انا مش ضد المظاهرات السلمية
بس ضد ان الشعب يكون السبب الاول في التدخل الخارجي
...
عارفين سينايرو ما بعد مبارك هيكون ايه
خدو عندكو
1 - سقوط الحكومة المصرية ... و عدم القدرة علي السيطرة علي الموقف من جانب الحكومة
والشعب المصري يحتفل في كل مكان - وامريكا تهنئ الشعب المصري بعد معاناة دامت 30 عاما -
2 - تشكيل حكومة مؤقته و اجراء انتخابات بعد 30 يوما - وامريكا ترحب بالديموقراطية المصرية -
3 - مظاهرات رفض للحكومة المؤقته ومطالبات بأجراء انتخابات فورية - و امريكا تتابع الموقف -
4 - اقصاء جميع المرشحين ذوي العلاقة بجماعة الاخوان المحظورة - و امريكا تدعم الموقف -
5 - مظاهرات اعتراض علي استيعاد جماعة الاخوان و الجيش يتدخل - و امريكا تحذر من انفلات امني -
6 - تفجير بكنيسة العباسية و اصابع الاتهام تشير الي الاخوان المسلمين و تنظيم القاعدة - و امريكا تحذر من فتنة طائفية -
7 - الاف الاقباط يتظاهرون ويستنجدون بأمريكا لحمايتهم من تنظيم القاعدة
8 - امريكا تأسف علي الاوضاع في مصر وتدعو الجميع الي ضبط النفس
9 - اشتعال الفتنة الطائفية و اندلاع المعارك بين المسلمين و الاقباط
10 - مقتل 200 قبطي منذ اندلاع المعارك و الفاتيكان يطالب امريكا بالتدخل
11 - الكونجريس يمرر مشروع قانون يتيح ارسال قوات لحماية الاقباط في مصر
12 - امريكا ترسل قوات لحماية الاقباط في مصر
13 - انتو عارفين هيبقي ايه
---------------------------

بصراحه ان حاسس انى اشاهد مباراه بين فريقين
الفريق الاول:
الحزب الوطنى والاعلام المصرى المؤيد تماما للرئيس مبارك
والفريق التانى:
فريق الشباب المتظاهرين فى القاهره والمحافظات التانيه والذى يتكلم بلسان حاله القنوات الفضائيه زى الجزيره والحره والمستقله ولندن والحره وغيرهم
خطه الفريق الأول:
1- استخدام الاعلام فى اعطاء صوره عن المتظاهرين انهم اعداء الوطن وخونه وبينهم جماعات مندسه واسرائيلين وانهم مش عاوزين استقرار مصر وطبعا ده هيخلى الناس تكره المتظاهرين ولو ماتوا كلهم يبقى هم اللى يستاهلوا انهم بيعملوا الشغب ده
واعتقد ان التلفزيون المحلى فعلا نجح فى كده
2- قفل البنوك وتضييق الحياه على الناس لحد الناس ماتزهق من المتظاهرين وده اكيد هيحصل
3- المراهنه على عنصر الوقت هيسيبوهم فى الميدان لحد مايزهقوا ولن يستجيبوا لمطالبهم الاساسيه
4- تخويف الغرب من جماعه الاخوان المحظوره انها ممكن تمسك السلطه لو الرئيس ترك الحكم ولذلك كل السياسين الموالين للحكومه بيضغطوا على الحته دى ويقولوك ان الثوره دى بيحركها الاخوان اللى الاعلام مخوف كل الناس منهم تقوم الدول الاخرى تقف ضد مطالب المتظاهرين
4- عمل مظاهرات مضاده لمظاهرات الشباب
5- بث الاشاعات فى وسط المتظاهرين وعمل حرب نفسيه عليهم
6- بث الفرقه بين صفوف المعارضه والمعروف ان فرق تسد
وانا اعتقد ان الحزب الوطنى خطته نجحت تماما
خطه الفريق التانى:
1- التجمهر باعداد كبيره فى الميادين العامه وده بيجذب انتباه العالم الغربى
2- استخدام القنوات الفضائيه العالميه فى توصيل مطالبهم للعالم
((ده تحليلى للموقف ده واعتقد ان الفريق الاول هيكسب والنظام سيظل باقى ))

بارك الله فيك
استاذ احمد الديسطى
انا متخيل اللى حضرتك بتقوله
بس بدعى و بقول يارب مايوصلش الحال لكده





اما الاستاذ اسد السنه فبقول له الحمد لله احنا وصلنا لمستوى عالى جدا وحصلنا على تعهدات كتير جداا
مكنتش تحلم بيها ولا ربعها ولا عشرها قبل كده وكل ده بفضل الشباب اللى قام بهذه الثوره
ولكن مع ذلك الحكومه الجديده لا تماطل
هم الذين يماطلون
وانت عندك حق فى ان الحياه وقفت
لا
الصح ان الحياه تمشى وربنا يحلها من عنده
ياراجل داحنا وصلنا لمرحله كبيره جدا من التنازلات
حكومه اتغيرت
دستور هايتغير
ونتمنى ذلك من الله
عايزه فى اد ايه يخلص
دا انت عشان تدهن شقتك وتنظمها بتاخد وقت
الطمع يقل ما جمع يا سيدى الفاضل
الحياه لازم تستمر

كان لابد أن تكون الحكومة ائتلافية منها أعضاء نم الحزب الوطنى و المستقلين وباقى الاحزاب حتى نشعر بأن التغيير قادم

واضح انك اجهل من دابه عندما تستهين بدماء الشهداء اقعد فى بيتك مثل النساء