فجرت ناشطة مصرية من ناشطات الموقع الاجتماعى الشهير "فيس بوك" مفاجأة من العيار الثقيل بعد أن ادعت أنها تلقت تدريبها مكثفاً وشباب آخرون على يد إسرائيليين فى الولايات المتحدة الأمريكية وقطر، لقلب نظام الحكم وإسقاط النظام المصرى، وأن منظمة مقرها واشنطن هى التى مولت تدريبهم.

وقالت الناشطة، التى رفضت ذكر اسمها، واستخدم المذيعان معها اسم مستعار "شيماء"، وتم تشويش ملامح وجهها فى حلقة اليوم الأربعاء من برنامج "48 ساعة" على قناة المحور، إنها تلقت تدريبا ودعماً مالياً من منظمة فريدوم هاوس، هى منظمة غير حكومية دولية مقرها العاصمة الأمريكية واشنطن تقوم بعمل أبحاث فى مجال الديموقراطية، مؤكدة أن من يقوم بالتدريب هم من اليهود الإسرائيليين وكانوا يركزون على كيفية استقطاب شباب الجامعات لقلة خبرته وسهولة التأثير عليه فى أقل فترة زمنية.

واستطردت: فى الدوحة فى قطر تلقينا دورة تدريبية مكثفة لمدة 4 أيام، وكان المدربون من جنسيات مختلفة، أبرزهم الإسرائيليون، مؤكدة فى الوقت ذاته، أن "فريدوم هاوس" هى منظمة صهيونية ووصفتها بـ"المشبوهة"، وأنها تابعة لجهاز الاستخبارات الإسرائيلى "الموساد" والمخابرات الأمريكية "سى. آى. إيه"، رافضة الإفصاح عن كيفية معرفتها بأنها مؤسسة مشبوهة أو كيفية تأكدها أن لها علاقة بهذين الجهازين.

ورفضت الفتاة الإفصاح عن ما إذا كان لديها مستندات تثبت صحة حديثها، وطالبت من وصفتها بالجهات المسئولية بأنها إذا أردات معرفة الحقيقة فلتقف أمامهم لتكشف كل المستور.

وأوضحت أن "فريدوم هاوس" التى تكفلت بكامل المصاريف من إقامة وتنقلات، وأنها كانت تحصل أثناء فترة التدريب على مصروف يد يومياً يبلغ 50 دولاراً، وعند عودتها إلى القاهرة أخذت ما يعد بمثابة مكافأة يقدر بـ500 دولار، فى حين أن رؤساء الجماعات مثل كفاية و6 أبريل وشباب الإخوان المسلمين كانوا يحصلون على 50 ألف دولار.

وحول سؤال عن سبب الاعتراف فى هذا الوقت بالتحديد، بكت بحرقة وقالت إنها عندما رأت أن الرئيس مبارك، وهو بمثابة أب لها يهان بهذا الشكل، قررت على الفور الاعتراف والتبرؤ مما حدث بعد أن حصلت على كامل المكافآت، وساهمت فى تنظيم التظاهرات وتوزيع 2 مليون منشور من أموال المعونات. وأكدت أنها خافت مما قد تتلقاه من معاملة إذا ذهبت لجهات أمنية واعترفت بما فعلت لأن من يدخل قسم شرطة للإبلاغ عن أمر ما لا يسلم، فما بالكم بمن يبلغ عن قضية مثل هذه، على حد زعمها.

ونسبت إثارة مظاهرات يوم الغضب فى 25 يناير الماضى لجماعة خالد سعيد على الفيس بوك وليس الناشطة السياسية أسماء محفوظ عضو حركة 6 أبريل، التى قدمها البرنامج على أنها المنظمة لاحتجاجات يوم الغضب، وقالت "شيماء" إنها تنتمى لحركة شباب 6 أبريل وإنها تخاف من أن يتم إيذاؤها نتيجة لاعترافها عبر شاشة المحور بما اعتبرته أسرار الجماعة، حيث كشفت أنها تلقت تدريبا مكثفاً على قلب نظام الحكم فى الولايات المتحدة الأمريكية ثم أرسلوها من خلال منظمة فريدوم هاوس إلى العاصمة القطرية الدوحة للتدريب على كيفية قلب نظام الحكم لتتلقى تدريبات نظرية وعملية.

وادعت أن الإسرائيليين كانوا يسألون عن عدد الجامعات والشباب واحتياجاتهم، موضحة أن المدربين كانوا يصرون على ضرورة جذب شباب الجامعات للإنترنت، خاصة موقع "فيس بوك"، وفتح قنوات حوار معهم وتعبئتهم من خلال الاحتجاجات المختلفة.

وعبرت فى الحوار، الذى استمر لمدة ثلث الساعة، عن قلقها وخوفها الشديد من زملائها فى حركة شباب 6 أبريل لأنها فضحت أجندتهم وتطلعاتهم فى تخريب البلد، على حد قولها، وقالت إن ما يحدث فى ميدان التحرير وحدث من قبل فى كنيسة القديسين بالإسكندرية هو مخطط يهودى إسرائيلى يهدف لتدمير البلاد.

واستنكرت ما يعانى منه الشباب المصرى من بطالة وقلة دخل وموت للأطفال لنقص الرعاية الصحية، لكن فى نفس الوقت قالت إنها متمسكة بوطنيتها: "متجيش تقولى احرقى بيتك وكسرى عشان تغيرى الفشل الحكومى".






http://www.youm7.com/News.asp?NewsID=345622&SecID=12 (http://www.youm7.com/News.asp?NewsID=345622&SecID=12)

11:59 بلال فضل في العاشرة مساء: الفتاة التي ظهرت على إحدى القنوات وادعت أنها ناشطة تدربت على يد الموساد مع شباب الإخوان هي صحفية في مؤسسة قومية اشتهرت بين زملائها بفبركة التحقيقات:giljotiiniug3:

ومش محتاجه حد يفكر:o

وقالت انها مستعدة ان تا تى غدا بالمستندات الرسمية التى تثبت ذلك

تسمحى لى افكر لو انها ناشطه بالفعل كان المفروض امن الدوله كانت بانتظارها بالخارج لان على اساس الكلام اللىقالته دى خيانه عظمى وقضيه امن دوله

وقالت انها مستعدة ان تا تى غدا بالمستندات الرسمية التى تثبت ذلك

صرحت بان هذه المستندات عباره عن استماره سفر لانى كنت مركزه فى كلامها اوى

تسمحى لى افكر لو انها ناشطه بالفعل كان المفروض امن الدوله كانت بانتظارها بالخارج لان على اساس الكلام اللىقالته دى خيانه عظمى وقضيه امن دوله




كلامك سليم مليون فى المية ولو مش ظهرت بكرة يبقى اكيد اتقبض عليها وهى طالعة من بابا الاستديو لانها قالت فى حوارها ان وراء تفجير كنيسة القديسين هوالموساد وانهاتعلم بذك

برنامج جديد لعمرو اديب على الحياه 2 قالوا ان الناشطه دى صحفيه فعلا بتعمل فبركه

النظام الخرب يتهاوى ويتشبث بأخر شعرة تربطه بالشرعية ، صدقوني أنهم مخربون فاقدون الضمير قاتلوا المصريين وهم على سدة الحكم وسيقتلون المصريين لو استمروا
فلترحل يا قاتل المصريين أرحل بلارجعة عليك وعلى امثالك اللعنة

تعرفوا التلفزيون المصري دا قمة في الفساد وعدم المصداقية والحيادية كل شوية يطلع علينا بأفلام وقصص غريبة علشان يضحك بيها علي السذج .ربنا يرحمنا منهم ومن أشكالهم .الست الهانم في يوم وليلة حاست انها خاينة للوطن و مش قادرة تسكت علي حصل يا حلاوة هو ضيمرها نقح عليها كدا مرة واحدة .ههههههههههه فعلا شر البلية ما يضحك.

كلام فاضى

والصحفية دى مزقوقة من حسن راتب

صدقونى كل هذا تمثيل لصالح جهاز الدوله
كما نفى احد ضباط المخابرات هذا الكلام
وكشف هذا الكلام من كلمة واحدة وهى
ان الموساد لا يدرب مجموعات وانما يدرب افراد فقط .

صدقونى كل هذا تمثيل لصالح جهاز الدوله

كما نفى احد ضباط المخابرات هذا الكلام
وكشف هذا الكلام من كلمة واحدة وهى

ان الموساد لا يدرب مجموعات وانما يدرب افراد فقط .



وانت عرفت منين ان الموساد بيدرب افراد فقط؟
نلت حظا من التدريب؟

هو ده كلام يدخل عقل عاقل ماذال الاعلام المصرى يستخف بعقول المصريين يعنى ايه خاينة تطلع تصرح على نفسها يعنى ايه مسجون هارب من السجن يتصل بنفسه ويقول على الا حداث ويقول انه مستعد يتسجن تانى
انا ملاحظ ان ده كذبات من الاعلام المصرى الثعلب كذب مرتان فلم يصدق فى الثالثة يعنى الاعلام المصرى عمره وهو كذاب ليه ماتكنش دى كذبه علشان استعطاف الناس انا مش فاهم فين اصحاب العقول

يا جماعه بصوا بقى انا هقول على حكاية ترتبط بالمساجين اللى خرجوا من السجون انا اخويا كان جى من صعيد مصر من شغله وكان راكب معاه واحد عادى زينا كلنا فى المواصلات والشخص دا اخوه كان مسجون فى احد السجون الكبيرة اللى اتفتحت المهم اخوه كان باقى على حبسه شهور قليله ومعاه ناس تانية المهم الجماعه بتوع الاخوان وناس من فلسطين ولبنان متهمين بقضايا ارهاب محبوسين فى السجون دخل ناس من الاخوان المسلمين وحركات فلسطينية وحزب الله اللبنانى السجون بعربيات اسعاف على اساس انهم جايبين متهمين خطر واقتحموا السجون وهربوا كل اللى فيه وقيادات من الاخوان وحزب الله والناس اللى كان لسه لهم شهور قليله جدااا قالوا مش هنهرب هددوهم بالقتل وقالوا لهم انتوا كدة ميتين ميتين هربوا وفعلا هربوا بالتهديد
وعشان ميجيش حد يقول السجون كلها اتفتحت مرة واحدة ودا تخطيط من الشرطة احنا كلنا عارفين كويس قوى ان الناس دى بردو منظمين جدا ومدربين جدا اكتر من الشرطة ويقدروا ينظموا ويخططوا واللى حصل فى البلد دا من تخطيطهم

اقسم لكم بالله العظيم فيه مراكز شرطة فى بلاد صغيرة ولو عايزين تعرفوا زى ايه اقولكم زى كفر صقر شرقية كانت فاضية مفيهاش شرطة خالص وفى الحوش بتاعها المساجين فارشين بطاطين على الارض ونايمين من غير اى حراسه مستنين حد يرجعهم السجون تانى عايزين ايه اكتر من كدة

ياشباب الاخوان المسلمين والموساد وامريكا كانت بتخطط للموضوع دا من زمان ومدربين على كدة واستغلوا الشباب المسالم

و الله لو العيب يبقي عيب الداخلية اللي سيبتهم يعملوه وينفذه اللي عايزينه وتبقي كمان ساعدتهم في كدا وهي كمان عميلة معاهم .

انا مع الاستاذ الذى يقول ان هذه الناشطة ليست تابعة لجهاز الموساد نعم ليست تابعة لعدة اسباب :
1- لماذا لم تظهر تلك الناشطة فى أول أيام التظاهر أو اليوم الثانى أو اليوم الثالث .
2- من المؤكد بالفعل انها صحفية نظراً لما تتمتع به من قلب للأمور . 3- لماذا لم تظهر على الشاشة علانيةً وتدلى بأسماء من كانوا معها من الحركات . 4- لماذا عندما تظهر حركات معارضة فى مصر تدعو للإصلاح يدعون انها تابعة للموساد وذلك على عكس ما يحدث فى دول اخرى التى تسمع للرأى الاخر.

الرجاء حذف هذا الموضوع لان حرام كده
البنت دي صحفية في جريدة كا يرأسها موالي للجكومة كما قال بلال فضل
بلاش اجاض للثورة
وكمان بلاش اهانة للريس لا بد وأن يحترم رغم ما فعله من بيع للبلد لرجال العمال ودي كفاية انه كفاية عليه كده

لا الشباب الوطني دول مش مصريين دول إسرائيلين
حسبي اللهم ونعم الوكيل
إفتراء + كدب + تضليل = الحكومة المصريية

لا الشباب الوطني دول مش مصريين دول إسرائيلين
حسبي اللهم ونعم الوكيل
إفتراء + كدب + تضليل = الحكومة المصريية


الله ينور عليكي

الرحاء حذف هذا الموضوع

وللأسف أشم رائحة غريبة في المنتدى لأول مرة وقد تكررت قديما مقولة تتهم مشرفي المنتدى بموالاة الحكومة وها ما أشم رائحته الآن لذلك أرجوكم حذف هذا الموضوع المضلل وبعد كلام بلال فضل لمنى الشالي تبين ان هذه الناشطة المدعية انها صحفية
حرام حرام حرام

الله ينور عليكي

الرحاء حذف هذا الموضوع

وللأسف أشم رائحة غريبة في المنتدى لأول مرة وقد تكررت قديما مقولة تتهم مشرفي المنتدى بموالاة الحكومة وها ما أشم رائحته الآن لذلك أرجوكم حذف هذا الموضوع المضلل وبعد كلام بلال فضل لمنى الشالي تبين ان هذه الناشطة المدعية انها صحفية

حرام حرام حرام



انا نفسي اشوف معارض يتقبل الحوار والرأى والرأى الآخر هو انتوا عايزين رأيكم اللى يمشي وخلاص وليه الموضوع يتحذف من اساسه كل واحد يقول رأيه واللى مش عجبه اى حاجه يحذف عضويته ويتفضل ايه العالم الغريبه دى

وبعدين الناس نزلت الخبر اللى فينا ناس شافته وناس لا ومحكمتشى على اى حاجه سابتنا احنا اللى نحكم ونقول رأينا بلاش بقى نغمه احذفوا الموضوع اللى اتخنقت منها من يوم ما جيت المنتدى دا

وهو يعنى لو كانت زى ما بتقول ناشطه تبع الموساد
كانت الداخليه تسبها كدا
دا حتى النائب رجل مخبرات
بس هى حركه سخيفه من اعلام سازج

انا شفتها فى tvوقلبت عليها
مقدرتش اشوف بقيت التمثليه الهزليه

وان كان كلامها صحيح دا يعتبر تقصير من المخبرات ومأخذ يؤخذ عليهم
يعنى بعد ما اطمئنينا للنائب بعض الشىء
تيجى دى وتبين مدى تقصيرة
واصلا ان كان جد كان من باب اولى القائمين على البرنامج يسلموها للمخابرات فورا


كله تمثيل فى تمثيل

الاعلام المصرى فاقد للمصداقيه
وجت دى كمان زودت الطينه بله

بالله عليكم هل الموساد الاسرائيلى ممكن يدرب اخوان مسلمين !!!!!
بعدين اسرائيل طلبت من المجتمع الدولى مساندة حكم مبارك طب تيجى ازاى
وده شوفناه فى كل القنوات

ثبت انها مفبركة وانها بتألف وتم تكذيبها ف اكتر من مكان

صح كله فبركه

لسه المشرفين بيتكلموا على مواضيع هايفة الناس بتموت فى ميدان التحرير والأخ بيتكلم فى شيء مفهوم وواضح لأن التلفزيون المصرى بأكمله ليس لديه مصداقية زى بعض الناس اللى عايشه فى الوهم
اللهم عليك بالظالمين

حسبي الله ونعم الوكيل بجد الواحد عمال يسمع حاجات غريبة ومتناقضة انا شفت الحوار في المحور ومقدرش اقول غير لا حول ولا قوة الا بالله ربنا يحميك يامصر من كل من اراد بك سوء . ربنا لا تؤاخذنا ان نسينا او اخطأنا ربنا ولا تحمل علينا اصرا كما حملته علي الذين من قبلنا ربنا ولا تحملنا ما لا طاقة لنا به .واعف عنا واغفر لنا وارحمنا انت مولانا فانصرنا علي القوم الكافرين

كل دا كلام بتخترعه الحكومه علشان تحاول تقلل من انفعلات المتظاهرين

الاعلام المصرى فاقد للمصداقيه
وجت دى كمان زودت الطينه بله

صح كدا انا شفت الحوار وسمعتها وواضح جدا انها كدابه جداااااااااااااااااااااااااا

اما بقى بخصوص الاعلام المصرى فبصراحه مش عارفه اقول

غير انى فعليا فقدت الثقه فيه زى مامتاكده ان كتير غيرى هما كمان فقدوا ثقتهم فيه

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ

النظام يتهاوى مرة بلطجية تحرق الاقسام لتخفى معالم التعذيب وادواته والمحاضر الملفقه للمصرين ومرة تانية تحرق مقرات الحزب بما تحوى من مستندات استفاد منها رجال الاعمال ( الحكومة السابقة ) بارباح هائلة تفوق الخيال من مصانعهم وشركاتهم واخر حاجة ناس تضرب المصريين فى التحرير حتى الموت هما كانوا نسيين انهم بيحبوا الريس لمدة سبع ايام وبعدين صحيوا ؟؟؟؟؟؟؟؟؟؟؟

كلام جميل كلام معقوووووووووووووول مش مصدق فيه ولا حرف يا جماعه المحور صاحبها اسمه حسن راتب من كبار رجال الحزب الوطني

انا نفسي اشوف معارض يتقبل الحوار والرأى والرأى الآخر هو انتوا عايزين رأيكم اللى يمشي وخلاص وليه الموضوع يتحذف من اساسه كل واحد يقول رأيه واللى مش عجبه اى حاجه يحذف عضويته ويتفضل ايه العالم الغريبه دى


أم هما أنتي اللي على فكرة انسانة غريبة ومن العالم الغريبة ارجو انك تفهمي الاول قبل ما تتكلمي حاولي تفهمي وتشغلي مخك بدل ما هو واقف كده احنا بنقول البنت دي صحفية وعاملة تمثيلية والكلام ده قاله بلال فضل اذا كنتي تعرفيه وطبعا تفكيرك بالطريقة دي مستحيل يرقي لمستوى تفكير واحد زي بلال فضل دا ولا واحنا بناطالب بحذف الموضوع لكي لا نكون مساعدين للظلمة والفبركات ع الناس والسباب المحترمة اللي انتزعوا حريتنا انتزاعاً ولولاهم لا انا وانتي كنا هنعرف نعيش في البلد دي تاني

لو بلال فضل اللى الناس الراقيه اللى تعرفه بس لو كان بيحب مصر صح كان اقنع الناس اللى ميدان التحرير ان تسيبه وكفايه خساره لغايه دلوقتى والحال الواقف بدل ما يروح يقعد معاهم ويساندهم لان ثوره 25 يناير حققت مكاسب كتير مش عايزين نخسرها

واضح اوى كذبها وان النظام بيحاول يظهر ان اسرتئيل وامريكا خلف ما يدور فى مصر

واحنا عارفين ان الى حصل كان ثوره وغضبمن الشعب من القمع والفساد

فعلا والله الايه الكريمه تخلى الواحد يبكى(ولا تحسبن الله غافلا عما يعمل الظالمون انما يؤخرهم ليوم تشخص فيه الابصار)

سيقف رجال النظام الفاسد بين يدى الملك الجبار ملك الملوك والكل له فى هذا اليوم خاضع فماذا سيقولون هل سيكذبون كما يكذبون عليا؟
هل سيتجملون؟ كما يدعون الان لقد ذهلت عندما سمعت خطاب النائب العام انهم كانوا بصدد التحقيق مع احمد عز والمغربى وجرانه والعادلى قبل هذه الاحداث ولكن الاحداث اسرعت هل هذا كلام يصدق؟
النظام الان يتخبط والكل يلوم الاخر ولكن الله الملك العدل موجود وسيعلم الذين ظلموا اى منقلب ينقلبون

دعوة هامة : ادعو شباب مصر جميعا إلى تأسيس حزب تحت إسم ( حزب 25 يناير ) و أنا لا أسعى إلى هدف من وراء هذا الحزب إلا مناقشة قضايانا و محاولة توصيل أصواتنا إلى الى الرئيس فمن يجد فى نفسه قدرة على التنظيم و التنسيق لهذا الحزب فليعلن عن ذلك و نحن نؤيده و بهذا نكون قادرين على توصيل صوتنا الى المسئولين بدون مظاهرات او إثارة مشكلات و ذلك يا إخوانى حتى لايستغل احد من اى جهة خارجية خروجنا فى مظاهرات و يقوم هو بالتخريب او يتاجر بمشاكلنا !!! و اعتقد ان المناخ السياسى فى مصر الان يسمح بذلك أسأل الله أن يوفقنا لما فيه مصلحة مصر و خير شعبنا

الله ينور عليكي

الرحاء حذف هذا الموضوع

وللأسف أشم رائحة غريبة في المنتدى لأول مرة وقد تكررت قديما مقولة تتهم مشرفي المنتدى بموالاة الحكومة وها ما أشم رائحته الآن لذلك أرجوكم حذف هذا الموضوع المضلل وبعد كلام بلال فضل لمنى الشالي تبين ان هذه الناشطة المدعية انها صحفية

حرام حرام حرام




طيب انت مش سالت نفسك ازاى بلال فضل دة عرف ان اللى كانت بتتكلم هى الصحفية مع وجود مؤثر فى الصوت والصورة؟

هو زى ما قا ل فى العاشره مساءا ان واحده زميلتهاتعرفت عليها وانها بتفبرك التحقيقات الصحفيه

ونرجع للسؤال مره اخرى

ازاى صاحبتها اتعرفت عليها رغم المؤثرات الصوتيه ؟

انا مش مقتنعه بى للى هى قالته

مع الاسف وليس دفاعا عن احد مازال يكذب النظام على الشعب ويدعى ان الموجودين فى ميدان التحرير عليهم الرحيل بدعوى استقرار الوطن وكانهم اوقفوا حركه القطارات وفصلوا الانترنت واغلقوا الموانى
ولم يذكر لنا النظام من يقوم باعمال البطجه داخل ميدان التحرير بل ويخرج علينا فى مشهد كويدى مثير بالجمال والخيوووول وكل هذا فى منتصف القاهره ههههههه
كيف يكون هذا الله اعلم لكن النظام الغلبان هيشوف مين ويحاسبهم
ان مسئوليه الامن هى مسئوليه الحكومه ةمن الدرجه الاولى عليها بان تعيد الاستقرار للوطن ومن يريد التظاهر السلمى فله الحريه وعللى النظام ان ينشر الامن فى المجتمع
بدلا من ان يجعلنا اما خيارين اما القمع والضرب والسجن واما اشاعه الفوضى

لسه المشرفين بيتكلموا على مواضيع هايفة الناس بتموت فى ميدان التحرير والأخ بيتكلم فى شيء مفهوم وواضح لأن التلفزيون المصرى بأكمله ليس لديه مصداقية زى بعض الناس اللى عايشه فى الوهم
اللهم عليك بالظالمين


طالما ان سيادتك بتقول ان الموضوع هايف طيب ليه سيادتك بتعلق على الموضوع طالما انت شايف انه هايف ؟

أقسم بالله العظيم

أقسم بالله العظيم

أقسم بالله العظيم

عندما تمسك يدى بالريموت وأحول للقناة الخائنة

وكأنى سأرى ما فى جهنم

أبوس جزمة كل واحد فيكم

بلاش إشعال أى فتنة دلوقتى

مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر

عشان خاطر ربنا
عشان خاطر أولادنا

أقسم بالله العظيم

أقسم بالله العظيم

أقسم بالله العظيم

عندما تمسك يدى بالريموت وأحول للقناة الخائنة

وكأنى سأرى ما فى جهنم

أبوس جزمة كل واحد فيكم

بلاش إشعال أى فتنة دلوقتى

مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر مصر فى خطر

عشان خاطر ربنا
عشان خاطر أولادنا
عندك حق والله
الوضع اصلا مش مستحمل اى حاجه
كفايه كداااااااااااااااا كفايه حرام
وبعدين ما فيش حد متاكد ان البنت دى صحفيه

اللهم احمنا وشعبنا وارضنا من شر يارب العالمين ويا اكرم الاكرمين يارب

قولوا امين عشان ربنا يزيح الغمه دى

نحن ابناء مصر وقبل ما نكون متعاقدين غلابه فنحن ابناء هذه البلد الطاهره وسوف ندافع عنها بكل قوه ولتعلموا ان الدين والاسلام لم يحث مطلقا على الخروج على الحاكم ولتعلموا انه كما قال رسول الله اينما تكونوا يولى عليكم فاذا كان حسنى فاسد فكلنا فاسدون

وقال الله تعالى واتقوا فتنه لاتصيبن الذين ظلموا منكم خاصه صدق الله العظيم

كما قال رسول الله اذا التقى المسلمان بسيفيهما فالقاتل والمقتول فى النار
وقال ايضا ان الفتنه نائمه لعن الله من يوقظها

هذه بلدنا وامن واستقرار هذه البلد اهم من اى شىء حتى حياتنا فالافراد زائلون والوطن باقى

مش عارف الاشراف مثبت المسرحية دى ليه
مين المشرفين اليومين دول بالظبط؟!!

ارجو من الاخوة الاعزاء ان ان يحكموا عقولهم فلننظر الى موقف دولة الاحتلال من الاحداث فى مصر فالصهاينة هم المستفيد الاول من من عدم وجود ديمقراطية فى البلاد العربية
ومن مصلحتهم ان يبقى الوضع كما هو عليه فى مصر
اما بالنسبة للمسرحية الهزلية التى شاهدتموها فهى لا تنطلى باى حال من الاحوال على من يعيش فى مصر

أم هما أنتي اللي على فكرة انسانة غريبة ومن العالم الغريبة ارجو انك تفهمي الاول قبل ما تتكلمي حاولي تفهمي وتشغلي مخك بدل ما هو واقف كده احنا بنقول البنت دي صحفية وعاملة تمثيلية والكلام ده قاله بلال فضل اذا كنتي تعرفيه وطبعا تفكيرك بالطريقة دي مستحيل يرقي لمستوى تفكير واحد زي بلال فضل دا ولا واحنا بناطالب بحذف الموضوع لكي لا نكون مساعدين للظلمة والفبركات ع الناس والسباب المحترمة اللي انتزعوا حريتنا انتزاعاً ولولاهم لا انا وانتي كنا هنعرف نعيش في البلد دي تاني


وانا مش هرد عليك عشان انا اتعلمت ما اردش على ناس مستواهم العقلى اقل منى ودى البداية بس