الله اكبر
انا النهاردة مقدرش اقول اللى كنت بقوله زمان اللى هو مصر كلها شعارات
ولا اى حاجة تانى
اكيد كل اللى كان بيسألنى رغم كل اللى كان فى مصر بتقولى
انا مصرية وافتخر
عرف انا كنت بقول كده ليه
انا مش هاتكلم بس انا فرحانة بجد مش قادرة اقول حاجة غير
انا مصرية وافتخر

اكيد طبعا كل مصرى يفتخر بما هو موجود الان بجد الشباب دول رجعولنا كرمتنا انا مش غايظنى غير مبارك اللى مشعايز يمشى ده وكمان البلطجيه منهم لله اللى عملين يضربوا الشباب ربنا يوفقهم وربنا يرحم كل شاب مصرى مات فى سبيل مصر ويجعله من الشهداء والناس اللى عماله تتكلم وتقول ادوله فرصة نديله فرضة علشان يرجع يعمل فينا اللى عملوا فى 30 سنه مينفعش انا مش عارف الناس ازاى لسه متعطفة معاه مش علشان كام كلمه القهم خلاص يا جدعان افهموا وشوفوا ان اخيرا عرفنا نقول اللى نفسنا فيه من غير ظابط يجى يعتقلك ولا واحد مخبر يقتلك زى ما قتلوا ناس كتير منهم خالد سعيد ربنا يرحمه معندنا ش غير مطلب واحد انه يمشى بقى ويخلصنا حقنا لدماء المصريين الشرفاء

اكيد طبعا كل مصرى يفتخر بما هو موجود الان بجد الشباب دول رجعولنا كرمتنا انا مش غايظنى غير مبارك اللى مشعايز يمشى ده وكمان البلطجيه منهم لله اللى عملين يضربوا الشباب ربنا يوفقهم وربنا يرحم كل شاب مصرى مات فى سبيل مصر ويجعله من الشهداء والناس اللى عماله تتكلم وتقول ادوله فرصة نديله فرضة علشان يرجع يعمل فينا اللى عملوا فى 30 سنه مينفعش انا مش عارف الناس ازاى لسه متعطفة معاه مش علشان كام كلمه القهم خلاص يا جدعان افهموا وشوفوا ان اخيرا عرفنا نقول اللى نفسنا فيه من غير ظابط يجى يعتقلك ولا واحد مخبر يقتلك زى ما قتلوا ناس كتير منهم خالد سعيد ربنا يرحمه معندنا ش غير مطلب واحد انه يمشى بقى ويخلصنا حقنا لدماء المصريين الشرفاء
طبعا عندك حق
الناس اللى بتقول نديله فرصة
واللى خلانا استحملناه 30 سنة مش نقدر نستحمله 6 شهور
دى ناس عندها لامبالاة من اللى ممكن يعمله فينا خلال ال6 شهور اللى جاية واولهم
اللى حصل النهاردة اجر بلطجية ورد سجون علشان يضربوا شباب مصر العظي
حسبى الله ونعم الوكيل فيه
كنت بتمنى اشوفه كدة والحمد لله ربنا حققلى املى
انا بجد فرحانة فيه
وشكرا على مرورك انت نورتنى

والله العظيم انا كرهت كل حاجة
من محاولة تلويث هذه المظاهرات
ومش هيحصل اى حاجة بعد اللى حصل انهردة

والله العظيم انا كرهت كل حاجة
من محاولة تلويث هذه المظاهرات
ومش هيحصل اى حاجة بعد اللى حصل انهردة
انا بعد اللى حصل مكنتش متوقعة ان ده يحصل ابدا انا كنت يائسة
ويمكن ده ظهر فى اخر موضوع ليا بس الحمد لله
خلى عند حضرتك امل اللى خلاهم يصبروا ده كلوا اكيد هايصبروا شوية كمان
كل الشباب اللى فى ميدان التحرير قالو مش هانمشى الا لما هو يمشى
ومش هانمشى الا على جثثنا

للأسف النت عندي بطيء جداً , ولذلك لا أستطيع المشاركة في معظم الموضوعات .
نعم ما حدث في معظمه يُعد فخر لأي مصري , ولكن ما هو قادم أشد وأخطر مما حدث
حتي الأن .
اللهم الطف بنا فيما هو قادم لنا , ونجنا من شر الفتن والتقلبات والمنازعات والتصارع
والتكالب والفرقة , واحفظ مصر وشعبها من كل من أراد بها أو بشعبها سوء
انك سبحانك القادر علي ذلك وحدك .

اللي بتقول استحملناة 30 سنة
انتي عمرك كام سنة اصلا عشان تقولي كدا
والله مافي واحد في مصر هيكون زي مبارك
لكن بجد احنا شعب منستاهلكش ياريس

انا مصرية وافتخر
فعلا انا مصرية وبفتخر بكل مصرى يحاول يدافع عن حقة وكل شهيد حاول يدافع عن ارضة وكفاية ظلم لحد كدة ياريت ياخد بعضة ويمشى لحد امتة

اللي بتقول استحملناة 30 سنة
انتي عمرك كام سنة اصلا عشان تقولي كدا
والله مافي واحد في مصر هيكون زي مبارك
لكن بجد احنا شعب منستاهلكش ياريس




والله انا معاك فى رأيك
عمرهم كام سنة علشان يتكلمواااا
كلامهم فاضى وصلوا البلد لاسوء حال
يكفى انهم اهانوا رمزهم وهو فى مثل هذا العمر

يا جماعه طبعا كلنا مقدرينا العملوا الشباب وان ده شى كويس نفتخر بيه احنا كمصرييين هدفنا الاول والوحيد
هو حماية مصرنا العزيزه
والشباب عملوا كده من اجل مستقبل افضل
بس لو استمروا كدا هيبقى مستقبل منيل
الريس طلع وقال انه خلاص مش هيترشح الانتخابات القادمه وغير الحكومة
بصراحه لو استمرت اكتر من كدا
هيبقى شباب مصر بيثبتوا للعالم كله انهم اغبياء ( معلش اعزرونى )
خلاص ياشباب البلد هتخرب واحنا المفروض دلوقتى نهدى علشان مصر مش علشان الريس
احنا لازم نسمع لصوت العقل ونهدى شوية علشان تعدى الازمه دى
وبعدين مهوا ميدان التحرير قاعد والشباب قاعد والحمد لله اذا حدث شى وجد فى الامر جديد نطلع ونعمل اليقدرنا عليه ربنا
بس دلوقتى احسن لازم نهدى
( ارجو من الجميع احترام الرأى والرأى الاخر )
(وارجو ايضا اننا نفكر ونسمع للعقول ونخلى فى قلبنا شوية رحمه للرجل القضى 30 سنه اينعم فيها وفيها بس احنا لازم نهدى علشان مصر )


مصر مصر مصر

اللي بتقول استحملناة 30 سنة
انتي عمرك كام سنة اصلا عشان تقولي كدا
والله مافي واحد في مصر هيكون زي مبارك
لكن بجد احنا شعب منستاهلكش ياريس

حضرتك انا عندى 16 سنه بس من اللى شفناه واللى شافوا ناس كتير بنتكلم من المنطلق ده اكيد حضرتك اكبر منى وبتقول ده عيل صغير بس انا احترم رايك وياريت تحترم راى السن ملهوش دعوه واكيد مفيش فى حد فى مصر حيكون زى فى ناس افضل وفى ناس اوحش واحنا شعب منستهلكش علشان احنا شعب طيب نستهال كل خير

والله العظيم انا كرهت كل حاجة
من محاولة تلويث هذه المظاهرات
ومش هيحصل اى حاجة بعد اللى حصل انهردة

وليه هنلوث المظاهرات .... احنا فرحنا بيها
علشان كان فيه شباب واعى يقود المسيرة
لكن لما يوصل الامر للخراب والدمار يبقى لازم وقفة
كمان معظم البلاد مستنية فرصة للنهب اى شئ
ومش هيرضى اى مصرى اللى بيحصل وزى ما هان الشباب
الرئيس شوية وهييجى اللى هيهين الشباب

اللي بتقول استحملناة 30 سنة
انتي عمرك كام سنة اصلا عشان تقولي كدا
والله مافي واحد في مصر هيكون زي مبارك
لكن بجد احنا شعب منستاهلكش ياريس

انت معاك فلوس فى ناس ممعهاش
انت بتشتغل فى ناس لا
انت مستريح فى ناس متبهدلة
علشان كده انت بتحب الريس

اللي بتقول استحملناة 30 سنة
انتي عمرك كام سنة اصلا عشان تقولي كدا
والله مافي واحد في مصر هيكون زي مبارك
لكن بجد احنا شعب منستاهلكش ياريس
اظن كلامى كان واضح انا بقول الناس اللى بتقول كدة
وبعدين انا عمرى 20 سنة
من اول ما وعيت على الدنيا ما شوفتش حاجة كويسة حوليا
انا عمرى ما كرهت حد ولا هاكره حد قد ما كرهته
انا فيا اللى مكفينى
فمش عايزة حد يتفلسف عليا

علي كده احنا في مشكله حقيقيه لو مبارك طب ساكت :p

لازم ندعي ربنا يكون من المعمرين وعمره 50الف سنه لحد ما نكبر ونعرف حنعمل ايه:006et4:

وبعدين حنجيب منين قائد طيران .وده طبعا اهم من السدات اللي حط الخطه نفسه واللوئات اللي ماتت وعبد الناصر قبليه اللي عمل حرب الاستنزاف

المفروض نجيب قائد طيران ونركب عليه جيش وقائد ومنفذ;)

والله انا معاك فى رأيك
عمرهم كام سنة علشان يتكلمواااا
كلامهم فاضى وصلوا البلد لاسوء حال
يكفى انهم اهانوا رمزهم وهو فى مثل هذا العمر
رمزنا ايه اتق الله
انا مايشرفنيش ان واحد زى ده يكون رمزى ده رمزك انت وامثالك من المنافقين
عمل ايه كويس علشان نحترمه اتق الله

وليه هنلوث المظاهرات .... احنا فرحنا بيها
علشان كان فيه شباب واعى يقود المسيرة
لكن لما يوصل الامر للخراب والدمار يبقى لازم وقفة
كمان معظم البلاد مستنية فرصة للنهب اى شئ
ومش هيرضى اى مصرى اللى بيحصل وزى ما هان الشباب
الرئيس شوية وهييجى اللى هيهين الشباب

هو فين الدمار والخراب اللى حصل بسبب الشباب
كل اللى حصل بسبب وزارة الداخلية
اللى انسحبت فجاة
وطلعت المجرمين من السجون
يعنى انت عاجبك الناس اللى بتموت دلوقت فى ميدان التحرير

يا جماعه طبعا كلنا مقدرينا العملوا الشباب وان ده شى كويس نفتخر بيه احنا كمصرييين هدفنا الاول والوحيد
هو حماية مصرنا العزيزه
والشباب عملوا كده من اجل مستقبل افضل
بس لو استمروا كدا هيبقى مستقبل منيل
الريس طلع وقال انه خلاص مش هيترشح الانتخابات القادمه وغير الحكومة
بصراحه لو استمرت اكتر من كدا
هيبقى شباب مصر بيثبتوا للعالم كله انهم اغبياء ( معلش اعزرونى )
خلاص ياشباب البلد هتخرب واحنا المفروض دلوقتى نهدى علشان مصر مش علشان الريس
احنا لازم نسمع لصوت العقل ونهدى شوية علشان تعدى الازمه دى
وبعدين مهوا ميدان التحرير قاعد والشباب قاعد والحمد لله اذا حدث شى وجد فى الامر جديد نطلع ونعمل اليقدرنا عليه ربنا
بس دلوقتى احسن لازم نهدى
( ارجو من الجميع احترام الرأى والرأى الاخر )
(وارجو ايضا اننا نفكر ونسمع للعقول ونخلى فى قلبنا شوية رحمه للرجل القضى 30 سنه اينعم فيها وفيها بس احنا لازم نهدى علشان مصر )


مصر مصر مصر
على حد كلام حضرتك لو فضلو كدة هاتخرب البلد صح
وبردو لو سبناه فيا حتى لو شهر واحد هاتخرب اكتر واكتر
يبقى كدة خربانة بس لو فضلو مستمرين ممكن هو يمشى ونرتاح

والله انا معاك فى رأيك
عمرهم كام سنة علشان يتكلمواااا
كلامهم فاضى وصلوا البلد لاسوء حال
يكفى انهم اهانوا رمزهم وهو فى مثل هذا العمر

معاه فى رايك بس تحترمى حضرتك الراى الاخر وملكيش دعوه بسن حد احنا بردوا اللى وصلنا البلد لاسوء حال احنا اللى خربناها احنا اللى موتنا شببها احنا اللى خرجنا المساجين احنا اللى بنصدر الغاز لسرائيل احنا اللى جبنا البطلجيه والشرطة يولعوها اكتر ولا احنا اللى عملنا العشوائيات اللى طلعوا منهم ناس مكبوتين ولا احنا اللى صحبنا الجيش شوفى بقى احنا عملنا ايه ياه يا جدع ورمز مين الحمد لله انا مليش رمز انا ليا ربنا بس والناس المحترمين والشباب المحترم اللى فى ميدان التحرير ليهم ربنا وربنا حيوفقهم فى اللى عايزينه

والله انا معاك فى رأيك
عمرهم كام سنة علشان يتكلمواااا
كلامهم فاضى وصلوا البلد لاسوء حال
يكفى انهم اهانوا رمزهم وهو فى مثل هذا العمر
والله امركم غريب يعنى لما يظلمكو ويضربكو بالجزم تسكتو وتقولو احنا فداك ياريس
ولما يجى حد يطالب بحقوقكم ترفضوا وتلومو عليه
انتو عاملين زى القطط تحب اللى يخنقها

واللة العظيم لرام عليكو رو مبارك مشى مش هنلاقى حد يدافع عن البلد وانا بقول حرام على اعداء الوطن اللى هما بيعملو وانا بقول نعم لمبارك نعم لمبارك ومش عيزينك تمشى واللى بتفرج على قناة المحور ان اللى ات عمل فى الايام اللى فاتت ;كان عناصر مضربة على اثارة الفتنة بين الناس وبعدين بف
ول شكرا لقناة الجزيرة اللى عرغت تثير الفتنة كويس بين الناس

واللة العظيم لرام عليكو رو مبارك مشى مش هنلاقى حد يدافع عن البلد وانا بقول حرام على اعداء الوطن اللى هما بيعملو وانا بقول نعم لمبارك نعم لمبارك ومش عيزينك تمشى واللى بتفرج على قناة المحور ان اللى ات عمل فى الايام اللى فاتت ;كان عناصر مضربة على اثارة الفتنة بين الناس وبعدين بف
ول شكرا لقناة الجزيرة اللى عرغت تثير الفتنة كويس بين الناس
حرام علينا
ياه بعد ده كلو تقولو حرام عليكو
وهو البلد لما سابها تخرب 30 سنه ده مش حرام
عارفة مين السبب فى ده كلوا هو بردوا
انا مش قادرة اتكلم انا مليت من الكلام
وقناة الجزيرة اللى بتجيب الحقيقة تقولو عليها كدة
والتلفزيون المصرى اللى كان عاملو ده كويس
اتق الله

نعم
اثبت المصريين عظمتهم وعراقتهم بل قوتهم أيضا

نعم
اثبت المصريين عظمتهم وعراقتهم بل قوتهم أيضا
نعم
هم دول المصريين اولاد جمال عبد الناصر

نعم
هم دول المصريين اولاد جمال عبد الناصر



عفوا
جمال عبد الناصر هو ابن المصريين
وليس العكس ثم الحقبة الناصرية لها مساوئها أيضا
لا داعى للخوض فى هذا
مشكورة على أية حال

قناه الاولى جايبين راجل غريب بيطلب من الامن محاصره المتظاهرين المعارضين للمبارك ومنعهم من الاكل والشرب عشان يكونو عبره لانهم ضربو استقرار مصر !!!!!!!!!!!

عفوا
جمال عبد الناصر هو ابن المصريين
وليس العكس ثم الحقبة الناصرية لها مساوئها أيضا
لا داعى للخوض فى هذا
مشكورة على أية حال
ايوة لا داعى للخوض فى هذا
وفعلا عندك حق جمال عبد الناصر هو ابن المصريين
واسفة على هذا الخطأ
نورت

قناه الاولى جايبين راجل غريب بيطلب من الامن محاصره المتظاهرين المعارضين للمبارك ومنعهم من الاكل والشرب عشان يكونو عبره لانهم ضربو استقرار مصر !!!!!!!!!!!

معلش معلش ده بيخرف بقى ايه اللى يكونوا عبره على اساس ان دول يهود ولا انت ممكن يكون حيموت ابنوا هناك ربنا يهدى الصراحة حاجات غريبه بتطلع من ناس غريبه

الله اكبر

انا النهاردة مقدرش اقول اللى كنت بقوله زمان اللى هو مصر كلها شعارات
ولا اى حاجة تانى
اكيد كل اللى كان بيسألنى رغم كل اللى كان فى مصر بتقولى
انا مصرية وافتخر
عرف انا كنت بقول كده ليه
انا مش هاتكلم بس انا فرحانة بجد مش قادرة اقول حاجة غير

انا مصرية وافتخر


الله أكبر الله أكبر الله أكبر
الله أكبر ولله الحمد
ألف مبروك للشعب المصرى ماتحقق من مكاسب كبيرة لم نكن نحلم بها :022yb4:
استقالة الحكومة
ضمان عدم ترشح مبارك للرئاسة مرة أخرى
ضمان عدم توريث الحكم
تعديل الدستور بما يتفق وأمال الشعب وتطلعاته
تنفيذ الأحكام الخاصة بالطعون فى الانتخابات والتى ستؤدى بدورها فى حل مجلس الشعب
بداية القضاء على الفساد فى مصر
الثقة فى الشعب وقدرته على التغيير والاصلاح
بداية تحقيق العدالة الاجتماعية
بداية تحقيق التوازن المطلوب بين الأجور والأسعار
الحمد لله

معلش معلش ده بيخرف بقى ايه اللى يكونوا عبره على اساس ان دول يهود ولا انت ممكن يكون حيموت ابنوا هناك ربنا يهدى الصراحة حاجات غريبه بتطلع من ناس غريبه

فعلا ناس غريبة واشكال غريبة
والكل عارف مين وراهم

قاعد شوية طلبات بس دول بقا هاطلبهم من ربنا
ان الرئيس السابق يسيبنا فى حالنا ويمشى
وان مصر تنضف من الزبالة اللى فيها طبعا كلكم فهمتوا قصدى
لا للنفاق
واللى بيدوله اعزار فدى
عزر اقبح من ذنب

فعلا ناس غريبة واشكال غريبة
والكل عارف مين وراهم
فعلا الكل عارف مين وراهم وربنا يستر

كفى تخريبا لمصر و الله يا جماعة مصر لن تقهر و ستبقى منتصرة شامخة.
ارجعوا يا شباب إلى منازلكم و كفى فقد تم تحقيق كثير من مطالبكم.
ارحموا الشعب الفقير فلربما هناك مريض يريد العلاج و أنتم تسدون الطريق عليهم. حرام عليكم. تعالوا إلى كلمة سواء.
لا تشمتوا أعداء الإسلام بنا. فمصر هي فلب الأمة الإسلامية بعلمائها الأفاضل.
سوف يحاسبكم الله على الإستماع لمن يخربون مصر.

كفى تخريبا لمصر و الله يا جماعة مصر لن تقهر و ستبقى منتصرة شامخة.
ارجعوا يا شباب إلى منازلكم و كفى فقد تم تحقيق كثير من مطالبكم.
ارحموا الشعب الفقير فلربما هناك مريض يريد العلاج و أنتم تسدون الطريق عليهم. حرام عليكم. تعالوا إلى كلمة سواء.
لا تشمتوا أعداء الإسلام بنا. فمصر هي فلب الأمة الإسلامية بعلمائها الأفاضل.
سوف يحاسبكم الله على الإستماع لمن يخربون مصر.
سبحان الله ويرجعوا ازاى والطلب الرئيسى اللى خرجوا
علشانو ما تحققش ده بدل ما نشجعهم نقلهم ارجعوا
لا حول ولاقوة الا بالله
الظاهر انه ماينفعش معاكم غير اللى يظلمكوا

اللى احنا فيه ده ذل لما الواحد يبقى فى وطنه وبيته وسط اهله ويبقى خايف على نفسه وعاى اهله بس على فكرة ياجماعة كل اللى بيحصل ده من غضب ربنا علينا لاننا شعب مبيحبش بعضه كل واحد عاوز مصلحته انا لو بنحب مصر بجد المفروض نبقى ايد واحدة نحقق مطالبنا واحنا فى امان

عرفتوا بقى ان مواضيع الكورة كلها كااااانت قد ايه هااااااااااااايفة ومتستهلش

زعل وخناااااق

ياا رييت نفضل فاكرين اللحظات دي ونعرف اننا كلنا مصريين

ومصلحتنا واااحدة

إن شاااء الله هتنجح المظاهرات فى تنحى الريس
وإن شاء الله يمسكها حد غيره ويكون قااااادر إن يطور مصر للاحسن والاحسن
وإن شاء الله مصر هتطور اقتصاديا واجتماعيا وسياسيا
وتتغير الاحوال عن كده
وأنا مع الشباب المتظاهرين تماما ومأيدهم
لأنهم بيطاااالبواااا بحقوق مشروعه
وربنا يوفقهم يااااااارب

للأسف النت عندي بطيء جداً , ولذلك لا أستطيع المشاركة في معظم الموضوعات .
نعم ما حدث في معظمه يُعد فخر لأي مصري , ولكن ما هو قادم أشد وأخطر مما حدث
حتي الأن .
اللهم الطف بنا فيما هو قادم لنا , ونجنا من شر الفتن والتقلبات والمنازعات والتصارع
والتكالب والفرقة , واحفظ مصر وشعبها من كل من أراد بها أو بشعبها سوء
انك سبحانك القادر علي ذلك وحدك .




حينما تعود سرعة النت عندي كما كانت , سأوضح رأيي فيما حدث ورؤيتي فيما أتوقع حدوثه لنري ان كان يجب علينا جميعاً أن نفتخر بأننا مصريون أم يجب علينا جميعاً أن نعيد النظر في كثير من الأمور !!!
مبدئياً الأضرار أكثر بكثير جداً من المكاسب , بالرغم من أنني ضد النظام الحاكم ومع رحيله كله وليس رأس النظام فقط .
أتمني من الجميع التفكر والتدبر كثيراً جداً فيما حدث وفيما يتوقع حدوثه بالداخل والخارج , ثم يبدي رأيه بنظرة شاملة وليست نظرة ضيقة !!!

انا مصرى و أفتخر بشباب مصر ، أنا مصرى و أشعر بالخجل من نفسى أن اعيش و أقبل كل الاهانات والظلم الذى كنا نتعرض له ، ولكنى آثرت السلامة والخوف على نفسى وعلى أولادى فآثرت بالصمت ، و الآن تعلمت منكم معنى الجرأة تعلمت منكم أن من يحب مصر حقا لا يقبل لها أن تكون على هذا الوضع المهين ، بارك الله فيكم ياشباب مصر بارك الله فى شباب 25 يناير ، والله أنا أنحنى احتراما وتقديرا لكم ، و أن شاء الله الفرج قريب

حينما تعود سرعة النت عندي كما كانت , سأوضح رأيي فيما حدث ورؤيتي فيما أتوقع حدوثه لنري ان كان يجب علينا جميعاً أن نفتخر بأننا مصريون أم يجب علينا جميعاً أن نعيد النظر في كثير من الأمور !!!
مبدئياً الأضرار أكثر بكثير جداً من المكاسب , بالرغم من أنني ضد النظام الحاكم ومع رحيله كله وليس رأس النظام فقط .
أتمني من الجميع التفكر والتدبر كثيراً جداً فيما حدث وفيما يتوقع حدوثه بالداخل والخارج , ثم يبدي رأيه بنظرة شاملة وليست نظرة ضيقة !!!


اذا اسمح لي ان انقل اخر الاخبار الخارجيه من قناه بي بي سي

وزير الدفاع الاسرائيلي
مصر لم تعد مستقره كما كانت ولذا يجب علينا تامين الجيش من الناحيه المصريه وبنا صور فولاذي بيننا والاشراف علي المعابر حتي لا يقوم بينها وبين دوله غزه اتحاد للقوي

عدم الاعتماد علي الغاز المصري والاعتماد علي الغاز الايرائيلي من باطن الارض

انا مصري وافتخر بمظاهرات 25 و 28
واتبرا بشدة من اي شخص يجلس في ميدان التحرير الى الان

اذا اسمح لي ان انقل اخر الاخبار الخارجيه من قناه بي بي سي

وزير الدفاع الاسرائيلي
مصر لم تعد مستقره كما كانت ولذا يجب علينا تامين الجيش من الناحيه المصريه وبنا صور فولاذي بيننا والاشراف علي المعابر حتي لا يقوم بينها وبين دوله غزه اتحاد للقوي

عدم الاعتماد علي الغاز المصري والاعتماد علي الغاز الايرائيلي من باطن الارض




وهذه هي الطامة الكبري !
مصر لم تعد مستقرة سواء مع بقاء النظام أو زواله !!!!

اللى احنا فيه ده ذل لما الواحد يبقى فى وطنه وبيته وسط اهله ويبقى خايف على نفسه وعاى اهله بس على فكرة ياجماعة كل اللى بيحصل ده من غضب ربنا علينا لاننا شعب مبيحبش بعضه كل واحد عاوز مصلحته انا لو بنحب مصر بجد المفروض نبقى ايد واحدة نحقق مطالبنا واحنا فى امان
يعنى عايزانا نعمل ايه يعنى
وبعد كل ده بتقولى شعب ما بيحبش بعضوا
لا حول ولا قوة الا بالله