السلام عليكم ورحمة الله وبركاته
اخى واختى فى الله .....

كلنا قد نتعرض لمواقف كثيرة في هذه الحياة.. قد تثير حساسية العين فتذرف بالدموع سواء أكانت هذه الدموع من اجل الفرح أو من اجل الحزن..فعندما يبكي الشخص،فإنه يخرج كل ما تراكم في نفسه من غضب وأسى وحزن،ويعبر عن كل شعور يجتاحه في تلك اللحظة وعندما يكبت بكاءه فيصبح عرضه للأمراض النفسية من ضيق البال والكآبة وغيرها.



وفي بعض الأحيان عندما يبكي شخص ما فانه يتعرض للسخرية أو النقد فيخشى أن يعبر عن مشاعره بالبكاء أمام الناس.



فالبعض يقول أن البكاء علامة ضعف.. والبعض الأخر يقول انه تنفيس عن النفس من الهموم التي تغمرها.



وهنا يكون السؤال:

هل الدموع علامة ضعف أم أنها تعبر عن أحساس عميق في داخل هذا الشخص؟؟



لماذا نتهرب من البكاء؟؟



لماذا نبحث عن العزلة عندما نريد البكاء ؟؟



لماذا ... ولماذا ... ولماذا ؟؟



أسئلة كثيرة عن الدموع.



ماهي الدموع ؟؟



أتكلم عن الدموع الحقيقية التي تخرج من النفس لا عن دموع التماسيح.



لماذا وجدت إذا كنا نتهرب منها ونبحث عن العزلة حينما ينسكب الدمع من أعيننا؟؟



في بعض الأحيان..وفي أوقات العزلة غالب..نبكي لشيء بسيط ولكن نبكي من كثرة الكتمان في النفس..أو من كثرة الهموم والأحزان المتراكمة على كاهل هذا الإنسان الضعيف.





تأتي لحظات نريد أن نفرغ كل ما بداخلنا من الهموم ولكن في العزلة ..



لماذا في العزلة ؟؟



وأخيرا يبقى السؤال..هل الدموع علامة ضعف أم أنها تعبر عن إحساس عميق في داخل هذا الشخص؟؟

السلام عليكم ورحمة الله وبركاته
اولا شكرا ع الموضوع :)
انا بالنسبالى الدموع مش ضعف
ومش عيب انى اعيط قدام حد لانه اكيد هيكون فى سبب للبكاء
زى الخوف من ربنا او موت صديقة ليا
او اى موقف شوفته وضايقنى :)
وبعدين الرسل والانبياء كانوا بيعيطوا
يبقى اكيد مش ضعف لانهم مش ضعفاء :)

الدموع بتريح الواحد يا احمد
لما اكون مضايق
مش عيب انى اعيط
بالعكس
بس انا عمرى ما اعيط ادام حد
بينى وين نفسى عادى
انما عمرى ما اعيط ادام حد لو ايه اللى حصل

شكرآ على الموضوع الجميل يا احمد

السلام عليكم ورحمة الله وبركاته




اولا بشكرك اخى المجاهد على هذا الموضوع الشيق




ومن مجهة نظرى شخصيا بقول ان الدموع عمرها ما كانت ضعف




بالعكس انها تعبر عن قوة الشخصية وتعكس شخصية الانسان



بانه ذو قلب خاشع يهتز دائما للمواقف الحساسة



ويحتاج الانسان الى اوقات يكثر فيها من البكاء لانه يغسل دائما


القلب



وانواع البكاء كثيرة ولو تكلمنا عنها سنحتاج الى وقفات كثيرة منها



البكاء من خشية الله عند سماع القران مثلا



واسف للاطالة فى الرد وشكرا مرة اخرى للموضوع



وجزاك الله كل خير

طبعا الدموع غسيل للنفس ونقاء للروح

ولكن لنزول الدموع احوال كثيرة

احيانا تبكى من الفرح
واحيانا من الحزن
واحيانا من ضيق النفس
واحيانا فى لحظات الوداع
واحيانا فى لحظات اللقاء
وكل هذه الاحوال واردة ولكن المشكلة الحقيقية التى ممكن تواجهك هى
حينما تحتاج للبكاء ولا تجود العين بها
فاهم قصدى بقولى ( تجود ) العين ؟؟
الجود يعنى الكرم
والكريم لا يأتى إلا بما هو غالى ونفيث
اذن الدموع غالية ونفيسة وليسة نكرة يجب ان نحافظ على اخفائها
الكلام عن الدموع مش قليل ولكنى اكتفى بهذا القدر
على فكرة الموضوع جميل اوى
اشكرك على طرحة

بصراحه مش عارف أقول ايه
بس فيه أنواع كتير للدموع
بس الدموع اللى انت تقصدها هنه دا سببها تأنيب ضمير وحساب النفس
والانسان مننا مش بيحاسب نفسه غير مع نفسه
عشان كده دائما بالكاء بيبقى فى الخلاء

شكرا يا مان على طرحك للموضع دة
بس خليك معايا شوية
هل الدموع تغير الواقع
الاجابة طبعا لا
يبقى ملهاش لزمة من وجة نظرى
والافيد هو تقبل الامر الواقع مع البحث عن حل فورى وسريع
حتى نخرج الى بر الامان وبعدين نلقى نظرة تاملية على مافعلنا
وكفانا منة وقفة اعتبار
وسيبك بئة من الدموع بتريح وبتريحش والكلام دة لانى مش مؤمن بية خاااااااااااااااااااااااااااالص
الراحة تاتى لما المشكلة تتحل

طبعاا مش ضعف

واجمل لحظة تبكى فيها اما الخالق : الله

اولا انا بشكرك على الموضوع

بجد الموضوع رقيق وجميل اوى

اكيد الدموع مش ضعف بالعكس الدموع دى بتعبر على شخصية الانسان

انه رقيق وهادى ...

وانا لما بزعل او اضايق بعيط ادام حد او مش ادام حد متفرقش

وميرسي مرة تانية

بجد موضوع جميل اوي يا استاذ احمد

الدموع بصراحه عمرها ما كانت ضعف بس هي طبيعه او غريزه انسانية بتميز الانسان عن الحيوان لان الانسان بيحس وبيفكر وبيتألم
نايس توبيك

يمكن الدموع مش ضعف

بس قلما ابكي ودا لاني اول ما ابكي بحس اني ضعفت واني مليش لاحول ولا قوه ودي في حد ذاتها بتخليني اشعر بالاهانه ادام نفسي عشان كدا انا مبحبش الدموع بالرغم من انها بتريح في بعض الاوقات وانا اتعودت اني معيطش وساعات لما بحتاج الدموع مش بلاقيها


تعود

السلام عليكم ورحمة الله وبركاته
جزاكم الله كل خير اخواتى فى الله
بجد ردودكم معبره على ما بداخلكم
واتمنى التفاعل من باقى الاعضاء

والله يا احمد على قد ما الدموع بتعبرها ضعف
بس ساعات كتير مش بقدر امسك نفسى لم بشوف موقف مؤثر جدا
او لما بكون حاسس بالعجز او انى ضعيف

شكرا على الموضوع
انا عن نفسى الدموع حاجه حلوة ربنا خلقهلنا عشان نستريح من الحاجه الى مضيقانا
وانا بعيط بسرعه جدااااااااااااااا لو شفت حاجه تزعلنى او شفت طفل بيبكى او شفت اى حد زعلان ومضايقك وبيعيط ممكن اعيط معاه اصل بحس بالانسان الى قدامى وبعيط لما بكون مضايقه وحد مزعلنى وعادى ممكن اعيط قدام اى حد
بس سعات ببقى محتاجه دموعى لوحدى محدش يشفنى
والقلب الى ما بيحسش وما بيتاثرش بيبقى قلب قاسى ومفيهوش رحمه

اسف اخي الموضوع مكرر
http://thanwya.com/vb/showthread.php?p=341192#post341192

السلام عليكم ورحمة الله وبركاته
جزاكم الله كل خير اخواتى الكرام
اختى بنت العقيده انتى المفروض ومن الطبيعى انك تعيطى على طول
انتى مش فى ثانويه يبقى لازم تعيطى ولسه حتعيطى اكتر لما وقت الامتحان يجى كمان متخفيش انا مش بقلقيك لا دا انا بطمنيك بس
اخى زيزو اسف ولله يا اخى ماختدش بالى انه متكرر
وجزاك الله كل خير على التنبيه