رسالة لكل واحد واقف في ميدان التحرير

لكل واحد خرج يطالب بالتغير

لكل "نجم" من النجوم الحقيقيين إللي خرجوا و غيروا مصر


بسم الله الرحمن الرحيم

تحية طيبة و تقدير و عرفان .. و بعد

أرسل إليكم خطابي هذا و أنا بين أحاسيس مختلفة

لا أدري هل عليّ الآن أن أكون سعيدا بما حققناه من تغيير إيجابي أم أن أكون قلقاَ بشأن ما يحدث في مصر

أعلم انها أيام صعبة تمر بها البلاد

كفاية كدا

الرسالة وصلت من يوم 25 يناير

لو فاكرين إنكمن بتعبروا عن 86 مليون قاعدين في بيوتهم .. تبئوا غلطانين

أعلم تمام العلم انه ليس من حقي أن أفرض رأيي على أحد و لكن ليعلم الجميع :

أنا مرحب جدا بأن يكمل السيد رئيس الجمهورية : "محمد حسني مبارك" مسيرته لحين نهاية المدة

إذاَ
إللي في الشارع دول مش بيعبروا عني

و مش بيعبروا عن ملايين من شعب مصر

كلها شهور قليلة و ينتهي الأمر

لو سمحتم .. لو حد يعرف حد واقف في ميدان التحرير يقولله يرجع

الناس إللي ف الميدان دي مش بتتظاهر عشان مصر

أعلم تمام العلم أن تلك الجموع الغفيرة في ميدان التحرير و التي تطالب برحيل السيد الرئيس مبارك تعبر عن فئة كبيرة من الشعب المصري

كما إنني أعلم تمام أن الجموع في ميدان مصطفى محمود و شبرا بالقاهرة و هنا بالإسكندرية و غيرها من المدن المصرية تعبر عن فئة كبيرة أيضا من الشعب المصري

أنا أرى - و أنا لست خبيرا سياسيا - أننا أمام سيناريوهات عدة لا أحد على الإطلاق يطمح فيها

الناس بتستفز الجيش

و هذا قد يؤدي إلى مهزلة حقيقية

رجاء ... عودوا إلى منازلكم

تقديرا لإسم مصر

و تقديرا للقوات المسلحة


عاشت مصر .. رغم كيد المعتدين

و السلام عليكم و رحمة الله و بركاته

منقول / الكاتب : عمرو عصام الدين

كلام منطقى و جميل و ربنا يستر فى بكره

ان كنتم تريدون فوضي ..... فقد حققتوها
إن كنتم تريدون تغيير ..... فقد غيرتوها
إن كنتم تريدون الرئيس ..... فهو معنا حتي نهايه الفتره
إن كنتم لا تريدون الرئيس ..... فقال لن يرشح نفسه مره اخري
إن كنتم تريدون النهضه ..... فقد حان الوقت لنساعد بعضنا ...لننهض مره أخري
.........إن كنتم تتظاهرون بدون هدف ..... فأتركوا مصر لأن شعبها أعظم الشعوب

ان كنتم تريدون فوضي ..... فقد حققتوها
إن كنتم تريدون تغيير ..... فقد غيرتوها
إن كنتم تريدون الرئيس ..... فهو معنا حتي نهايه الفتره
إن كنتم لا تريدون الرئيس ..... فقال لن يرشح نفسه مره اخري
إن كنتم تريدون النهضه ..... فقد حان الوقت لنساعد بعضنا ...لننهض مره أخري
.........إن كنتم تتظاهرون بدون هدف ..... فأتركوا مصر لأن شعبها أعظم الشعوب

بارك الله فيك
هذا ما اردت قوله
ربنا يستر ان شاء الله

تذكر مصر فوق الجميع فحافظ عليه بأى ثمن
فلا تسمع لأعداء مصر
فالانسان زائل والوطن باقى

مصر فوق الجميع

اشكركم يا جماعة على الرد الجميل و اتمنى انه ينال اعجبكم
وفعلا ربنا يستر اوى
و الكاتب ( أ / عمرو عصام ) بيسلم عليكوا و بيشكركوا جميعا
لانه مش مشترك فى منتدانا

بالنسبه للناس اللي تظاهرت ونزلت الشارع وجابت حق المصريين منهم الجاهل ومنهم اللي مش عارف يكلم والمظلوم انا بقولهم من كل قلبي رنا يوفقوا واللي استشهد كما قال العالم يوسف القرضاوي انهم شهداء فقد نلتم ماهو ابقي واعز وقد استخدمكم الله لايقاذ امه بأكملها وتغير مسار كثييرين وملايين ليس فقط المصريين ولكن العرب ايضا
ومن واقع خطاب السيد نائب الرئيس عمر سليمان اقول لكم هذا لا تذهبوا غدا للمظاهرات

لماذا؟؟؟؟؟؟؟؟؟؟؟؟؟

السيد الرئيس سلم معظم صلحيات نائب الرئيس لعمر سليمان (يعني من الاخر حيبقي منظر) لحد ما يطلع
ولقد قال نائب الرئيس انه لن يترشح لفتره اخري ولا نجله
بالنسبه لتعديل الدستور اجاب سليمان انه سوف يفعل ذلك ومن خلال لجان مختصه كما دعي قوي المعارضه لمباحثه مطالبهم (وياريت ميكسفوناش)



بالنسبه لمن فعل بالشعب المصري ذلك فقد صرح سليمان لقناه اخباريه

بمحاكمه احمد عز وحبيب العدلي ووزير الاسكان ووزير اخر بمنعهم من السفر وتجميد ارصدتهم




بالنسبه لمن اعتقلوا في المظاهرات

سيتم الافراج عنهم جميعا مالم يكونوا علي زمه قضايا اخري




بالنسبه للفتره المتبقيه وهي اقل من 200يوم فهي سيتم فيها تغيير الدستور ومحاكمه الفاسدين وبعض رجال الاعمال الفاسدين ومن ثم الشروع في اننتخابات الرئاسه وكل واحد مع النظام الحالي ورئيس مجلسي الشعب والشوري حيمشوا والحكومه الا اذا الشعب حب يحافظ علي حد فيهم يعني الحكومه الحاليه حتبزل اقصي ما عندها عشان تحافظ علي ود الشعب وعشان يرشحها تاني حاصه ان اي شكوي في وزير في الفتره الجايه حيتشال علي طول كما اعلن احمد شفيق رئيس الحكومه






بالنسبه لعمر سليمان واحمد شفيق هما ليهم ميزه فتح سبل الحوار وفن الرد علي الشعب

غير ان عند تعيين عمر سليمان نائب الرئيس صرحت جهات اسرائليه بعدم الرضي عنده رغم اشتراكه في بعض الملفات بينها وبين مصر


الراجل ده من كلامه وشخصيته اللي بانت في حواره يختلف كثيرا عن شخصيه مبارك











لذا ارجو من ما يسمعني عدم نزول المظاهرات غدا من الشباب لانها لن تجدي غير الدم وهو لن يرحل ولم يعد يهمنا ان يرحل ما دام رجل اخر تولي طلباتنا والرد عليها

http://a6.sphotos.ak.fbcdn.net/hphotos-ak-snc6/hs045.snc6/167578_1844656196997_1258397315_32110467_5989232_n .jpg

لا تعط العامة فوق ما لهم من حقوق عقلية أو خلقية .. فإن مستويات الجماهير لا تتحكم فى تقرير الحق أو تحديد الفضيلة. بل تؤخذ الحقائق والفضائل من ينابيعها الأصلية دون مبالاة بالجاهلين لها أو الخارجين عنها. وإن كانوا ألوفا مؤلفة.. وعلى الرجال الكبار أن يبنوا سلوكهم فوق هذه الأسس؛ فلا يتبرموا بالنقد المثار أو يقلقوا لكثرة الهجامين الشتامين.

ا...لشيخ الغزالي

يا جماعة الموضوع اتحول الى مؤامرة دنيئة وراها منظمات صهيونية ....ومستحيل مواطن مصرى يخرب بلده ويعمل فيها كده
عارفين ...الاعداء فشلوا للدخول الى مصر من الناحية العسكرية وده يرجع لبراعة مبارك العسكرية
فقرروا ان يدخلوا مصر من ناحية أخرى الا وهى الحرب الداخلية عن طريق الشعب ونجحوا فى ذلك ولكن بمشيئة الله سوف نتغلب عليهم وننتصر بإذن الله
النصر لمـصــــــــــــــــــــــر

ألسنا مسلمين ؟
ألسنا مؤمنين بالله ؟
ماهو رأئ الأسلام فى مسلم يريد أن ينأى بنفسه عن تلك الفتنة ؟
لقد تناقشت مع زملائى فى العمل بخصوص ذلك
وقالوا لى أن تقول كلمة حق عند سلطان جائر
لاأناقش هل مبارك ظالم أم لا
ولكننى أقول لهم لقد قلتم هذه الكلمة مرة واثنين ثلاثة
وقد سمعهاالحاكم منكم وعرض الرجل ماعنده
الكل يجمع على 90فى المائة مما كنا نحلم به قد وعدنا به
دعونا نلتقط أنفاسنا ونترك لأصحاب السياسة العمل

لماذا لانثق فى الحكومة أليسوا ولاة أمورنا
وخصوصا أنهم لايأمروننا بمنكر ولاينهونا عن معروف
بل يطلبون الهدوء وإعطائهم فرصة للعمل


البعض يقول لماذا لم يصبر على بتوع ميدان التحرير
ده الراجل ألقى البيان بالليل وهجم عليهم الصبح فى الميدان

ياجماعة دى فتنة تحدث

تذكروا الفتنة الكبرى التى حدثت أيام الحسين رضى الله عنه

ليس دفاعاً عن الملكية أو عن الملك فاروق، لكن للأمانة التاريخية وللتوثيق، نوضح أن موقف الملك فاروق عام 1952 أمام مجموعة صغيرة من ضباط صغار، وليس أمام الشعب بأكمله كما هو الحال اليوم، كان أكثر وطنية وحرصاً على البلاد والعباد من موقف مبارك، بل أنه من الظلم والاجحاف المقارنة بين ملك ترك ورحل حقناً للدماء، وبين طاغية يريد أن يحرق البلاد هو ومن معه، ويضحي بالشعب بأكمله للبقاء في منصبه، متعالياً متكبراً وبشكل يوحي أنه يصنع معروفاً بالشعب المصري وكرامته ببقائه في منصبه.
لكن

ليس بعد الآن، فقد قال الشعب كلمته، واجتاز حاجز الخوف وكسره، وكشف ويكشف كل تلك الالتفافات والألاعيب، متوحداً في قواه وألوان طيفه وشعاره "الشعب يريد اسقاط النظام"

وهذا ما سيكون.

لا نامت أعين الجبناء

يا جماعة الموضوع اتحول الى مؤامرة دنيئة وراها منظمات صهيونية ....ومستحيل مواطن مصرى يخرب بلده ويعمل فيها كده
عارفين ...الاعداء فشلوا للدخول الى مصر من الناحية العسكرية وده يرجع لبراعة مبارك العسكرية
فقرروا ان يدخلوا مصر من ناحية أخرى الا وهى الحرب الداخلية عن طريق الشعب ونجحوا فى ذلك ولكن بمشيئة الله سوف نتغلب عليهم وننتصر بإذن الله
النصر لمـصــــــــــــــــــــــر ا/ ايمن

اشكرك جزيل الشكر

بجد عندك حق اوى فى الكلام ده و ربنا يستر على الايام اللى جاية و ربنا يهدهم و نقدر عليهم
و انا معك فى كل الكلام اللى قولته
شكرا :078111rg3::078111rg3::):)

ليس دفاعاً عن الملكية أو عن الملك فاروق، لكن للأمانة التاريخية وللتوثيق، نوضح أن موقف الملك فاروق عام 1952 أمام مجموعة صغيرة من ضباط صغار، وليس أمام الشعب بأكمله كما هو الحال اليوم، كان أكثر وطنية وحرصاً على البلاد والعباد من موقف مبارك، بل أنه من الظلم والاجحاف المقارنة بين ملك ترك ورحل حقناً للدماء، وبين طاغية يريد أن يحرق البلاد هو ومن معه، ويضحي بالشعب بأكمله للبقاء في منصبه، متعالياً متكبراً وبشكل يوحي أنه يصنع معروفاً بالشعب المصري وكرامته ببقائه في منصبه.
لكن

ليس بعد الآن، فقد قال الشعب كلمته، واجتاز حاجز الخوف وكسره، وكشف ويكشف كل تلك الالتفافات والألاعيب، متوحداً في قواه وألوان طيفه وشعاره "الشعب يريد اسقاط النظام"

وهذا ما سيكون.

لا نامت أعين الجبناء



بارك الله فيك يا أ / نازيه
ربنا يستر
و انا بشكرك على المشاركة
شكرا جزيلا

رائعة عبد الرحمن الابنودي

قصيدة الميدان




ايادي مصرية سمرا ليها في التمييز

ممدودة وسط الزئير بتكسر البراويز

ف طوع لصوت الجموع

شوف مصر تحت الشمس

آن الاوان ترحلي يا دولة العواجيز


عواجيز شداد مسعورين اكلوا بلادنا اكل

و يشبهوا بعضهم نهم و خسة و شكل

طلع الشباب البديع

قلبوا خريفها ربيع

و حققوا المعجزة

صحوا القتيل م القتل



اقتلني..

قتلي ما حيعيد دولتك تاني

بكتب بدمي حياة تانية لاوطاني



دمي دا ولا الربيع؟؟

الاتنين بلون اخضر

و ببتسم من سعادتي ولا احزاني



تحاولوا ..

ما تحاولوا ..

ماتشوفوا وطن غيره

سلبتوا دم الوطن و بشمتوا من خيره

احلامنا .. بكرانا .. اصغر ضحكة علي شفة

شوفتوشي صياد يا خلق بيقتلوا طيره؟؟

سوس بينخر و سارح تحت اشرافك

فرحان بهم كنت .. و شايلهم علي كتافك

و اما اهالينا..

من زرعوا و بنوا و صنعوا

كانوا مداس ليك و لولادك و احلافك



و يا مصر ..

يا مصر قام العليل .. رجعتلوا انفاسه

و باس جبين الوطن .. مال الوطن باسو



من قبل موته بيوم ..صحوه اولاده

من كان سبب علته .. محبته لناسه



الثورة..

فيضان قدييييم محبوووس

ما شافوش دوول

الثورة لو جت متبانش في كلام او قول

تقلب و تعدل في سرية

تفور في القلب

و تنغزل فتلة فتلة في ضمير النول



متخافش علي مصر يابا

مصر محروسة

حتي من التهمة دي اللي فينا مدسوسة

و لو انت ابوها بصحيح و خايف عليها اوي

تركتها ليه بدن .. بتنخره السوسة ؟؟؟؟؟



و بيسرقوك يا الوطن .. قدامنا

عيني عينك

ينده بقوة الوطن و يقولي قووووووووم

فينك؟؟؟؟؟؟



ضحكت علينا الكتب بعدت بنا عنك

دولا ولادنا اللي قاموا يسددوا دينك

لكن خلاص يا وطن

صحيت جموع الخلق

قبضوا علي الشمس بأديهم و قالوا لاء

من المستحيل يفرطوا عقد الوطن تاني

و الكدب تاني م المستحيل يلبس قناع الحق


بكل حب الحياة خوض في دم اخوك

قول انت مين؟؟

للي باعوا حلمنا .. باعوك .. اهانوك

و ذلوك .. و لعبوا قمار باحلامك

نيران هتافك تحرك ضحدك الممسوك



يرجعلها صوتها مصر

تعود ملامحها

تاخد مكانها القديم

و الكون يصالحها



عشرات سنين

تسكنوا بالكدب في عروقنا

و الدنيا متقدمة و مصر مطرحها



كتبتوا اول سطور في صفحة الثورة

و هما علما و خبرا مزاورة و مناورة

وقعتوا فرعون هرب من قلب تمثاله

لكن جيوشه ما زالوا يحلموا ببكره



صباح حقيقي

و درس جديد اوي في الرفض

اتاري للشمس صوت

و اتاري للارض نبض


تاني معاكم رجعنا نحب كلمة مصر

تاني معاكم رجعنا نحب ضحكة بعض


مين كان يقول ابننا يطلع بنا م النفق

دي صرخة ولا غنا ؟؟ و دا دم ولا شفق؟؟

اتاريها حاجة بسيطة الثورة يا اخواننا

مين اللي شافها كدا

مين اول من بدا


مش دول شبابنا اللي قالوا كرهوا اوطناهم

و لبسنا توب الحداد و بعدنا اوي عنهم

هما اللي قاموا انهاردة يشعلوا الثورة

و يصنفوا الخلق مين عانهم و مين خانهم


يادي الميدان اللي حضن الفكرة و سهرها

يادي الميدان اللي فتن الخلق و سحرها

يادي الميدان اللي غاب اسمه كتير عنو

و صبرها مابين عباد عاشقة و عباد كارهة

شباب كان الميدان اهله و عنوانه

و لا في الميدان نسكافيه و لا كابتشينو

خدوده عرفوا جمال النومة ع الاسفلت

و الموت عارفهم اوي و هما عارفينوا

لا الظلم هين يا ناس

و لا الشباب قاصر

مهما حاصرتوا الميدان عمره ما يتحاصر



فكرتني يا الميدان بزمان و سحر زمان

فكرتني باغلي ايام في زمن ناصر

شايل حياتك علي كفك

صغير السن .. ليل بعد يوم المعاناة و انت مش بتأن

جمل المحامل و انت غض

بتعجب امتي عرفت النضال

اسمحلي

حاجة تجن


اتاريك جميل يا وطن

مازلت و حتبقى

زال الضباب و انفجرت بأعلي صوت

لاءءءءءءءءءءا

حركتنا نبتسم و دفعت انت الحساب

و بنبتسم بس بسمة طالعة بمشقة



فينك يا صبح الكرامة

الا البشر هانوا و اهل مصر الاصيلة اتهانوا و اتخانوا

بنشتري العزة تاني

و الوطن غالي

فتح الوطن للجميع قلبه و احضانه


الثورة فيض الامل

و غنوة الثوار

الليل اذا خانوا لونه يتقلب للعار

ضج الضجيج بالندا

اصحى يا فجر الناس

فينك يا صوت الغلابة و ضحكة الانفار

و احنا وراهم اساتذة خايبة

نتعلم ازاي نحب الوطن و امتي نتكلم


طال الصدا قلبنا و يأسنا من فتحه

قلب الوطن قبلكم كان خاوي و مضلم

اولنا في الجولة

لسه جوله ورا جولة

دا سوس بينخر يا بويا في جسد دولة

ايوا الملك صار كتابة

انما لو غفلت عينا لحظة

حيقلبوا العملة


لكن خوفي مازال جوا الفؤاد يكبش

خوفي اللي ساكن شقوق القلب و معشش

يقولي مش راح يسيبوا و لسه حيقبوا

و حيلاقولهم سكك و بيبان ماتتردش

و حاسبوا اوي م الديابة اللي ف وسطيكم

و الا تبقي الخيانة منكم فيكم

الضحكة ع البوووء

بس الرك ع النيات

فيهم عدوين اشد من اللي حواليكم
الأبنودى

أكبر دليل على أن هؤلاء لايمثلون الشعب

أن الحياة عادت كطبيعتها

وعاد العمال لعملهم رغم إعلانهم للعصيان المدنى

أليس هذه دعوة للإستقرار

كل فرد فى الميدان يتقدم الأن بمطالب خاصة لشخصه

ويصرون على البقاء فى الميدان حتى تتحقق

بل والأعجب بأنهم لايسمحون لأحد بالحديث عنهم ويصر كل فرد على أن يتقدم بها بنفسه

وعليك أن تتصور هدفهم من إطالة الوقت

هل تظن إنه لصالح مصر والمصريين وأمن البلاد ؟!!!!!!!!!!!

لاننكر مافعله أبطال 25يناير ولكننا نرفض خطفه لمطالب فئات لاترجو لهذا الوطن خيرا