السلام عليكم ورحمة الله وبركاته
ازيكم ياجماعة ؟
يارب تكونوا بخير ...
ومبروك علينا الانتصار يارجالة:d بجد رفعتوا راس مصر;)
انا ع فكرة قبل اي حاجة انا لا مع البراعي
ولا مع الأحزاب ولا اخوان ولا حزب الوطني
أنا واحدة مصرية عادية
زي معظمنا
لحد امبارح بس كنت بقول اننا مش عايزين الريس
يمشي بئا عشان زهقنا وحقنا لدماء الأبرياء
ورحم الله شهداء مصر ...يارب
ويدخلهم فسيح جناته

بصراحة لما طلع وقال انه مش هترشح تاني
وانه هيغير الدستور وهيعدل البلد وانه
مش خاين ولا عميل
لانه لو كان مش خايف ع البلد بجد
كان عمل زي بن علي وساب البلد تولع ولا همه حاجة
والطيارة الخاصة جاهزة ....
وكمان هو لازم يغير الدستور لانه لو مشي ومش غير الدستور يبقي هنعيد الكره مرة تانية
وكمان هنمشي ع الدستور القديم لان نائب الريس مش هينفع انه يغيره ..لانه مش الريس
ببساطة ياجماعة رغم كل الكراهية اللي كانت في قلبي ليه...
لكن رغم دا كله مش حبااا فيه ع فكرة
بس حباا في مصر وشعبها فينا احنا...

الناس اللي بتشتغل في القاهرة مثلا وبتقبض باليوم
بقالهم 9 أيام موقوف حالهم ومش عارفيين يروحوا
شغلهم ...
والله فعلا
اعرف ناس معرفة شخصية
بيشتغلوا في القاهرة منهم مش قبض مرتبه ومنهم
اللي بيشتغل في اليوم وبقاله 9 أيام مش معاه فلوس
وما خفي كان أعظم
يعني فيه ناس عرفت تصرف حالهم وناس لا....


انا عارفة ان اللي اتعمل دا كان كويس وغير في البلد
لكن كان فيه سلبيات مش من المصريين نفسهم
بس من عناصر اجنية عارفة ان مصر دولة
كبيرة ولو سقطت يبقي الكل هيسقط ....
يبقي البلد هتنخرب ....
وهم عايزيين كدااا ....
والاقتصاد اللي انضرب والسياحة والآثار
كنوزنا اللي اتسرقت ......
لكن في نفس الوقت وسط الناس اللي ف ميدان التحرير
المصيبة الكبري أجانب وناس عايزة تخرب بلدنااا


وكمان ياجماعة فيه حاجة تانية
المظاهرات دي قامت ليه؟!! مش عشان الظلم والفقر اللي الناس عايشة فيه ....مش عشان البطالة .....
ما هي فين ناس بتشتغل دلوقتي في بطالة ومش لاقية تأكل ..
والبلد كل شوية بتتخرب
وكمان دلوقتي بقينا نأكل في بعض

شوية مع الريس وشوية ضده
وشوية عامليين يتخانقوا ....
وعمليين يشتموا في بعض
وكلنا مصريين والله اعلم هيحصل ايه تاني ...


انا مع بقائه اللي خلانا نستحمل الراجل 30 سنة مش هنستحمل
6 شهور كمان ...
ياجماعة مصر مش تونس ولا هتكون تونس ...!!
مصر بلد الامن والامان منخليش ناس مندسة تقضي
ع فرحتنا دي ...
نجرب كداا
الحكومة الجديدة واديننا عارفينا الشارع فين !!
لو مش عملوا ونفذوا مطالبنا الشارع جانبنا اهو:d
بالله عليكم الناس اللي بتموت دي سواء من الضرب او الجوع بعد كداا مش حراام
وع الأقل يعني مأظنش ان فيه بلد عملت زيننا..
كفاية الخوف اللي كنا عايشيين فيه ........
الحوار مفتوح للجميع
بس بالله عليكم احنا اخوات واحباب ومصريين زي بعض
ومع بعض يكون الحوار عاقل وموضوعي وبعيدااا
عن أي حاجة ...واي كلام جارح ...
سواء كلمة الاتهام بالنفاق او اي حاجة
لان الكلمة دي كبيرة اووووي والله العظيم ...
ومينفعش تتهم بيها مسلم زيك بالضبط ...
انا كتب الموضوع بسرعة من غير ترتيب الأفكار
لان الأفكار متلغبطة بطبيعة الحال
فعذرااا :bosyht9:

برافوا يا تسابيح .. كلامك مظبوط ويا ريت كل الشباب الثائر يعي هذا الكلام ويضعوا مصلحة مصر نصب اعينهم
المدة الباقية ليست طويلة يا جماعة والطريق اتعرف لو حدث خلاف ذلك .. كلنا ننزل على ميدان التحرير .. وسيبوا فرصة للحكومة الجديدة تشتغل وتثبت صدقها في المدة الباقية ..
ومن هذا الصرح العملاق أقول ..
لابد من الحفاظ على أمن وأمان الوطن وما حدث كان حقا مشروعا ولكن للأسف الشديد استخدمه البعض منا ومن الشباب الاستخدام الخاطئ مما نتج عنه ما نتج من سلب ونهب وشغب ... الخ .

والآن لا املك الا الدعاء
اللهم ربنا ارفع مقتك وغضبك عنا ولا تسلط علينا بذنوبنا من لا يخافك فينا ولا يرحمنا
اللهم انشر الأمن والأمان على البلاد والعباد كما أسألك يا ربنا ان تولي أمورنا من يصلح وان تصلح من تولى وأن يعبر بمصرنا الغالية الى بر الأمان انك يا ربنا ولي ذلك والقادر عليه .

انتى كمان بتقولى مندسة


و على فكرة الناس دى كانت ممكن تشتغل لو كان الرئيس تقاعد من اول يوم حصلت فية المظاهرة دى


وانا مع فكرة انو يبقى معانا 6 شهور بما اننا استحملناة 30 سنة يعنى لكن مش عارفين العواقب الى هتنتج


واولها الى حصل انهاردة فى ميدان التحرير الناس الى ماجورة علشان تقول ريسنا

عندك حق صبرنا 30 سنة نصبر 6 شهور كمان فقط من اجل مصر

كل اللى عايزة الشعب المصرى اسقاط مبارك ومفيش لافتة الا ومكتوب عليها ارحل مش عايزينك ودة للى حاسس بالظلم بجد الناس زهقت ومش هيبطلوا مظاهرات الا لما يرحل من البلد بعد كدة هيفكروا بقى مين اللى هيختاروة ونفس الوقت البلد مدمرة والكل بينتهز الفرصة يدمر اى حاجة اللهم احمى مصر

فرررررررررررررررررررررررررررصة ؟؟؟؟؟؟؟؟؟؟؟؟؟؟؟؟؟؟؟؟؟

لكى يعود من جديد

اولاً الوضع اصبح خطير جدا جداً ولكن القضية اصبحت مصير ومستقبل شعب والرئيس مبارك بعد تصريح امبارح حدد وصرح بكل حاجة طلبها الشعب على سبيل المثال .. مش هيرشح نفسه تانى وهيحاسب المسئولين عن الاجرام والشغب ..وغير كده سبق من ايام قام بتعيين نائب له للرئاسة وقام بتغيير الحكومة ..الخ .. كان المفروض علينا كمصريين نحافظ على بلدنا ونبعد عن المظاهرات ولو تصريحاته وكلامه مش هيطلع صحيح بعد كده نطالب بحقنا بعمل مظاهرات لكن اللى بيحصل النهاردة ضرب وتخريب وشغب دموى ده حررررررام .... واعتقد كفايه كده

[COLOR="red"] نجرب كداا
الحكومة الجديدة واديننا عارفينا الشارع فين !!
لو مش عملوا ونفذوا مطالبنا الشارع جانبنا اهو[/COLOR

والله معاك حق بس مين اللى هيسمع
وهيدى الحكومة الجديدة الفرصة.....

للأسف نحن لا نفهم لعبة مبارك السياسية
ويبدو انه فعلا تمكن من عواطف وقلوب المصريين بعد أن غازل مشاعرهم فى خطابه هذا

يذكرنى ها بموقف الرئيس ناصر وموقفه من متظاهرى عابدين حينما قال لهم لبيت طلباتكم
ثم ذبحهم فيما بعض .... هل من من يعرف عن هذا الحدث ؟؟؟
هذا ما يريد أن يفعل مبارك هو الاخر

وعليكم السلام ورحمة الله وبركاته
أتفق معكِ يا تسابيح ( كلها شهور ونبدأ عهد جديد كنا جميعاً نحلم به )
ألف مبروك للشعب المصرى ماتحقق من مكاسب كبيرة لم نكن نحلم بها :022yb4:
استقالة الحكومة
ضمان عدم ترشح مبارك للرئاسة مرة أخرى
ضمان عدم توريث الحكم
تعديل الدستور بما يتفق وأمال الشعب وتطلعاته
تنفيذ الأحكام الخاصة بالطعون فى الانتخابات والتى ستؤدى بدورها فى حل مجلس الشعب
بداية القضاء على الفساد فى مصر
الثقة فى الشعب وقدرته على التغيير والاصلاح
بداية تحقيق العدالة الاجتماعية
بداية تحقيق التوازن المطلوب بين الأجور والأسعار
الحمد لله