مشاهدة النسخة كاملة : رأى والكل يشارك


عبدالجيد
27-01-2011, 01:00 PM
عندى رأى يا جماعة وأرجو من الحضور المشاركة لو بكلمة
الحل مش فى الإعتتصام لأن هناك فيه حل واحد ليس له ثانى
وقبل ما أقول الحل أريد أن أسأل سؤال لكل واحد فيكم
1- كم عدد المعلمين المتعاقدين فى مدرستك
2- كم تكون نسبتهم بالنسبة للمدرسين الأساسيين

إذن الحل هو الإنقطاع عن العمل للمدة ثلاث أيام على الأكثر أثناء سير الدراسة
لأنه ببساطة مش هتموت من الجوع ولا هتندم على ال 365 جنيه فى حين الناس اللى بتقبض ما يزيد على الألف
رغم أنهم أقل منك فى المؤهل

يا جماعة والله لقد أصبحنا أضحوكة الناس وما نلاقيه من شفقة
قولولى بالله عليكم من المستفيد من هذا الوضع
أنا شخصيا لا أريد التعيين ولكن أريد أن أعيش عيشة كريمة , مرتب مناسب ,وضع اجتماعى مناسب 0


لقد أصبح المعلم فى ذيل القائمة

مدرسة الانجلش
27-01-2011, 01:03 PM
ده مش الحل خالص

ده كده يبقي نقطة لصالح الحكومة تمسكها علينا

alirahim
27-01-2011, 03:53 PM
كله كلام فاضى

أبوووووعبدالرحمن
27-01-2011, 04:46 PM
إحنا بإذن الله رايحين ويا ريت اللي عنده كلمة يخليها لنفسه

لا تراجع عن الإعتصام موعدنا 30/01/2011

أبوووووعبدالرحمن
27-01-2011, 05:08 PM
لم تعد هناك ثقة في المنتدى نظرآ لوجود الكثير من المندسين بيننا في هذا المنتدى خلوا بالكم من الموضوع ده يا إخواننا ويا ريت اليومين الجايين ما حدش يخش المنتدى ده

عبدالجيد
27-01-2011, 05:19 PM
مشكور يا أبو عبدالرحمن على المتابعة
بس يا اخى انت ممكن تكون فهمتنى خطا الواحد مشعارف يعمل ايه من اللى بيحصل دلوقتى
وأحب أقوللك على معلومة انا مسافر السعودية بعد 20 يوم تاركا عقدى ولااعلم كيف تكون الحياة لكن انا مضطر
وانا مشفق على اخوتى واخواتى من اللى سيحدث


اللهم حقق لنا الأمن والآمان

أبوووووعبدالرحمن
27-01-2011, 05:25 PM
مشكور يا أبو عبدالرحمن على المتابعة
بس يا اخى انت ممكن تكون فهمتنى خطا الواحد مشعارف يعمل ايه من اللى بيحصل دلوقتى
وأحب أقوللك على معلومة انا مسافر
السعودية بعد 20 يوم تاركا عقدى ولااعلم كيف تكون الحياة لكن انا مضطر
وانا مشفق على اخوتى واخواتى من اللى سيحدث


اللهم حقق لنا الأمن والآمان



أن آسف يا أخي بس الواحد ما عادش عارف مين معانا ومين ضدنا الواحد صعبان عليه كل السنوات اللي ضاعت تضيع على الفاضي من غير أي فايده لكن أهي محاولة لاإرجاع الحق لأهله ويعملوا اللي يعملوه ما عادش كتير نبكي عليه

عبدالجيد
27-01-2011, 05:30 PM
والله يا أبو عبدالرحمن أنا معاكم فى كل حاجه أنا كنت اول واحد فى حملة التوقيع
ويا أخى مفيش أسف احنا اخوات

ريري فريد
27-01-2011, 07:32 PM
بلاش اليأس وخلينا نعمل حاجة الاعتصام دة ابسط شئ عشان نرجع اي جزء من حقوقنا او علي الاقل نثبت ان لنا حقوق وضايعه