحدة بتكون عايزة تاكل الراجل :d:d وتسمع أصوات غريبة أثناء الأكل عمرك ما سمعتها منها في الخطوبة :blush::blush:
مفيش أحسن من التصرف بطبيعة الشخص لأن التصنع في الحاجات دي وغيرها يؤدي إلي مشاكل , إلا إذا كان الغرض هو وقوع المسكين في الشبكة :bosyht9::bosyht9:
مشكورة علي هذا الموضوع خفيف الظل .

فعلا هو فكاهي

بس فعلا بيحصل

فترة الخطوبة كلها تجميل في تجميل

وفي الجواز كل حاجة بتبان علي حقيقتها

شكرا لمرورك

مدرسة الانجلش

24-01-2011, 01:32 PM

لا حول ولا قوة الا بالله

شكرا على الموضوع

وشكرا علي المرور

الجميل

مدرسة الانجلش

24-01-2011, 01:37 PM

انا من رأيي بلاش تتصنع اوي كده انتي كده هتعذبي البناتخليهم بطبيعتهم بس لو واحده مش طبيعيه تعمل زي مانتي بتقوليانما الرقه مطلوبه طبعا بس مش زياده عن اللزوم ماتبقاش اوفر يعنيزي مابيقولوا لان الواحد برضو مهما كان بيحب يشوف البنت الغير متصنعهوبعدين حاجه تانيه...دي نصائح عن الاكل بس فين بقي نصائح معاملتهالخطيبها المسكين اللي هي اهم من اي تصرف يصدر منها في اكل او شرب....وع العموم شكرا ع الموضوع

والله انا لاحظت انه كله بيتصنع ويتجمل

الطرفين يعني

الولد والبنت

كله في الفترة دي

بيتجمل بقدر الامكان

وبسيط اوي لما تلاقي حد فيهم

بيتصرف بطبيعته

صدقني

فترة الخطوبة فترة تجميل

وطبعا مرايه الحب عامية

ساعات العيوب تبقي واضحة

وضوح الشمس

ومع ذلك منشوفهاش

لان الحب ساعتها

بيعمي النظر

المهم شكرا لمشاركتك

في الموضوع

وهو ده المهم

H . M

24-01-2011, 06:30 PM

هههههههههههه
ههههههههههههههههه
اكيد طبعا حضرتك بتتكلم هزار مش معقوله في بنات كده
يالهوووى يبقي مش اسمهم بنات بقا
هههههههه
بس موضوع بجد جمييييييييل جدا
شكرا لحضرتك

Dr. Hoda Ahmed

24-01-2011, 06:35 PM

هانى الشرقاوى

24-01-2011, 06:35 PM

وردة امل

24-01-2011, 06:56 PM

ههههههههههه
وليه وجع الدماغ ده كله
مابلاش احسن يخرجوا

tones

24-01-2011, 09:59 PM

ههههههههههههههههههههههههههه
no comment

أسطورة الأحزان

25-01-2011, 12:04 AM

هههههههههههه
يبقى محدش هيتجوز فى البلد دى
:o
الغريبة انه ده فعلا هو الواقع
البنت قبل الجواز حاجة وبعده حاجة تانية خالث :bosyht9:
قبل ما تتجوز تفضل معلقة على كل حاجة ومنتبهة لأصغر حاجة
الدبوس ده جاى يمين ولا شمال والطرحة دى ظروفها ايه وخلصة الشعر دى مش عارف ايه
ويا سلام بقا على التركيز على الألوان ... ولا طريقة المشى ...ههههه
بإختصار
البنت قبل الجواز بتبقى بوسى :d
وبعده بتبقى عبد الستار :angry2:
ولو قابلتها فردة شراب فى الشارع وهى ماشية بتلبسها عشان الجو برد:stickjo4:

وبالمناسبة
فيه فعلا بنات كده زى الموضوع ما قال
ياسلااااااااااااام
انتا يا استاذ محمد اللى بتقول كدا:mad:
وصلت لدرجة الشربات
وأل يعنى انتم اللى عدلين اوى
ملاااااااااااااااااااااك:006et4:
بس بقى اكيد انتم عارفين الحاجات دى عن تجربه شخصيه ليكم يعنى اكيد اللى بتقوله ده انتم اللى عملتوه مش البنات :p:p
قال عبد الستار أل:o
ماشى:stickjo4::mad:

aymaan noor

25-01-2011, 12:21 AM

الحقيقة موضوع ظريف جدا و أنتى تناولتيه بطريقة كوميدية رائعة ، فشكرا لكى على هذا الموضوع ، ولكن مما لا شك فيه أن هناك علم اتيكيت تناول الطعام ، و على فكرة هذا ليس بغريب عن ثقافتنا الاسلامية ، فأنا أدعوكى لقراءة كتاب احياء علوم الدين للإمام أبو حامد الغزالى ، فصل باب آداب الطعام ، مرة أخرى لكى منى كل الشكر على طرح هذا الموضوع و أهنئك على طريقة العرض الرائعة وماقلتيه فيه معلومات حقيقية حول هذا الموضوع

waleed ansary

25-01-2011, 12:45 AM

هههههههههههههههه
هههههههههههههههههههههههههه
ده اللى بييخطب الاياااااام دى بيطلع فى التفزيون علشان يقول انا خطبت
طبعااااا زى ما احنا عارفين كل حاااااجه رخيصه ماش شااااء الله يعنى
ههههههههههههههههههه

بجد شكراااااااا على الموضوع الفكاهى ده
ههههههههههههه

نقاء الروح

25-01-2011, 09:02 AM

هههههههههههههه
لا بجد نصايح تمام اوي
اشيلها لوقت عوزا ..:d

ومع ان الموضوع فكاهي
الا انه صح .. بس مش احنا بس
ال بنتجمل حتى هما ..
وبعد الجواز يبان المستخبي .. :d

مرسي عالموضوع الجميل يامس ..

Egypt knight

25-01-2011, 10:14 AM

طبعا هى دى نصايح البنات لبعضهم والواحد بيقول لنفسه كل البنات دى بتتجوز ازاى

عاشق البلانكو الابيض

25-01-2011, 11:29 AM

طبعا هى دى نصايح البنات لبعضهم والواحد بيقول لنفسه كل البنات دى بتتجوز ازاى

قالك ندى نصايح يمكن حد يفكررر :p

ابو عوضكووو

25-01-2011, 11:34 AM

قال صلى الله علية وسلم من جائكم من ترضون دينة وخلقه فزوجوة

مدرسة الانجلش

25-01-2011, 12:27 PM

هههههههههههه
ههههههههههههههههه
اكيد طبعا حضرتك بتتكلم هزار مش معقوله في بنات كده
يالهوووى يبقي مش اسمهم بنات بقا
هههههههه
بس موضوع بجد جمييييييييل جدا
شكرا لحضرتك

لا في

وكمان ولاد مش شرط بنات

كله بيتجمل

شكرا لمشاركتك

مدرسة الانجلش

25-01-2011, 12:31 PM

الصراحة والوضوح مفيش افضل منها
من الاتنين علشان تريح وده الاافضل بس ده ما يمنعش الذوق طبعا
شكرا على موضوع اضحكتنى وفى انتظار هجومك للجانب الاخر كيف يتجمل هو لكى تعجب به ؟؟ مش البنت بس اكيد اللى بتعمل كده

طبعا الصراحة حلوة

بس التجميل مطلوب

والرقة والاتكيت

بالنسبة للهجوم علي اللجانب الاخر

انا مش هاهجم ولا حاجة

بس طبعا الراجل هو كمان بيتصنع

ويفضل طول فترة الخطوبة يحكي عن انجازاته وازاي عمل نفسه وازاي

وازاي هو شجاع ومضحي ورومانسي وكذا وكذا وكذا

وطبعا نص الكلام بيكون فشر

مدرسة الانجلش

25-01-2011, 12:35 PM

هههههههههههه
يبقى محدش هيتجوز فى البلد دى
:o
الغريبة انه ده فعلا هو الواقع
البنت قبل الجواز حاجة وبعده حاجة تانية خالث :bosyht9:
قبل ما تتجوز تفضل معلقة على كل حاجة ومنتبهة لأصغر حاجة
الدبوس ده جاى يمين ولا شمال والطرحة دى ظروفها ايه وخلصة الشعر دى مش عارف ايه
ويا سلام بقا على التركيز على الألوان ... ولا طريقة المشى ...ههههه
بإختصار
البنت قبل الجواز بتبقى بوسى :d
وبعده بتبقى عبد الستار :angry2:
ولو قابلتها فردة شراب فى الشارع وهى ماشية بتلبسها عشان الجو برد:stickjo4:

وبالمناسبة
فيه فعلا بنات كده زى الموضوع ما قال

انت عايز تفهمني ان الراجل بيفضل علي حاله بعد الجواز

طبعا ده بيتقلب خالص

من حد رومانسي لحد متسلط ومتعجرف

قبل الجواز يقولها انا ماليش دعوة بشغللك ومرتبك

وبعد الجواز يفتح الشنطة اخر كل شهر

عشان يا خد مرتبها

وده فعلا حصل

مع زمايلي المدرسات في مدرستي

شكرا لمرورك

مدرسة الانجلش

25-01-2011, 12:37 PM

ههههههههههه
وليه وجع الدماغ ده كله
مابلاش احسن يخرجوا

ساعات فترة الخطوبة بتكون حلاوتها في كده

وقولنا ان مرايه الحب عامية

مدرسة الانجلش

25-01-2011, 12:38 PM

مدرسة الانجلش

25-01-2011, 12:40 PM

مدرسة الانجلش

25-01-2011, 12:42 PM

مدرسة الانجلش

25-01-2011, 12:45 PM

طبعا هى دى نصايح البنات لبعضهم والواحد بيقول لنفسه كل البنات دى بتتجوز ازاى

اكيد انتم كشباب بتنصحو بعض

وده انا شوفته بعيني

يعني مثلا واحد يقول لصاحبه

عشان تعجبها قولها كذا

والبس اللون ده

واتكلم في مواضيع كلها رومانسية

وخيال

وكلامها عن القمر

واكذب واقولها انت اول حب في حياتي

(مع ان تلاقيها الخمسة وتلاتين )

وكده يعني

مدرسة الانجلش

25-01-2011, 12:46 PM

قالك ندى نصايح يمكن حد يفكررر :p

اديك عرفت اللي فيها

خاف بقي علي نفسك

:d
شكرا لمرورك

EbTeSaM91

25-01-2011, 02:36 PM

هههههههههههه
أكيد الموضوع فكاهي ( مش نصائح بجد ) مع ان الكلام دا بيحصل فعلاً قبل الزواج , لكن بعده الواحدة بتكون عايزة تاكل الراجل :d:d وتسمع أصوات غريبة أثناء الأكل عمرك ما سمعتها منها في الخطوبة :blush::blush:
مفيش أحسن من التصرف بطبيعة الشخص لأن التصنع في الحاجات دي وغيرها يؤدي إلي مشاكل , إلا إذا كان الغرض هو وقوع المسكين في الشبكة :bosyht9::bosyht9:
مشكورة علي هذا الموضوع خفيف الظل . عندك حق واللة مفيش احسن من الطبيعة فى كل شىء التصنع دة بيجيب مشاكل خصوصا بعد الجواز ينكشف المستخبى وما ادراك هههههههههههههههههههههههههة جزاك اللة خيرا موضوعك جميل ياقمر

مدرسة الانجلش

25-01-2011, 02:46 PM

هههههههههههه
أكيد الموضوع فكاهي ( مش نصائح بجد ) مع ان الكلام دا بيحصل فعلاً قبل الزواج , لكن بعده الواحدة بتكون عايزة تاكل الراجل :d:d وتسمع أصوات غريبة أثناء الأكل عمرك ما سمعتها منها في الخطوبة :blush::blush:
مفيش أحسن من التصرف بطبيعة الشخص لأن التصنع في الحاجات دي وغيرها يؤدي إلي مشاكل , إلا إذا كان الغرض هو وقوع المسكين في الشبكة :bosyht9::bosyht9:
مشكورة علي هذا الموضوع خفيف الظل . عندك حق واللة مفيش احسن من الطبيعة فى كل شىء التصنع دة بيجيب مشاكل خصوصا بعد الجواز ينكشف المستخبى وما ادراك هههههههههههههههههههههههههة جزاك اللة خيرا موضوعك جميل ياقمر

الشكر ليكي يا قمر