wanda
28-10-2007, 07:59 PM
وايه ف الدنيا دى باقي
غير دمعة وغير اها
وحبة ذكرى فضلالى
وقادرة الدنيا تسلاها
غريب ف حضن بيت اهلى
مشيت والحزن يندهلى
ورحت برجلى من جهلى
لسكة التوهة وحلاها
انا موال حزين باكى
لو انسى الدنيا ما انساك
لو اعرف بس مرساك
دى تبقى الدنيا محلاها
سنين عايش محلك سر
وبسال نفسى ايه السر
وانا دايق مرار المر
وايه اخرتها وياها
انا اخر حروف عاشق
رسمها ف سكتى وفارق
وسبنى لوحدى انا غارق
ف دنيا العتمة سكناها
ولا انا اعمى معناها
قولى يا زمان ايه اخرها
يا زمان العيش فيه غريب
داا الحال فى الدنيا بقى مريب
واخرها ســــــــلام
واخرها كــــــــلام
وايه فى الدنيا دى باقى ؟؟؟؟
gamal saber
29-10-2007, 10:58 AM
انا موال حزين باكى
لو انسى الدنيا ما انساك
لو اعرف بس مرساك
دى تبقى الدنيا محلاها
الله الله الله
واضح ان المنتدى بئة فية شاعرة جديدة
بجد جميل جدا
ودة افضل جزء عجبنى
ويبقى الحكم على البناء الفنى
للميسترو محمد البرى
مرسى يا اب تون على العمل الجميل دة
fares elnet
30-10-2007, 01:15 PM
فعلا كلام جميل واحساس عالى جدا
شكرا ليك ونرجو المزيد من هذة المواضيع
واحـد من النــاس
30-10-2007, 01:32 PM
غريب ف حضن بيت اهلى
مشيت والحزن يندهلى
ورحت برجلى من جهلى
لسكة التوهة وحلاها
انا موال حزين باكى
لو انسى الدنيا ما انساك
لو اعرف بس مرساك
دى تبقى الدنيا محلاها
سنين عايش محلك سر
وبسال نفسى ايه السر
وانا دايق مرار المر
وايه اخرتها وياها
الله الله الله .. ايه ده .. ايه ده .. احنا مش اد كده يا واندا .. بتكتبي شعر من ورايا :mad: ..
لا بجد والله .. روووووووعة .. معبرة جداااا تسلم ايدك .. واستمري عشان اتعلم منك .. نفسي اعرف اكتب شعر :D:rolleyes:
بس مش عارف ليه كل اللي بيكتب شعر دلوقتي بيكتب محزن وكأنه كاتبه وهو بيموت :p
عايزين نشوف شعرك .. المتفاءل :) .. اووووك
wanda
30-10-2007, 02:51 PM
نو تفائل اللى بيكتبوا الشعر معروف عنهم انهم كأبه وحزن وبس
ومنوررين كلكوا
فارس الأحزان/ضياء الدين سعيد
31-10-2007, 10:34 PM
الله الله الله ايه الجمال دا يا ريت نرى المزيد
wanda
02-11-2007, 09:21 AM
اكيد ان شاء الله منورين يا جماعه
FrDeT sHraB
02-11-2007, 11:33 AM
من ساعة ما قريت البتاعة وانا عمال ااااااااعيط لحد ما اخويا جيه وقالي معلش وانا ااااااااااااعيط ابويا قال براحة ياحبيبي متعملش في نفسك كده وانا ااااااااعيط وجوم الجيران يقولولي مالك وانا ااااااااعيط
في الاخر زرار الكي بورد اتفتح من صوباعي ووقفت عياط هيههيهي
wanda
25-06-2008, 10:49 PM
ميرسى على مروركم منوررررررررين:D
احمد رضا
26-06-2008, 05:11 PM
الله بجد بجد بجد تسلم ايدك
كلمات معبره
واحساس صادق
ربنا يوفقك يارب
بس متهيألي شوفتها هنا قبل كدا وليكي بردو
مش فاكر بصراحه
احمد رضا
26-06-2008, 05:12 PM
اهاااااا الموضوع قديييييم
بس جامد بصراحه
تسلم ايدك مره تانيه
wanda
26-06-2008, 10:49 PM
يا احمد ده موضوع اصلا قديم شوف التاريخ امتى فى اول رد
بس هو اعيد تفعيله من تانى وميرسى على كلام ...
دنيا الاحلام
26-06-2008, 11:26 PM
موضوعك جميل جدا واحساسك عالى بس مفيش حاجة تستهل ان انتى تحزنى علشانها
wanda
26-06-2008, 11:54 PM
ميرسى يا جميل
بس هعمل ايه حالى كده ومش عارفه اتغير
شويه امتحانات ثانويه لما قرفت ...
mR . mOstafa Fathi
29-06-2008, 04:31 AM
كلمات جميل جداً
يا وندا
thank
wanda
29-06-2008, 02:46 PM
ميرسى يا مصطفى ديما منور مواضيعى يا جميل