هو سؤال : مصر تهمك ولا لاء ؟! [الأرشيف] - بوابة الثانوية العامة المصرية

مشاهدة النسخة كاملة : هو سؤال : مصر تهمك ولا لاء ؟!

نقاء الروح

04-02-2011, 11:18 AM

السلام عليكم ورحمة الله وبركاته

مش هتكلم فالسياسة واقول وطني وفتنة ولا حتى الرئيس مبارك

هو سؤال واحد : مصر تهمك ولا لاء ؟؟
لو تهمك خليك فبيتك

لو مش تهمك فأرجو انك تخرج منها خالص لأنها تهمنا اوي

لان الموضوع خرج عن كونه مطالبة او حقوق

ونرجو من رجال الدين فالجمهورية كلها جعل الخطبة عن نعمة الامن والامان
وربنا يعدي اليوم على خير ..

التوأمان

04-02-2011, 11:21 AM

(( أريــ الفـردوس الأعلى ــد ))

04-02-2011, 11:22 AM

وعليكـم السلام ورحمة الله وبركـاتة..
خيـر بأذن المولى يا نقـاء وان شاء الله بأذن الله الأزمـة دية هتنتهي علـى خير ...
وربنــا يهدي قلوب الناس ويحنن قلوبهـم على بعض وتأثر خطبة الشيخ محمد حسان فيـهم أنا عندي امـل كبير في الله ثـم هذا الشيخ .. وكـــلام الله له تأثير كبير في القلوب فاللهم أهديهم يـارب العالمين ../وربنا يسترهــا علينا يارب,,

نقاء الروح

04-02-2011, 11:23 AM

طبعا تهمنا كلنا بس ياترى انتى مصريه زينا .

عذرا ولكن لن ارد على هكذا سؤال ..
سامحكِ الله ..

التوأمان

04-02-2011, 11:25 AM

عذرا ولكن لن ارد على هكذا سؤال ..
سامحكِ الله ..

عموما سواء كنتى مصريه ام لا فكلنا عرب و اخوه فى الله .

عاشق البلانكو الابيض

04-02-2011, 11:29 AM

مصر اهم من اى رئيس تدافعون عنه

نقاء الروح

04-02-2011, 11:32 AM

عموما سواء كنتى مصريه ام لا فكلنا عرب و اخوه فى الله .

هو سؤال : هل فيه اخبار حصرية ان نقاء الروح ليست مصرية ؟؟:d
عموما ليس هذا وقت لمثل هذه الامور
لكن من يعرفني جيدا هيرد عليكِ ..

نقاء الروح

04-02-2011, 11:33 AM

التوأمان

04-02-2011, 11:35 AM

هو سؤال : هل فيه اخبار حصرية ان نقاء الروح ليست مصرية ؟؟:d
عموما ليس هذا وقت لمثل هذه الامور

لكن من يعرفني جيدا هيرد عليكِ ..

و الله الى يعرفك جيدا هو الذى اخبرنى بتلك المعلومه يا دكتوره .

نقاء الروح

04-02-2011, 11:36 AM

مصر اهم من اى رئيس تدافعون عنه

اكيد مصر اولا ..
شكرا لحضرتك ..
وربنا يعدي الازمة على خير ..

ملحوظة : انا لا أويد او اعارض ^_^
فالرئيس راحل راحل سواء الان او بعد حين
لكن مصر باقية !

التوأمان

04-02-2011, 11:36 AM

هو سؤال : هل فيه اخبار حصرية ان نقاء الروح ليست مصرية ؟؟:d

نعم فى اخبار حصريه

CAMELA

04-02-2011, 11:41 AM

يا جماعه افيقوا قبل ان نرى مصر عراقا او سودانا آخر
المخطط ده انا اسمع عنه من زمان
عراق
سودان
مصر
تخيلوا وضع مصر بدون رئيس واختلاف الاحزاب فيم بينهم على السلطه
الا يدعو هذا لتدخل خارجى لحماية امن اسرائيل وحماية المصريين
انا ارى ان هناك مخطط تقوده الفضائيات لفتنة الشعب
نحن نعمل الآن بقلب يقوده الحماس لصالح بلادنا وللتغيير
لكن اعداءنا يستغلون الموقف لبث الفتن فى المجتمع المصر
ما رايناه من تقاتل بين فئتين مؤيد ومعارض هذا فقط نقطة انطلاق
وما سيأتى سيكون فظييييييييييييييييييييييع
اختلاف احزاب وتصارع على السلطة وضياع
الى كل من يعرف احد فى هذه المظاهرات ارجوكم اقنعوهم
اعملوا عقولكم قلا ان ياتى اليوم الذى نبكى فيه على اللبن المسكوب
قسما برب العزة انا لا انتمى لاى حزب ولا انتمى الا لوطنى الغالى وما دفعنى لكتابة هذا هو خوفى على مصر
انقذوها
انقذوها
انقذوها
امامنا شهور وان لم تجب مطالبنا نخرج مرة واثنين والف
اما الان الوضع حرج جدااااااااااااااااااااااااا
اسمع عن حملات تدريبيه كانت تدار لشباب مصر فى امريكا
ومحطات تليفزيونيه تبث فى المتظاهريم ما عساهم ان يقولوا
ورجال ونساء عبر الفضائيات يطالبون بتدخل المجتمع الخارجى
اخوانى وابناء وطنى
افيقوا وافتحوا عيونكم وقلوبكم على مصر
نصبر كام شهر افضل من ان نبكى عصور
كفى مصر احتلال ودمار
اذا لم تستطيعوا عمل شىء فلنبدأ فى الاستغفار عسى ان يرحمنا الله ويقينا الفتن
اللهم اردد كيد اعداء مصر الى نحورهم واجعل تدبيرهم فى تدميرهم
بسم الله الرحمن الرحيم
وما كان الله ليعذبهم وانت فيهم وما كان الله معذبهم وهم يستغفرون
صدق الله العظيم

emeymohmed

04-02-2011, 11:53 AM

طبعا مصر تهمنا كلنا
وانا مصـــــريه وبحب مصـــــــر جدا
والمفروض اى حد يكون بيحب مصر ميطلعش فمظاهرات
طالما اللى احنا عاوزينوا حصل خلاص
ندى الفرصه للحكومه الجديدة تعمل حاجه وبعدين نبقى نتظاهر تانى
هو انا عندى ســــــــؤال اللى عاوز الرئيس يمشى مفكرش ايه اللى ممكن يحصل بعد كده
يا جماعة احنا صبرنا 30 سنة مش قادرين نصبر عليهم كام شهر كمان
والرئيس قال انه مش حينزل انتخابات تاااااااااااااااااااانى

نقاء الروح

04-02-2011, 11:54 AM

سويتى سوسو

04-02-2011, 12:28 PM

أيوا تهمنى

وبحب بلدى أوى
وعلشان بحبها

نفسى النظام الفاسد ده يرحل

كله بيقول تخيلوا مصر من غير رئيس
هيكون مصيرها زى العراق

طيب تخيلوا انتو ان الريس دا مااااااااات(يارب يارب):d ولا هو مش بشر زينا !!
ياترى بردوا هيكون مصيرنا زى العراق
ولا وقتها
هينوب عنه نائب لغاية منعمل انتخابات (مش مزوره)

ليه عاوزينه يفضل
بعد ما مات كتير مننا

ليه هو ماسك فى الكرسى مش عاوز يسيبه!
هى الرياسه بالعافيه!!:stickjo4:
ولا هو فعلا خايف على مصر؟؟!
لو كان خايف عليها
ماكنش سمح للفساد ينتشر فيها 30 سنه

كفايه بئى حرااااام 30 سنه عايشين فى ذل
الشعب تعب وزهق

وبعدين هايعمل ايه الريس فى الفتره دى

والله لو سكتنا
ورجعنا بيوتنا
ليرجع تانى الفساد

والناس اللى طلعوا المظاهرات دى
مش هايتسابوا فى حالهم :giljotiiniug3:

انا مانكرش ان الريس كسب تعاطفنا فى خطبته (بيتمسكن لحد ما يتمكن)
لكن هو هد كله ده
لما جم انصاره اللى هم من امن الدوله والشرطه
وشوية ناس من المناطق العشوائيه والكبارى
جايين بسنج ومطاوى لمينهم على حصنه وعربيات كارو
علشان يهجموا علينا
مع ان قبلها بيوم كنا بنتفتش قبل ما ندخل
لكن سبحان الله سامحولهم يدخلوا بكل ده!!

وليه جم الميدان بالتحديد
ما البلد واسعه

ما تقولو رائيوكو فى مكان تانى !!!
علشان دا كله مؤامره

وعاوزه اقول ان مافيش مطالب اتحققت

اولا اول مطلب كان اسقاط الفرعون الفاسد عميل الامريكان اللامبارك
ثانيا الحكومه اللى اتشكلت دى فااااااااااااااااسده
واكبر دليل

كان فين وزير الداخليه الجديد
محمود وجدى
لما حصل الاشتباك فى ميدان التحرير
كان فين !!؟
كان فين لما عربية الشرطه
تمشى باقصى سرعه
وتدوس على الشعب

كل اللى عامله
غير الشعار
الشرطه فى ضرب الشعب
أقصد الشرطه فى خدمة الشعب

30سنه عايشين فى شعارات ووعود كدابه

وكلام سليمان وشفيق كله
سوف يتم التحقق سوف يحاسب المسئول !!!!!!!!!!!!!
بجد ناس مستفزه
ربنا ينتقم منهم يارب

عجبتنى أوى كلمة سليمان
لما قال ان كلمة الرحيل دى
مش من سمات الشعب المصرى

هما خلاص اتعودوا مننا
(علشان نعلى ونعلى ونعلى لازم نطاطى نطاطى نطاطى )!!!!

بجد ربنا مع الشباب
ربنا يحميهم
هما فعلا فى جهاد زى ما قال الشيخ القرضاوى

اللهم ثبتهم اللهم ثبتهم اللهم ثبتهم

انا مش من الاخوان ولا تبع اى حزب
انا مصريه وبحب بلدى

بس عاوزه أقول حاجه
طبعا كلنا عارفين ان مبارك صاحب الضربه الجويه الأولى فى حرب اكتوبر
ودا انجاز عظيم

بس على فكره

احنا ما كنش بنحارب بطياره واحده!!!:006et4:

amira elnaggar

04-02-2011, 12:29 PM

لو خرجو هيبقى دة الحل علشان السلطة المصرية تعرف ان الكثير يريدون اسقاط الرئيس

التوأمان

04-02-2011, 12:31 PM

أيوا تهمنى

وبحب بلدى أوى
وعلشان بحبها

نفسى النظام الفاسد ده يرحل

كله بيقول تخيلوا مصر من غير رئيس
هيكون مصيرها زى العراق

طيب تخيلوا انتو ان الريس دا مااااااااات(يارب يارب) ولا هو مش بشر زينا !!
ياترى بردوا هيكون مصيرنا زى العراق
ولا وقتها
هينوب عنه نائب لغاية منعمل انتخابات (مش مزوره)

ليه عاوزينه يفضل
بعد ما مات كتير مننا

ليه هو ماسك فى الكرسى مش عاوز يسيبه!
هى الرياسه بالعافيه!!
ولا هو فعلا خايف على مصر؟؟!
لو كان خايف عليها
ماكنش سمح للفساد ينتشر فيها 30 سنه

30 سنه عايشين فى ذل
كفايه بئى حرااااام
الشعب تعب وزهق

وبعدين هايعمل ايه الريس فى الفتره دى

والله لو سكتنا
ورجعنا بيوتنا
ليرجع تانى الفساد

والناس اللى طلعوا المظاهرات دى
مش هايتسابوا فى حالهم

انا مانكرش ان الريس كسب تعاطفنا فى خطبته (بيتمسكن لحد ما يتمكن)
لكن هو هد كله ده
لما جم انصاره اللى هم من امن الدوله والشرطه
وشوية ناس من المناطق العشوائيه والكبارى
جايين بسنج ومطاوى لمينهم على حصنه وعربيات كارو
علشان يهجموا علينا
مع ان قبلها بيوم كنا بنتفتش قبل ما ندخل
لكن سبحان الله سامحولهم يدخلوا بكل ده!!

وليه جم الميدان بالتحديد
ما البلد واسعه

ما تقولو رائيوكو فى مكان تانى !!!
علشان دا كله مؤامره

وعاوزه اقول ان مافيش مطالب اتحققت

اولا اول مطلب كان اسقاط الفرعون الفاسد عميل الامريكان اللامبارك
ثانيا الحكومه اللى اتشكلت دى فااااااااااااااااسده
واكبر دليل

كان فين وزير الداخليه الجديد
محمود وجدى
لما حصل الاشتباك فى ميدان التحرير
كان فين !!؟
كان فين لما عربية الشرطه
تمشى باقصى سرعه
وتدوس على الشعب

كل اللى عامله
غير الشعار
الشرطه فى ضرب الشعب
أقصد الشرطه فى خدمة الشعب

30سنه عايشين فى شعارات ووعود كدابه

وكلام سليمان وشفيق كله
سوف يتم التحقق سوف يحاسب المسئول !!!!!!!!!!!!!
بجد ناس مستفزه
ربنا ينتقم منهم يارب

عجبتنى أوى كلمة سليمان
لما قال ان كلمة الرحيل دى
مش من سمات الشعب المصرى

هما خلاص اتعودوا مننا
(علشان نعلى ونعلى ونعلى لازم نطاطى نطاطى نطاطى )!!!!

بجد ربنا مع الشباب
ربنا يحميهم
هما فعلا فى جهاد زى ما قال الشيخ القرضاوى

اللهم ثبتهم اللهم ثبتهم اللهم ثبتهم

انا مش من الاخوان ولا تبع اى حزب
انا مصريه وبحب بلدى

بجد انتى ميه ميه و انا معاكى فى الراى

نقاء الروح

04-02-2011, 01:19 PM

نقاء الروح

04-02-2011, 01:25 PM

العضوتان العزيزتان : سويتي سوسو ، وأميرة

لن اجادل .. ففي نظري لا وقت له الان ..
لكن هقول حاجة وحدة بس :
مين اهم دلوقتي مصر ولا شخص هيرحل بعد كم شهر ؟؟
وهل تحبو يتكتب فالتاريخ : " وقد قامت الولايات المتحدة الامريكية بخلع الرئيس مبارك من حكمه ؟ "
فياريت نتروى قليلا ..
والاعضاء الكرام جزاهم الله خيرا اتكلموا فالمووضوع ده كتير

نورتوني ..
وكشف الله الغمة ..

صوت العقل

04-02-2011, 02:12 PM

fatakat400

04-02-2011, 02:23 PM

جزاك الله خيرا يا نقاء
اتفق معك فالراى

amira elnaggar

04-02-2011, 03:03 PM

نقاء الروح

04-02-2011, 03:16 PM

طبعااااااا نقاء كلامك صح
المفروض دلوقتى ندور على الامن
والامان اللى هرب من النفوس والبيوت
ومش هيكون صح لو حصل زى ما حصل
اول امبارح مع العدد الكبير من الشباب
على فكرة اللى بيتكلم عن عدم وجودهم فى التحرير
مش بيدافع عن النظام او غيره زى ما انتم فاكرين ده
خوف وحرص على الجميع... ثم اتمنى ان يكون فيه
تقبل لوجهات النظر الاخرى ... احنا فى النهاية اخوة
ولازم نلتزم باداب الحوار............

مرسي لكلامك ياقمر ..
وربنا يستر والدنيا تهدى
شكرا لمرورك ..

جزاك الله خيرا يا نقاء
اتفق معك فالراى

جزاني وإياكي حبيبتي ..
شكرا لمرورك ..
وربنا يكشف الغمة ويفرج همومنا ..

نقاء الروح

04-02-2011, 03:18 PM

والله انا مع ان الرئيس يفضل الشوية دول لكن البلطجية الى نزلو المظاهرات دى مش معقولة

الكل مستاء منهم والله
ومش راضيين على ال حصل لاخوتنا واهلنا ..
لكن دلوقتي مصر ممكن تضيع منا ..
ربنا يهدي الجميع ويحفظهم ..
والموضوع ينتهي ونخلص !
شكرا ليكِ ياقمر ..
نورتي

amira elnaggar

06-02-2011, 01:15 PM

الكل مستاء منهم والله
ومش راضيين على ال حصل لاخوتنا واهلنا ..
لكن دلوقتي مصر ممكن تضيع منا ..
ربنا يهدي الجميع ويحفظهم ..
والموضوع ينتهي ونخلص !
شكرا ليكِ ياقمر ..
نورتي

كدة هتبقى نص ثورة وبكدة كل الى اتحقق هيرجع يسوء تانى والناس الشهداء الى ماتوا دمهم هيروح هباءا

نقاء الروح

06-02-2011, 07:14 PM

كدة هتبقى نص ثورة وبكدة كل الى اتحقق هيرجع يسوء تانى والناس الشهداء الى ماتوا دمهم هيروح هباءا

يعني هنقعد لحد امتى طيب ؟
خلينا نديهم فرصة ..
ولو مش نفذوا ال احنا عاوزينو التحرير موجود
واحنا والشعب كله هينزل ومحدش هيرضى سعتها بده
بس دلوقتي عشان هما يرتاحوا والناس ترتاح ..
وفالنهاية ربنا يختار الصالح لينا كلنا ..