قاطعواا القنوات المصريه المضلله [الأرشيف] - بوابة الثانوية العامة المصرية

MiSty AnGel

02-02-2011, 01:36 PM

ياريت يا جماعه تقاطعواا القنوات المصريه
فهي تضلل بدرجه عاليه جدااا
وباينه اوي
امبارح كانت في مظاهره مليونيه في ميدان التحرير
يقولك كان في 50 الف
وعاملين زوووم اوت جامد عشان يبان انهم قليلين
وجايبين المظاهره المتفبركه بتاعت المهندسين
وعمالين يتكلموا عليها كأنها محصلتش
والناس اللي فيها لا يتعدوا 500
طيب ليه اهملوا رأي الملايين ؟
واهتموا برأي القله
وغيره كتييييير يا جماعه: يعني في يوم كان في حوال مئه الف متظاهر في ميدان التحرير
ويقولولك الدنيا فاضيه والحياه جميله
وفي ناس بتوزع عيش علي البيوت!!!
طيب لما الدنيا فاضيه والحياه جميله
ليه كان في حظر تجول من السعه 3 الي 8
وللاسف الناس بتصدق اي حاجه وخلاص

ام الحبايب

02-02-2011, 01:53 PM

على فكرة المفروض والواجب نظهر الايجابيات للناس لكى يحتزو بها ونبعد عن السلبيات وبعدين لو ان ميدان التحرير فيه مليون او اتنين مليون اللى اعدين فى البيوت 80 مليون

MiSty AnGel

02-02-2011, 01:56 PM

لا حضرتك كان في مليون في اسكندريه ومليون في القاهره
و50 الف في المنصوره و70 الف في المنيا....الخ
دول ما يمثلوش الشعب؟؟؟؟
والمتين اللي كانوا في المهندسين يمثلوا الشعب؟
اين العقل والمنطق؟

pure soul

02-02-2011, 02:08 PM

سيف سالم

02-02-2011, 02:11 PM

على فكرة المفروض والواجب نظهر الايجابيات للناس لكى يحتزو بها ونبعد عن السلبيات وبعدين لو ان ميدان التحرير فيه مليون او اتنين مليون اللى اعدين فى البيوت 80 مليون
ليس ميدان التحرير فحسب
بكل كل مدن الجمهورية
اما من قعد في البيت ليس مع هذا او ذاك
فليسوا في الحسبان
نعم لبقاء مبارك حتى الانتخابات
لالالالالالالالالالالالالالالالالالالالالالالالالا لالالالالالالالالالالالا
لمجلس مزور يعدل الدستور

amira elnaggar

02-02-2011, 02:11 PM

دول كذابيين جداااااااا

بيقولو ا الريس من غيرة هنعمل اية

وقناة المحور جايبن ناس تعيط وزعلانين

دول كدابيين جدا

توتوالصغيره 115

02-02-2011, 02:12 PM

فعلا كلامك صح اختى انا بكره القنوات ديه

مشكوووووره

عاشق البلانكو الابيض

02-02-2011, 02:14 PM

عندك حق والله
هما مش مكملين خمسين واحد اصلا

MiSty AnGel

02-02-2011, 02:19 PM

بلغ عدد المتظاهرين 8 مليون

القنوات المصريه لا تقول الحقيقه وه ابعد ما يكون عن الشفافيه , بتجمل في صوره الرئيس والنظام

لو كانوا لهم اي علاقه بالديموقراطيه والشفافيه لمكانوا اذاعوا المظاهرات المؤيده منها والمعارضه كذلك

لكن دول بيذيعوا اللي على مزاجهم واللي مش عايزينه مش بيقولوا عليه حاجه

انتو مش شافين مذيعين القنوات المصريه الحياه وغيرها طالعين عاملين ازاي , ناس طالعه تبتسم وتضحك وتهزر وتنكت

واحمد شفيق رئيس الوزراء امبارح طالع مش لاقي اي كلام يقوله عايز يمشى وكل شويا يلم ورقه وقاعد يضحك ويهزر

فين الاعلام المصري , ماذا تنتظري اختي الفاضله من اعلام انس الفقي

انا مخنوقه جدا , لا اخفي قلقي وخوفي ولكن في حالات يجب ان يغلب فيها العقل على العاطفه

مبارك لعب على عواطف الشعب في خطابة

والبعض صدقه وهناك اخرين صدقوا لبضع دقايق ومن ثم ادركوا الحقيقه وهناك من ادركوا حقيقه ما قاله من البدايه

تلك لعبه السياسه

الله يرحمنا

دلوقتي انصار مبارك نجحوا في دخول ميدان التحرير

لمااااااااااااااذا يريدون الدخول

هل يريدون اساله الدماء وحدوث اشتباكات , ماذا يريدون هؤلاء

اينم السلميه في مظاهرتهم ؟ هم يريدون سفك الدماء

الله المستعانِِ

شكرااااا لكي بيور والله حسه ان انتي الوحيده اللي في صفي
ربنا يعينا ان شاء الله
المهم نصحح مفاهيم الناس
في ناس كارهين المتظاهرين بعد كل اللي علملوه
ومؤيدين لمبارك بعد ما قام به من سفك للدماء
والله حرام
والقنوات المصريه للاسف معظم المصريين بيشوفوها وبينخدعوا
ربنا يولع فيهم ان شاء الله
وبعدين اللي بيعملوه المؤيدين لمبارك في ميدان التحرير اكبر دليل علي انهم ناس غير متحضرين
احنا عاوزين نعمل مظاهرات سلميه وهما مصرين علي سفك الدماء
والان عمالين يبعتوا رسايل علي الموبايلان للدعوه للمشاركه في المظاهرات المؤيده لمبارك
ووصلتني احد هذه الرسائل
حسبي الله ونعم الوكيل

MiSty AnGel

02-02-2011, 02:22 PM

ليس ميدان التحرير فحسب
بكل كل مدن الجمهورية
اما من قعد في البيت ليس مع هذا او ذاك
فليسوا في الحسبان
نعم لبقاء مبارك حتى الانتخابات
لالالالالالالالالالالالالالالالالالالالالالالالالا لالالالالالالالالالالالا
لمجلس مزور يعدل الدستور
مبارك لا يجب ان يبقي دقيقه واحده زياده
بعد ما حدث يوم الجمعه
يجب ان يرحل
والمفروض يضرب بالرصاص كمان قبل ما يرحل
وناخد كل اللي نهبه من البلد

faten forever

02-02-2011, 02:25 PM

MiSty AnGel

02-02-2011, 02:25 PM

دول كذابيين جداااااااا

بيقولو ا الريس من غيرة هنعمل اية

وقناة المحور جايبن ناس تعيط وزعلانين

دول كدابيين جدا

عندك حق والله
هما مش مكملين خمسين واحد اصلا
فعلا كلامك صح اختى انا بكره القنوات ديه

مشكوووووره
تماااااااااااام بس صدقوني هتشوفوا ايه اللي هيحصلهم بعد رحيل مبارك
الناس كلها هتحتقر القنوات المضلله دي

MiSty AnGel

02-02-2011, 02:31 PM

من لا يجب أن نستمع اليه هو القنوات المسممه التى تنفث بسمومها فى كل مصر مثل االجزيره وأمثالها

أين عقلك أنت ومنطقك !! ألم يكفيك ماحدث من فوضى وترويع لكل بيت مصرى وشعرنا جميعا بذلك ..

ألا تشعر بالغيره على وطنك وأنت ترى كل من هب ودب يتطاول عليه وعلى رئيسه ..

ألم ترى أن هناك فعلا استجابه للمطالب وتحول ايحابى نقدره جميعا ..

فلنترك الفرصه للحوار يأخذ مجراه .. أم أن هناك مخطط لاجهاض كل محاوله للاستقرار !!

هداك الله للرشد والصواب أنت وشباب مصر
يا سلام!!!
نسمع الكدب ونسيب الحقيقه
نسمع التأليف والانحياز للرئيس
نسمع كلام ليس له علاقه بالواقع
نسمع ايه بس؟
وبعدين قناة الجزيره من اعظم القنوات عملت تغطية ممتازه لكل الاحداث والتطورات في مصر
ولم تقم بالتضليل او الانحياز للقله القليله لا يتعدوا 500
واهمال الملايين وكانهم غير موجودين
اي منطق هذا؟؟؟؟؟
وقلة الادب اللي عملوها الان"المناصرين لمبارك "في ميدان التحرير
دي قله ادب
واي رئيس هذا اللي بتدافعي عنه ..ده سفاح وحقير وليس رئيس
وبعدين من ساعت ما عملنا المظاهرات وكل العرب بقوا بيحبونا وبيدعولنا
وبقت الناس بتحب المصريين
وبيعملوا مظارهرات في دول تانيه لتأييدنا بعد ما كانوا بيكرهونا
حضرتك اللي لازم تفوقي مش انا

pure soul

02-02-2011, 02:39 PM

من لا يجب أن نستمع اليه هو القنوات المسممه التى تنفث بسمومها فى كل مصر مثل االجزيره وأمثالها

أين عقلك أنت ومنطقك !! ألم يكفيك ماحدث من فوضى وترويع لكل بيت مصرى وشعرنا جميعا بذلك ..

ألا تشعر بالغيره على وطنك وأنت ترى كل من هب ودب يتطاول عليه وعلى رئيسه ..

ألم ترى أن هناك فعلا استجابه للمطالب وتحول ايحابى نقدره جميعا ..

فلنترك الفرصه للحوار يأخذ مجراه .. أم أن هناك مخطط لاجهاض كل محاوله للاستقرار !!

هداك الله للرشد والصواب أنت وشباب مصر

مع احترامي الكامل لشخصك , لما تسأل عن عقلنا ومنطقنا وتلك القناه وغيرها من المصادر تقول اخبارها بدلائل مصوره ومسموعه قاطعه ؟؟

ما دليلك حضرتك على عدم صدقم ؟

ما دليلك على عبثهم وكذبهم ؟

هذا ما كانوا يريدوه تحديدا بث الخوف في النفوس ولكن الم تسألي عقلك ومنطقك من هؤلاء الذين حرروا المجرمين من السجون ومن هولاء الذين يعتدون على البيوت ومن حاول سرقه المتحف المصري ؟؟؟

اهو الشعب , اهو انت ِاو انا ؟

الشعور بالغيره على الوطن واجب ولكن المهم هو معرفه من يحب الغيره على الوطن منه ؟ اهم المتظاهرين ام هم رجال الامن الذين ضربوا الناس , واعضاء النظام الفاسد الذين سرقوا الوطن ؟

ايجب ان نخفي سلبياتنا ؟

اذن كيف سنحيلها الى ايجابيات ,, الطريقه العلميه في التفكير تقر تحديد المشاكل كأول خطوة

كفانا دفن رؤسنا في الرمال كالنعام

ان كان لدى حضرتك اولاد فماذا سيكون شعورك ان كان احدهم ضمن الذين قتلهم رجال الامن والنظام الفاسد ؟

حاولي ان تشعري بشعور الاخرين .. ؟

يجب ان ندفع الكثير لنحصل على الكثير , لن يزول الفساد بأستمرار الرفاهيه ان كانت موجوده اصلا

جزاكِ الله كل خير وهداني واياكي وهدى الجميع الى ما يحبه ويرضاة

faten forever

02-02-2011, 02:40 PM

يا سلام!!!
نسمع الكدب ونسيب الحقيقه
نسمع التأليف والانحياز للرئيس
نسمع كلام ليس له علاقه بالواقع
نسمع ايه بس؟
وبعدين قناة الجزيره من اعظم القنوات عملت تغطية ممتازه لكل الاحداث والتطورات في مصر
ولم تقم بالتضليل او الانحياز للقله القليله لا يتعدوا 500
واهمال الملايين وكانهم غير موجودين
اي منطق هذا؟؟؟؟؟
وقلة الادب اللي عملوها الان"المناصرين لمبارك "في ميدان التحرير
دي قله ادب
واي رئيس هذا اللي بتدافعي عنه ..ده سفاح وحقير وليس رئيس
وبعدين من ساعت ما عملنا المظاهرات وكل العرب بقوا بيحبونا وبيدعولنا
وبقت الناس بتحب المصريين
وبيعملوا مظارهرات في دول تانيه لتأييدنا بعد ما كانوا بيكرهونا
حضرتك اللي لازم تفوقي مش انا

كلماتك عبرت عن مستواك الفكرى
وتلفظاتك وخطأك أظهرت هرولتك فى اتفكير

شكرا ياطالبه الثانويه العامه على أدب الحوار !!!!!!!!!!

MiSty AnGel

02-02-2011, 02:51 PM

كلماتك عبرت عن مستواك الفكرى
وتلفظاتك وخطأك أظهرت هرولتك فى اتفكير

شكرا ياطالبه الثانويه العامه على أدب الحوار !!!!!!!!!!
حقا انا اسفه مكنتش اعرف ان حضرتك معلمه×_× والله ما اخدت بالي
اعتذر مره اخري عن هذه الجمله"حضرتك لازم تفوقي"
كنت بحسب حضرتك طالبه
ولكن بقية كلامي لم اخطئ فيه
لو حضرتك اتفرجتي علي اللي حصل للمتظاهرين في يوم الجمعه اللي فاتت
كنتي هتشوفي المتظاهرين وهما بيصلوا وبيسجدوا في الارض والعربيات بتحدف عليهم مايه وقنابل مسيله للدموع ..حضرتك لما تشوفي كده تقولي ايه؟؟؟
ولما يفتحوا السجون للبلطجيه ينشروا الفزع في قلوب الناس..نقول ايه
ولما يرسلوا المؤيدين لمبارك لميدان التحرير عشان يضربوا المتظاهرين
وفي ناس اتقتلوا دلوقتي حالا
نقول ايه؟؟؟
من فضلك ردي عليا
ازاي نعترف بيه رئيس واب لينا بعد اللي عمله فينا؟؟؟

حـHoSaMـسام

02-02-2011, 02:52 PM

نعم لمبارك الى الابد
ولا للخونة والانجاس
لو الراجل ده مشي والله المعارضه هتقطع بعضها وتتنازع عالحكم واحنا اللي هنضيع فالرجلين
اتقو الله اتقو الله
ارحموه وافتكرو له يوم واحد نمتوه وانتو متطمنين
بلاش التلاتين سنة اللي حكمها
افتكروله انه مرضاش يتخلى عنكم دلوقتي ويسيب شوية انجاس وخمورجية زي البرادعي ونور ينهشوكم
شوفو دلوقتي اسرائيل بتعمل ايه على حدودكم
ياترى هتفرحو لما تدخل هيا تأمنها بحجة التسلل
اتقو الله
خلوه يكمل الكام شهر اللي فاضلنله
عشان خاطرنا احنا
الراجل ده من جواه والله مش عايز يكمل
مهو يقدر يسافر لندن ويعيش هناك بقيت حياته ملك ونخبط احنا دماغتنا فالحيط
هاتولي سبب يجبره يقعد هنا
ارحموه وارحمو نفسكو وارحمو مصر واتقو الله فكلامكم عشان هتتحاسبو عليه

MiSty AnGel

02-02-2011, 02:58 PM

توتاااااااااااااااااا

02-02-2011, 03:12 PM

Noor ezz

02-02-2011, 03:18 PM

يا جماعة هى واجبها انها تهدى مش تشعل هى لازم تعمل كده

MiSty AnGel

02-02-2011, 03:20 PM

انا بشجع القنوات المصريه لانها ليست مضلله

1- الناس اللى علىالمحور امبارح مش كدابين
انا واحده كنت بعيط انا وعيلتى وكل اصحابى

2- ولو كان 50 واحد فى المهندسين بيايدوا الريس امبارح لا ينكر احد انهم اليوم ملايين على جميع انحاء الجمهوريه

3- انحنى للقنوات المصريه لانها لم تقول على الريس الذى يمثلك يا مصرى انو جنزير

رئيس مصر خنزيرا ؟؟ ردوا عليا يا فراعنه

رئيس مصر صهيونى ؟؟ ردوا ياللى تعرفوا دوره فى حرب اكتوبر

رئيس مصر يترفع فى وشه جزم الايرانيين والاجانب
؟؟؟؟؟؟ ردوا عليا

اقسم بالله لو كنت شفت اللى رفعوا الجزمه لحسنى مبارك انا كنت اكلته الجزمه

بكره اللى رفع الجزمه فى وجه ابيه وابينا وومثل مصر سيضع الجزمه فوق راسه ويبكى لو الريس مشى انهرده واسرائيل دخلت
هتضربهم ساعتها بنفس الجزمه

اقسم اننى لو اويد قط اى حكومه او رئيس
ولاكن الان انا اكره المعارضه كل الكراهيه

عاوزة اسال سوال القناه العربيه بى بى سى
اللى جابت بنت اجنبيه صغيره وبيقولوا مبارك قاتل الاطفال هل راى منكم احد مبارك يقتل طفل؟

ردوا عليا

ليس منا من لا يرحم صغيرنا ويوقر كبيرنا يا مسلمين
ياللى بترفعوا الجزمه فى وجه ولى الامر
لقد لعبت القنوات المصريه في عقلك
اه حسني مبارك قاتل الابرياء
حسني مبارك يسفك دماء متظاهرين كل ما ارادوه هو ان يعبروا عن رأيهم
حسني مبارك لص..سرق اموال الشعب
حسني مبارك مزور..زور الانتخابات
حسني مبارك خائن...جعل الشرطة تخون الشعب واستوردوا من امريكا اسلحه استخدموها ضد الشعب
حسني مبارك مخرب..خرب اليلد كلها وشرد ملايين وخلي الملايين عايشبن في بطاله
وناس مش لاقيه تاكل وناس مش عارفه تتكلم
خلاص خنقنا
احنا هنا في مصر جينا نعبر عن رأينا قتلونا
وبره الناس بتعمل مظاهره من اجلنا ولم يمسهم احد
حسني مبارك مجرم..امر بفتح السجون للبلطجيه عشان يخرجوا يرهبوا الشعب
وامر الشرطه بالانسحاب من كل مكان في مصر
حسني مبارك فاسد بكل معني الكلمه
لا نريد هذا الرجل لا نريده
ومتقوليش المظاهرات المؤيده لمبارك ملايين
يا حبيبتي دول عشراات

محمود عبد التواب

02-02-2011, 03:26 PM

يا جماعة انا من راي نصبر شويه فاتت 30سنة نصبر الكام شهر دول عشان يبقى فيه امان مينفعش الريس يمشي مصر هتخرب وصدقت الحكمة (حاكم ظالم 60سنة ولا دولة بدون حاكم سنة واحدة)

MiSty AnGel

02-02-2011, 03:29 PM

يا جماعة انا من راي نصبر شويه فاتت 30سنة نصبر الكام شهر دول عشان يبقى فيه امان مينفعش الريس يمشي مصر هتخرب وصدقت الحكمة (حاكم ظالم 60سنة ولا دولة بدون حاكم سنة واحدة)
لا مش هنصبر
ومين قال ان انتخابات القادمه هتبقي نزيهه طالما هو موجود
مين قال انه مش هيزورها لابنه؟؟؟؟

qgbdpjyf

02-02-2011, 03:35 PM

نفسى اعرف هو عمل ايه لمصر . غير الخراب واهدر كرامة المصريين وفى عهده انتشر الفساد لاكثر درجة وكانت بطانته هم كبار الحرامية فى البلد

عبد الله الرفاعي

02-02-2011, 03:55 PM

MiSty AnGel

02-02-2011, 04:03 PM

8 مليون انت عدتيهم ولا ايه
كانت مكتوبه في قناة
ال bbc

حـHoSaMـسام

02-02-2011, 05:01 PM

بصراحه انا لا اسمحلك ان تقول علي البرادعي ونور "انجاس وخمورجيه"
ده ممكن تقوله علي حسني مبارك
لما يقتل في شعبه كأنه بيبيد حشرات
ويلعب بيه كأنه بيلعب شطرنج
يبقي لازم يرحل حالا ايا كانت التضحيات

لاده انجاس وخمورجية دي قليلة عليهم
دول عايشين وسط الانجاس في فينا يبقى لازم يبقو زيهم
احنا مش هبل
مبارك مبيبدش فشعبه والدليل ان انا وانتي عايشين
اللي بيبيد الشعب هما اللي بيايدو البرادعي ونور وصباحي
مبارك لو كان عايز يبيد شعبه كان هرب وسابه يخبط دماغه فاتخن حيطة
كان هيعيش ملك
يقول لك بلا رياسة بلا زفت افوق بقه لنفسي شوية
برضه انتي مجاوبتنيش على اسالتي
لو مشي من هو الشخص الذي يمكن ان يكون رئيسا غيره
الاجابة مفييييييييييش
هتلاقي البرادعي وشركاه واقفين يشرشحو لبعض عالحكم وبرضه هيبيدو بعض والدم هيبقى اكتر
7 شهور بالظبط فاضلينله
لازم احنا بقه نهدا وننزل اشغالنا عشان البلد ترجع تاني
عشان نلاقي العيش والمية حتى
بعدها الدستور هيتصلح واللي عايز يترشح يترشح والفيصل هو الشعب
ياريت تراجعي نفسك تاني

MR : ABO BATTA

02-02-2011, 05:31 PM

هذه القنوات ما لجأ اليها الأفراد الا لأن القنوات المصرية كانت تخفي الحقيقة والمشكلة ان هذه القنوات تبين الحقيقة بشيء من المبالغة وردود الأفعال والمداخلات وغيرها مما يزيد من إثارة الشعب وغضبه
ومن هذا الصرح العملاق أقول ..
لابد من الحفاظ على أمن وأمان الوطن وما حدث كان حقا مشروعا ولكن للأسف الشديد استخدمه البعض منا ومن الشباب الاستخدام الخاطئ مما نتج عنه ما نتج من سلب ونهب وشغب ... الخ .

والآن لا املك الا الدعاء
اللهم ربنا ارفع مقتك وغضبك عنا ولا تسلط علينا بذنوبنا من لا يخافك فينا ولا يرحمنا
اللهم انشر الأمن والأمان على البلاد والعباد كما أسألك يا ربنا ان تولي أمورنا من يصلح وان تصلح من تولى وأن يعبر بمصرنا الغالية الى بر الأمان انك يا ربنا ولي ذلك والقادر عليه .

abo_kelany

02-02-2011, 05:49 PM

بسم الله الرحمن الرحيم
اتوجه اولا الى الله بالدعاء بان يكشف عنا الغمة ويلهمنا العقل والبصيرة لنتبين الحق من الباطل
ثانيا اود ان اخبركم انى لا اعرف كبف اشترك على الفيس بوك
ثالثا اود ان تفكروا معى ماذا بعد ؟
اذا استمر الشباب فى ميدان التحرير على رفض فض التظاهر واستمر النظام فى رفض التنحى ماذا سيحدث ؟
هل سيستمر الجانبين المصريين على خط المواجهة فى ميدان التحرير ؟
اليوم ضرب المتظاهرين وقذفوا بالحجارة وهم يقولون ان من فعل ذلك انصار وبلطجية الحزب وعناصر من الامن ؟ فهل هم متاكدون ولما لا يكون هناك مندسين ليوهموهم بذلك فلا يعقل ان اضربك وما معى يثبت انى من الامن ؟
والجانب المؤيد للرئيس مبارك محتقن لاسباب معيشية واخلاقية ووطنية ويرى ان من بين المتظاهرين جماعات تسعى للتخريب ولصالح جهات مختلفة ودليلهم التصريحات التى تعلنها بعض الجهات المعارضة
ى الطرفين على حق ايها الشباب

medo khalid

02-02-2011, 06:21 PM

خليك انت وراء قنواتك الخاصة اصحاب الاجندات السياسية وسيبنا احنا حرين نتفرج علي اية
ربنا يريح البلد من امثالك من الخونة والاخوان المش مسلمين

amira elnaggar

02-02-2011, 06:35 PM

تماااااااااااام بس صدقوني هتشوفوا ايه اللي هيحصلهم بعد رحيل مبارك
الناس كلها هتحتقر القنوات المضلله دي

اكيد دة هيحصل مهو علشان سيادة الريس موجود هما حبيبوا اوى

وطبعا لما يرحل هنشوف هيعملو اية

usernamo

02-02-2011, 06:38 PM

طب حضرتك مش هى قنوات كاذبة ؟؟ متتفرجش على التليفزيون و ياريت تتفضل تروح قطر تعيش مع الجزيرة هى بحاجة لامثالك ..

usernamo

02-02-2011, 06:41 PM

وبعدين سنك كام انت اصلاً عشان تتكلم عن مبارك ؟!؟؟؟ ياريت يا ادارة الموقع المبجلة منع اى كلام عن الريس .. ده راجل كبير .. كبير سناً و عظمة .. يا ادارة المنتدى لابد من اتخاذ قرارت بشان الكلام ده .. لايصح بتاتاً التكلم على مبارك بهذا الشكل ده لو سبنا يومين هنموت كلنا ..

المسلمة الصغيرة

02-02-2011, 07:09 PM

حضرتك مافكرتيش لما مظاهرت ميدان التحرير تستمر والمظاهرات من اجل عدم رحيل مبارك باردوا تستمر ايه اللى هيحصل فى البلد؟

aymaan noor

02-02-2011, 07:14 PM

اتفق معك تماما أن القنوات المصرية حاجة تكسف ، و الغريب أنهم يتعجبون لماذا الناس بتتفرج على الجزيرة والقنوات الفضائية الأخرى ، حسبى الله ونعم الوكيل

توتاااااااااااااااااا

02-02-2011, 07:32 PM

اخبار هامه من موقع ويكليكس

اعلن الموقع النزيه عن الشبهات وكلنا نعلم مدى صدق ويكليكس ان وزير خارجيه قطر اجتمع بوزير خارجيه اسرائيل واقاموا اتفاقيه بتولى قطر بث الفتنه فى مصر وزعزعه اى استقرار وطلبت قناه الجزيره مبالغ هائله لكى تنفذ هذه الصفقه
واللى مش مصدق
ادخل ويكليكس وشوف بنفسك

الان حصحص الحق وسقطت الاقنعه

الان عرفنا من معنا ومن الخائن حسبى الله ونعم الوكيل

من نتابع الان؟؟؟؟؟؟؟؟؟؟؟؟؟؟؟؟؟؟؟؟

أم عمار قائد الأحرار

02-02-2011, 07:36 PM

والله يا اختي الواحد مش عارف مين الحق

لكن اختي ربنا يحفظك ما ينفع خالص اننا نضلل احد

ونحن لا نسال الله عز وجل الا الاصلاح لبلدنا وبلاد المسلمين وغير ذالك لا نريد ولتفعل كل القنوات ما تريد المضلله كما تقولين او غيرها

جزاكم الله خير يا غاليه

shima'a

02-02-2011, 07:40 PM

زكريا مختار

02-02-2011, 07:43 PM

لاده انجاس وخمورجية دي قليلة عليهم

دول عايشين وسط الانجاس في فينا يبقى لازم يبقو زيهم
احنا مش هبل
مبارك مبيبدش فشعبه والدليل ان انا وانتي عايشين
اللي بيبيد الشعب هما اللي بيايدو البرادعي ونور وصباحي
مبارك لو كان عايز يبيد شعبه كان هرب وسابه يخبط دماغه فاتخن حيطة
كان هيعيش ملك
يقول لك بلا رياسة بلا زفت افوق بقه لنفسي شوية
برضه انتي مجاوبتنيش على اسالتي
لو مشي من هو الشخص الذي يمكن ان يكون رئيسا غيره
الاجابة مفييييييييييش
هتلاقي البرادعي وشركاه واقفين يشرشحو لبعض عالحكم وبرضه هيبيدو بعض والدم هيبقى اكتر
7 شهور بالظبط فاضلينله
لازم احنا بقه نهدا وننزل اشغالنا عشان البلد ترجع تاني
عشان نلاقي العيش والمية حتى
بعدها الدستور هيتصلح واللي عايز يترشح يترشح والفيصل هو الشعب
ياريت تراجعي نفسك تاني

انا معاك وللكلام مضبوط لكن بدون سب اوقذف

وفي الفترة دي مبارك هو الحل

سمسم ك.م

02-02-2011, 07:49 PM

az.za

02-02-2011, 09:15 PM

ربنا يعدى الايام الغريبة ديه على خير
وانا شخصيا اود التغير
لأن القهر كان كبير
وفى اخطاء لا تغتفر
والحزب الحاكم ..حدث ولا حرج..قهر..نهب سرقة ..نشر العنف..قلة وانعدام الاخلاق.. كذب..نفاق ..رياء..
وربنا يمهل ولا يهمل
وكلنا اتظلمنا
الكادر اتنفذ امتى؟؟؟
فين الدرجات المالية؟؟؟؟؟
ايه اللى بيحصل فى المدارس ده؟؟؟
ايه واحد بدبلوم كهربة ؟؟؟؟؟ يعملوه اذ فجأة نائب مدير مدرس؟؟؟؟؟؟؟؟؟؟؟؟؟؟؟؟؟؟!!!!!!!!!!!!
مع ان المدرسة مليئة بمهندسين محترمين..............؟؟؟؟؟؟؟؟؟؟؟؟؟؟؟
طبعا بالتسلق ..والوصولية..وقلة الحيا؟؟؟
وبسبب جهل مدير التعليم الفنى ؟؟؟؟؟
ووصى ونصب نفسة ان المدرسة من غيرة تبوظ ويسبها ازاى؟؟؟
ان شاااء الله ليلتة سوده لما ننزل ؟؟؟؟؟؟؟؟؟؟؟؟
خلالالالالالالالالالالالالالاص مصر اتغيرت
ولالالالالالالالالالالالالالازم يلبس البلطو الابيض ويقعد فى ورشته
وعم المحافظ ..ووكيل الوزارة ..مغييبين ما هم من ضمن النظام الفاشل
ومع هذا!!!!!!!!!!!!!!!!
الاحتراااااااااااااااااااااااااااااااااااااااااااا اااااااااااااااام ياخونا
انا بحب البلد ديه..وعشت بره فى بلاد كتيير
عمرى ما حسيت بالامان إلالالا فى مصر ام الدنيا..
فى كل مرة ارجع لمصر من اى بلد ؟؟
اقول الحمد لله ..ربنا يحمى بلدنا..يارب
وانا من الاخرررررررررررررررررررر..لالالالالالالالالالالالا لالالالالالالالالالا ارض ابدا اهانة الريس
ولالالالالا اهانة الكبيرررررررررررررررر
ولالالالالالالالالالالا الرمز
ولالالالالالالالالالا ديه اخلالالالالاق امة محمد صلى الله عليه وسلم
ولالالالالالالالالالا ده من القرآن ..او الاسلالالام فى شىء

miss_me21

02-02-2011, 09:17 PM

عندك حق والله
هما مش مكملين خمسين واحد اصلا

مكملوش 50 اصلن

بضميرك وذمتك

miss_me21

02-02-2011, 09:19 PM

كانت مكتوبه في قناة
ال bbc

اه ال bb c

احسب قناه مصريه ولالا حاجه من الكدابين المضلله

اصل ال bbc قران انزل

ياريت لو كانت ليكم افكار عدائيه احتفظوا بيها لنفسكم وكفايبه فتنه

hany15may

02-02-2011, 09:27 PM

على فكرة كل اللي بيتقال عن ان المظاهرة ملوينية ده كلام فارغ
الميدان ميشيلش اكتر من 30 او 40 الف دة لو كان كامل
ثم انا عاوز اعرف لو مليون حتى انتوا عاوزين ايه بعد اللي تحقق
انتوا مش عاوزين مصر تعيش
لكن غصب عنكوا هاتعيش وتكبر بولادها المخلصين

مستروجيه

02-02-2011, 09:35 PM

يا اخى عيب عليك انت عاوز مصر تروح فين امثالك عاوزه مصر تنسحب نحو الخراب اتقى الله يا مسلم اذا كنت مسلم هل من حق المسلم يقتل اخه ارحموا انفسكم هو مين اللى عاوز كده اكيد يد خفيه زى اللى انتم عارفينهم

محمد حسين الشربينى

02-02-2011, 09:44 PM

مصر فوق الجميع فحافظ عليه بأى ثمن
ولا تسمع لأعداء مصر
فالانسان زائل والوطن باقى

مصر فوق الجميع

MiSty AnGel

03-02-2011, 10:19 AM

انا برضه اللي خائنه
انا لا اسمح لاي احد ان يقول هذا
انتوا اللي خونه
خونه لشعبكوا وارضكوا
المتظاهرين اللي بتشتموا فيهم دول
هما اللي غيروا الحكومه
هما اللي اظهروا كل واحد علي حقيقته
هما اللي بينوا ان الامن والشرطه شويه بلطجيه
هما اللي بينوا ان حسني مبارك سفاح
دا انتوا مش فاهمين حاجه خالص
مبارك مين ده اللي يخليه لحد نهاية حكمه؟؟؟
مبارك اللي منع الناس من انها تعبر عن رأيها وامر بضربهم لمجرد انهم قالوا لا؟؟
مبارك اللي امر برش المصلين بالماء وضربهم بقنابل مسيله للدموع وبطلق مطاطي ومن بعده استخدام ط...لق حي
ولا مبارك اللي عمل حبة مظاهرات بتاعته وخلاهم يروحوا علي ميدان التحرير ومعاهم جمال شايلين عليها طوب واسلحه بيضاء ومولوتوف
وخلي الناس تقتل في بعضها ؟
اي مبارك اللي بتتكلموا عليه
ولا مبارك اللي امر بفتح السجون للبلطجيه بنشروا الذعر في قلوب الناس؟
ولا مبارك اللي خلي مصر والمصريين ما شاء الله..اسفل السافلين
هه لسه عاوزين مبارك؟
انتوا اصلا متستحقوش حاجه يا مصريين
بعد اللي عمله المتظاهرين وماتوا واستشهدوا عشانكم وعشان بلدكم تقولوا عليهم كده
والله انتوا ما تتحقوا حاجه
حسبي الله ونعم الوكيل