طبعا مبروك علينا عودة الحياة الى الشعب المصرى بعد اللى حصل امبارح .
لاكن وبما انى معلم مساعد ولى اغراض خاصة بعد الاغراض العامة التى هى اغراض الشعب كله .. الا وهى التعيين وفقا للقانون والدستور مش بالكوسة ولا بالوسطة ....
مظاهرات امبارح ايه تاثيرها على اعتصامنا يوم الاحد ؟
هل يكون لها اثر ايجابى وتكون الردود عملية المرة دى ونرجع من القاهرة متعينين
ام يكون لها اثر سلبى وتموت فكرة الاعتصام وتقتل بيد الشرطة من قبل ان نصل الى القاهرة
اكيد اخدتم فكرة
ان امس قامت الحكومة بالتشويش على شبكات الموبيل
ان امس قامت الحكومة بحجب موقعى تويتر والفيس بوك وكذلك بعض ساعات اليوم
قامت الحكومة بمنع وقوف المترو فى محطة التحرير والمحطات التى تؤدى الى الاماكن الحيوية فى مصر
هل تابعتم دعوة كثير من الناشطين السياسين بجعل الجمعة القادمة ايضا جمعة غضب ؟؟؟؟
هل تتابع تلك الاحداث فى هذه الفترة يؤثر بالسلب على اعتصامنا والا بالايجاب ؟؟
مش عارف
بس الاكيد انه تأثير بالسلب ... والعياذ بالله
لو قدر وكان ..
فاقتراحى ان يكون الاعتصام فى نفس اليوم .... او فى اول يوم من الترم الثانى
المهم مش لازم نسكت
اخيرا
اكتر حاجة عجبتنى فى مظاهرات امبارح
قول السيد على الدين هلال / ان اللى تظاهروا فقط مايقرب من 80 الف من 80 مليون
يعنى مش حاجة مهمة فيها ايه لما الناس تتظاهر وتعبر عن رايها احنا ناس بتوع ديمقراطية
اكيد يا فندم مش فيها حاجة غير انكم وانت وامثالك عالم باردة تلج

عارف مشكلة الانظمة بتاع الدول انهم مش بيفهمو الدرس بسهوله ويفتكروا انه دي مجرد ذوبعه في فنجان وتعدي ولكن المشكله اني عايز افكرهم ان الايام دي تشبه تماما حريق القاهرة قبل رحيل فاروق لما كان الشعب بهتف عند بيته ويقول يا فاروق يا بن نظلي وطبعا كانت نهايته موسفه وفضل ساكت برده ومش متبع حد لحد ما مشي وحده كان قبل رحيله ثورة 19 وكان برضه حريق القاهرة الاول والتاني كل الاحداث بتعيد نفسها مرة اخري اظن ان الشعب في صحوة زي اللي حصلت من 60 سنة ولازم نعرف ان الصحوة دايما بتحصل في محافظات مصر الوجه البحري بعكس الصعيد المنفي المهمل الذي يخنع اهله في سكوت تام ولا يحرك ساكنا انه حراك في المجتمع واعتقد حتي لو لم تاتي مظاهرات الغضب بنتائج الان الا انها بادرة امل توضح امكانية تكرار مثل تلك المظاهرات في الفترة القادمة بصورة متكررة واظن ان النظام لن يستجيب حتي ولو بمجرد الاستغناء عن تلك الحكومة اللي زي ما تكون ورثت البلد ومش عايزة تسيبها كفايه حكمهم فعلا كله ظلم واستبداد الشعب اكتفي وانا كنت اتمني اكون معاهم

إحنا بإذن الله رايحين ويا ريت اللي عنده كلمة يخليها لنفسه

لا تراجع عن الإعتصام موعدنا 30/01/2011

لا تراجع عن الإعتصام موعدنا 30/01/2011