انا مش مع مبارك بس ضد رحيله الان !!!! [الأرشيف] - بوابة الثانوية العامة المصرية

نقاء الروح

02-02-2011, 12:04 PM

السلام عليكم ورحمة الله وبركاته

كيف حالكم اخواني / اخواتي الاعضاء
ارجو ان تكونوا فأحسن حال
وبداية ببارك بعودة النت الحمدلله ..

طبعا الكل شاهد وتابع الاحداث التي وقعت خلال الايام الماضية
مظاهرة مشروعة بمطالب مشروعة ولنا حق التعبير عن الرأي بتاعنا
والحمدلله تم الاستجابة للمطالب بنسبة 95 % تقريبا
فلماذا الاصرار على البقاء فميدان التحرير ؟؟!!!
ليه الاصرار على جعل مبارك يرحل ؟!!!
ليه مصرين على اهانة شخص هو رمز من رموزنا ؟!
ليه مصرين على جعل الناس تشمت فينا ؟!

خليه فمكان باباك ترضى ان حد يطرده من بيته ؟
لاء ومين من ناس اول مرة اشوف وشها ؟

غلط والغلط راكبه من ساسه لراسه
وخلاص فترة وعدت وان شاء الله الحكومة الجديدة تعدل الوضع
نديها فرصة يا جماعة ..
حرام والله ال بيحصل فالبلد ده ..
عاجبنا الخراب والعطل ال حصل فيها ؟؟
ولا عجبنا الدول ال عمالة تولعها وتزايد علينا ؟؟

وال خلانا نصبر 30 سنة كاملة نصبر كم شهر بس ..

ياريت يا جماعة ال بيكتب على الفيس او تويتر يوصل رسالتنا ديه
خلي الشباب يكملو ال عملوه بدل مايضيع على ايد ناس مدسوسة
البلد محتجانا اكتر من اي وقت ..

مش عارفة اكتب ايه تاني .. بس بجد تعبنا وعاوزين نكمل بس فالطريق الصح ..

وياريت اسمع ارآئكم

ابن الأكرمين

02-02-2011, 12:12 PM

كلمات صادقة من شخص صادق بارك الله فيك

من هو البرادعي ؟
من هو أيمن نور ؟
من سيقوم بحكم مصر

نرجوا أن نفكر بعقلانية

mohsen ghareeb

02-02-2011, 12:22 PM

وال خلانا نصبر 30 سنة كاملة نصبر كم شهر بس ..

وعليكم السلام ورحمة الله وبركاته
هذا اعتراف منكم أختنا الفاضلة بفساد نظام مبارك خلال فترة حكمه كلها
والفاسدون لايقررون متى يرحلون :excl:

ايمان اون لاين

02-02-2011, 12:29 PM

اولا مرسى على الموضوع

انا معاكم كفاية كده الرسالة وصلت والمطالب اتحققت والشباب اتحرر بس لو مبارك اتنحى دلوقتى البلد هتولع هو اتخدع وده عذر اقبح من ذنب بس كفاية ارحموا عزيز قوم ذل

العربى446

02-02-2011, 12:30 PM

اهلا بكل اعضاء المنتدى
المشكلة ان الشباب المتظاهر يوم 25 يناير ليس له تنظيم وهى حركة عفوية لكن انا كمصرى ومع التغير احمل المسئولية الكامله لمن نظم التظاهر على الفيس بوك لانهم ببساطة استطاع ان يشحن الشباب وان يحركهم ويجعلهم يخرجوا الى الشارع لكنة نسى اهم شئ وهو كيفية السيطرة على التظاهر بعد الخروج ولم يضع ساعة معنية لفض التظاهر لان ببساطة لم يتخيل احد فى مصر ما حدث حتى المتظاهرين انفسهم
المهم اننا كلنا مع التغير لكن الاكيد ان كل العقلاء فى مصر ليس مع رحيل السيد الرئيس ويرحل الى اين والله عار على كل مصرى ان يطلب الرئيس بالرحيل عار علينا ان نحطم الرموز ولا نحترم الشرعية واقول للرئيس مبارك
انت القائد
انت الاب
انت الرمز
ونعتذر لك جميعا عما حدث رعاك الله واطال لنا فى عمرك وحفظك الله

MiSty AnGel

02-02-2011, 12:33 PM

ايمان اون لاين

02-02-2011, 12:33 PM

هذا اعتراف منكم أختنا الفاضلة بفساد نظام مبارك خلال فترة حكمه كلها
والفاسدون لايقررون متى يرحلون :excl:
على فكره كده البلد هتولع وكفاية خراب وبعدين مبارك اتخدع انا مش معاه بس مينفعش نفرح فينا الاعداء

nagar3321

02-02-2011, 12:34 PM

وانا معكم كفاية ماحدث لمصر ففى أربعة ايام فقط ارتفعت الاسعار

والعيب ليس فى الرئيس فالعيب فينا كتجار وماقام بانتهاز الفرصة للغلاء

ولابد ان نصلح انفسنا أولا

nagar3321

02-02-2011, 12:35 PM

لازم نغير انفسنا اولا حتى يغير الله رؤساؤنا

MiSty AnGel

02-02-2011, 12:38 PM

pure soul

02-02-2011, 12:42 PM

الاعداااااااااااااء ...!

مين الاعداء امريكا ولا اسرائيل اللي كانوا هيتجنوا من مجرد التفكير في رحيلة

شفتوا اسرائيل قالت ايه امبارح ,؟ خايفين من نقد معاهده كامب ديفيد

ده معناه ايه ,, مش معنى كده ان وجوده مصلحه ليهم ؟

ومين اللي هيشمت , دلوقتي بنفكر مين هيشمت وزمان مكناش بنفكر مين بيحتقر اي شخص يراه لمجرد انه من مصر

كام واحد استشهد في المظاهرات ؟ ده لو ابنك او بنتك كنت قلت الكلام ده ؟

الموضوع مع فارق التشبيه كأنك قبضت على شخص فاسد و قوي جدا
وقالك انا هتوب , وقتها كنت تقله ماشي هنسامحك وارحموا عزيز قوم ذل

لكن لو قالك انا هتوب بس مش دلوقتي بعد 9 شهور هتسيبوة ؟؟

الساكت عن الحق شيطان اخرس

لو امن الدوله رجع تاني للشارع المصري هيكون في ثأر بينه وبين الشعب المصري وربنا يستر من اللي هيحصل وخصوصا مع وجود قانون الطوارئ , ولو حتى مفيش طوارئ

وبعدين شخص افرج عن المساجين , ارسل ناس للبيوت لبث البلبة واثارة الذعر

هتحسوا بأمان من ناحيته تاني

اتقوا الله

عبد الله الرفاعي

02-02-2011, 12:50 PM

(ليس منا من لم يرحم صغيرنا ويوقر كبيرنا )
لقد نفذ الكبير مطالب الصغار ..وحان الوقت للصغار أن يظهروا وقارا واحتراما للكبير

عبد الله الرفاعي

02-02-2011, 12:56 PM

من حق كل مواطن وكل موظف أن ينال مكافاة نهاية الخدمة، السنوات الثلاثين الماضية لم تكن كلها سلبيات بل احتوت الكثير من الإيجابيات على الصعيد الخارجى وحفظ أمن الوطن .
من حق هذا الرجل أن يترجل عن الفرس وهو رافع الرأس بكامل كرامته لأن كرامته هى من كرامة الوطن الذى يرأسه .
لم أعتقد أننى فى يوم من الأيام سوف أبكى من أجل هذا الرجل ولكنى أكتشفت أن الذين بكوا لم يكن من أجله إنما بكوا من أجل كرامة الوطن التى ضاعت فى شخصه ،الرئيس لم يعد له أى مصلحة فى الحكم فدعوه ينهى حياته بكرامة ،لا يريد هذا الشعب أن يضيع مابقى من كرامته على القنوات المسمومة والشاشات مدفوعة الأجر ،سيرا وراء الشيخ البرادعى؟!

MiSty AnGel

02-02-2011, 12:57 PM

اي كبير هذا
واي اب هذا
الذي يشرد ابناءه
ويجعلهم يعيشون في فقر وبطاله وظلم واسبداد
من يتحدث يلقي في السجن ومن لا يتحدث يضرب الحذاء
اي كبير هذا
الذي يقتل ابناء الوطن من اجل السلطة
اي كبير هذا
الذي يفتح السجون للبلطجيه لكي بنشروا الذعر في قلوب الناس
اي كبير هذا!!!!!!!!1111
انه سفيه وحقير وليس كبير

amenelhoda

02-02-2011, 01:07 PM

اولا انا لامع ده ولا ضد وه انا مع العقل فيجب ان نفكر بحكمة لان الرئيس لو رحل دلوقتى البلد هتولع بجد لان مفيش حد بجد يقدر يحل محله فى الوقت الراهن فلازم نسيبه يرتب البلد تانى لان البلد فى حالة انهيار ولو رحل هيحصل فراغ تام فى السلطة والرئيس اهو لسه ممشاش والاحزاب منقسمة على بعضها
فنستنى كام شهر دول لغاية لما الامور تتحسن وبعدين تحصل الانتجابات ويحصل الانتقال السلمى للسلطة وبعدين الراجل ده الناس عوزينه يمشى هيمشى يروح فين وهو استجاب لكثير من المطالب ومتنسوش ان فى عدو متربص لنا اول يوم حصلت فيه المظاهرات حرك الدبابات بتاعته فوضع البلد لازم يستقر وبعدين تحصل الانتجابات
" مجرد راى " وشكرا على الموضوع .

*البحار*

02-02-2011, 01:14 PM

انا اردني من الاردن و شايف اللي بيحصل دا بمصر ( ام الدنيا ) مصر ام الدنيا بيحصل فيها كده

و الله انا زعلت على كل شئ من التكسير و التخريب و النهب اللي حصل

ليه كده

اعملوا مظاهرات سلمية

صح الشرطة بيوم الغضب عملت اشياء لا ينسكت عليها

بس هذا لا يعني انكم تكرهوم

دول حد من اهل و شعب مصر

طيب لو ال8مليوم طلعت على ااسرائيل و راحت على اسرائيل مش احسن

ضد عدو واحد مشترك ليه كده يا جماعة نحنا ليه منثور على بعض

و كمان حاجة النت عاد و الحمدلله

دا الحكي مش معناه ان نتقاتل كمان هنا لا دا عشان نتوحد

و كفاااااااايه

عبد الله الرفاعي

02-02-2011, 01:19 PM

فى عدة عبارات أوضح المخاطر التى نحيط بمصر
1 - هناك طائرتان إسرائليتان دخلتا المجال الجوى المصرى يوم الأحد الماضى على الحدود مع إسرائيل .. وقد إستطاعت القوات الجوية المصرية محاصرة الطائرتان وإجبارهما على النزول وجارى محاكمتهم الأن .. وهذا ما ......يبرهن على إنتظار العدو لحالة الفوضى التى تنتشر حاليا فى مصر .. وهناك شباب فى التحرير يساندون العدو بلا اى تحمل للمسؤولية
2 - المتظاهرون فى التحرير يتقاضون مبلغ 50 جنيه يوميا .. بخلاف الطعام " أشهى الطعام " لإغرائهم على إستكمال الفوضى .. من يدفع كل تلك الآلاف ؟!!!
3 - هذا البرادعى الذى قال أن العراق بها سلاح نووى .. وسهل الطريق أمام أمريكا للدخول بها .. ولم يجدوا بعدها أى أسلحة نووية .. إذا فهو لا تطىء قدمه أرضاً إلا ويخربها .. حسبنا الله ونعم الوكيل فى العملاء الخونه .. فالبرادعى وأمثاله هم الخونه الحقيقين وليس حسنى مبارك .. لأنه لم كان خائناً لكان قد سمح بإقامة قواعد عسكرية فى مصر .. مثلما سمحت قطر " العميله " صاحبة قناة الجزيرة العميلة .. حسبنا الله ونعم الوكيل .
4 - بدأت المظاهرات تريد القضاء على البطالة وإنخفاض الأسعار .. ثم إتجهة لمنحى سياسى وهو تغير النظام .. ثم إسقاط النظام .. وهو كما نعلم جميعاً أن مطالب بنى البشر لا تنتهى فكلما حقق لهم مطلب طلبوا غيرة " وبالأخص شعبنا الذى أنا فرد منه " .. فمن المسؤل عن تغيرر لغة المظاهرة
5 - بعدما أستجاب الرئيس لمطالب القلة القليلة فى التحرير " حتى لو كانوا 2 مليون " فالشعب المصرى 85 مليون .. فهم لا يمثلوننا جميعاً .. ما سبب إستكمال الإحتجاجات والتظاهرات وإتاحة الفرصة للتخريب والسرقة وترويع الأمنين ..حتى لو كان هناك مطالب اخرى تريدونها فما هى " المادة 88 " الإشراف القضائى " .. و حل مجلس الشعب " .. أريد ان اذكركم يا من لا علمون شىء عن السياسة الحقيقية .. أن بعد إنتخابات الرئاسة المقبلة يمكن للرئيس الجديد أن يحل مجلس الشعب بقرار جمهورى .. ولكن على رأى المثل ملقوش فى الورد عيب قالوا أحمر الخدين " وحبيبك يبلعلك الظلط وعدوك يتمنالك الغلط .. وعن اللإشراف القضائى أقول أن بعدما حدث كل هذا لا يمكن أن يكون هناك تزوير وبالأخص إذا كانت هناك رقابة من الشباب مثلما كانوا يحرسون منازلهم وشوارعهم .. فمصر بيتهم الأكبر والذى يستدعى الحماية .. فحماية الشعب اهم واقوى من حماية القضاء ومراقبته للإنتخابات .
6 - من يتحدثون عن تنحى الرئيس .. الا يعلمون هؤلاء أن الرئيس لو تنحى سيكون افنتخاب على اساس الدستور الحالى وقبل تعديله .. ومن يقول أن النائب عمر سليمان يمكن أن يقوم بهذا الدور .. أقول لهم لا فالنائب له صلاحيات محدوده وليس من ضمنها تغيير الدستور.
7 - الامن الذى فقدناه .. فالليله فى أمان تساوى ملايين الجنيهات .. واتفق مع الجميع فى انه يجب محاكمة العادلى الخائن .. الذى كان السبب الرئيسى فى اسقاط واذلال الرئيس والشعب المصرى .. فيجب ان يعدم فى ميدان عام هذا الخائن
وختاماً .. أقولها احظروا الاعداء الخارجيين والداخليين .. وأسالوا أنفسكم سؤال كيف يمكن لكافة الدول العربية أن تقوم بمظاهرات فى نفس التوقيت ؟؟؟!!! .. هذا ما يثير التساؤلات
حكموا عقولكم وكفانا تضليل .. حكموا ضمائركم وكفانا تغييب

pure soul

02-02-2011, 01:21 PM

من حق كل مواطن وكل موظف أن ينال مكافاة نهاية الخدمة، السنوات الثلاثين الماضية لم تكن كلها سلبيات بل احتوت الكثير من الإيجابيات على الصعيد الخارجى وحفظ أمن الوطن .

مع احترامي لشخص حضرتك , ايه اجابيات ؟

السؤال يكمن هنا في معرفه ما هو الواجب ومن ثم معرفة مع هو الفضل

مبارك ان كان في حكمه ايجابيات هذا واجب وليس فضل منه علينا

وان وجدت الايجابيات كم ايجابيه نستطيع ان نعد , وان عددنا مليون شئ حسن سنعد امامه مليار سلبيه

على الصعيد الخارجي , لما المصري يكون غير مقدر في الدول الاخرى لأنه مصري يبقى فين الكرامه والصعيد الخارجي

المصري اللي مقدرين برا علشان قدر من العلم او المال لديهم , من اجل شخصيتهم وليس من اجل انتمائهم لهذا الوطن , وان كان البعض يقدرهم لأنتمائهم لمصر , فذلك من اجل انتمائهم لتلك المناطق اللي تحتوي على اثار وليس لذلك البلد الحاليه

اما على الصعيد الخارجي من منظر اخر وهو علاقتنا بالشعوب الاخرى

فنعم كونا علاقات عظيمه مع اسرائيل وامريكا لدرجه اننا بدءنا نشاركهم في قرارتنا الداخليه وشئوننا الخاصه .. !!!

وبالنسبه لأمن البلد فأي امن هذا و هل الذين اعتدوا عل بلادنا في الليل وسمحوا للمجرمين الى الخروج من السجون لبث الارهاب في للنفوس

هم نفسهم من سيحملوا على عاتقهم حمايه الامن في البلاد الايام القادمه ؟

من حق هذا الرجل أن يترجل عن الفرس وهو رافع الرأس بكامل كرامته لأن كرامته هى من كرامة الوطن الذى يرأسه .

واين كرامتنا نحن , تريد منا ان نضحي بكرامتنا مقابل كرامه من اهان كرامتنا ؟

اين كرامه المواطن في الشارع المصري , العربي , العالمي

الكرامه ان الانسان يلاقي كل سبل حياته الماديه والمعنويه

ولا دي موجوده ولا دي موجوده , لا فلوس ولا كرامه , في فرق وذل ومهانه

فهل هو اهتم بكرامتنا لنهتم بكرامته ؟

لم أعتقد أننى فى يوم من الأيام سوف أبكى من أجل هذا الرجل ولكنى أكتشفت أن الذين بكوا لم يكن من أجله إنما بكوا من أجل كرامة الوطن التى ضاعت فى شخصه

واين حق الذين بكوا على من استشهد من ابناءهم ؟

اين حق من بات باكيا من الظلم ؟

اين حق من بات مترحما على مصرنا ؟

اين حق من بات باكيا من الفقر والخوف من المستقبل ؟

اين حق من بقى طول هذه السنوات لمختلف الاسباب اللي جاءت نتيجه الفساد

،الرئيس لم يعد له أى مصلحة فى الحكم فدعوه ينهى حياته بكرامة ،لا يريد هذا الشعب أن يضيع مابقى من كرامته على القنوات المسمومة والشاشات مدفوعة الأجر ،سيرا وراء الشيخ البرادعى؟!

من سار وراء البرادعي ؟, العالم اعترف ان الثوره ثوره شعبيه بحته لا دخل لحزب ولا جماعه فيها

ثوره من الشعب لأجل الشعب

واين تلك القنوات المسمومه ؟

اتلك القنوات اللي تذيع الصور والفيديوهات ؟ ولا هما مفبركينها

ولا القنوات اللي بتقول ان كل حاجه زي الفل , القنوات المصريه مذعتش غير فيديو واحد اللي بيقولوا فيه ( اللي بيحب مصر ميخربش مصر )

هل هذه هي الشفافيه الاعلاميه ؟

MiSty AnGel

02-02-2011, 01:25 PM

فعلا شكرا لك pure soul
هذا ما كنت انتظر سماعه

amenelhoda

02-02-2011, 01:28 PM

السما

02-02-2011, 01:29 PM

السلام عليكم
الرجاء من الجميع العودة إلى المنازل والله أنا أريد أن أقول الحق
نعم كلنا نادينا بالتغيير لما حدث من ظلم و تفشي الفوضى. نعم اعترضنا على الوضع الذي كان. ولكن تعالوا إلى كلمة سواء. لمصلحة مصر في الوقت الراهن استمرار الرئيس بعد أن قام بالتعديلات الأخيرة.
أرجو من وسائل الإعلام إعطاء الجانب الديني الدور الأكبر في مناقشة فضايا الشباب بدلا من استضافة منافقين لا نقتنع بكلامهم مهما قالوا.
ما لو كان السادة في التلفزيون المصري استضافوا العلماء الأجلاء مثل الشيخ محمد حسان و الشيخ أبو اسحق الحويني و غيرهم من العلماء الربانيين و ليس علماء السلطة. فلا نريد سواء الإخوان المسلمين الذين بسعون للسلطة فقط بغض النظر عن مصلحة البلاد مع أنني لا أريد اقصائهم و إهمالهم فلهم الحق في مصر و المشاركة في الحوار. أو علماء السلطة الذين يغفلون عن أصول الدين من أجل مناصبهم.
يا شباب مصلحة البلد تقتضي استغلال الفترة القادمة للمزيد من الحرية و الديمقراطية.
نريد انتخابات نزيهه و الله أسأل أن يعيد الأمن و الأمان إلى بلدنا.
استغلوا الفرصة و استعدوا للمرحلة القادمة.
لا داعي لإطاعة من يريد زعزعة أمن مصر. ولا و لن نسمع من يريد أن يقيد حرية الشباب في التعبير و التغيير. نريد هذا الحل المؤقت لمصلحة الوطن فقط.
يا وسائل الإعلام ناقشوا الشباب الحقيقي الذي يعاني و لا تركزوا على الفنانين و لاعبي الكرة و الراقصات و اللصوص و رجال الإعلام المنافق الذي يعيش بعيدا عن مآسي الشباب من بطالة و انحراف و فقر. فليس الرمز و القدوة هم (عادل إمام . غادة عبدالرازق. أحمد السقا .......) وغيرهم من الفاسدين الذين يتقاضون الملايين من أجل نشر الإنحراف بداعي الفن الذي يجب أن يكون أرقى من هذا. فمثل هؤلاء يثيرن الشباب لما يتقاضونه من أجور والشباب جائع و حيران. قدوتنا هم رجال صالحون من علماء دين ربانيين لا يريدون مناصب و كذلك علماء في العلوم المختلفة.
و الله أريد مصلحة البلد. فهل من مستجيب.
انا مسلم مصري عربي

ahmedsabri77

02-02-2011, 01:38 PM

التوأمان

02-02-2011, 01:39 PM

انا مع تغيير لكن بالذوق و بجد كتير الى حصل مع الريس ده مهما حصل مينفعش الى اتعمل فيه ده و هو فى السن ده فين الاحترام و فين سماحة الاسلام هو غلط اوك فى حق ناس كتير بس هو ابتدى يصلح و كان لازم نديله فرصه يثبت حسن نيته على الاقل هو رئيس لمصر منذ ثلاث عقود و هو ادرى باحوالها اكتر من اى رئيس تانى و بجد التخريب الى حصل فى الكام يوم الى فاتوا اكتر بكتير من اى شئ عمله الرئيس فى حق الشعب .

توتاااااااااااااااااا

02-02-2011, 01:43 PM

نعم ايضا لمبارك
نعم يا بطل اكتوبر
نعم يا قاهر الصهاينه
لا للجزيره
ولا للعربيه
ولا للاجانب الذين يكتبون مبارك خنزيرا وصهيونى ويتدخلون بيننا
وليعلم الشرفاء ان هناك لوحات عبريه وانجليزيه كتب عليها لا لمبارك ووضعت فى يد بعض المتظاهرين من الهائجين وكان تحت اللوحات بعض عملات اليورو والدولارات
والله على مااقول شهيد
لا لكل من يهاجم رجل مصر الاول ويهاجم معه كرامتنا

ابو حسنا

02-02-2011, 01:48 PM

مصر اولاً
الاشخاص زائلون والوطن باقى .. يجب ان نفكر اولاً وقبل أى شئ فى مصلحة مصر سواء مع النظام او ضده فمصر هى الاهم ومصلحة الوطن فوق كل شئ لابد من عودة النظام والأمن والهدوء الى الشارع المصرى فالمخاطر المحيطة بنا كثيرة داخلياً وخارجياً .. اسرائيل ومشكلة المياه ونحن نجتاز موقفاً تعثر الآراء فيه وعثرة الرأى تردى..
فقفوا فيه وقفة الحزم واربو بجانب المستعد ...الديمقراطية .. انتخابات حرة خالية من التزوير .. القضاء على الفساد .. احترام حقوق المصرى فى الداخل والخارج .. القضاء على البطالة والغلاء وتغيير الدستور مطالب مشروعة لكل مصرى .. يجب الاستماع لصوت العقل والحكمة لا لتخريب مصر .. فمصر هى الدرع الامن للعرب والاسلام

MiSty AnGel

02-02-2011, 01:50 PM

ليه يا اخوانا الكلام ده ؟ انتو اطعمتو فين و انتو اطفال ؟ في الشارع و لا في مستشفى حكومي عملاها الدولة اللي مش عجباكم !!!! اتعلمتو فين ؟ مش في المدارس والجامعات اللي بنياها الحكومة ؟؟!!!؟ بتشربو ميه منين؟ مش من محطات الميه الل مهبباها الحكو...مة ؟؟؟ بتاكلو منين ؟؟ العربيات و المواصلات العامة او الخاصة ماشية على طرق وكباري اتكلفت كااااااااام ؟!؟!؟!؟ سيبكم من ده كلو ... الامان اللي حاسين بيه ... تسيب مراتك و عيالك لوحدهم بالشهر والشهرين و السنة وانت متطمن عليهم .. ده يساوى كاااااام؟؟؟؟؟؟؟؟؟؟؟؟؟ و الله بعد اللي شفناه ما يساوي كنوز الدنيا كلها!!!! عاوزين واحد من امريكا (البردعة) يعني واحد غريب يقول لصاحب البيت و البلد : ارحل ؟؟!!!!!!!! اللي يشوفو منكم يوصلو سلامي و يقولو ان انا نفسي اشوفو ...... في اي خرارة برة مصر .
اه ممكن نبقي احنا اكلنا..غيرنا ملقاش ياكل واتشرد في الشوارع او مات من الجوع
وبالنسبه للمستشفيات:دكاتره في منتهي الغباء علي درجة عاليه من الاهمال
بقوا يموتوا الناس بدون اي اكتراث لارواح الناس
لان الشعب المصري اصبحت ارواحه رخيصه جدا
اما بالنسبه للمدارس:انا حسه اني متعلمتش حاجه من التعليم المتخلف
كله كلام × كلام حتي المواد العملي
عمرنا ما دخلنا معمل
عربيات ومواصلات:ههههههه الناس بقت تتخانق عشان تركب المواصلات
الامان:اي امان
امان وهمي...كل واحد خايف يتكلم فبيقعد ساكت وخلاص لانه لو اتكلم هيروح السجن
وبعدين عيييييييييييب..عيب تتكلم علي البرادعي بالطريقه دي
وبعدين هو اتكلم وقال انا مش عاوز منصب الناس عاوزيني اساعدهم وانا بلبي طلابتهم

نقاء الروح

02-02-2011, 01:54 PM

كلمات صادقة من شخص صادق بارك الله فيك

من هو البرادعي ؟
من هو أيمن نور ؟
من سيقوم بحكم مصر

نرجوا أن نفكر بعقلانية

فعلا اشخاص لم نعرف لهم تاريخ
او نسمع عنهم الا بعد انا قام الشباب بعملهم العظيم هذا
العقل يجب ان يكون الحكم فهذه الفترة فنحن على المحك ..
وارجو ان تنتهي هذه الفترة بسلام ..

وعليكم السلام ورحمة الله وبركاته

هذا اعتراف منكم أختنا الفاضلة بفساد نظام مبارك خلال فترة حكمه كلها

والفاسدون لايقررون متى يرحلون :excl:

استاذي الفاضل ان ذكرت انه اخطأ والخطأ يركبه
لكن نحن الان في ظرف طارئ صعب عصيب جدا
فهل هناك من هو مهيء لاستلام الحكم فالوقت الراهن
اذا رحل مبارك ؟؟
الاجابة لا .. فكل الموجودين على الساحة يلهثون وراء مصالح شخصية
وحضرتك هو قال خلاص لن يترشح فلنستحمله لشهور قليلة
ارجو ان نفكر في مصر لا في مبارك

فمصر تبقى ونحن نفنى

نقاء الروح

02-02-2011, 02:00 PM

اولا مرسى على الموضوع

انا معاكم كفاية كده الرسالة وصلت والمطالب اتحققت والشباب اتحرر بس لو مبارك اتنحى دلوقتى البلد هتولع هو اتخدع وده عذر اقبح من ذنب بس كفاية ارحموا عزيز قوم ذل

فعلا يا ايمان ..
ياريت نفكر شوية .. فالكثير الكثير يتربص بنا ..

اهلا بكل اعضاء المنتدى
المشكلة ان الشباب المتظاهر يوم 25 يناير ليس له تنظيم وهى حركة عفوية لكن انا كمصرى ومع التغير احمل المسئولية الكامله لمن نظم التظاهر على الفيس بوك لانهم ببساطة استطاع ان يشحن الشباب وان يحركهم ويجعلهم يخرجوا الى الشارع لكنة نسى اهم شئ وهو كيفية السيطرة على التظاهر بعد الخروج ولم يضع ساعة معنية لفض التظاهر لان ببساطة لم يتخيل احد فى مصر ما حدث حتى المتظاهرين انفسهم
المهم اننا كلنا مع التغير لكن الاكيد ان كل العقلاء فى مصر ليس مع رحيل السيد الرئيس ويرحل الى اين والله عار على كل مصرى ان يطلب الرئيس بالرحيل عار علينا ان نحطم الرموز ولا نحترم الشرعية واقول للرئيس مبارك
انت القائد
انت الاب
انت الرمز
ونعتذر لك جميعا عما حدث رعاك الله واطال لنا فى عمرك وحفظك الله

حضرتك حركة الشباب حركة عفوية نظمها الشباب لمطالبة بحقوقهم
والمطالب تحققت بالفعل .. لكن المشكلة في هولاء ممن يركبون الموجه
لمصالحهم الشخصية .. والشباب بأنفسهم قد رضوا بما قاله الرئيس مبارك بالامس

ياريت نعي فعلا ان مبارك ليس مجرد حاكم
بل هو رمز من رموزنا وليس المصريين من يهينون رموزهم !

نقاء الروح

02-02-2011, 02:06 PM

انتي بتقولي ايه اه سكتنا كتيييييييرر بس لحد هنا وكفاااايه
ما صدقنا فوقنا يا مصريين
بصي للجانب الايجابي
المصريين وافقين مع بعض وقفه رائعه والشباب واقفين يحموا البيوت
اختفت المعاكسات والمضايقات
واصبحوا يغضون البصر وكل واحد بيدافع عن غيره وبيحبه
والله اول مره احس ان المصريين كويسين
وبعدين انا كنت ممكن استحمل حسني مبارك
بس بعد يوم الجمعه اللي فاتت لا والف لاااااااااااااااااااا
لما يضربوا المتظاهرين بالقنابل المسيله للدموع
وبعصيان كهرباء ويرشوهم بالمايه وهما بيصلوااااا..اوغااااااااااد
ولما شرطي يضرب اخوه المصري بالناااااار
نقووووووووووووول ايييييييييييييييييييه
كفااااااااااااااااااااااايه
لما يفتحوا السجون للبلطجيه عشان يخوفوا الناس عشان يمشووووا من المظاهره
حرررررررررررررررراااااااااااااااااااااااااام بقي
من حق اي حد يقول رايه ومن حق اي حد يقوم بمظاهره
بس اللي عمله مبارك ده دليل علي اكبر فسسسسسسسسسسساااااااد
كفايه بقي فساااااد كفايه بقي حسني مبارك
لازم يرحل والان

طيب مين هيمسك البلد بعد رحيله ؟؟
عاوزة الشباب يفضل ماسك العصي والشوم لحد امتى مثلا ؟؟
ايوة انا عارفة ليها ايجابيات وفرحانة بيها جدا

لكن خلينا نشوف الموضوع بكل جوانبه
لو مبارك رحل مصر خلاص باي باي
كل واحد عاوز لنفسه السلطة

كل ال حصل مؤسف وغلط وفساد ماشي
لكن نصلح الخطأ بخطأ زيو ؟؟
يا جماعة فكرو فمصر فمصر مش فمبارك
خلاص مبارك ايامه معدودة .. لكن مصر احنا ؟؟
ياريت مايخدناش الحماس لطريق اللاعودة
يعني انتي عاجبك الدنيا الخربانه لا شغل لا بنوك لا جامعة لا امتحانات
الاقتصاد ال شوية وينهار انتي شوفتي الخساير البورصة ؟؟
بالملياااااارااات ..
ياريت العقل يحكم بلاش الحماس ال يودي لطريق غير معروفة نهايته ..

ahlaoy50

02-02-2011, 02:10 PM

في ايه يا زمان عمالي تحدفنا شوية يمين والباقي شمال
من تفجيرات الكنيسة في اسكندرية
الي مظاهرات جت بخراب وحرايق
لواحد عامل فيها مصري وهو عميل
مين فيكي يا مصر ما غلطش فيكي
سمحينا يا مصر قبل ما الخراب يعم عليكي

عاشق البلانكو الابيض

02-02-2011, 02:11 PM

انا بصراحة مع رحيله
بس مش دلوقت حالا
لا لما تخلص ولايته
ويحصل تعديل فى الدستور
وكان من المفروض ان يتم حل مجلس الشعب ومجلس الشورى
بس بعد ما شوفت المظاهرات اللى طالعة بتايد مبارك
استغربت طيب كانوا فين دول من اسبوع واكتر
وشكيت فى الخطاب اللى قاله امبارح
بس فى الاخر انا مع رحيله هو وكامل نظامه الفااااسد
ومع انتخابات حرة تختار شخص مميز
وليس من اشخاص المعارضة الضعيفة

نقاء الروح

02-02-2011, 02:12 PM

بطلوواااا ذكاااء الله يخليكوا
اه عمالين يقولوا مصر خسرت كام مليار
فين بقي الفلوس دي لما كنا بنكسبهاااااااا
فيييييييييييين؟؟؟
لازم مبارك يرحل بعد المجزره اللي عملها
ده سفاااااااااااااااااح
ولازم يرحل وبفضيحه

لو سمحتي انا مش عارفة حضرتك سنك كام
بس مش ينفع تقولي كدا ..
ترضي حد يقول كدا على باباك مهما غلط ؟؟
بعدين مش فضحته من فضيحة مصر ال هي احنا ؟؟
دا بطل من ابطالنا .. اه غلط ومش عاوزينه بس بلاش الكلمات ديه
عيب والله عيب علينا كدا ..
هيمشي بس بعد انتهاء مدته
ومش عشانه بس دا عشانو وعشان مصر وعشانا كمان

نقاء الروح

02-02-2011, 02:17 PM

نقاء الروح

02-02-2011, 02:23 PM

(ليس منا من لم يرحم صغيرنا ويوقر كبيرنا )
لقد نفذ الكبير مطالب الصغار ..وحان الوقت للصغار أن يظهروا وقارا واحتراما للكبير

ياريت والله الناس تسمع يا أ/ عبدالله

من حق كل مواطن وكل موظف أن ينال مكافاة نهاية الخدمة، السنوات الثلاثين الماضية لم تكن كلها سلبيات بل احتوت الكثير من الإيجابيات على الصعيد الخارجى وحفظ أمن الوطن .
من حق هذا الرجل أن يترجل عن الفرس وهو رافع الرأس بكامل كرامته لأن كرامته هى من كرامة الوطن الذى يرأسه .
لم أعتقد أننى فى يوم من الأيام سوف أبكى من أجل هذا الرجل ولكنى أكتشفت أن الذين بكوا لم يكن من أجله إنما بكوا من أجل كرامة الوطن التى ضاعت فى شخصه ،الرئيس لم يعد له أى مصلحة فى الحكم فدعوه ينهى حياته بكرامة ،لا يريد هذا الشعب أن يضيع مابقى من كرامته على القنوات المسمومة والشاشات مدفوعة الأجر ،سيرا وراء الشيخ البرادعى؟!

فعلا بكائنا من اجل كرامة اهدرت
واصبحت مثل العلكة التي يلوكها من هب ودب
ياريت نعي ان الوطن دلوقتي محتاجنا فإصلاحه
اكتر من اننا نطلع مظاهرات عشان نشيل رجل
لم يبقى له سوى اشهر معدودة ويرحل !
هنصلح و مبارك هيخرج بكرامته ال هي من كرامتنا وكرامة مصر ..

pure soul

02-02-2011, 02:25 PM

طيب بلاش ال برا ..

احنا هنا ال جوا .. لو مبارك رحل
مين هيمسك ؟؟
سؤال اجابته للان مافيش حد
وماحدش يقولي برادعي ومش برادعي
لاهو عاش معانا ولا عاش معانتنا

ومصر لو فضلت من غير رئيس خلاص خربت
فبلاش نفكر فالاشخاص ونفكر فالبلد ديه

وكل ال حضرتك قلته صح وانا مطالبه بيه بردوا
بس مبارك يفضل لحد مايخلص مدته ويمشي

مش يمشي دلوقتي ..

نعم هناك اجابه بالطبع

الدستور المصري يقول ان في حاله تنحي الرئيس لظروف مرضيه او غيرها يتم نقل السلطه مباشره الى رئيس مجلس الشعب , ولأن في الوضع الراهن هناك طعون كثيره في صحه مجلس الشعب وصحه شرعيته يتم نقل السلطه بموجب الدستور الى رئيس المحكمه الدستورية

وان كان هناك تصارع للأحزاب والجماعات من سمع اليهم في البدايه ليسمع اليهم الان ؟

الشباب هم من قاموا بالمظاهرات وليس الاحزاب

لنطبق الدستور ويحكم من يوليه الدستور

الازمه دي اظهرت معدن شباب مصر

هم اللي بيحموا بلادهم بينظفوا الشوارع , بينظموا المرور , والدي امبارح علشان يوصل البيت عدى على 20 لجنه شعبيه على الطريق للتفتيش وتنظيم المرور

اما الامن والامان مفمن سيضمنهم لنا

الامن المركزي اللي قتل الناس , ولا اللي خرجوا الناس من السجم 17 الف سجين خرج ليه ؟

علشان الناس تعمل زيكم كده وتخاف وتقول خلاص خليه قاعد

هو بيقول بكل بساطه ( يا فيها يا اخفيها )

وزي ما قات قبل كده الموضوع عامل كأنك مسكتي شخص مجرم فاسد وقوي جدا

قالك خلاص انا هتوب , وبأمانه وتأكدي انه صادق في كلامه , هتتركيه ؟

نعم احتمال كبير ولكن ماذا اذا قال لكي اوعدك اني هتوب بعد 9 اشهر ؟

استتركيه سيذهب ليكمل فساد ومن ثم يستوب

فكروا قليلا بعقولكم لا بقلوبكم ( وان كان القلب هو مركز التفكير ) ولكني اقصد فكروا بعقولكم لا بعواطفكم وحدها

نقاء الروح

02-02-2011, 02:26 PM

نقاء الروح

02-02-2011, 02:35 PM

نعم هناك اجابه بالطبع

الدستور المصري يقول ان في حاله تنحي الرئيس لظروف مرضيه او غيرها يتم نقل السلطه مباشره الى رئيس مجلس الشعب , ولأن في الوضع الراهن هناك طعون كثيره في صحه مجلس الشعب وصحه شرعيته يتم نقل السلطه بموجب الدستور الى رئيس المحكمه الدستورية

وان كان هناك تصارع للأحزاب والجماعات من سمع اليهم في البدايه ليسمع اليهم الان ؟

الشباب هم من قاموا بالمظاهرات وليس الاحزاب

لنطبق الدستور ويحكم من يوليه الدستور

الازمه دي اظهرت معدن شباب مصر

هم اللي بيحموا بلادهم بينظفوا الشوارع , بينظموا المرور , والدي امبارح علشان يوصل البيت عدى على 20 لجنه شعبيه على الطريق للتفتيش وتنظيم المرور

اما الامن والامان مفمن سيضمنهم لنا

الامن المركزي اللي قتل الناس , ولا اللي خرجوا الناس من السجم 17 الف سجين خرج ليه ؟

علشان الناس تعمل زيكم كده وتخاف وتقول خلاص خليه قاعد

هو بيقول بكل بساطه ( يا فيها يا اخفيها )

وزي ما قات قبل كده الموضوع عامل كأنك مسكتي شخص مجرم فاسد وقوي جدا

قالك خلاص انا هتوب , وبأمانه وتأكدي انه صادق في كلامه , هتتركيه ؟

نعم احتمال كبير ولكن ماذا اذا قال لكي اوعدك اني هتوب بعد 9 اشهر ؟

استتركيه سيذهب ليكمل فساد ومن ثم يستوب

فكروا قليلا بعقولكم لا بقلوبكم ( وان كان القلب هو مركز التفكير ) ولكني اقصد فكروا بعقولكم لا بعواطفكم وحدها

حضرتك متصور ان الامور هتمشي بالسلاسة دي
مبارك هيمشي والدنيا هتولع بمعنى هتولع
والضحية احنا والبلد دي ..

بالنسبة للامن ال مسئول هو العادلي
وليس الشرطة فهم يتلقون الاوامر ليس الا ..

حضرتك انا بفكر بعقلي ولا دخل لعواطفي ابدا
انا من البداية وانا مع المظاهرة والتغيير ولسة
لكن المهزلة ال حاصلة دي لا اسمح بها ابدا

حضرتك انت شايف رئيس الجمهورية العسكري الاصل
زي الحرامي والمجرم ؟؟
هو قال مش هترشح خلاص اصبروا كم شهر وخلاص
بلاش الفضايح دي .. العالم كله بقينا الحتوتة بتعته

ولو حصل حاجة ومش عجبتنا ميدان التحرير موجود
هيروح فين ولا احنا هنروح فين ؟؟؟

ياريت بس نبص للبلد ال خلاص شوية وتنهار
لا امن لا اقتصاد ولا اي حاجة
وياريت كمان نفكر ايه ال هيحصل بعد الاشتباكات ال فميدان التحرير
بين المتظاهرين والمؤيدين .. دي فتنه وما اكثر من يستغلونها
يعني نفكر فالبلد مش فشخص خلاص بينهي حياته ..

نقاء الروح

02-02-2011, 02:42 PM

نقاء الروح

02-02-2011, 02:44 PM

نقاء الروح

02-02-2011, 02:48 PM

أمير بلا إمارة

02-02-2011, 02:50 PM

وعليكم السلام ورحمة الله وبركاته
هذا اعتراف منكم أختنا الفاضلة بفساد نظام مبارك خلال فترة حكمه كلها
والفاسدون لايقررون متى يرحلون :excl:

انا الاحظ في كل موضوع حضرتك بتتكلم ومؤيد لما يحدث الآن في ميدان التحرير ومؤيد لرحيل الرئيس الآن

هل حضرتك خائف علي مصر ؟
هل انك تعلم ماذا سيحدث اذا رحل الآن ؟

هل انك او المتظاهرين في ميدان التحرير المطالبون برحيل الريس من يمثل الشعب المصري

؟؟؟؟

!!!!!

اذا كان هناك متظاهرين في ميدان التحرير فهم قله قله قليلة جدا لا يمثلون الشعب المصري في اي شئ

انا مع تغير الدماء لمجرد التغير فقط

ولكن انا لست مع اهانة مصر ابدا في اي حال من الاحوال

انني لا انسي اليوم الذي كنت اضحك فيه علي ماحدث لدولة تونس انا وزملائي ونتبادل النكت والفكاهة علي الشعب التونسي ليس لمجرد السخرية منهم ولكن ان يهرب قائدهم مثل الفئران فهذا انعكس علي الشعب كله بدون وعي او قصد

ارجوكم ارجوكم اخواتي الشباب في ميدان التحرير من يطالب برحيل مبارك شغلوا دماغكم همسة انتوا مضحوك عليكوا وبالرغم من انكم لا تمثلون الشعب في شئ فانتم قليلون جدا بالنسبة لارادة باقي الشعب في الامان والاستقرار ولكن انتم الان وجهه الشعب المصري يستغلكم بعض القنوات السيئة للاساءة الي الشعب المصري

نقاء الروح

02-02-2011, 02:54 PM

انا فى اتفاق ان محدش جرى وراء البرادعى ولاكت هو بيفوض ويكتلم باسم الشعب على اى اساس ويقول انا مستعد امسك الرياسة لفترة انتقالية يا جماعة بجد البلد محتاجة الى استقرار فى هذه الفتره حتى تتم الانتجابات بعد انتهاء مده الرئيس لان اسرائيل مستنية زى الظروف دى عشان تنتهز الفرصة

البرادعي ده مع اني كنت معتبراه شخصية تحترم
الا اني دلوقتي لا اعتبره شخص ذو قيمة اصلا !
طالع يركب الموجة وخلاص
انا فوضوني وانا مستعد وانا وانا
وهو ولا حاجة
وحتى لو مبارك رحل مستحيل الشخص ده يمسكنا
والكل متربص بينا اسرائيل وامريكا وغيرهم
دا ال برا بيتكلمو عنا اكتر ماحنا بنتكلم عن نفسنا !

ياريت نفوق ونسيبنا من شخص مبارك ونفكر فالمستقبل والبلد دي ..

pure soul

02-02-2011, 02:59 PM

حضرتك متصور ان الامور هتمشي بالسلاسة دي

مبارك هيمشي والدنيا هتولع بمعنى هتولع
والضحية احنا والبلد دي ..

بالنسبة للامن ال مسئول هو العادلي
وليس الشرطة فهم يتلقون الاوامر ليس الا ..

حضرتك انا بفكر بعقلي ولا دخل لعواطفي ابدا
انا من البداية وانا مع المظاهرة والتغيير ولسة
لكن المهزلة ال حاصلة دي لا اسمح بها ابدا

حضرتك انت شايف رئيس الجمهورية العسكري الاصل
زي الحرامي والمجرم ؟؟
هو قال مش هترشح خلاص اصبروا كم شهر وخلاص
بلاش الفضايح دي .. العالم كله بقينا الحتوتة بتعته

ولو حصل حاجة ومش عجبتنا ميدان التحرير موجود
هيروح فين ولا احنا هنروح فين ؟؟؟

ياريت بس نبص للبلد ال خلاص شوية وتنهار
لا امن لا اقتصاد ولا اي حاجة
وياريت كمان نفكر ايه ال هيحصل بعد الاشتباكات ال فميدان التحرير
بين المتظاهرين والمؤيدين .. دي فتنه وما اكثر من يستغلونها

يعني نفكر فالبلد مش فشخص خلاص بينهي حياته ..

هتولع لو بقى
لو مشى ليه هتولع , عايزه سبب محدد من حضرتك يمكن اقدر استوعب واقتنع

اللي انا شيفاه انها هتولع بوجوده , مع وجوده مش هيكون في امن ولا امان , المؤيدين لحكمه عايزه افهم ليه بيدخلوا على ميدان التحرير , كل المتصلين على القنوات الفاضيه اجمعوا على ان الداخلين الى ميدان التحرير هم بلطجيه ؟ من ارسلهم ؟ من , من له المصلحه في ذلك ؟ من له المصلحه في فض المتظاهرين

الكثيرين يقولون ان ميدان التحرير لا يعبر عن رأيي الاغلبيه ولا شرعيه لحديثهم اذن فلماذا قطعوا وسائل المواصلات كالسك الحديديه والقطارات

ممن هم خائفون ان كانوا هؤلاء اقليه

ولما نتحدث عن ان الانتقال للسلطه سيكون غير امن ؟

بالعكس انا عايزه حضرتك توضحيلي سيناريو معين هيقوم عل اساسه التعامل في الايام الجايه لو الرئيس بقى

مين هيحمي الناس فين الامن والامان , مع وجود الرئيس الشعب كله هينظر للرجال الامن على انهم رجاله , ووسائله في قمع المتظاهرين وبالتالي هيكون في شحن كبير بينهم ناهيك عن الطغائن اللي تكونت لرجال الامن في الفترات اللي فاتت من الصور اللي شفناها على الشاشات من قتل وضرب واهانه ورش مياه على المصليين

هل سيكون للأمن اي احترام من قبل الشعب ؟ انا عن نفسي لا اضمن ان جاء احدهم الى شارعي ليلقي القبض على احد سينجح في ذلك , بس والادهي ان المنطقه كلها ستتوجهه اليه بعنف شديد وان كان من جاء ليلقى القبض عليه يستحق ذلك حقا
ايعقل ان من افرج عن ال 17 متظاهر في السجون المصريه , سيحمي الناس الان

كيف نثق بيهم

كيف نثق من فشل في مخططه لقمع المتظاهرين ومن ثم ارسل المجرمين ورجال الامن ليلقى الذعر في النفوس لنقول له ( خلاص سلمنا انت الامن والامان )

اقصد طبعا الامن والامان المسطنع

لا اجد مشاكل في انتقال السلطه وتشكيل حكومه انتقاليه دستوريه ؟

وان كان الدستور غير قابل للتطبيق حسب وجهه نظر حضرتك

اذن فلماذا نقول ان له شرعيه بوجب الدستور ولا نقول ان انتقال السلطه قابل تطبيقه بموجب الدستور ايضا ؟

اسئله كثيره احتاج الاجابه عليها , اتعاطف كثيرا مع ارائكم خوفا على اهلي واصدقائي وخوفا على شعبي وبلدي ولكن سرعان ما افكر قليلا واجد انه نجح في بث الرعب والذعر

هذا ما كان يريده

وان كان الاقتصاد سقط فما الجديد , اتعلمين متى سقط ليس الان وليس بسبب المظاهرات ولا التخريب بل بسبب هروب اعضاء النظام الفاسد وما يحملونه معهم من اموال وذهب الى بروكسيل ولندن وغيرها

اتعلمين ان 619 مليون دولار توجهوا الى مطار دبي وثلاث اشخاص مروا من غير تفتيش اللهم اعلم بما احتوت جعبتهم

هذا هو الاقتصاد الحقيقي للبلد الذي سلبه النظام وليس ما سببه التخريب

اتعلمي سقوط بورصات الدول العربيه وانخفاض سعر الذهب في العالم بأجمعه وارتفاع سعر البترول في العالم كذلك

الا يوحي لك ذلك بعظمه مصر وقدرتها ؟ امصرنا سبب كل ذلك ؟

اذن لما هذا الفقر والضنك الذي عشنا فيه طوال تلك السنين اذا كنا بمثل ذلك القدر من الاهميه

اسئله كثيره وكثيره جدا اريد اجابه عليها

كاد ان ينفجر رأسي :(

Noor ezz

02-02-2011, 03:22 PM

عندك حق لان لو سابها هيحصل فوضى جامدة فى مصر

pure soul

02-02-2011, 03:28 PM

انا الاحظ في كل موضوع حضرتك بتتكلم ومؤيد لما يحدث الآن في ميدان التحرير ومؤيد لرحيل الرئيس الآن

هل حضرتك خائف علي مصر ؟
هل انك تعلم ماذا سيحدث اذا رحل الآن ؟

هل انك او المتظاهرين في ميدان التحرير المطالبون برحيل الريس من يمثل الشعب المصري

؟؟؟؟

!!!!!

اذا كان هناك متظاهرين في ميدان التحرير فهم قله قله قليلة جدا لا يمثلون الشعب المصري في اي شئ

انا مع تغير الدماء لمجرد التغير فقط

ولكن انا لست مع اهانة مصر ابدا في اي حال من الاحوال

انني لا انسي اليوم الذي كنت اضحك فيه علي ماحدث لدولة تونس انا وزملائي ونتبادل النكت والفكاهة علي الشعب التونسي ليس لمجرد السخرية منهم ولكن ان يهرب قائدهم مثل الفئران فهذا انعكس علي الشعب كله بدون وعي او قصد

ارجوكم ارجوكم اخواتي الشباب في ميدان التحرير من يطالب برحيل مبارك شغلوا دماغكم همسة انتوا مضحوك عليكوا وبالرغم من انكم لا تمثلون الشعب في شئ فانتم قليلون جدا بالنسبة لارادة باقي الشعب في الامان والاستقرار ولكن انتم الان وجهه الشعب المصري يستغلكم بعض القنوات السيئة للاساءة الي الشعب المصري

هل تعلمون ما سيحدث اذا رحل ؟

لا اجد مشاركه تخلو من هذا السؤال وكل من يطرحه لا يجيبني عليه

حقا اريد اجابه

ما سيحدث اذا رحل ؟ ماذا يمكن ان يحدث ؟

استطيع ان اقول ما سيحدث اذا بقى ولكن لا اعلم ما سيحدث اذا رحل

من فضلكم اريد اجابه ما سيحدث ؟

وان كان ميدان التحرير وال 8 مليون الذين خرجوا امس لا يمثلون الشعب , ايمثل الالفاات المؤيدين رأي الشعب ؟

انت الان على الانترنت او كنت منذ قليل وانا كذلك والاخرين كذلك والاغلب في البيت , لم يخرجوا مع المعارضين نعم اقر بذلك ولكنهم ايضا لم يخروا مع المؤيدين له ,.

انت مؤيد ولكنك لست هناك هل يعني ذلك انك معارض ؟

طبعا لا , الموجودين في البيوت رفضوا التعبير عن ارائهم اذن كيف نعرف ماذا يريدون , انا معارضه فهل عدم وجودي هناك مع المعارضين يعني تأيدي

ارجوا ان تستوعبوا كلامي لتسطيعوا اقناعي بوجهه نظركم ان كانت صحيحه

وكذلك ارجوا الاجابه عل سؤالي , ماذا سيحدث ان رحل ؟

الأميرمحمد

02-02-2011, 03:52 PM

محايد !

السلام عليكم ورحمه الله وبركاته
جزاكي الله خيرا يا نقاء الروح ..
و هذا الكلام لا يصدر الا من شخص يحب وطنه
جزاكي الله خيرا مرة ثانية ..

فكروا لو مبارك تخلي عن السلطة الان .. ماذا يحدث ؟؟

انا بوجه كلماتي الي من يريدون تنحي مبارك عن السلطة !

و اقول / كيف لرجل دخل السياسة نائباً للسادات .. و دخل القصر الجمهوري
وهو بطل حرب - قائد الجوية المصرية و صاحب تاريخ عسكري مشرف و حكم مصر
( الدولة الاكبر عربيا و اسلاميا و اقليميا ) و حكمها في ظل الاستقرار و السلام
كيف تريدون ان يتنحي بكل بساطة بمجر مليون من 85 مليون خرجوا الي ميدان ويطالبوه بالرحيل .. كيف ؟؟

فكروا

رئيس جمهورية عسكري 30 عام حكم في سلام .. كيف يتنحب علشان شوية مظاهرات

هل نسيتم .. انجازاته .. الاعمار .. مقارناً بدول مثل السودان و اليمن وغيرها

ما هو البرادعي .. ؟؟ رجل محترم و كل حاجة .. بس لا يصلح

راجل حياته كلها خارج مصر - كتير هيقولوا علشان ظروف عمله .. ماشي

بس لا يصلح لا يعرف عن مصر مثل مبارك .. م الاخر مصر لا يستطيع رئيس يتولها عرشها الا لما يكون

عسكري ..

اللي هيجنني .. انا في ناس ظياطة ( عفوا ) بس حقيقي

في بداية الامر كان المتظاهرون يريدون اصلاحات فقط

اما الان يريدون تنحي الرئيس

ياناس انتوا يا يتاكلوا كباب يا تحكوا تراب

الراجل اصلح

اقال الحكومة

و عز استقال بس لازم يتحاكم

عين نائب رئيس

و تعديل دستور

و وعد بعدم ترشحه مرة اخري

حلو اووي .. وان شاء الله البرلمان هيتحل

عاوزين ايه تاني .. :mad:

الرأي الصواب -

ان نصبر الاشهر المتبقية من الولاية

و نشوف الحكومة الجديدة و التي نأمل فيها الخير إن شاء الله

انا عارف ان كان فيه فساد في البلد

بس اصحابه هما الحكومة لكن مبارك يتحمل معهم الذنب

عز وامثاله .. و اهم رحلوا و الحكومة بدءت تكون نظيفة بعد خروج نظيف

و بدءت تكون عادلة بعد خروج العادلي

**تسابيح**

02-02-2011, 03:54 PM

كلامك تمام ياجميل
بس يالهوووووي
الواحد قلبه بينفطر بجد
ربنا يستر
احنا بنأكل في بعض ...........!!!في ميدان التحرير

عاشق البلانكو الابيض

02-02-2011, 04:07 PM

بعد اللى حصل فى ميدان التحرير
كده يبقا بان المخطط المظبوط
ويا ريت يرحل ويخلص زهقنااااااا

نقاء الروح

02-02-2011, 04:20 PM

بعد اللى حصل فى ميدان التحرير
كده يبقا بان المخطط المظبوط
ويا ريت يرحل ويخلص زهقنااااااا

منظر والله يدمي القلب ويمزقه ..
اننا بنقطع فبعض كدا ..

شوف حضرتك مبارك مش هيرحل دلوقتي
حتى ولو ايه ..
فياريت اننا نفهم بئا وكل واحد يروح بيته
عشان الوضع مش يتأزم اكتر
وحقنا لدماء مصريين كتير ..
وخلاص خليها تيجي شوية علينا ونصبر الكم شهر دول ..

انا مش مع مبارك على فكرة
لكني حزينة وحزينة جدا على المناظر ال بتابعها دلوقتي ..
وكمان ليا اصحاب برا بيقولولي انتو سيرتكو على كل القنوات والعالم كله !
يعني كفاية كدا !!

أنوار

02-02-2011, 05:10 PM

بسم الله الرحمن الرحيم
والحمد لله والصلاة والسلاام علي اشرف خلق الله محمد بن عبد الله
صلوات ربي وسلاامه عليه وآله وصحبه آجمعيين.. وبعد .. السلاام عليكم
لا أنحاز مع مبارك ولا برادعي ولا غيره
مع الحق فقطـ
فكروا جيداً
أمبارك ؟ ( الذي سبب مع اليهود وغزة )
أم البرادعي ( الشخص الذي ابن أمريكاا )
أم مع من ؟!
بعقلانية نفكر
خطابين إحداهم دكتاتور
والآخر مستعطف
تغير الحكومية التي تحت يديه
بطانته يغيرها
ولو حسني مبارك ينزل شعبه
او حتي ينام في ارض وطنه دون حراسة بس بعد ما يعدل
مثل سيدنا عمر رضي الله عنه عندما راه شخص نائم تحت شجرة قال :
عدلت فنمت فأمنت
ان كان مبارك هكذا فإنه يأمن

smsma81

02-02-2011, 05:25 PM

MR : ABO BATTA

02-02-2011, 05:26 PM

المدة الباقية ليست طويلة يا جماعة والطريق اتعرف لو حدث خلاف ذلك .. كلنا ننزل على ميدان التحرير .. وسيبوا فرصة للحكومة الجديدة تشتغل وتثبت صدقها في المدة الباقية ..
ومن هذا الصرح العملاق أقول ..
لابد من الحفاظ على أمن وأمان الوطن وما حدث كان حقا مشروعا ولكن للأسف الشديد استخدمه البعض منا ومن الشباب الاستخدام الخاطئ مما نتج عنه ما نتج من سلب ونهب وشغب ... الخ .

والآن لا املك الا الدعاء
اللهم ربنا ارفع مقتك وغضبك عنا ولا تسلط علينا بذنوبنا من لا يخافك فينا ولا يرحمنا
اللهم انشر الأمن والأمان على البلاد والعباد كما أسألك يا ربنا ان تولي أمورنا من يصلح وان تصلح من تولى وأن يعبر بمصرنا الغالية الى بر الأمان انك يا ربنا ولي ذلك والقادر عليه .

عاطف رجل صالح

02-02-2011, 05:26 PM

انا مع العقل فيجب ان نفكر بحكمة لان الرئيس لو رحل دلوقتى البلد هتولع بجد لان مفيش حد بجد يقدر يحل محله فى الوقت الراهن غير عمرسليمان واسامة عنان عسكرى ممخابراتى عاشا فى الصححراء لا تحت التكييف حملوا السلاح ويقبضا بالجنية لا بالدولار مصادر اموالهم معروفة واسامة عنانهو الذى قبض على اللذين ضربو الاجانب فى 1997 طاردهم فى الصحراء حتى قبض عليهملهمقبول وصداقية عند الشعب وستاتى بهم صناديق الانتخابات الى رئاسة الجمهورية ولن تاتى بغيرهم ولو اعلن اليوم عن مليون وظيفة لرحل نصف من فى ميدان التحرير ولو اعلن اليوم عن 50 جنية على الاساسى لرحل الباقى وبقى البرادعى وحدة

نقاء الروح

02-02-2011, 05:33 PM

انا شايفه ان فيه ناس بتقولك خليه زي ابوك
طيب متخلي الشهداء اللي ماتوا زي اخوكي وابوكي وشوفي حتعملي ايه؟

وبعدين ليه بنشغط علي الثوره انها ترجع ومتضغطش علي الريس انه يرحل علي الاقل هو واحد واحنا كتير ان كان بيضحي

وبعدين في اللي هو قاله انه حيتغير وانتخابات نزيهه _طيب ازاي تبقي نزيهه وكل رموز التزوير موجودين بالفعل لسه

طيب ليه عمر سليمان ممسكش كل صلحياته ويبقي وهو رئيس كفتره انتقاليه والرئيس يتنحي هو وباقي النظام ؟

بالنسبه للطائره الاسرائليه هي كانت تاني يوم المظاهرات وجايبه رصاص مطاطي وقنابل امريكيه الصنع منتهيه الصلاحيه وتم استخدمها بالفعل

بالنسبه للفنانات اللي طلعوا يكلموا علي الموضوع مش حقدر اقول غير معلش عطلناكوا عن المسلسلات الرمضانيه وغير الرمضانيه عشان تشوفي اسمك اتحط فين واجرك كام .ويمكن تتبرعي بجزء منه للي صعبنين عليكي

وانا معتبراهم اخواتي واخواني والله
وزعلانة جدا وحزينة جدا جدا عليهم
واحسبهم شهداء عند الله

لكن هل من العقل اننا نخلي ناس اكتر تموت
لان بالوضع الحالي صدقيني لا الريس هيرحل والناس هتفضل تقتل فبعض!
فيعني نصبر الكم شهر بس
والحكومة الجديدة خليها تشتغل ونشوف ايه ال هيحصل
يعني انت عاوزه على اخر عمره يحصل فيه كدا ؟!
ارحمو عزيز قوم ذل !

بس مافهمتش بتاعت الطائرة الاسرائيلية .. ممكن توضحي

وكلام الفنانات والناس المشهورة دي ماحدش بيصدقهم اصلا ..

نقاء الروح

02-02-2011, 05:34 PM

المدة الباقية ليست طويلة يا جماعة والطريق اتعرف لو حدث خلاف ذلك .. كلنا ننزل على ميدان التحرير .. وسيبوا فرصة للحكومة الجديدة تشتغل وتثبت صدقها في المدة الباقية ..

ومن هذا الصرح العملاق أقول ..
لابد من الحفاظ على أمن وأمان الوطن وما حدث كان حقا مشروعا ولكن للأسف الشديد استخدمه البعض منا ومن الشباب الاستخدام الخاطئ مما نتج عنه ما نتج من سلب ونهب وشغب ... الخ .

والآن لا املك الا الدعاء
اللهم ربنا ارفع مقتك وغضبك عنا ولا تسلط علينا بذنوبنا من لا يخافك فينا ولا يرحمنا

اللهم انشر الأمن والأمان على البلاد والعباد كما أسألك يا ربنا ان تولي أمورنا من يصلح وان تصلح من تولى وأن يعبر بمصرنا الغالية الى بر الأمان انك يا ربنا ولي ذلك والقادر عليه .

اللهم آآآآمين ..

Haneen_Riri

02-02-2011, 05:36 PM

طبعا كلنا مع التغيير واصلاح الفساد اللى شفناه وعشناه كلنا بس مش معنى كده اننا نطالب برحيل مبارك الآن والكام شهر دول مش هيأثروا علينا فى حاجه بالعكس ده هيمهد للرئيس القادم اللى هيختاره الشعب بأرادته
بس الاهم من كل ده ان كلنا فرحانين بالثوره الشعبيه الرائعه دى لكن المشكله هى ان فى ناس كتير استغلت الفرصه ومنهم البرادعى انا عايزه حد يقولى الراجل ده يعرف عن مصر ايه وبأى حق عايز فجأه يبقى رئيس المصريين
ولا ايمن نور
ياجماعه ياريت نهدا الشعب الحمد لله حقق كل اللى عايزه وبلدنا هتبقى حاجه جديده فبلاش نولع الموقف اكتر من كده ونستنى الكام شهر دول مش علشان مبارك او غيره لكن علشان مصر وامن مصر

smsma81

02-02-2011, 05:43 PM

نقاء الروح

02-02-2011, 08:01 PM

1/ايه اللي يضمن ان الحكومه دي تمشي صح ومتكملش بقيه الي حصل
2/ حتجيبي منين ضاحايا تاني لو اللي وعد بيه محصلش
3/ حتقولي ايه لاهالي الضحاياارحموا عزيز قوم زل
4/في حاله انه اخد الفتره دي يصفي فيها رموز الشباب والمتظاهرين وخصومه ايه هو الضمان ؟

5/ نضمن منين الدستور لما يجي يتعدل ميحطش فيه سرور حاجه كالعاده فين قانون الطوارئ اللي اتلغي دي منواره مرفوضه ولازم نقف ايد واحده لازالته

وبعدين لو علي كرامته يتنحي بسبب الحاله الصحيه وسيب عمر سليمان او عنان ويشيلوا كل رموز النظام معاه

وبعدين علي قناه bbcطلع نبيل لوقا امبارح وقال احنا ممكن ننزل مظاهرات مع مبارك ايه المشكله

يعني الموضوع مدبر

شوفي اسئلة اضمن منين ديه مش تنفع
يعني ممكن اردها عليك] واقولك
ايه ال يضمن ان ال جاي مايكونوش زي او اوحش ..
يعني ماينفعش نمشي على النظام ده ..

بالنسبة للموضوع المدبر لسة وحدة طالعة فالمحور
وكشفت ان مجموعة من الشباب مدربين من قبل جهة معينة
عشان يقلبوا نظام الحكم ..
ودي مش قضيتي ... المهم دلوقتي مصر تبقى ومش تنهار ..
فبلاش ياخدنا الحماس ويلا نشيل ويلا نحط
لانه مش بالسهولة دي ..

بس بعد دا كله سؤالي مش اتجاوب عليه :d