اخوانى المعلمين المتعاقدين ارجو منكم قراءة ما اقوله بعناية مصر الان تمر بأزمة حقيقية يمكن اغلبيتنا ماشفوها قبل كده انا عن نفسى معصرتش اى حرب بمصر اتولدت درست اتخرجت اشتغلت معلم مساعد والدنيا ماشية عادى بس بشوف اللى حصل بالعراق وباقى الدول المحتلة
اللى بيحصل بمصر ده مؤشر لاحتلال اجنبى هييجى ينظم العملية اى هنكون احنا العراق رقم2
مين فينا عاوز كده؟
عارفة ان فيه فينا ناس كانوا شغالة من سبع سنين تعاقد عادىب104ج ولسة متحولين مميز من2008 او2009 او2010 الله اعلم
وكمان فينا اللى زيى اللى تعاقد من2008تعاقد مميز حتى الان
نص القانون قال سنتين يتم مدها لسنة واحدة كمان صح؟ احنا الان باقلنا شهرين على انتهاء السنة الثالثة لينا اى اخر 3القادم هنكون كملنا3سنوات
استنوا شوفوا ايه اللى هيحصل اخر شهر3 لو محصلش حاجة اوأتمد العقد اعملوا اللى عاوزينوا لكن مش من الان
حركوا اليوم حبه اشمعنا30/1 خلوه1/4 لو متعيناش مع العلم انى ضد الاعتصام اصلا وبقول الحمد لله غيرى احسن منى مؤهل مثلا وقاعد ببيته مستنى ربنا يكرمه بعقد104 او100مش مهم المهم يشتغل حكومة وخلاص
المهم نرجع لموضوعنا ارجو مراجعة انفسنا قليلا الان
الوقت الان حرج جدا جدا
ربنا معانا والله يارب ولا يكتب علينا حرب او هم ابدا
واعتذر للاطالة

إن شاء الله لا تراجع عن الإعتصام موعدنا 30/01/2011

شكرااااااااا لك aleman فعلا ... مصر محتاجه مننا تصرف عادل وقرارات منظمة وهدوء دايما احنا مندفعين وده اللى مأخرنا ياريت الكل يعى ويفهم كلام حضرتك ....
بجد الواحد حزين على مصر يارب يجعلها اخر الأزمات وما تتكرر تانى ويصلح حالنا وحال المسلمين والعرب ويجعل مصر بلد آمنه مطمئنه ويصلح حال شبابنا وشباب العرب مسلمين كانو أو مسحين آميييييييييين يارب

رب اجعل هذا البلد آمنا مطمئنا ً