السلام عليكم ورحمة الله وبركاته
محدش يزعل من الكلام اللى هيتقال بس دى الحقيقة
احنا كلنا فى مركب واحدة ومخنوقين من الوضع اللى احنا فيه
بس يا جماعة فى حاجة مهمة انتو مش واخدين بالكم منها
كلنا قولنا اعتصام
طبعا احنا على المنتدى نتمنى نعمل حاجة نعدل بيها من حالنا
لكن للاسف هناك الالاف ممن يشاهدون وينتظروننا نقوم بالاعتصام ويأتى لهم التثبيت على طبق من دهب
ولن ينوب كل فرد منا سوى اعتقاله وضياع مستقبله .. صدقونى دى الحقيقة
وزملاؤنا فى بيوتهم قاعدين يتفرجوا
والوزير لو نفذ كلامنا يبقا كدا بيقول للحكومة ولباقى الناس كلها عايزين حقكم تعالو اعتصموا
واعتقد احنا شوفنا اللى حصل امس من اعتصامات بالالاف
ولا حياة لمن تنادى .. ونحمد ربنا .. لأن البلد كانت بجد هتخرب واديكو شايفين تونس دلوقتى
للأسف احنا فى بلد تغيب عنها الحرية فى التعبير ودا عرفناه من اللى حصل امس

عشان كدا احنا لازم نستخدم حل قانونى ناخد بيه حقنا
الموضوع كدا دخل فى دائرة أكبر من حجمها .. احنا كدا هنحط نفسنا فى مكان مش مكانا
الموضوع خرج من نطاق الطلب بالتثبيت واصبح فى وجهة نظر الحكومة اخلال بالأمن العام
احنا معانا الحق وان شاء الله لو استخدمناه صح حقنا هناغده
احنا مش بنطالب بحاجة خارجة ولا حاجة زيادة احنا بنطالب بتطبيق القانون اللى هما شرعوه
أرجو ألا ننجرف وراء حماسنا ونفكر بعقلانيه ولا نسير فى الاتجاه الخطأ
فكروا فى كلامى كويس وحكموا عقولكم.
وشكراً

اولا حمد الله علي سلامة يا احمد يا كلنا واتمني من الله ان الامن ميكنش شدك بعد قرصنة الصفحة اياها ثانيا كلامك صح ميه ميه ولسه قايله للناس والناس زعلت مني واتمني من المنتدي انهم يرجعوا موضوع امبارح اللي كتبته ورفعت فيها ملفات جلسة مجلس الشعب لرفع القضيه احنا نجمع توقيعات اكبر عدد من المعلمين المساعدين علي مستوي الجمهورية ونرفع القضيه وهو ده اسلم حل نختار طريق القانون علي الاقل اليومين دول لحد ما يبان اللي فيها وعلي فكرة مظاهرات الغضب مستمرة وما انتهتش وكمان فيه احتشاد كبير يوم الجمعه بعد الصلاة يلا ياعمنا انشر بلااش تكتيم اكتر من كده كله يخش علي ملف الدعوي اللي نشرته امبارح

اولا حمد الله علي سلامة يا احمد يا كلنا واتمني من الله ان الامن ميكنش شدك بعد قرصنة الصفحة اياها ثانيا كلامك صح ميه ميه ولسه قايله للناس والناس زعلت مني واتمني من المنتدي انهم يرجعوا موضوع امبارح اللي كتبته ورفعت فيها ملفات جلسة مجلس الشعب لرفع القضيه احنا نجمع توقيعات اكبر عدد من المعلمين المساعدين علي مستوي الجمهورية ونرفع القضيه وهو ده اسلم حل نختار طريق القانون علي الاقل اليومين دول لحد ما يبان اللي فيها وعلي فكرة مظاهرات الغضب مستمرة وما انتهتش وكمان فيه احتشاد كبير يوم الجمعه بعد الصلاة يلا ياعمنا انشر بلااش تكتيم اكتر من كده كله يخش علي ملف الدعوي اللي نشرته امبارح





موضوعك لم يتم حذفه وموضوعك اهو
http://www.thanwya.com/vb/showthread.php?t=281794 (http://www.thanwya.com/vb/showthread.php?t=281794)

ياريت نفهمها صح ونشوف الطريق الصح اللى نمشى فيه

يا ناس بطلوا تمثيل شويا وسيبونا في حالنا عايزين تكونوا معانا ماشي مش عايزين سيبونا مش عايزين نصائح من حد يا محترمين كلامكم ينبي عنكم
لكن لاااااااااااااااااااااااتراجع مهما صنعتوا يا محترمين يا خايفين على ...................
موعدنا الأحد القادم بإذن الله

مش معانا تبق تسكت يا أستاذ يا محترم وتسيب المركب ماشيه مش تحاول تعطل واضح أوي دلوقتي إنت مين وسي أحمد كمان اللي انت حيران علشانه

إحنا بإذن الله رايحين ويا ريت اللي عنده كلمة يخليها لنفسه

لا تراجع عن الإعتصام موعدنا 30/01/2011

مشكلتلك يا ابو عبد الرحمن انك مش فاهم اي حاجه خلي بالك من عبد الرحمن احسن ولا تعليق علي فكرة انا مواطن غلبان جدا عشانم بس تكون عارف وبلاش خيالك يسرح انت اللي هتخسر تبعني انا نصحتك لان الدين النصيحه تبعني خليك في حالك

خلي النصيحة لنفسك أحسن وربنا يجازيك باللي في نيتك
موعدنا الاحد القادم ان شاء الله

30/01/2011

طبعاً احنا بنطالب بحقنا فى التثبيت وبنطالب بتنفيذ القانون اللى هما شرعوه
وقلنا الاعتصام وسيلة ضغط على الوزير عشان ينفذ عملية التثبيت
لا هنروح نخرب ولا عايزين نقيل الوزير ولا غيره
لكن لازم نبص للنصف الآخر
انتو مربيين أجيال ولازم تعرفوا ان الموضوع اتخذ اطار تانى خالص غير المحسوب
الموضوع دخل فى دائرة مغلقة وياريت نفكر بعقلنا وبلاش ننجرف ورا حماسنا
واحنا معانا الحق وان شاء الله هناخده .. بس بالقانون
هيا دى الورقة الرابحة اللى ممكن نستخدمها
وأى ورقة تانية صدقونى خسرانة .. خسرانة
ولا تلومن إلا أنفسكم
اللهم بلغت اللهم فاشهد

اللي بيقولوا ارجعوا عن الإعتصام ثلاث أشخاص بس انقلبوا من أقصى اليمين لأقصى الشمال وأظن إنهم في الأول كانوا بيقولوا تصريحات شجاعة علشان الناس تعجب بيهم ويسمعوا كلامهم وفاكرين بعد ده كله إنهم لما يقولوا إرجعوا الناس هتسمع كلامهم وأظن إن ده تخطيط الامن
لا تراجع موعدنا الأحد القادم بإذن الله 30/01

برضو مُصر على اللى فى دماغك ومش عايز تفهم اللى حاصل فى البلد اليومين دوول
صدقنى مش دا الحل اللى هيرجع الحق
بالعكس النتيجة هتكون سلبية
حقنا ناخده بس بنفس أسلوبهم
واحنا طلبنا واضح ومعروف .. والقانون معانا
ليس لك منا سوى النصيحة .. ولك الاختيار

لاتعلييييييييييييييييييييييييييييييييييييييييييييي يييييييييييق:confused:

هيا دى الحقيقة اللى لازم الكل يفهمها
ولاترموا بأنفسكم إلى التهلكة
طالما هناك حل اخر يمكن استخدامه وهو القانون فلما لا
فالحق معنا وان شاء الله نحن الغالبون

أتمنى انى أشوف الاستاذ أبووووو عبد الرحمن فى أى اعتصام قبل كده علشان اقدر أصدق انه فعلا هيحضر الاعتصام بصراحة أصل بونت الخط اللى بيستخدمه ونبرة صوته فى الكتابة عالية قوى محسسنى انه أول ماهيشوف الوزير ..تييييييييييييييت...ههههههههههههههههههههههههههههه هههههه وانتم فاهمين

موعدنا الأحد القادم بإذن الله

أتمنى انى أشوف الاستاذ أبووووو عبد الرحمن فى أى اعتصام قبل كده علشان اقدر أصدق انه فعلا هيحضر الاعتصام بصراحة أصل بونت الخط اللى بيستخدمه ونبرة صوته فى الكتابة عالية قوى محسسنى انه أول ماهيشوف الوزير ..تييييييييييييييت...ههههههههههههههههههههههههههههه هههههه وانتم فاهمين




فعلا فقد لفت نظرى بونت الخط ولونه
صدقت اخى داود

[QUOTE=ahmed kelana;3056442][center]طبعاً احنا بنطالب بحقنا فى التثبيت وبنطالب بتنفيذ القانون اللى هما شرعوه
وقلنا الاعتصام وسيلة ضغط على الوزير عشان ينفذ عملية التثبيت
لا هنروح نخرب ولا عايزين نقيل الوزير ولا غيره
لكن لازم نبص للنصف الآخر
انتو مربيين أجيال ولازم تعرفوا ان الموضوع اتخذ اطار تانى خالص غير المحسوب
الموضوع دخل فى دائرة مغلقة وياريت نفكر بعقلنا وبلاش ننجرف ورا حماسنا
واحنا معانا الحق وان شاء الله هناخده .. بس بالقانون
هيا دى الورقة الرابحة اللى ممكن نستخدمها
وأى ورقة تانية صدقونى خسرانة .. خسرانة
ولا تلومن إلا أنفسكم
[b][size=4] اللهم بلغت اللهم فاشهد


:078111rg3: انا مع حضرتك جدا فى هذا الرد العاقل المتفهم للاوضاع

مش معانا تبق تسكت يا أستاذ يا محترم وتسيب المركب ماشيه مش تحاول تعطل واضح أوي دلوقتي إنت مين وسي أحمد كمان اللي انت حيران علشانه



ياريت اسلوبك في الكلام يكون احسن من كده

احنا معلمين مش عيال صغيرة

اللي بيقولوا ارجعوا عن الإعتصام ثلاث أشخاص بس انقلبوا من أقصى اليمين لأقصى الشمال وأظن إنهم في الأول كانوا بيقولوا تصريحات شجاعة علشان الناس تعجب بيهم ويسمعوا كلامهم وفاكرين بعد ده كله إنهم لما يقولوا إرجعوا الناس هتسمع كلامهم وأظن إن ده تخطيط الامن
لا تراجع موعدنا الأحد القادم بإذن الله 30/01


تصدق بالله انا مكونتش هروح الاعتصام ده

بس كلامك واسلوبك وسخريتك

من الاعضاء

هيخليني اروح عشان اشوفك هتكون هناك

ولا لأ

هذا اكبر دليل على ان مايحدث من افعال من الجماهير وردود افعال من الحكومه
خليت ناس كتير تخاف وتغير رأيها وطبعا هى دى المشكله
مش بنحب نواجه الحقيقه المره
هو ان الحكومه بتاعتنا باطلها
وكل احداث الشغب اللى حصلت من الجماهير دى ردود فعل بسبب محاولة الامن تفريقهم بالقوه وذلك لكى لا يعلو
صوتهم ويصل لكل المحافظات والجماهير (( دا هما خاييفين جدا ))
نقوم احنا نخاف طب كل المظاهرات بتروح الميادين علشان الطلبات المعروفه
طب هو فى حد هيروح وزارة التربية والتعليم علشان احنا نخاف
هو فى حد هيبقى فاضيلنا مش كفايه اللى بيحصل فى باقى البلد
وطبعا دى هتبقى مفاجأة للوزير وعلى مايجى يبعت الامن هنكون موجودين وواقفين بأدب وبأحترام ومش بنخرب
يعنى يعتبر هنكون فى حالنا وطبعا هتلتفت الانظار لينا من الكل لاننا نهتف لهدف اخر دون الباقى
ياريت الاعتصام المحترم وبلاش ( الجُبن ) ده انا نفسى اشارك فى قضيتى ولو محصلش اعتصام بسببكم
هروح اتظاهر مع باقى اخوانى ان وجد علشان القضيه العامه لكل مصر

لم تعد هناك ثقة في المنتدى نظرآ لوجود الكثير من المندسين بيننا في هذا المنتدى خلوا بالكم من الموضوع ده يا إخواننا ويا ريت اليومين الجايين ما حدش يخش المنتدى ده

احنا اول ناس اول ب الاعتصام والتظاهررررررررررررر ليه ؟؟؟؟؟؟؟؟؟؟؟؟

لان احنا من حيث العدد اكبر عددد ااا وصل عدد المتعاقدين ب الحصه والعقد العادي والمميز ل 200 الف معلم متعاقد

من حيث الموهل العلمي اعلي موهلات علميه وكليات تربيه واداب وعلوم وحاصلين ع دبلومات دراسات عليا تربوي و icdl

من حيث المرتب اقل مرتبات موظفين في مصر وفي العالم حتي من الدول الاقل دخلاااااا من مصر

105 تعاقد عادي و350 تعاقد مميز بعد 5 سنوات عمل وبعد الكادرررررررررررررر

من حيث العمل كلنا تعاقد عن طريق مسابقات وليس ب الواسطه والكوسه

من حيث دورنا نقوم به ع احسن مايمكن ناخذ جدول حصص كامل واحتياطي ومعظم المتعاقدين يعملون في الارياف والقري البعيده والمناطق النائيه وبدون بدل مواصلات يعني المرتب بيروح ع المواصلات

يبقي مين في البلد دي له حق في الاعتصام اكثرررررررررر منننا من ؟؟؟؟؟؟؟؟؟؟؟؟؟

انا شايف ان الاعتصام السلمى يتاجل شوية عشان خاطر بلدنا العظيمة مصر لان فية قوى خارجية بتتفرج على اللى بيحصل وبتحرك الناس كمان بس رجال مصر مثقفين وداركين لكل اللى بيحصل نتمنى من الحكومة تحسين الاوضاع

لا حول ولا قوة الا بالله

لا اله الا انت سبحانك اني كنت من الظالمين