أنا كنت زى كتير مننا مش فاهمة الحقيقة من كتر الآراء والأكاذيب الكتيييييييييييير اللى حوالينا
لكن سالت ناس اكبر منى ودورت على حاجات فى النت . مصر غالية علينا كلنا حافظوا عليها .
احنا حاليا بنحارب مين ؟ إحنا عارفين كويس ان فى مطامع خارجية فى بلدنا وفى كمان مطامع داخلية واغراض لفئة معينة جوة بلدنا .

طيب نفصص الموضوع بقى لانه كبيييييييييييييير

امبارح قبضوا على مهندس اسرائيلى فى السويس عارفين يعنى ايه ؟
ادى عدو من اعدائنا

وامريكا طبعا ادى كمان عدو

وفى اعداء تانى حتى لو مكنتش لماهم كلهم ومنهم الاعلام الخارجى الفاسد :

كشفت وثائق خطيرة سربها موقع "ويكيليكس" أن لقاءً سرياً جمع بين الشيخ حمد بن جاسم وزير الخارجية القطرى ومسئول إسرائيلى نافذ فى السلطة، وكشف فيه الشيخ جاسم للمسئول الإسرائيلى أن الدوحة تتبنى خطة لضرب استقرار مصر بعنف، وأن "قناة الجزيرة" ستلعب الدور المحورى لتنفيذ هذه الخطة، عن طريق اللعب بمشاعر المصريين لإحداث هذه الفوضى.


كان "ويكيليكس" قد أشار إلى أن لديه 7 وثائق عن قطر، نشر منها 5 وثائق، وحجب وثيقتين بعد تفاوض قطر مع إدارة الموقع الذى طلب مبالغ ضخمة حتى لا يتم النشر لما تحويه من معلومات خطيرة عن لقاءات مع مسئولين إسرائيليين وأمريكان وأن هذه اللقاءات كلها للتحريض ضد مصر.

وعلى الرغم من أن الموقع التزم بسريه الوثيقتين بعد أن حصل على الثمن من القطريين، إلا أنه تم تسريبها إلى عدد من وسائل الإعلام، أهمها جريدة الجارديان والتى نشرت نصهما على موقعها وشملت ضمن محتواها تحليل السفارة الأمريكية لموقع قناة الجزيرة على خريطة التحرك السياسى لقطر، ودورها فى رسم ملامح سياسة قطر الخارجية.
وأكدت الوثيقتين أن وزير الخارجية القطرى الشيخ جاسم وعدد من المسئولين الإسرائيليين والأمريكان أنه بمجرد خروج المصريين إلى الشارع فإنه سيكلف قناة الجزيرة ببث كل ما يزكى إشعال الفتنه فى الشارع ليس فقط بين المصريين والنظام ولكن بين المصريين بعضهم البعض.




بصوا يا جماعة حواليكوا شوفوا ايه اللى حصل بعد يوم 25 كان فى حاجات منظمة حصلت مرة وحدة
مين فتح السجون ؟ هتقولوا الشرطة لا مش الشرطة لان الشرطة دول مننا وفى منهم مات وهو بيدافع عن البلد ومرضيش يطلع المساجين زى اللواء بطران وفى ظباط اتقتلوا تانى غيرة و فى مصابين منهم فبلاش نخبط فى بعض واللى ليه مصلحة يلعب على وتر الشرطة ونخبط فى بعض مش وقته خالص ندخلة بينا . الحساب بعد ما بلدنا تخلص من اعدائها اللى برة وجوة نبقى نتحاسب (ونشوف اللى كان فاسد من نظام الشرطة زى ما برضوا لازم نحاسب كل فاسد فى اى نظام تانى ) .
ناس تبع الإخوان ليهم مصالح يطلعوا المساجين بتوعهم وبالمرة يطلعوا المساجين التانيين ليه ؟ عشان الفوضى تعم البلد والسرقة والخراب ولان الإخوان عازيين يمسكوا الحكم وكلنا عارفين دة . الاخوان عايزين يمسكوا البلد ولو مسكوها هيخربوها وعاملين اللى بيحصل دة فرض عين على كل مسلم ( حسبى الله ونعم الوكيل ) ورفضوا الحوار مع الحكومة .


الناس اللى بتخرب واللى بتحرق واللى عملوا الفساد دول ناس تبع تنظيم يهمة وقوع البلد دى وفى ناس مجندينها يا جماعة سواء مصريين او فلسطينيين واكيد الناس دى ليها مصالح مع المنظمات دى سواء فلوس او وعود تانية


من مصلحة مين الخراب دة السياحة اضربت وعدد البطالة زااااااااد والبورصة فى النازل وفى قوى من برة عمالة تضغط وتقول عدلوا الدستور( بريطانيا وايطاليا واسبانيا والمانيا )
الناس اللى بتضرب المعتصمين والمعتصمين نفسهم اللى بيخربوا دول مش شعب مصر الطيب اللى طلع ينادى بحقوقة فى سلام دول جايين يخربوها
لازم نهدى شوية عشان مندهمشى فرصة يدمروها لازم ننفصل عنهم ونصبر الست شهور دول .ومنضيعش المطالبة بحقوقنا بشكل سلمى ونطلع بالشكل الهمجى دة .
الريس طلع واتكلم ولبا المطالب ونائب الرئيس طلع انهاردة واتكلم وقالوا محتاجين وقت يا نااااااااس عشان نغير

ليه ميتنحاش الريس دلوقتى ؟ يا جماعة لو اتنحى الريس دلوقتى يبقى ازاى هنعدل الدستور ، دة زائد ان البلد هتخرب اكتر وكل اللى ليه مطمع فى السلطة او فى مصر هيدخل ويتكلم ( اللى جوة مصر بحجة انوا هيحافظ عليها واللى برة مصر بحجة حفظ السلام والجو دة )

الريس كان فى ناس حواليه فاسدين؟ ايوة كان فى
هو نفسة عمل فساد ؟ ايوة عمل
لكن متنكروش انوا مدخلكوش حرب لمدة 30 سنة
متنكروش انة مستحمل دلوقتى ومهربش انا مش بدافع
عارفين لو هرب هيحصل ايه الدنيا هتبووووووووووووووظ
مين قال ان الناس هيسكتوا لو هو مشى
لاه هيقولوا مش عايزين الحكومة دى وكل واحد يقول بمزاجة
والاخوان وغير الاخوان مستينينها اصلا والدنيا هتخرب
دلوقتى المفروض نستى الست شهور دول ونبقى مع مصلحة بلدنا وبعد كدة نحل مشاكلنا
يعنى قعدتوا 30 سنة والست شهور دول اللى هما خلاص مش قادرين عليهم عشان مصلحة بلدكوا
واللى بيقولوا مش مصدقين انه هيمشى ابقوا اطلعوا تانى لو ممشيش واللى طلع مرة يطلع التانية ومعتقدش فى حاجة هتقدر توقفكوا حتى لو كان زى مافى ناس بتقول هتدوهم فرصة يجهزوا نفسهم
يجهزوا نفسهم ادام مين ؟ ادام شعب كامل ؟ ازاى طيب ؟

وبالنسبة للمطالب المطالب بدات تتحقق والباقى هيجى بس الصبر مينفعش التغيير كله مرة وحدة

يا ناااااااااس فى اعداااااااااااااء كتيييييييير لمصر وعيزاها تقع وانتوا عارفين كويس الاعداء ويا ريت تكونوا سمعتوا البنت اللى جت امبارح على المحور اللى اتكلمت عن قلب النظام ( فى ناس بتقول البرنامج مفبركها طب هفترض كدة طيب هى مش كلامها عقلانى ؟ مش دة اللى حصل فى بلدنا خراب ودمار وضياع امن وتكالب قوى خارجية عليها بس مستنينها تكمل خراب وتبقى جاهزة ليهم ؟ مش دة اللى بيحصل عشان يوقعوا بلد امال يوقعوها ازاى ؟ )

بس كفاية حرااااااااااااااااااام الفتنة دى


ماذا بعد رحيل صدام حسين ؟ هل تحرر العراق فعلاً ؟ هل شاهدنا عراق جديداً عامراً ؟ لم نشاهد في العراق الآن سوى شعباً يقطع في بعضه ،

شوفوا الشيخ خالد الجندى وهو بيتكلم عن الفتنة اللى حاصلة وفكروا بعقولكوا يا بشر .


http://www.youtube.com/watch?v=ok5aet5IQd0


عشان خاطر بلدنا
تفضل بأمان سيبوا ميدان التحرير ومتنزلوش مظاهرات البلد مش مستحملة و
الجمعة
تروح نتبرع بالدم لكل
الأبرياء من المتظاهرين ومن
رجال الشرطة ومن المواطنين
المسالمين اللي لم يشاركوا
فى أي شئ وكل ذنبهم أنهم
حاولوا يحموا بيوتهم ومحلات
أكل عيشهم
ولنسميها جمعة
الإستقرااااااار
حافظوا على بلادنا اللى
بيحسدونا عليها و هيفضلوا
بإذن الله

يارب إجعل بلدى آمناً

قمة الغباء أن تغرق ( السفينة ) لكى تقتل ( القبطان ) فقط .

قال الله تعالى ( وَإِذْ يَمْكُرُ بِكَ الَّذِينَ كَفَرُواْ لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ )
سيقف شباب مصر الشرفاء أمام هذا الطوفان وسيسقط فيه كل مدبر ومكيد إن شاء الله

قمة الغباء أن تغرق ( السفينة ) لكى تقتل ( القبطان ) فقط .

واذا كان القبطان عايز يموت ويموت اللي معاه علشان يفضل قبطان طول عمره...

واذا كان القبطان عايز يموت ويموت اللي معاه علشان يفضل قبطان طول عمره...

احمدوا ربنا انه مخدش فلوس وهرب وكان ساب البلد تغرق لوحدها دة هو بيحاول ينقذها مش يغرقها ، هو مش هيعيش اد اللى عاشة وبعدين دة مش وقت هو كويس ولا لاه دلوقتى المهم الوضع اللى موجود والدمار اللى بيحصل يقف وبعد كدة يمشى .

تشويه صوره المنافس واتهامه بالعماله لعبه قديمه عاوز اقول للشخص اللى مجند نفسه للهجوم على القنوات الحره مش قنوات الهشك بشك وقنوات تأليه النظام اتق الله الذى سيحاسبك على كل كلمه تقولها الدنيا فانيه وهناك فى الاخره عند قنطره المظالم كل واحد سيأخذ حقه من الذى ظلمه او ساعد الظالم على ظلمه ربنا حاسب فرعون وهامان وجنودهما وليس فرعون وحده يوم القيامه لن ينفعك الا عملك انت حر انت تؤيد هذا او تعارض ذاك لكن لاتشوه صوره الاحرار بدل ان تتكلم عن البلطجيه اللى قتلوا الشباب المسالم فى ميدان التحرير تتكلم عن القنوات الشريفه
التى تدافع عن حقهم؟ شوف قنوات الكذب بتاعتك اللى عامله غسيل مخ لشباب مغيب عن الوعى لذلك ليس لها مصداقيه فى اى دوله فى العالم ولا احد يشاهدها الا ربات البيوت والسذج

تشويه صوره المنافس واتهامه بالعماله لعبه قديمه عاوز اقول للشخص اللى مجند نفسه للهجوم على القنوات الحره مش قنوات الهشك بشك وقنوات تأليه النظام اتق الله الذى سيحاسبك على كل كلمه تقولها الدنيا فانيه وهناك فى الاخره عند قنطره المظالم كل واحد سيأخذ حقه من الذى ظلمه او ساعد الظالم على ظلمه ربنا حاسب فرعون وهامان وجنودهما وليس فرعون وحده يوم القيامه لن ينفعك الا عملك انت حر انت تؤيد هذا او تعارض ذاك لكن لاتشوه صوره الاحرار بدل ان تتكلم عن البلطجيه اللى قتلوا الشباب المسالم فى ميدان التحرير تتكلم عن القنوات الشريفه
التى تدافع عن حقهم؟ شوف قنوات الكذب بتاعتك اللى عامله غسيل مخ لشباب مغيب عن الوعى لذلك ليس لها مصداقيه فى اى دوله فى العالم ولا احد يشاهدها الا ربات البيوت والسذج

حضرتك مفهتمتش وجه نظرى اللى فى الموضوع ، انا ولا بدافع عن قنوات ولا حاجة ولا بتهم شبابنا بالعمالة ولا مجندة ولا اى حاجة
انا متفقة مع اى حد ان الثورة قام بيها شباب مصر بس حضرتك المطالب اللى قام بيها الشباب مكنتش تغيير النظام و كانت مطالب لاى حد مصرى عايش هنا وعايز الاحوال تبقى احسن ، وربنا يرحم كل شهدائنا وينتقم من الناس اللى دخلوا خربوا وقتلوا

وجهة نظرى فى الموضوع ان الشباب ميطلعش تانى يوم الجمعة ( المقال كان قبل يوم الجمعة اللى فات ) وانهم يدوا فرصة للحكومة الجديدة والاعتصام يخلص ، وبقول ان فى ناس دخلت فى الثورة غير شبابنا وفى ناس ليها مصالح فدخلت سواء الناس دى من برة او من جوة ( ودة سمعتة من شباب كانوا موجودين يوم 25 و 27 وجابوهم فى برنامج ومش على التليفزيون المصرى لان التليفزيون المصرى بيذيع اللى هو عايزة ) و بقول ان فى ناس عندها مصلحة ان الناس تفضل معتصمة ومن وجهة نظرى ( اللى ممكن حضرتك تقبلها او لاه ) وبقول ان الناس اللى بتموت عددها هيزيد والفوضى اللى حصلت واللى عملها يفضل يعملها فبقول انهم يدوا فرصة للحكومة الجديدة وخصوصا ان المطالب الاولنية اللى قاموا عشانها اصلا الحكومة وعدت بتنفيذها . ، وان راس النظام يمشى فهو هيمشى برضوا . ولو متنفذتش المطال يبقى ساعتها مصر كلها المفروض تطلع مش هما بس .
نقطة اخيرة :
ربنا بيحاسب على النية و حضرتك مدخلتش جوة القلوب عشان تحكم عليا .

مع احترامي الشديد ليكي يا إسراء
نعم لم تكن مطالب الشعب في البداية تنحي الرئيس وكانت مظاهرة عادية مصرية تطالب ببعض الاصلاحات الاقتصادية والاجتماعية ،ولكن كيف قوبلت هذه المظاهرة؟؟
- انت عارفة كويس أنها قوبلت بالاستهزاء والتحقير من قبل رجال النظام بل وأطلقوا عليها اسم "مظاهرة الصبية"والأدهى من ذلك أنها قوبلت بمنتهى العنف؛ وانتي مصرية وعارفة أد إيه الشعب المصري طيب أد لكن برده عنيد.فتحولت المظاهرة من مظاهرة صبية كما أطلقوا عليها إلى ثورة غضب.
أقولك :تخيلي معايا لو كان في بداية المظاهرة يوم25 يناير الرئيس ظهر على الشاشة وأعلن إحترامه للمظاهرة وأبدى إعجابه بها ووعد بشوية إصلاحات اجتماعية (بس مش بالقطارة زي ماإحنا شايفين) وإقتصادية أو بعت مسئول للمتظاهرين في ميدان التحرير وقالهم كلمتين حلوين ووعدهم باصلاحات جديدة مش بذمتك كان الموضوع إتلم.