الى متى ستظل هذة الكوارث!!!؟؟؟ [الأرشيف] - بوابة الثانوية العامة المصرية

مشاهدة النسخة كاملة : الى متى ستظل هذة الكوارث!!!؟؟؟

fares elnet

04-11-2007, 12:53 PM

بسم الله الرحمن الرحيم

عزيزى القارى

الى متى سوف نظل هكذا فى بلدا نعيش فيها اغراب ؟

الى متى سوف نظل فى بلد نشعر بالوحدة ونحن وسط اهالينا ؟

الى متى سوف نحلم الاحلام الوردية ونصحو عندما نصتدم بالواقع

المرير؟

الى متى والى متى والى متى !!!!!

سؤال يطرح نفسه كل يوم وكل ساعة وكل دقيقة عندما نسمع

باحدى الكوارث

التى تحدث مع مافيا العصابات فى الهجرة غير الشرعية

فعندما يشب الفرد منا تقذف فى داخلة الهجرة الى اوروبا

وسرعان ما يوقع نفسه فى ايدى مافيا عصابات الهجرة

ويودى بحياته ثمنا غاليا فى جراء هذا الحلم الجميل

الا نرضى بالواقع ام هذا الحلم الذى لا ينتهى اصبح

واقع مرير يعيش فيه شبابنا ولا يتغير ابدا

ويدفعوا ثمنه غاليا احيانا وهو حياتهم

او ليس الله اوصانا بالحفاظ على انفسنا

وتوجد الايات الكثيرة والكثيرة التى تشير الى ذلك

والاحاديث النبويه التى تؤكد هذا

ولكن هيهات الى من نتكلم ومن سيسمع منا

واخر هذه الكوارث اخى القارى

التى حدثت يوم امس ماساة فجيعة على كل ام واب وكل اسرة

مصرية

فور اعلان الانباء الأولية حول حادث غرق عدد من المصريين امام

السواحل

الايطالية

هذه المأساة الانسانية التي وقعت نتيجة محاولات الهجرة غير

الشرعية الي

اوروبا.

حادث غرق نحو 24 مصريا في مياه البحر من اجمالي 184 شابا

حاولوا السفر

الي ايطاليا بشكل غير شرعي وكانوا في مركبين منفصلين

انطلقت احداهما من

مصر والاخري من ليبيا ولا يزال البحث متواصلا عن 125 اخرين

اعتبروا في عداد

المفقودين، بينما تم انقاذ حوالي 40 اخرين امام السواحل

الايطالية. وقال

الناجون في البداية انهم فلسطينيون او عراقيون ولا يحملون وثائق

سفر ولكن

السلطات القنصلية المصرية في ايطاليا تأكدت من انهم مصريون

دفع كل منهم

25 الف جنيه مصري لمنظمي هذه الرحلة المشئومة.

السلطات الايطالية اوضحت ان القارب الثاني مصري ويحمل اسم

الرزق علي

الله انه ابحر من ليبيا وعلي متنه مصريون يرغبون في الهجرة الي

اوروبا.

واعربت مصادر الشرطة الايطالية عن مخاوفها من احتمال ارتفاع

عدد ضحايا

الحادث الي اكثر من 140 شخصا.

وكانت قوات خفر السواحل الايطالية قد عثرت الاثنين الماضي امام

سواحل مدينة سيراكوزا

علي 24 جثة لمصريين غرقوا في مياه البحر بعد ان انقلبت بهم

عبارة. وقال رجال الأمن

الايطاليون ان هؤلاء الضحايا ربما تم اجبارهم علي القفز في مياه

البحر دون رحمة من قبل

عصابات تهريب البشر.

ويبقى السؤال الذى يطرح نفسه دائما هو

الى متى سوف نظل هكذا ؟

اللهم ارحمنا برحمتك وانت ارحم الراحمين

وفى الختام عزيزى القارى

ارجو ان تقرا الفاتحة على ارواح هؤلاء

الشباب

عسى ان يغفر الله لهم ويتولاهم برحمتة ويفرغ الصبر على

اسرهم

الهم امين يا رب العالمين

استودعكم الله الذى لاتضيع ودائعة

M I D O

04-11-2007, 01:15 PM

اسالتك فى مواضعيك كثير يا فندم

بس اسئلة محورية وجميلة

وطريقة منظمة فى الكتابة

واترك اجابة الاسئلة لقلبك الرقيق

ولكن اسال الله ان يعطينا الاجابات القيمة

والمباشرة

وشكراااااااااا

MohammeD el_SadaT

04-11-2007, 01:15 PM

مين السبب فى ده كله

؟؟؟؟؟

fares elnet

04-11-2007, 01:24 PM

اسالتك فى مواضعيك كثير يا فندم

بس اسئلة محورية وجميلة

وطريقة منظمة فى الكتابة

واترك اجابة الاسئلة لقلبك الرقيق

ولكن اسال الله ان يعطينا الاجابات القيمة

والمباشرة

وشكراااااااااا

شكرا يا ميدو على مرورك العطر

ولكن يبقى السؤال معنا بدون اجابة

fares elnet

04-11-2007, 01:26 PM

مين السبب فى ده كله

؟؟؟؟؟

شكرا ليك يا محمد على تواجدك

ومرورك بالموضوع

وفعلا ياريت نعرف مين السبب ؟؟؟؟

MohammeD el_SadaT

04-11-2007, 01:31 PM

الحكومه أكيد اللى هاضمه حق الشعب
لما الدكتور ولا المهندس يتعين 200 جنيه يبقى ايه
يبقى مصرى

لما المدرس ياخد 80 جنيه يبقى ايه يبقى مصرى

لما يهل عليك آخر الشهر وساعات نصه وتحط إيدك فى جيبكك
تلاقيه مخروم

تبقى إنت إيه تبقى مصرى

لو الناس دى خدت ربع حقها أكيد عمرها ما هتفارق حضنها

basmala

04-11-2007, 01:37 PM

***قل ولا تقل ***

قل كوارث ...ولا تقل كوارس

fares elnet

04-11-2007, 01:41 PM

الحكومه أكيد اللى هاضمه حق الشعب

لما الدكتور ولا المهندس يتعين 200 جنيه يبقى ايه
يبقى مصرى

لما المدرس ياخد 80 جنيه يبقى ايه يبقى مصرى

لما يهل عليك آخر الشهر وساعات نصه وتحط إيدك فى جيبكك
تلاقيه مخروم

تبقى إنت إيه تبقى مصرى

لو الناس دى خدت ربع حقها أكيد عمرها ما هتفارق حضنها

اكيد عنك حق

فى كل كلمة بس انا عاوز اعرف

ليه انا برمى نفسى فى النار وفى الاخر اقول هو قدرى كده

منى الشقية

04-11-2007, 01:41 PM

كوارث ولا يوجد من يمنعها
لان الشخص في بلدنا مهان
حسبي الله ونعم الوكيل في كل ظالم

fares elnet

04-11-2007, 01:43 PM

***قل ولا تقل ***

قل كوارث ...ولا تقل كوارس

يعنى هو ده اللى لفت نظر حضرتك فى الموضوع

على العموم شكرا وتم تصحيح الخطا الجسيم

fares elnet

04-11-2007, 01:45 PM

كوارث ولا يوجد من يمنعها
لان الشخص في بلدنا مهان
حسبي الله ونعم الوكيل في كل ظالم

فعلا حسبى الله ونعم الوكيل

وشكرا على مرورك العطر

MohammeD el_SadaT

04-11-2007, 01:46 PM

اكيد عنك حق

فى كل كلمة بس انا عاوز اعرف

ليه انا برمى نفسى فى النار وفى الاخر اقول هو قدرى كده

لأن النار هناك أهون من هنه كتير
يا أستاذى الفاضل تخيل نفسك كده خلصت دراسه بعد سنين عذاب وقضيت جيشك
وخلاص طالع للأحلام الورديه اللى ياما حلمت بيها سنين
وفجأه وبدون مقدمات
مفيش شغل مفيش فلوس
تبقى راجل كبير كده ومحترم ومستنى المصروف من ولدك
مع أول فرصه شرعيه أو غير شرعيه
بتسبها وتمشى وتضربها صرمه قديمه

يا جماعه إحنا الشباب فى خطر أبسط حقوقنا مش بنخدها

Taleba Me7tasa

04-11-2007, 02:28 PM

ربنا يرحمهم ويرحم امواتنا جميعا لكن بالنسبة لسؤال لحد امتى هيحصل كدة لحد ما حالنا يتعدل ونلاقي فرص عمل تكفي كل الشباب والناس كلها تبقى راضية باللي كتبهولها ربنا ولان دة عمره ما هيحصل فهيفضل االموضوع دة مستمر . شكرا استاذي الفاضل

fares elnet

04-11-2007, 02:43 PM

fares elnet

04-11-2007, 03:41 PM

لأن النار هناك أهون من هنه كتير

يا أستاذى الفاضل تخيل نفسك كده خلصت دراسه بعد سنين عذاب وقضيت جيشك
وخلاص طالع للأحلام الورديه اللى ياما حلمت بيها سنين
وفجأه وبدون مقدمات
مفيش شغل مفيش فلوس
تبقى راجل كبير كده ومحترم ومستنى المصروف من ولدك
مع أول فرصه شرعيه أو غير شرعيه
بتسبها وتمشى وتضربها صرمه قديمه

يا جماعه إحنا الشباب فى خطر أبسط حقوقنا مش بنخدها

انا معاك فى اللى بتقولة

وانا طبعا مريت بده فعلا

بس العملية زادت عن حدها كتير

المجاهد فى سبيل الله

04-11-2007, 03:57 PM

السلام عليكم ورحمة الله وبركاته
جزاك الله كل خير اخى حسام على طرح هذا الموضوع الذى ان يدل فلا يدل الا على احىم شببنا المنهاره
وطوحهم التى ذهبت مع مياه البحر ويا عالم اكلتها القروش كما سمعت ام ماذا
فعلا يا اخونا الحاجه فى هذا الزمن هيه التى تجبر الشباب ان تفعل اكثر من هذا وليس هذا فقط
تعمل ايه لما تكون شاب طولك اكتر من 186 سنتى وعرضك اكتر من 50 سنتى
وتقف قدام باباك وتقوله عايز مصروفى
تعمل ايه انت اكيد لازم تفكر فى الشغل
طب وتعمل ايه باه لو ملقتش شغل
ولو حظك حلوا اوى تلاقى شغل بعشره جنيه فى اليوم دا لو انته لقيته
تعمل ايه يعنى انته عايز مليوم سنه علشان تجيب شقه وتجيب اشيائها
وعقبال ما تفكر تدخل باه تكون بتموت
فا لازم وده الطبيعى اننا نسافر بره فعلا كما قيل نار هناك ولا نار هنا علشان هناك مش حتلاقى واحد جاهل يتحكم فيك
واحد متستنضفهوش يمسحلك جذمتك وتلقيه يضربك بالقلم ويعملك معمله زباله
دى بلدك للاسف
انا اسف على الاطاله بس بجد الواحد خلاص تعب اوى من الحال ده

صوت الحق

04-11-2007, 04:15 PM

بسم الله الرحمن الرحيم

عزيزى القارى

حادث غرق نحو 24 مصريا في مياه البحر من اجمالي 184 شابا

حاولوا السفر

الي ايطاليا

الناجون في البداية انهم فلسطينيون او عراقيون ولا يحملون وثائق

سفر ولكن

25 الف جنيه مصري لمنظمي هذه الرحلة المشئومة.

الى متى سوف نظل هكذا ؟

شكرا على الموضوع الجرئ وهذا المسلسل متكرر بصف شبه يومية
وعندما يذهب بيشتغل فى اى حاجة وفى بلدة عاوز يشتغل مدير عام
بيدفع هذا المبلغ والله لو عمل بية اى مشروع لستفاد وافاد وللاسف هذا المبلغ اغلبة بالدين
ياشبابنا فوقوا الصينيون يبحثون عن العمل فى مصر ويعملو واحنا قعدين نتفرج ونضحك
على العموم انا عملت موضوع بالمنتدى كيف نقضى على البطالة شوفو كام واحد اتكلم وقال ايه وشوف شباب الجامعة عملوا ايه وبيفكرو ازاى ( موضوع الجامعة باسم ابنتى )
http://www.freetalaba.com/board/index.php?showtopic=9304
اخطر مشكلة هى البطالة وهى من اهم اسباب المشاكل فى مصر عفوا انى اطلت شكرا اخى الفاضل

صوت الحق

04-11-2007, 04:16 PM

بسم الله الرحمن الرحيم

عزيزى القارى

حادث غرق نحو 24 مصريا في مياه البحر من اجمالي 184 شابا

حاولوا السفر

الي ايطاليا

الناجون في البداية انهم فلسطينيون او عراقيون ولا يحملون وثائق

سفر ولكن

25 الف جنيه مصري لمنظمي هذه الرحلة المشئومة.

الى متى سوف نظل هكذا ؟

شكرا على الموضوع الجرئ وهذا المسلسل متكرر بصفه شبه يومية
وعندما يذهب بيشتغل فى اى حاجة وفى بلدة عاوز يشتغل مدير عام
بيدفع هذا المبلغ والله لو عمل بية اى مشروع لستفاد وافاد وللاسف هذا المبلغ اغلبة بالدين
ياشبابنا فوقوا الصينيون يبحثون عن العمل فى مصر ويعملو واحنا قعدين نتفرج ونضحك
على العموم انا عملت موضوع بالمنتدى كيف نقضى على البطالة شوفو كام واحد اكلم وقال ايه وشوف شباب الجامعة عملوا ايه وبيفكرو ازاى ( موضوع الجامعه باسم ابنتى )
http://www.freetalaba.com/board/index.php?showtopic=9304
اخطر مشكلة هى البطالة وهى من اهم اسباب المشاكل فى مصر عفوا انى اطلت شكرا اخى الفاضل

fares elnet

04-11-2007, 05:12 PM

fares elnet

04-11-2007, 05:15 PM

شكرا على الموضوع الجرئ وهذا المسلسل متكرر بصفه شبه يومية
وعندما يذهب بيشتغل فى اى حاجة وفى بلدة عاوز يشتغل مدير عام
بيدفع هذا المبلغ والله لو عمل بية اى مشروع لستفاد وافاد وللاسف هذا المبلغ اغلبة بالدين
ياشبابنا فوقوا الصينيون يبحثون عن العمل فى مصر ويعملو واحنا قعدين نتفرج ونضحك
على العموم انا عملت موضوع بالمنتدى كيف نقضى على البطالة شوفو كام واحد اكلم وقال ايه وشوف شباب الجامعة عملوا ايه وبيفكرو ازاى ( موضوع الجامعه باسم ابنتى )
http://www.freetalaba.com/board/index.php?showtopic=9304
اخطر مشكلة هى البطالة وهى من اهم اسباب المشاكل فى مصر عفوا انى اطلت شكرا اخى الفاضل

شكرا استاذى العزيز والفاضل عصام

على مرورك الطيب وفعلا عندك حق

يا ما شوفنا فيه ناس بتكافح داخل البلد وعملوا نفسهم من لاشى

احمدمحمود

04-11-2007, 10:33 PM

يعنى هو ده اللى لفت نظر حضرتك فى الموضوع

على العموم شكرا وتم تصحيح الخطا الجسيم

الخطأ الاملائى ده لوحده كارثة

واسف على المداخلة

basmala

05-11-2007, 08:00 AM

الى متى ستظل هذة الكوارس!!!؟؟؟ (http://thanwya.com/vb/showthread.php?p=311864#post311864)
باحدى الكوارس
واخر هذه الكوارس اخى القارى

..........

basmala

05-11-2007, 08:05 AM

الى متى ستظل هذة الكوارس!!!؟؟؟ (http://thanwya.com/vb/showthread.php?p=311864#post311864)
باحدى الكوارس
واخر هذه الكوارس اخى القارى

بالنسبه للكوارث اللى فى مصر لا تعد ولا تحصى

..ده الواحد من كتر الزهق مش عارف يتكلم عناه او ملوش نفس

كفايه التعليم ..كفايه التخلف المنتشر ..كفايه السرقه ..ولا الشحاته..ولا النصب

ولا السواقين ...ولا المدرسين اللى معندهمش اى نوع من انواع الضمير ..ولا البايعين

الاستغلالين..ولا الشباب الضايعين ...ده كل كلمه ليها قصه ...

fares elnet

05-11-2007, 05:46 PM

الخطأ الاملائى ده لوحده كارثة

واسف على المداخلة

لا ولا يهمك حبيبى

اهم شى مرورك وتعقيبك الجميل

fares elnet

05-11-2007, 05:49 PM

بالنسبه للكوارث اللى فى مصر لا تعد ولا تحصى

..ده الواحد من كتر الزهق مش عارف يتكلم عناه او ملوش نفس

كفايه التعليم ..كفايه التخلف المنتشر ..كفايه السرقه ..ولا الشحاته..ولا النصب

ولا السواقين ...ولا المدرسين اللى معندهمش اى نوع من انواع الضمير ..ولا البايعين

الاستغلالين..ولا الشباب الضايعين ...ده كل كلمه ليها قصه ...

كل دى كواااااااااااااااااااااااااااااااااااااااااااااااا ااااارث

على كده مافيش حاجة حلوة فى الدنيا دى بقه

شكرا لمرورك مرة تانية

The_Relativistic200

05-11-2007, 11:19 PM

ياريتك كتبتها كوارع حتى ( ليها نفس الوزن)...
وهو فعلا خطأ جسيم ويودى السجن ...
وشكرا لبسملة على التنبيه الحقيقة
عرفت انى سايب رجالة فى الموقع:p
(بهزر :))
ما علينا....

بس انا ليا تعليق
ان كون الشاب يروح ويسافر
ويعمل كل ده عشان فرصة عمل
رغم انه بيسمع انها وهم ونصب وخلافه..- واعتقد انهم بيبقوا عارفين انه نصب ودى مصيبة- يعنى محدش بيضحك عليه
بالتالى حاجة من الاتنين
رايح بارادته: يبقى عارف للى هيحصله ومحدش ضربه على ايده
رايح ومنصوب عليه: يبقى مغفل !!

انما البركة فى الحكومة..احتمال يتبروا منهم ويقولوا دول هندوس وحبوا يعيشوا شوية يعنى ويروشوا

fares elnet

07-11-2007, 05:41 PM

شكرا لمرورك العطر بالموضوع

fares elnet

08-11-2007, 10:47 AM

يا جماعة والله الموضوع خطير جدا

يعنى اكبر من ومنك ومن الدولة كلها

وامبارح كمان كارثة اخرى غير اللى اتكلمنا عليها

واخبار الكارثة بالتفصيل كالاتى

انقاذ 85 مصريا قرب سواحل اليونان

تمكنت وزارة النقل البحرى فى اليونان من انقاذ حوالى 85 راكبا فى محافظة

ثاكيا بـ جزيرة كريت كانوا على متن مركبا تحمل اكثر من مائة راكبا معظمهم من

المصريين وقد انطلق من ميناء رشيد فى رحلة للهجرة غير الشرعية .

وتواصل السلطات اليونانية جهودهم للبحث عن باقى الركاب وان رجحت هذة

السلطات الا يسفر الحادث عن وقوع ضحايا .

وتواصل السفارة المصرية اتصالاتها مع السلطات اليونانية لتحديد هوية الركاب

وجنسياتهم كما توجة مسئول بالسفارة الى موقع الحدث للوقوف اخر التطورات

والاطمئنان على الناجين.

كانت السفارة المصرية فى اثينا قد ابلغت بتلقيها استغاثة مساء الثلاثاء 6 نوفمبر

من أحد الأشخاص أفاد بأن المركب التى تقله ضمن 100 مواطن مصرى فى

رحلة للهجرة غير الشرعية إلى إيطاليا تتعرض للغرق على مقربة من جزيرة

كريت.

وصرح السفير أحمد القويسنى مساعد وزير الخارجية للشئون القنصلية الأربعاء

لموقع قطاع الاخبار بأن السفارة المصرية فى اثينا قامت على الفور بنقل

الاستغاثة إلى خفر السواحل بالجزيرة, كما نجحت فى الاتصال بالمركب

والحصول على قراءة البوصلة وإبلاغها لخفر السواحل اليونانية.

وعلاوة على ذلك قامت بالاتصال بوزارتى النقل البحرى اليونانية والمالطية, حيث

أفاد مركز الإنقاذ التابع لوزارة النقل البحرى بمالطا بتحديد موقع المركب بالضبط

كما اشارت السلطات المالطية الى وجود 158 مصريا على متنه.

وتحركت سفن الإنقاذ إضافة إلى طائرة إنقاذ اليونانية تجاه المركب فى تمام

الساعة الثامنة مساء ذات اليوم بناء على طلب السفارة, كما أصدرت وزارة النقل

اليونانية توجيها إلى سفينة تجارية كبيرة قريبة من موقع المركب للانضمام

لعمليات البحث والإنقاذ.

يعنى بالله عليكم معدل كل ثلاثة ايام كارثة مروعة تنفطر اليها

القلوب

حسبى الله ونعم الوكيل

fares elnet

06-01-2008, 07:27 PM

ويبقى الحال كما هو عليه

TEMO_KHALED

06-01-2008, 07:31 PM

عندك حق استاذ حسام ...آسفين على تكرار الموضوع ..

سيف حسام دراج

14-01-2008, 01:28 PM

شكرا لك على الموضوع

والموضوع جميل جدا

وجزاك الله كل الخير