رشاد هويدي
25-01-2011, 06:26 PM
بسم الله الرحمن الرحيم
أمي الحبيبة / مصر
**************
التحية يا غالية ليكي
وأمن ومحبة وسلام
حبنا والخوف عليكي
أقوى من كل الكلام
أما بعد ,,
قال رسول الله صلى الله عليه وسلم :- ( ساووا بين أبنائكم في العطية )
فلا يعقل أن يكون إبنا من أبنائك ملكا وأخوه متسولا ولهما نفس الظروف
فكلاهما إبنا لكي ( مصري ) وكلاهما يعمل لديكي ( موظف حكومة ) وكلاهما له نفس المؤهل ونفس التقدير ونفس تاريخ التخرج ونفس تاريخ التعيين ونفس عدد ساعات العمل وكلاهما يعيش في ذات البلد ( مصر ) ويخضعان لدستور واحد ( الدستور المصري ) و يحكمهما نفس القانون ( القانون 47 لسنة 1978 ) ويتعاملان بنفس العملة ( الجنيه المصري ) ويشربان من نفس المياه ( ماء النيل ) ويتعاملان بنفس الأسعار ويركبان نفس وسائل المواصلات ويدفعان ذات الأجرة و لهما أيضا نفس المعاملة في فاتورة المياه والكهرباء والتليفون و كلاهما يحتاج للطعام والملبس و كلاهما يمرض ويحتاج للدواء وكلاهما يعلم أولاده ,...... فيكيف يأخذ أحدهما راتبا شهريا يساوي عشر أضعاف الآخر؟!!!!!
لذا فإنني أرجو التكرم بإعادة النظر في أوضاع الموظفين بموضوعية وواقعية والنزول إلى أرض الواقع بعيدا عن الأبراج العاجية والتقارير الورقية وأن تكفل الدولة للموظفين حياة كريمة . والقضاء على الفرق الشاسع و غير المنطقي بين الطبقات والتفاوت الشاسع بين المرتبات لإزالة الأحقاد من القلوب والقضاء على الفساد والعيوب وزيادة الانتماء لدى الموظفين ورفع البلاء عن المظلومين .
حفظ الله مصر والمصريين
آمين
ابنك
رشاد هويدي
شاعر الوادي
////////////////////////////
موظفين وموظفين ( ملوك وشحاتين )
الشاعر المصري / رشاد هويدي
شاعر الوادي
////////////////////////////
مصر يا أمه يا حبيبة
ممكن أقدم لك نفسي
وان قلتي دي حكاية غريبة
هاقول أصل انتي بتنسي
أنا إبنك يا أمه ومن دمك
وموظف أنا حكم محلي
وتمللي باشيل دايما همك
مع إنك عني بتتخلي
وتفرقي بين أخويه وبيني
مع إني أنا وهو ولادك
وفي بحر الفقر بترميني
ويتمتع أخويه بأمجادك
تعامليني بقسوة وتكشيرة
وبتاخدي إخواتي في أحضانك
وباعيش متعذب وفي حيرة
محروم من عطفك وحنانك
ما خالفتش أمرك ولا مرة
ودا أمر واضح معلوم
وإن عشت حياة صعبة ومرة
لأني دايما مظلوم
انتي اللي اخترتي الدور
وأنا قمت بيه زي ما قلتي
وسمعتي كلام كذب وزور
قالوه أعدائي وصدقتي
وبرغم إن أنا مظلوم
لكن أنا عندي عيوب
وأخويه كمان مش معصوم
مع ذلك عندك محبوب
أنا زي إخواتي في تعليمهم
وممكن أكون أعلى كفاءة
وأدائي كمان زي أداءهم
وعمري ما قدمت إساءة
وبياخدوا أضعاف أضعافي
وبنحيا في نفس الأسعار
وباعيش عريان وجعان حافي
وفاضل لي أسبوع وانهار
ونهاري وليلي شغال
يادوب لأجل أقدر أعيش
باتألم وباشوف إذلال
وتحسن أبدا ماالاقيش
ودخولي مجموعها كمان
يجي ربع أفقر إخواتي
وباعاني فقر وحرمان
ما باشوف عيالي ولا مراتي
وف بلدي عايش متغرب
أشكي ولا حد بيسمعني
للحمة ما أقدرش أقرب
ونباتي باعيش غصب عني
لولا خوفي كرامتي تبهدلني
أشحت على باب الجامع
مضطر يا ناس غصب عني
ولا حد حاسس ولا سامع
باتمنى ودايما كان نفسي
إن آخد حقي المهضوم
وتاخدي قرار يفتح نفسي
واتساوى مع إخواتي في يوم
نفسي إني أعيش مستور
اعطيني مرتب يكفيني
واتعلق في الساقية وادور
لو أقصر مرة تحاسبيني
ولو انتي مش أمي يا أمي
مين أمي قولي وصارحيني
أروح لها هي تشيل همي
وبعطفها دايما تراعيني
لكن أنا عارف إنك
انتي أمي مافي غيرك ليه
وهافضل أطيعك وأحبك
حتى لو تقسي عليه
وتمللي في قلبي وف عينيه
أعظم من كل الكون
وعمرك ما تهوني عليه
حتى لو كنت باهون
ولا يمكن أنسى إنك أمي
ومدين لك دايما بحياتي
وافديكي بروحي وبدمي
وادعي لك دايما في صلاتي
يحميكي ويحنن قلبك
وتكوني بعطفك فاكراني
ولو تحرميني من حبك
هاقول ربنا يتولاني
************
حسبي الله لا إله إلا هو عليه توكلت وهو رب العرش العظيم
رشاد هويدي
شاعر الوادي
أمي الحبيبة / مصر
**************
التحية يا غالية ليكي
وأمن ومحبة وسلام
حبنا والخوف عليكي
أقوى من كل الكلام
أما بعد ,,
قال رسول الله صلى الله عليه وسلم :- ( ساووا بين أبنائكم في العطية )
فلا يعقل أن يكون إبنا من أبنائك ملكا وأخوه متسولا ولهما نفس الظروف
فكلاهما إبنا لكي ( مصري ) وكلاهما يعمل لديكي ( موظف حكومة ) وكلاهما له نفس المؤهل ونفس التقدير ونفس تاريخ التخرج ونفس تاريخ التعيين ونفس عدد ساعات العمل وكلاهما يعيش في ذات البلد ( مصر ) ويخضعان لدستور واحد ( الدستور المصري ) و يحكمهما نفس القانون ( القانون 47 لسنة 1978 ) ويتعاملان بنفس العملة ( الجنيه المصري ) ويشربان من نفس المياه ( ماء النيل ) ويتعاملان بنفس الأسعار ويركبان نفس وسائل المواصلات ويدفعان ذات الأجرة و لهما أيضا نفس المعاملة في فاتورة المياه والكهرباء والتليفون و كلاهما يحتاج للطعام والملبس و كلاهما يمرض ويحتاج للدواء وكلاهما يعلم أولاده ,...... فيكيف يأخذ أحدهما راتبا شهريا يساوي عشر أضعاف الآخر؟!!!!!
لذا فإنني أرجو التكرم بإعادة النظر في أوضاع الموظفين بموضوعية وواقعية والنزول إلى أرض الواقع بعيدا عن الأبراج العاجية والتقارير الورقية وأن تكفل الدولة للموظفين حياة كريمة . والقضاء على الفرق الشاسع و غير المنطقي بين الطبقات والتفاوت الشاسع بين المرتبات لإزالة الأحقاد من القلوب والقضاء على الفساد والعيوب وزيادة الانتماء لدى الموظفين ورفع البلاء عن المظلومين .
حفظ الله مصر والمصريين
آمين
ابنك
رشاد هويدي
شاعر الوادي
////////////////////////////
موظفين وموظفين ( ملوك وشحاتين )
الشاعر المصري / رشاد هويدي
شاعر الوادي
////////////////////////////
مصر يا أمه يا حبيبة
ممكن أقدم لك نفسي
وان قلتي دي حكاية غريبة
هاقول أصل انتي بتنسي
أنا إبنك يا أمه ومن دمك
وموظف أنا حكم محلي
وتمللي باشيل دايما همك
مع إنك عني بتتخلي
وتفرقي بين أخويه وبيني
مع إني أنا وهو ولادك
وفي بحر الفقر بترميني
ويتمتع أخويه بأمجادك
تعامليني بقسوة وتكشيرة
وبتاخدي إخواتي في أحضانك
وباعيش متعذب وفي حيرة
محروم من عطفك وحنانك
ما خالفتش أمرك ولا مرة
ودا أمر واضح معلوم
وإن عشت حياة صعبة ومرة
لأني دايما مظلوم
انتي اللي اخترتي الدور
وأنا قمت بيه زي ما قلتي
وسمعتي كلام كذب وزور
قالوه أعدائي وصدقتي
وبرغم إن أنا مظلوم
لكن أنا عندي عيوب
وأخويه كمان مش معصوم
مع ذلك عندك محبوب
أنا زي إخواتي في تعليمهم
وممكن أكون أعلى كفاءة
وأدائي كمان زي أداءهم
وعمري ما قدمت إساءة
وبياخدوا أضعاف أضعافي
وبنحيا في نفس الأسعار
وباعيش عريان وجعان حافي
وفاضل لي أسبوع وانهار
ونهاري وليلي شغال
يادوب لأجل أقدر أعيش
باتألم وباشوف إذلال
وتحسن أبدا ماالاقيش
ودخولي مجموعها كمان
يجي ربع أفقر إخواتي
وباعاني فقر وحرمان
ما باشوف عيالي ولا مراتي
وف بلدي عايش متغرب
أشكي ولا حد بيسمعني
للحمة ما أقدرش أقرب
ونباتي باعيش غصب عني
لولا خوفي كرامتي تبهدلني
أشحت على باب الجامع
مضطر يا ناس غصب عني
ولا حد حاسس ولا سامع
باتمنى ودايما كان نفسي
إن آخد حقي المهضوم
وتاخدي قرار يفتح نفسي
واتساوى مع إخواتي في يوم
نفسي إني أعيش مستور
اعطيني مرتب يكفيني
واتعلق في الساقية وادور
لو أقصر مرة تحاسبيني
ولو انتي مش أمي يا أمي
مين أمي قولي وصارحيني
أروح لها هي تشيل همي
وبعطفها دايما تراعيني
لكن أنا عارف إنك
انتي أمي مافي غيرك ليه
وهافضل أطيعك وأحبك
حتى لو تقسي عليه
وتمللي في قلبي وف عينيه
أعظم من كل الكون
وعمرك ما تهوني عليه
حتى لو كنت باهون
ولا يمكن أنسى إنك أمي
ومدين لك دايما بحياتي
وافديكي بروحي وبدمي
وادعي لك دايما في صلاتي
يحميكي ويحنن قلبك
وتكوني بعطفك فاكراني
ولو تحرميني من حبك
هاقول ربنا يتولاني
************
حسبي الله لا إله إلا هو عليه توكلت وهو رب العرش العظيم
رشاد هويدي
شاعر الوادي