حيبى ياريس [الأرشيف] - بوابة الثانوية العامة المصرية

مشاهدة النسخة كاملة : حيبى ياريس

مجدى البنا

03-02-2011, 10:55 AM

رغم اعتراضى على اوضاع خاطئة حدثت ولكن الان اقول بكل صراحة
مصر هى مبارك ومبارك هو الامان لمصر
وأدعو كل العقلاء الى فض المظاهرات وعدم الدعوة لها
كما أدعو كل أب وكل أم لهم ابن هناك ان يطالبوة بالعودة الى بيتة وتوعيتة بخطورة ما يغعل
واخيرا تسلم لنا ياريس
واكرر دعوة اخى جواد عوض (حقق علينا ياريس)

الاستاذة منال

03-02-2011, 10:59 AM

مبارك هو الامان لمصر
هو دا اللى انا عاوزه فقط
مش هينفع المال ولا الجاه
من غير الامان والاستقرار

يارب احمى مصر

EbTeSaM91

03-02-2011, 11:01 AM

حقك علينا ياريس! لية لما احنا نقولة كدة طب وحق كل شاب ضحى بنفسة علشان حقة يبقى نقولة اية هو اة بيحمى مصر من اى خطر وهو رجل سياسى وكل حاجة بس فى ظلم اجتماعى وساسى واقتصادى فى ناس عايشة فوق وناس عايشة تحت ناس مش لاقية تأكل اية مصر مش فيها فلوس ولا بقيت فقيرة لو عايز يغير كان غير من زمان اوى لكن خلاص بقى لية 30 سنة ومفيش اى حاجة ناس معاها مليارات وناس مش لاقية المليم بجد كفاية لحد كدة فى ناس اساسا مش لاقية مكان تنام فية وحاجات كتير مش هقول اكتر من كدة

Heartbeat

03-02-2011, 11:09 AM

هو احنا علشان نعيش فى امان نخرس ومنطلبش بحقوقنا ما احنا طول عمرنا ساكتين وحقوقنا بتضيع مننا
واصبح فى فجوة كبيرة جدا بين الاغنياء والمعدومين
انا عندى انى اموت من اجل العدل والحرية ولا اعيش جبانة

عاشق البلانكو الابيض

03-02-2011, 11:13 AM

حقك علينا يا ريس
انا اسف يا ريس
واخيرا حبيبى يا ريس

ما خلاص يا جماعة بقا

مجدى البنا

03-02-2011, 11:19 AM

التغيير قادم والريس أكد على ذلك
ولكن لايجب ان يكون بهذة الطريقة
اين العقل يا عقلاء

دعاء مدحت شبل

03-02-2011, 11:35 AM

الرئيس كدة عمل اللى عليه و هو كدة تمام اوى , المفروض ان المظاهرين يمشوا بقى كفاية اللى ماتوا واللى انتقلوا الى المستشفى و كفاية خراب لغاية كدة , يا رب يحفظ مصر و يعين الرئيس عليهم و على كل واحد يريد الخراب
بسم الله الرحمن الرحيم " ادخلوا مصر ان شاء الله امينين " صدق الله العظيم
تحيا جمهورية مصر العربية الى الابد و ان شاء الله محدش يقدر يخرب مصر لانها محفوظة

و اشكرك يا ا/ مجدى على طرح الموضوع :)

هانم السيد

03-02-2011, 11:35 AM

انا مع اليس فى الفترة دى بس
لانه لو تعزل او غيره بقت فرصه كبيرة اننا نحتل من قبل الدول الاستعماريه الكبرى وده لان مش هيبى لنا حاكم وده علشان مش كل الشعب متف مع واحد بس

دعاء مدحت شبل

03-02-2011, 11:45 AM

اكيد ربنا حيسطر لان كما قلت مصر محفوظة و ان شاء الله مصر حتنتصر

صوت الامة

03-02-2011, 12:05 PM

اشراقه

03-02-2011, 12:07 PM

انا مع اليس فى الفترة دى بس
لانه لو تعزل او غيره بقت فرصه كبيرة اننا نحتل من قبل الدول الاستعماريه الكبرى وده لان مش هيبى لنا حاكم وده علشان مش كل الشعب متف مع واحد بس
لو انعزل اولا اصبح حاليا فى نائب ليه
ثانيا كلنا شوفنا ازاى شعب مصر و قت الخطر بيكون ايد واحدة و بشكل منظم
ثالثا الجيش ثقة كبيرة جدا
ايه ياجماعة انتوا مغيبين كده ليه فوقوا انتوا نسيتوا ثلاثين سنة
فقر و غلاء و احتكار و فوضى و تزوير فى الانتخابات و كما كان عايزها تبقى عزبه لاهله
ارحل ايها المخادع فقد انكشفت مسرحيتك المؤثرة لكل البسطاء

MiSty AnGel

03-02-2011, 12:11 PM

ربنا يخدك يا ريس
ويحرق قلبك زي ما حرقت قلوب الناس علي ولادها
ويذلك زي ما ذليت الملايين
امين

Eng.Karamullah

03-02-2011, 12:11 PM

مجدى البنا

03-02-2011, 12:12 PM

يا حبيبى يا ريس على اية؟
منتوش شيفين اخوتكم فى ميدان التحرير بيتعمل فيهم اية؟
للاسف الجميع اتخدع فى الخطاب المثير انخدع فى الخطاب الذى يلعب فى الاعصاب وفى المشاعر
انخدع بهذا المخطط الجديد والحيلة القذرة من حيل الريس الى اقل ما اقول عنة انة فاسد ومخادع
خدع شعبة اوعدكم ان الفترة الجاية دى هتكون اسود فترة من اعتقالات لكل شئ
اسمعو العربية ومتسمعوش لا المصرية ونقول لا الجزيرة بردة علشان متزعلوش
حسبى الله ونعم الوكيل فيك يا حسنى يا مبارك

كيف يكون هذا الاخ مشرف قسم
يعنى انت مبسوط بخراب مصر
حرام عليك يارجل وهل موقفك هذا من الاسلام

ندا ماهر

03-02-2011, 12:15 PM

الريس حقق مطالب المتظاهرين مش كلها بس اغلبيتها ووصلت الرسالة كفاية تظاهر لو سقط النظام يبقى عاليك العوض يا مصر
كل اللى طامع راح ينهش فى البلد

فارس المحبة

03-02-2011, 12:15 PM

:confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused::confused:
صراحة اللى يقول ان الريس معملش حاجة يبقى جاحد
وبعدين تعب اد ايه
شوفواا مصر زمان

مجدى البنا

03-02-2011, 12:21 PM

الريس حقق مطالب المتظاهرين مش كلها بس اغلبيتها ووصلت الرسالة كفاية تظاهر لو سقط النظام يبقى عاليك العوض يا مصر
كل اللى طامع راح ينهش فى البلد
الله ينور عليك يا اخت
بس محدش منهم فاهم كدة
دورنا توعية هؤلاء الشباب

صوت الامة

03-02-2011, 12:27 PM

كيف يكون هذا الاخ مشرف قسم
يعنى انت مبسوط بخراب مصر
حرام عليك يارجل وهل موقفك هذا من الاسلام
يعنى اية حضرتك كيف يكون مشرف قسم؟؟
اية التعجب فى كدا؟
انا لست مبسوط فالمسئول الاول والاخير هو هذا الفاسد المخادع الذى تنساقون الية
وكانكم نسيتم ما فعلة وما سيفعلة ولانكم مقعتوش فى البرد فى عز الليل علشان تحمو ممتلكاتكم
خراب البلد سيذول غير لما الراجل دة يمشو
هو من يريد ان تظل هذا البلد هكذا بجلوسة فى السلطة حتى فى اشد الاوقات والى الشعب بيطالبة انة يشمى
مش اننة دى ولا خد اوامر من الكبار !!
موقفى نفس موقف علماء الاسلام الدكتور يوسف القرضاوى نفسة رئيس رابطة علماء المسليمن والى مش محتاج انى اعرفة طبعا قال انة يرحل وعلية ان يترك السلطة فورا حقنا للدماء وحفظا للسلام فى البلد
لو كان خرج مكنشى دة كلة حصل لو مكنشى ادى اوامر للشرطة الفاسدة انها تضرب الناس مكنشى دة كلة حصل
ارجوكم لا تنخدعو فى خطاب هذا الفاسد الذى يلعب باعصابكم وتذكرو ال30 سنة سودة من الظلم والقهر والفساد
نسيتو دة كلة فى كلمة مخادعة!!
ولو على سقوط مصر فانا ااكد لن تسقط ابدا مش فية نائب لية . يتنحى والنائب هو الى يمسك البلد فترة مؤقتة ومتخفوش النائب هيغرف يدرها كويس لانة خبرة كبييييييرة

ندا ماهر

03-02-2011, 12:50 PM

هوة فعلا الريس قال راح يترك الحكم فى شهر اكتوبر لية الاصرار على الوقت ده علشان يحدث تخبط فى البلاد
وكل ما بيحلم بالسلطة يتنازع على البلد لتحقيق اطماعة واهدافه ويضيع الشعب والله حرام
30 سنة حكم حافظ على البلاد حصل تطور وانجازات وحصل تجاوزات ايضا وفساد انا معااك وان شاء الله يزول الفساد والدولة معانا

هانى الشرقاوى

03-02-2011, 12:55 PM

يا الله
اشعر و كأننا شعوب تعبد حكامها
دائما نجعل من الأقزام أبطالا
من قبل صدام واليوم الشاويش على وغيره
مبارك له ما له وعليه ما عليه
لو انى أثق فيما قاله الرئيس لخرجت أنادى بإسمه
لكن ........

دعاء مدحت شبل

03-02-2011, 01:00 PM

هانى الشرقاوى

03-02-2011, 01:03 PM

انا عايزة اقول حاجة
انت يا ا / صوت الامه : عايز ايه ؟؟؟؟؟؟؟؟؟و بعدين العيب مش على الرئيس , العيب على وزير الوزرة الزفت ( احمد نظيف )
و بجد حسبى الله و نعم الوكيل فى الاخوان المسلمين اللى متخبيين تحت اسم الدين
دول مش عرفين فين ربنا اصلا بجد ربنا يولع فيهم

معذرة
دائما نتذرع بأن رئيسنا الغالى لم يكن يعلم ما يحدث فى البلاد بسبب من حوله
هذا هراء ... بل عذر أقبح من ذنب
إذا كان الامر كذلك فليرحل وليأتى أخر يعلم ما يجرى فى الشارع المصرى

معذرة
الإخوان لا علاقة لهم بالامر
وهم يشاركون كنسيج من نسج الوطن لا اكثر ولا أقل

وأرفض تسيييس الثورة بأية حال

دعاء مدحت شبل

03-02-2011, 01:08 PM

صوت الامة

03-02-2011, 01:08 PM

انا عايزة اقول حاجة
انت يا ا / صوت الامه : عايز ايه ؟؟؟؟؟؟؟؟؟و بعدين العيب مش على الرئيس , العيب على وزير الوزرة الزفت ( احمد نظيف )
و بجد حسبى الله و نعم الوكيل فى الاخوان المسلمين اللى متخبيين تحت اسم الدين
دول مش عرفين فين ربنا اصلا بجد ربنا يولع فيهم
وهو احمد نظيف دة مين الى معينة؟
ومين الى متابعة ؟ ومين الى بيشجعة؟
الى عايزة ان مبارك يمشى وان البلد تستقر وبلاش نخدع نفسنا
ثم اية الى دخل الاخوان فى النص بجد اتقو الله بقا وكفايا شعارات زائفة
متكلمتوش لية على الاحزاب الاخرى؟ هما مش خرجو هما كمان الاخوان مش متحالفين معاهم فى الائتلاف
انتى عاشرتى حد من الاخوان؟
اتكلمتى مع حد؟ لية تتكلمى الكلام دة؟ دة مجرد انك بتسمعى المصرية
خليكى اسمعى المصرية زى منتى عايزة
ربنا يعلم الاخوان بتعمل اية من لجان شعبية والى فيهم ناس اقسم بالله منامو 3 سعات على بعض
وتشوفى شكلهم وشعورهم اقسم بالله مشفت الشعور دة قبل كدة لانهم ناس بتحب البلد صحيح
ولولاهم مع مجلس الشعب وتصوير التزوير الى حصل مكنشى دة حصل او ساهم بشكل اكبر فى الى حصل
اتعرفو عليهم واعرفو فكرهم من غير متجرحو فيهم لانكم مش عارفين حاجة عنهم متحكموش عليهم
واتقو الله شوية وكفاية كدة بقا واصحو واعرفو اية الى بيتحطط ولية بيشوهو صورتهم
واعرفى ان الاخوان مش عازين حكم ولا سلطة لانة دة مش وقتة ولانهم مش بيدورو على سلطة دلوقتى والدليل الانخابات الرئاسية القادمة لوان فيهم واحد طلع رشح نفسة فيهم يبقا بحساب

هانى الشرقاوى

03-02-2011, 01:10 PM

لم اقل ان الرئيس لم يكن على ضراية كافية بما يحدث و لكن من السهل اقناع اى حد لحساب المصالح الشخصية
و على الاخوان المسلمين فهم يريدوا الحكم و باى طريقة وده غلط لان مش دول اللى البلد حتتصلح بيهم !!!!!!!!!!!

الإخوان لن يصلوا إلى الحكم
اطمئنوا

لكن عذرا لم أفهم ما معنى لم يكن الرئيس على دراية كافية
30 سنة وفاكر البلد إيطاليا يعنى ؟!

mfa1

03-02-2011, 01:25 PM

العاقل يفهم ان فيه مندسين بيخربو في مصر و يضعفو اقتصادها اكتر ماهو ضعيف فعين العقل ان احنا طالبنا بأشياء وسوف تتحقق و لا نسمح لحد غريب ابن ....................... يخربها و احنا بعبطنا نسقفله و نقول امين احنا مع التغيير اللي يوؤدي الى خير مش اللي يرجعنا الف سنه ورا ودي سياسة اسرائيلية و امريكية و ايرانية و تساعدهم قطر و معاهم الجزيرة و العربية و الحره المأجورين بوجبة كنتاكي و خمسين جنيه يا...........................................

Mostafa Walid

03-02-2011, 01:27 PM

انا عايزة اقول حاجة
انت يا ا / صوت الامه : عايز ايه ؟؟؟؟؟؟؟؟؟و بعدين العيب مش على الرئيس , العيب على وزير الوزرة الزفت ( احمد نظيف )
و بجد حسبى الله و نعم الوكيل فى الاخوان المسلمين اللى متخبيين تحت اسم الدين
دول مش عرفين فين ربنا اصلا بجد ربنا يولع فيهم

نفسى اعرف مين اللى عين نظيف وحبيب العدلى و واحمد عز وخلاهم يسرقونا مش مبارك ولا واحد من دوله تانيه ولا واحد من القمر ولو نفترض انه بيضحك عليه يبقى طبعا لازم يتحاكم يعنى هو لو بيضحك عليه يبقى هو .......... و وبيتهالى مفيش رئيس كده يعنى وانا مش عايز رئيس زى ده
دوياريت عدم التجريح فى حد اثبتلى ان الاخون المسلمين ليهم دعوه ودول زى اى حد من الاحزاب المعارضة للحكم وفئة فى الشعب مينفعش نهمل اى حد فيهم

shima'a

03-02-2011, 01:30 PM

كيف يكون هذا الاخ مشرف قسم
يعنى انت مبسوط بخراب مصر
حرام عليك يارجل وهل موقفك هذا من الاسلام

الله ينور عليك ربنا يهدى الجميع

4MATH

03-02-2011, 01:36 PM

السلام علي من اتبع الهدي

خراب الريس هوه اللي خرب
هوه لما نقول رأينا كشباب يبقي بنخرب
و الله حلوه دي و بعدين الراجل كمشرف من حقو يقول اللي هوه عايزو ويعبر عن رأيو في اللي حاصل
هوه في ايه
و لو سمحت عدل عنوان الموضوع هههه اصلو في خطأ املائي
سلام

دعاء مدحت شبل

03-02-2011, 01:38 PM

اه على فكرة انا اتعملت معاهم و شوفت اسوء معاملة
و على العموم انا واثقة ان ربنا مش حيقدرهم علينا و مش حيوصلوا و على فكرة انا مش بفتى ولا بقول كلام من عندى ده تاريخ من ايام جمال عبد الناصر .
و كمان انا معنديش ديش اصلا علشان تقول انى بتفرج على القناه العربية و الجزيرة
و انامقتنعة براى و رنبا ينقز مصر ان شاء الله

عاشق البلانكو الابيض

03-02-2011, 01:39 PM

ويغيرو ليه ما هما دول احباء الريس

بس انا ملاحظ اى حد بيحب الريس فجاة كده

مشاركاته ضعيفة جدا

ومسجلين جديد

عاشق البلانكو الابيض

03-02-2011, 01:41 PM

اه على فكرة انا اتعملت معاهم و شوفت اسوء معاملة
و على العموم انا واثقة ان ربنا مش حيقدرهم علينا و مش حيوصلوا و على فكرة انا مش بفتى ولا بقول كلام من عندى ده تاريخ من ايام جمال عبد الناصر .
و انامقتنعة براى و رنبا ينقز مصر ان شاء الله

للتوضيح فقط

ينفذ

وربنا

Eng.Karamullah

03-02-2011, 01:46 PM

كل الشباب اللى كانوا بيخططوا لمظاهرة 25 يناير... هيشوفوا أيام من مبارك والحزب ,,
والأيام هتورينا :giljotiiniug3::giljotiiniug3::giljotiiniug3:

ربنا يستر على مصر وشبابها

أبو العلاء

03-02-2011, 01:54 PM

أولا
انتفاضة الشعب كانت من شباب افيس بوك ولهم كل الفضل في ذلك وكانوا يطالبون بحقوقهم

ومبارك قال إنه فهم مطالبهم ولكن البعض يريد ركوب الموجة

لكن السؤال :

لماذا أوقف مواقع الإنترنت ؟ والتي هي وسيلة الشباب ولم يوقف وسائل البعض الذي يريد ركوب الموجة ؟؟؟؟؟؟؟؟؟؟؟

ومعروف أن وسائل اتصال البعض ليس هو الفيس بوك على الأرجح !!!!!!!!

سيف سالم

03-02-2011, 02:12 PM

حمى الله مصر وشعبها

MR : ABO BATTA

03-02-2011, 02:25 PM

المبتسمه

03-02-2011, 02:30 PM

ايوة الريس بيخاف علينا والدليل لما يوم الجمعه سابو علينا البلطجيه والحرميه وبتوع السجون وانسحبو
وسابو حتى الحدود بدون تأمين فقام الريس زعل ومعجبوش بيوت ولادة تتنهب وبلادنا تتخرب !!!!!!!!كام راجل نزل يقف فى الشارع علشان يحمى عرضه وماله ويحمى جيرانه
اللهم انك حسبنا ونعم الوكيل

مجدى البنا

03-02-2011, 04:38 PM

ربنا يهدى الجميع
وحتى لو كان الحاكم ظالم فالشرع لايؤيد الثورة عليه

no cry

03-02-2011, 04:46 PM

فوقوا بقى لحد امتى هيفضل غريب يلعب بعقولنا مش شفتوا ازاى استغلوا روح الشباب فى التغيير علشان يقلبوا الحكم ارتحتم دلوقتى

لما كل كلب يهودى بيحاول يدخل بلدنا

فرحانين بالبلطجية والخراب والدمار اللى البلاد فيه

افهموا احنا طلباتنا اتحققت بتغيير الوزارة وبعدها هنشوف التغيير ده لازم نديلهم فرصة لده
بعدها نفكر هل يصلحوا ولا لا

لكن مش دلوقتى خلاص عايزين المستعمر اللى يحكمنا
اى حد غير مبارك هيكون عميل

فوقوا بقى احنا لما بنقول مبارك مش تاييد للى عمله ولا الفساد اللى حصل

لكن بنقول نعم لحماية بلدنا باى شكل هيخرج وهيسيب البلد انتخابات مش هيدخل عايزين ايه تانى
كل اللى عايزينه حصل

لكن رحيل ليه ؟؟ عايزين واحد زى فاروق يتساوى بحسنى مبارك اللى حارب اكتوبر واللى عمل لمصر كتير

راجعوا حساباتكم كويس بلاش اندفاع اعمى

شوفوا مين اللى فى الميدان دلوقتى مش مصريين والباقى يهود حتى المصريين اللى هناك مجربين على كده

شيلوا الغمامة بقى اعتبروه انسان عايز يموت ببلده

ما كنتوش راضين بالتعب وانتم فى حكم مصرى بكره تشوفه التعب تحت ارجل كلاب اليهود
فوقوووووووووووووووووووووووووووووووووووا بقى واللى بيدخل ع الفيس يهدى الاوضاع بقى ونحاول نهدى مصر تانى

ارحموا الشباب اللى بيتعب علشان يحمى بيته
دى مش الدولة الل بتعمل كده ده مخططات يهودية قذرة
فوقووووووووووووووووووووووووووووووا بقى

توتاااااااااااااااااا

03-02-2011, 05:01 PM

المشاركة الأصلية كتبت بواسطة abomamado http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=3065064#post3065064)
انا مش ضد المظاهرات السلمية

بس ضد ان الشعب يكون السبب الاول في التدخل الخارجي

...

عارفين سينايرو ما بعد مبارك هيكون ايه

خدو عندكو

1 - سقوط الحكومة المصرية ... و عدم القدرة علي السيطرة علي الموقف من جانب الحكومة

والشعب المصري يحتفل في كل مكان - وامريكا تهنئ الشعب المصري بعد معاناة دامت 30 عاما -

2 - تشكيل حكومة مؤقته و اجراء انتخابات بعد 30 يوما - وامريكا ترحب بالديموقراطية المصرية -

3 - مظاهرات رفض للحكومة المؤقته ومطالبات بأجراء انتخابات فورية - و امريكا تتابع الموقف -

4 - اقصاء جميع المرشحين ذوي العلاقة بجماعة الاخوان المحظورة - و امريكا تدعم الموقف -

5 - مظاهرات اعتراض علي استيعاد جماعة الاخوان و الجيش يتدخل - و امريكا تحذر من انفلات امني -

6 - تفجير بكنيسة العباسية و اصابع الاتهام تشير الي الاخوان المسلمين و تنظيم القاعدة - و امريكا تحذر من فتنة طائفية -

7 - الاف الاقباط يتظاهرون ويستنجدون بأمريكا لحمايتهم من تنظيم القاعدة

8 - امريكا تأسف علي الاوضاع في مصر وتدعو الجميع الي ضبط النفس

9 - اشتعال الفتنة الطائفية و اندلاع المعارك بين المسلمين و الاقباط

10 - مقتل 200 قبطي منذ اندلاع المعارك و الفاتيكان يطالب امريكا بالتدخل

11 - الكونجريس يمرر مشروع قانون يتيح ارسال قوات لحماية الاقباط في مصر

12 - امريكا ترسل قوات لحماية الاقباط في مصر

13 - انتو عارفين هيبقي ايه

---------------------------

ركزو في الكلام اللي بالاحمر و بفن كبير

فكركم... فيه سيناريو تاني غير ده ؟؟؟

بجد خايف علي مصر من الناس اللي مش فاهمين

واللي ملهمش فيها

ارجو من اي شخص يؤيد هذا الرأي ان ينشره في كل المنتديات ويرسله لكل اصدقائه بالايميل و علىالفيسبوك والتويترو ما شابه ذلك ... ارجوكم ، بلدنا بتخرب و لازم نعمل حاجة. اللهم لا تؤاخذنا بما فعل السفهاء منا ، و لا تسلط علينا بذنوبنا من لا يخافك و لا يرحمنا.

لا سيناريو غير هذا

مفيش رجل عاقل الان سيتقدم لرئاستكم

بعدما اهنتم رئيسكم وسببتم اباكم وممثلكم

ومنحتم الفرصه للغرباء ان يهينوه ويطالبوا منه الرحيل

لن يأمن لكم احد بعدما ظهرت بعد المعادن الرخيصه وسطكم

والنفوس الدنيئه

لن يأمن لكم عاقل بعدما فعلتوه ببطل اكتوبر

لن يتقدم لرئاستكم شخص الا وهو ينوى ان يعلمكم الادب

ولن يقبل بحكم شعب مثلكم الا من يريد ان يحكمكم بالحديد والنار

وغدا ستندمون على مبارك وتقولون ياليتنا اعطينا الفرصه

انتم مجموعه من الشعب تتمردون على الكبير وتهينون القائد انتم من لادين لكم ولا مله لانكم لم تسمعون لكلام الله ورسوله واولى الامر منكم

غدا سياتى من يقطع السنتكم ويحكمكم بالنار

اللهم اضرب الظالمين بالظالمين واخرجنا منهم سالمين

no cry

03-02-2011, 05:22 PM

مستر/ عصام الجاويش

03-02-2011, 05:35 PM

يعني خلاص مش قادرين نصبر الكام شهر اللي فاضلين دول علشان حال البلد يتصلح والناس تشوف اشغالها والطلبة تمتحن والناس تقبض مرتباتها والوزارة الجديدة تشوف هتعمل ايه ويعود الأمن والأمان للشعب المصري وطبعا كل ده مش هيتم طول ما في شباب متظاهرين في ميدان التحرير ... !!!!!!!!!!!!

تقول الـ cnn ان تم منع اى صحفى من تغطيه مايدور فى ميدان التحرير حاليا وهم يتوقعون ان يتم فض الاعتصام الليله
ونحن نرجو ان يتم ذلك بشكل سلمى فمن يؤيد الرئيس مبارك مصرى ومن يعارضه ايضا مصرى ودمهم جميعا غالى علينا وادعو الله للجميع مؤيد ومعارض بالامن والامان والسلامه

mfa1

03-02-2011, 06:43 PM

مجدى البنا

03-02-2011, 10:06 PM

mfa1

04-02-2011, 07:53 PM

http://mohmadmorad.googlepages.com/9092503.gif

ياسمينايا

04-02-2011, 08:11 PM

يا حبيبى يا ريس على اية؟
منتوش شيفين اخوتكم فى ميدان التحرير بيتعمل فيهم اية؟
للاسف الجميع اتخدع فى الخطاب المثير انخدع فى الخطاب الذى يلعب فى الاعصاب وفى المشاعر
انخدع بهذا المخطط الجديد والحيلة القذرة من حيل الريس الى اقل ما اقول عنة انة فاسد ومخادع
خدع شعبة اوعدكم ان الفترة الجاية دى هتكون اسود فترة من اعتقالات لكل شئ
اسمعو العربية ومتسمعوش لا المصرية ونقول لا الجزيرة بردة علشان متزعلوش
حسبى الله ونعم الوكيل فيك يا حسنى يا مبارك
يا الله
اشعر و كأننا شعوب تعبد حكامها
دائما نجعل من الأقزام أبطالا
من قبل صدام واليوم الشاويش على وغيره
مبارك له ما له وعليه ما عليه
لو انى أثق فيما قاله الرئيس لخرجت أنادى بإسمه
لكن ........

انا مع الاراء دي تماما واؤيدها بشدة
شكرا