مشاهدة النسخة كاملة : ولا في الأحلام ............. !!!!!!!!!!!!


MR : ABO BATTA
06-02-2011, 08:58 AM
ولا في الأحلام .. !!!!!!
قبل كل شيء .. انا لست محللا سياسيا ولا عضو في اي حزب او منظمة او جماعة .. فأنا فقط مواطن مصري
ما تمر به مصر هذه الأيام منذ 25/1/2011 حتى الآن هو بمثابة الحلم الذي كان يراود أناس كثيرين داخل مصر وخارجها منذ اكثر من 20 عاماً خلت .. ولكن سرعان ما تحقق هذا الحلم ..
أقصد بكلامي ما حققه الشباب الواعد والذي استطاع ان يقوم بما عجز عنه الكثير والكثير من الأحزاب المعارضة بكافة اشكالها ومسمياتها والتي تتجاوز العشرين بل والثلاثين حزبا بالاضافة الى جماعة الاخوان المسلمين التي تتطلع الى الحكم منذ عهد الرئيس جمال عبد الناصر
فلقد قام الشباب بثورة تظاهرية يوم 25 يناير 2011 وتوجهوا الى ميدان التحرير وسط القاهرة هاتفين باسقاط النظام وان يترك الرئيس مبارك منصبه وحل المجالس النيابية ومحاكمة الخونة والمفسدين .. هل كان احد يصدق ان هذا ممكن ان يحدث في مصر .. ؟؟!!!!!!!
وخرج الرئيس مبارك بخطاب طلب فيه من الوزارة بتقديم استقالتها وطلب من الشعب ان يهدأ حفاظاً على البلد ولكن الشباب أصروا على البقاء في ميدان التحرير وحدث ما حدث من سلب ونهب وشغب وترويع للناس في كل أنحاء البلاد على أثر هروب معظم المساجين في كافة أنحاء البلاد سواء كانت سجون عمومية او احتياطية وقام الناس بحماية أنفسهم بأنفسهم وظهر المعدن الحقيقي للمواطن المصري الأصيل.
فخرج الرئيس مبارك بخطاب آخر عين فيه نائبا له ولأول مرة منذ ان تولى الرئآسة وعين رئيسا جديدا للوزراء وطالب الأحزاب بأن تتحاور وتتشاور مع نائبة للوصول الى الاصلاح المنشود كما طالب بتعديل الدستور ايضا وانه لا ينتوي الترشيح للرئآسة مرة ثانية ولكن الشباب لم يواقفوا على ذلك ويصرون على عزل الرئيس من منصبه مما أدى الى حدوث فوضى في البلاد بسبب خروج بعضا من مؤيدي الرئيس وحدث اشتباك بين مؤيدي ومعارضي الرئيس مبارك وادى ذلك بدوره الى تعطل الحياة الاقتصادية والاجتماعية في مصر ..
فإلى متى هذا ؟؟؟؟
يا حضرات حقيقة .. انا مش عارف ليه الناس مش عايزة تقتنع ان التغيير قادم .. انا حاسس ان بعض الناس مش قادر يصدق ان اللي بيحصل في مصر النهاردة ده حقيقي .. منع وزراء من السفر .. واستقالة ابرز شخصيات الحزب الوطني .. خطاب الرئيس وتصريحه بعدم الترشيح من جديد وتعديل الدستور .. تعيين نائب لأول مرة منذ 30 سنة .. كل هذا ومش حاسين ان فيه تغيير قادم .. وهؤلاء غير المصدقين خوفا من التلاعب بعد ذلك .. اقول لهم هل ميدان التحرير بعيدا عنكم فكما حدث في 25 يناير سوف يحدث في سبتمبر ان تغيرت هذه الوعود .. وشهر سبتمبر ليس ببعيد !!!!!!!
اختتم كلامي هذا والذي اقوله بلساني وليس نقلا عن أحد .. هل كنتم تتوقعون ان يحدث هذا في مصر في هذا الوقت الحالي ؟؟؟؟

اللهم ارفع مقتك وغضبك عنا ولا تسلط علينا بذنوبنا من لا يخافك فينا ولا يرحمنا
اللهم ارفع عنا الفتن ما ظهر منها وما بطن وخذ بأيد المصلحين وامسك على ايد الظالمين المخربين
اللهم اهدي ولاة أمورنا وردهم الى دينك ردا جميلا واصلح يا ربنا حال بلدنا وأمتنا العربية والاسلامية

اعتذر لحضراتكم عن الإطالة

اميمة طه
06-02-2011, 09:27 AM
حضرتك عارف انا باحترم رايك قد ايه........

MR : ABO BATTA
06-02-2011, 05:13 PM
حضرتك عارف انا باحترم رايك قد ايه........


أشكرك يا استاذة أميمة

JASSY
06-02-2011, 08:04 PM
انا مع حضرتك جداااااا....كلام سليم

MR : ABO BATTA
07-02-2011, 07:00 AM
انا مع حضرتك جداااااا....كلام سليم
أشكرك مرورك يا jassy

ابن الأكرمين
07-02-2011, 08:00 AM
ازيك يأبو بطه بدور عليك من زمان علشان أصالحك

كلام جميل جداً

MR : ABO BATTA
07-02-2011, 08:37 AM
ازيك يأبو بطه بدور عليك من زمان علشان أصالحك

كلام جميل جداً

أشكرك يا ابن الأكرمين على مشاركتك
وياترى عايز تصالحني ليه ؟؟؟؟؟

اميمة طه
07-02-2011, 08:37 AM
ازيك يأبو بطه بدور عليك من زمان علشان أصالحك

كلام جميل جداً

انتوا متخاصمين؟؟؟؟؟ اكيد ابن الاكرمين اللى لازم يصالحك

MR : ABO BATTA
07-02-2011, 08:38 AM
صوت في هذا الاستفتاء حتى الآن 6 فقط والستة اختارو ( لا )

اميمة طه
07-02-2011, 08:40 AM
ابو بطة
انا عاوزة اسال على حاجة

MR : ABO BATTA
07-02-2011, 08:42 AM
انتوا متخاصمين؟؟؟؟؟ اكيد ابن الاكرمين اللى لازم يصالحك

والله ما اعرف حاجة اصلا وانا سألته زي ما شفتي

ابن الأكرمين
07-02-2011, 08:42 AM
ربنا مايجيب خصام

بسي باين عليه الخطوط دخلت في بعض معايه

معرفشي أبو بطه ولا أبو آية دا كان موضوع قديم كنت رديت فيه رد حاد شويه

MR : ABO BATTA
07-02-2011, 08:43 AM
ابو بطة
انا عاوزة اسال على حاجة

تحت أمرك يا استاذة أميمة

MR : ABO BATTA
07-02-2011, 08:44 AM
ربنا مايجيب خصام

بسي باين عليه الخطوط دخلت في بعض معايه

معرفشي أبو بطه ولا أبو آية دا كان موضوع قديم كنت رديت فيه رد حاد شويه

ههههههههههههههههههه .... خضيتني يا راجل
حصل خير

اميمة طه
07-02-2011, 08:50 AM
هو بجد المواضيع بتتنقل هنا ليه رغم ان الناس اللى بتدخل تقرا هنا ضعيف جدا بالنسبة لاى قسم ........فهل فعلا القسم هنا للمميز؟
ولا زى المتاحف نلاقيها بالصدفة

اميمة طه
07-02-2011, 08:54 AM
والدليل!!!!!
المتواجدون
‏اميمة طه (http://www.thanwya.com/vb/member.php?u=66351), ‏أبــو بطــــــــــة (http://www.thanwya.com/vb/member.php?u=199486), ‏ابن الأكرمين (http://www.thanwya.com/vb/member.php?u=150840)

MR : ABO BATTA
07-02-2011, 08:58 AM
هو بجد المواضيع بتتنقل هنا ليه رغم ان الناس اللى بتدخل تقرا هنا ضعيف جدا بالنسبة لاى قسم ........فهل فعلا القسم هنا للمميز؟
ولا زى المتاحف نلاقيها بالصدفة

قصدك بتتنقل منين يعني ؟؟؟؟
اما عن زوار هذا القسم فهك كثيرين جدا ودلوقتي علشان لسة الوقت بدري وبعدين في واحد رابع لسة واصل

اميمة طه
07-02-2011, 09:04 AM
قصدك بتتنقل منين يعني ؟؟؟؟


اما عن زوار هذا القسم فهك كثيرين جدا ودلوقتي علشان لسة الوقت بدري وبعدين في واحد رابع لسة واصل


جميل يعنى لو قعدنا لاخر النهار ممكن نبقى 6

MR : ABO BATTA
07-02-2011, 09:08 AM
جميل يعنى لو قعدنا لاخر النهار ممكن نبقى 6

هههههههههههههههههههههههههه ... لا والله انا اولا مش بدخل كتير القسم ده لسبب .. كثرة المواضيع بمعني انك ممكن نعملي موضوع الصبح وتيجي الظهر تلاقيه بقى في الصفحة الثانية او الثالثة ومع ذلك لما بدخل بلاقي ناس كتير

اميمة طه
07-02-2011, 09:09 AM
والله انا واحدة من الناس مدخلتش هنا الا لما مواضيعى اتنقلت.......... وانا بعتت اقتراح لادارة الموقع بالوضع ده

MR : ABO BATTA
07-02-2011, 09:10 AM
دلوقتي في 5 اعضاء و6 زوار وشوية كمان هيزيد العدد الغريب بقى انه مفيش ولا مشرف .. !!!!!!

اميمة طه
07-02-2011, 09:10 AM
وطلبت وضع رابط مباشر للمواضيع المميزة فى كل قسم لان المميز هو منفى فعلا للمواضيع المميزة

MR : ABO BATTA
07-02-2011, 09:11 AM
والله انا واحدة من الناس مدخلتش هنا الا لما مواضيعى اتنقلت.......... وانا بعتت اقتراح لادارة الموقع بالوضع ده

مقلتيش اتنقلت منين وليه ؟؟؟؟؟
وايه الاقتراح اللي بعتيه للإدارة ؟؟؟؟؟؟؟؟

اميمة طه
07-02-2011, 09:12 AM
هو المشرف بيتم اختياره على اى اساس؟؟؟؟

ابن الأكرمين
07-02-2011, 09:13 AM
ماشاء الله

صدق الراجل الكبير اللي عندكم في المدرسة

MR : ABO BATTA
07-02-2011, 09:13 AM
ويا ترى مين هقيم المواضيع المميزة عن غيرها علشان يتعمل لها هذا الرابط

ابن الأكرمين
07-02-2011, 09:14 AM
والله أعلم أنك هتععيني مشرفة قريب جدا بيتهيألي على مشاركاته الفعالة

MR : ABO BATTA
07-02-2011, 09:14 AM
هو المشرف بيتم اختياره على اى اساس؟؟؟؟

المفروض الكفاءة والخبرة والحيادية

اميمة طه
07-02-2011, 09:14 AM
اكيد حضرتك عارف الموضوعات اللى اتنقلت من منتدى المعلم المساعد:
1- المعلم المساعد على العنكبوتية
2- افتنة الانترنت ........ اللى جمعه ابن الاكرمين
3- القلب بدا ينبض
4- ملف كامل عن المؤامرات على ارض الكنانة
وعلى فكرة انا مقتنعة فعلا انهم مميزين انما ده مش مكانهم ....... مكانهم اللى الناس كلهم تقدر تقراهم فيه

MR : ABO BATTA
07-02-2011, 09:17 AM
اكيد حضرتك عارف الموضوعات اللى اتنقلت من منتدى المعلم المساعد:
1- المعلم المساعد على العنكبوتية
2- افتنة الانترنت ........ اللى جمعه ابن الاكرمين
3- القلب بدا ينبض
4- ملف كامل عن المؤامرات على ارض الكنانة
وعلى فكرة انا مقتنعة فعلا انهم مميزين انما ده مش مكانهم ....... مكانهم اللى الناس كلهم تقدر تقراهم فيه

والله معرف .. يعني المواضيع دي كانت هناك واتنقلت هنا .. طيب مش سألتي ليه تم نقلها

اميمة طه
07-02-2011, 09:18 AM
المفروض الكفاءة والخبرة والحيادية


معلش لكلامى

كفاءة فى ايه؟؟؟؟ وخبرة فى ايه؟؟؟؟ وحيادية فى ايه
انا شفت مشرفين هنا كل مشاركاتهم
شكرا
جزاك الله كل خير
ههههههههه
على فكرة الاخيرة دى فعلا مش من عندى

ابن الأكرمين
07-02-2011, 09:20 AM
انا ليه رأي ؟؟؟؟

الموضوع المميز يظل مكانه اللي اتكتب فيه لاينقل لهذا القسم أبدا

حيث أن الناس اللي في منتدى المعلم المساعد وضع لهم هذا الموضوع وهم أولى بيه

وخصوصا إن فيه ناس بتدخل هنا ( جدد ) بعد الموضوع مايتنقل يقوم يقرأ أول كلمتين ويعلق تعليق أقل مايقال عليه أنه وضيع

فنرجوا عدم نقل المواضيع من أقسامها

MR : ABO BATTA
07-02-2011, 09:22 AM
معلش لكلامى

كفاءة فى ايه؟؟؟؟ وخبرة فى ايه؟؟؟؟ وحيادية فى ايه
انا شفت مشرفين هنا كل مشاركاتهم
شكرا
جزاك الله كل خير
ههههههههه
على فكرة الاخيرة دى فعلا مش من عندى

ههههههههههههههههه ... يعني بيضحكوا زيي كده
انا يوم ما اختاروني مشرف كان لهذه الأسباب
وانا لما اخترت ناس معايا في الاشراف في القسم الرياضي كان فيهم هذه الاعتبارات واشترطت عليهم ذلك
اما عن المشرفين الذين تتحدثين عنهم اعتقد اني معرفهمش لأني معظم المشرفين اللي اعرفهم لهم مواضيع كتير ونشطاء في اقسامهم
اما المشرف الإداري بتكون ردوده اكثر من مواضيعه وتلك هي مهمته
يا ترى انتي قصدي على مين بقى مشرف قسم ام مشرف إداري

MR : ABO BATTA
07-02-2011, 09:25 AM
انا ليه رأي ؟؟؟؟

الموضوع المميز يظل مكانه اللي اتكتب فيه لاينقل لهذا القسم أبدا

حيث أن الناس اللي في منتدى المعلم المساعد وضع لهم هذا الموضوع وهم أولى بيه

وخصوصا إن فيه ناس بتدخل هنا ( جدد ) بعد الموضوع مايتنقل يقوم يقرأ أول كلمتين ويعلق تعليق أقل مايقال عليه أنه وضيع

فنرجوا عدم نقل المواضيع من أقسامها

انا شخصيا عمري ما نقلت موضوع من مكانه عندي في القسم الرياضي الا اذا كان مخالفا فقط او مناسبا لمكان افضل من القسم الرياضي
على الرغم من انه يوجد مواضيع مميزة جدا في اقسام تانية اشرف عليها ولا اقوم بنقلها

ابن الأكرمين
07-02-2011, 09:28 AM
اولا دعوني اعرف كل من المشرف - المراقب والعضو: (المشرف - المراقب) هو عضو يشرف على قسم وله خصوصيات لا يملكها العضو العادي. والعضو هو مشارك عادي لا يملك اي خصوصية الا تعديل موضوعه وفي مدة محدودة .. وساحاول في هذه الرسالة ان اضع النقاط على الحروف على مبهمات وعلامات استفهام وحريا بنا ان نعرف ماهيتها وهي العلاقة بين المشرفين - المراقبين والاعضاء حتى يعرف كل واحد منا دوره وما له وما عليه في هذا المنتدى

ما هو المعنى الحقيقي للاشراف - المراقبة ؟

سؤال بسيط اجابته أسهل من السؤال نفسه ولكن ليس كل سهل مستهان كما ليس كل مستهان سهل لان الجواب يتحدد في 3 كلمات فقط "تكليف لا تشريف"
فقيام الادارة بتعيين عضو مشرفا - مراقبا لا يعني" اختلاف الدم او الانسجة البشرية " وانما تم الاختيار على اساس الافضلية في الاستعداد لادارة قسم ما في المنتدى لان (المشرف - المراقب) بطبيعة الحال ليس الافضل من بين باقي الاعضاء ..

وقد اعجبتني كلمة قيلت بان هناك من الاعضاء من هم افضل من المشرفين - المراقبين في النشاط والتميز وغيره ..
وهو محق فيما ذهب اليه لانه يقصد ان الاشراف - المراقبة لا يعني تغيير لون الدم فالدم لا يتحول الى اللون الازرق بمجرد التعيين انما يبقى كما هو احمر اللون ..

العواطف ومهمة (المشرف - المراقب) الاساسية
هناك قاعدة تدرس في عالم السياسة والجاسوسية والمخابرات تقول هذه القاعدة " لا دخل للعواطف في العمل "وهناك قاعدة اخرى لا تقل اهمية عن اختها تقول " اياك ان تقع في حب العميل "

ان قيام (المشرف - المراقب) باداء واجبه الانساني شيء مشرف ولكن لو تدخلت العواطف في العمل فسوف تفسد كل شيء
لان العواطف لو تدخلت سوف تجعل (المشرف - المراقب) يمسك العصا من الطرف وهناك ستحدث خلافات ومشاحنات ومواجهات وحزازيات بينه وبيت الاعضاء لانه سيميل لهذا ويهمل هذا وسيحب هذا ويكره هذا فلابد ان يعلم المشرفين - المراقبين ان اداء المهمة شيء والعو اطف شيء اخر عندها سيحبه الاعضاء ويفرحون به لانه عاملهم " بالعدل" و "بجدية " ..

تعارض الموضوع مع رأي (المشرف - المراقب)
هناك من المشرفين - المراقبين من اذا تعارض الموضوع مع " رأيه "قام باتخاذ الاجراء على سبيل المثال أن يقوم احد المشرفين - المراقبين بتعديل ردود الاعضاء لان ردودهم لا تتوافق مع رأيه الشخصي وهذا خطأ .. إذ أنه لا يحق للك حذف موضوع الا اذا ........... وقبل معرفة إذا هذه فيجب عليك ببساطة هل خالف اللوائح والقواعد العامة للمنتدى، ام لا؟
مثلاً عندما يطرح عضو موضوع ما يجب ان يسئل (المشرف - المراقب) نفسه سؤالا واحدا :

هل هذا الموضوع خالف احد قوانين المنتدى؟
هل خالف تعاليم ديننا الحنيف ؟؟
هل فيه خدش للحياء العام؟

فان خالف يجب ان يعدل او يحذف اما اذا خالف " رأيه الشخصي" هنا لا يحق له ان يعدل الموضوع او يحذفه لان لكل انسان رايه الشخصي لسنا بعقلية واحدة ولا بفكر واحد كما ان موقعنا الاجتماعي ومستوانا التعليمي ونفسيتنا مختلفة كل واحد حر برأيه ..

ما معنى حرية التعبير؟
بعض الاعضاء او المشرفين - المراقبين اساء فهم هذه العبارة مما ادى الى حصول بعض المشاحنات والمواجهات والقطيعة والسب والشتم .. هناك مقولة تقول: "حريتي الشخصية تنتهي حيث تبدأ حقوق الاخرين"
من حقي ان اقول رأي الشخصي ولكن بشرط الا تقودني هذه الحرية الى الطعن في الناس او جرح مشاعرهم او الظن بهم
حريتي الشخصية لها حدود ومعالم يجب الا تتخطاها الى ابعد الحدود ان قيام بعض الاعضاء بجرح مشاعر اعضاء او مشرفين - مراقبين لا تعتبر حرية تعبير انما تعتبر " جريمة " واهدار لكرامة واستنقاص لقدر العضو ..
ان سكوت بعض المشرفين - المراقبين عن هذه الحركات انما هو دليل عدم فهمهم للمعنى هناك فرق بين حرية التعبير وحرية جرح المشاعر نحن هنا في موقع ثقافي تعليمي تربوي فلا ينبغي ان تكون هناك جرح لمشاعر احد مهما كان ..

كيفية التعامل بيننا:
بعض الاعضاء ينظرون الى (المشرف - المراقب) على انه شرطي وهو في حقيقة الامر اخ حنون مستعد لمساعدة العضو وهو هنا من اجل ذلك وسبب هذه الفجوة اشياء كثيرة منها:

- استخدام بعض المشرفين - المراقبين كلمات قاسية في ردودهم على الاعضاء
- عدم استخدام الحكمة في افهام العضو بالخطأ
- تدخل عامل العاطفة التي ذكرتها سابقا
- تكون علاقة كراهية بين عضو ومشرف - مراقب بسبب من الاسباب وعدم الليونة من قبل (المشرف - المراقب)

أخيراَ وليس آخراً ..
كلنا بشر وكلنا يصيب ويخطيء فلسنا ملائكة ولكن لابد ان نتعامل على اننا اخوة وعلى الاعضاء ان يقدروا جهد المشرفين -المراقبين وعملهم المشكور، كما ان على المشرفين - المراقبين ان يتعرفوا على انجح الطرق للتعامل مع الاعضاء فقد يكون (المشرف - المراقب) هو السبب في ابتعاد الاعضاء عن المنتدى باسلوبه الجاف وقد يكون (المشرف - المراقب) هو السبب في اكتشاف مواهب وعبقريات جديدة ..

MR : ABO BATTA
07-02-2011, 09:41 AM
أشكرك يا ابن الأكرمين على هذه التعريفات التي هي في محلها والحمد لله ولا احب ان أثني على نفسي انني احاول بقدر الإمكان ان أطبق هذا الكلام في اقسامي التي أشرف عليها وعلى الرغم انني لم أراكما انت وأميمة فيها فاذهبا وانظرا كيف يتم التعامل مع الأعضاء وانا كما سبق وذكرت عينت اولا مشرفا على القسم الرياضي وانتم تعلمون حدة التعامل بين الأهلي والزمالك خارج المنتدى فكانت اشد داخل المنتدى لدرجة انني كدت ان اطلب عزلي من هذه المهمة الشاقة فكنت احذف مشاركات اكثر مما اضيف لنزع الخلاف قبل ان يحدث وعلى الرغم من اني اهلاوي الا انني كنت حياديا بقدر الإمكان والحمد لله فأنا من الشخصيات المحبوبة في الأقسام التي اشرف عليها او ازورها وهذا فضل من الله ونعمة

ابن الأكرمين
07-02-2011, 10:10 AM
بارك الله فيك يأبو بطه ياغالي

كلامي كلام عام

وربنا يهيئ لنا الخير آمين

اميمة طه
07-02-2011, 10:19 AM
ويا ترى مين هقيم المواضيع المميزة عن غيرها علشان يتعمل لها هذا الرابط


متاسفة النت فصل
على العموم التقييم هيتم من خلال المشرفين برده وهو اللى هينقله للمميز
وكمان عاوزه اوضح حاجة.... الرابط المباشر مش هيبقى لموضوع بعينه انما هو للقسم باكمله لسهولة الوصول لانى والله من لوحة التحكم ممكن بادخل اقسام تانية متخصصة وعلى ما ارجع وممكن النت يفصل فجاة وممكن وممكن

اميمة طه
07-02-2011, 10:23 AM
يا ريت لو حضرتك جيت تانى تجاوب .....

ابن الأكرمين
07-02-2011, 10:59 AM
وطلبت وضع رابط مباشر للمواضيع المميزة فى كل قسم لان المميز هو منفى فعلا للمواضيع المميزة



وجهة نظر تحترم


بضم صوتي لصوت حضرتك

اميمة طه
07-02-2011, 11:05 AM
عاوزه اوضح حاجة
البوابة كلها اقسام ..... ومنهم طبعا القسم المميز............ اذن يتم وضع رابط مباشر لقسم المواضيع المميزة فى كل اقسام البوابة ويبقى هو الرابط المشترك بين كل اقسام البوابة ومن هنا كل الاعضاء تعرف بوجود القسم ده ويسهل الوصول اليه انما مش قصدى رابط لموضوع معين بس

MR : ABO BATTA
07-02-2011, 09:25 PM
فكرة رائعوة يا استاذة أميمة
وانا بضم صوتي معاكم
وبإذن الله ارفع الموضوع لمناقشته في الإدارة

MR : ABO BATTA
09-02-2011, 09:42 PM
أين الآراء ... ؟؟؟؟؟؟؟؟؟؟؟؟؟؟؟؟

MR : ABO BATTA
09-02-2011, 09:58 PM
عاوزه اوضح حاجة
البوابة كلها اقسام ..... ومنهم طبعا القسم المميز............ اذن يتم وضع رابط مباشر لقسم المواضيع المميزة فى كل اقسام البوابة ويبقى هو الرابط المشترك بين كل اقسام البوابة ومن هنا كل الاعضاء تعرف بوجود القسم ده ويسهل الوصول اليه انما مش قصدى رابط لموضوع معين بس

انا رفعت الموضوع للإدارة لمناقشته يا استاذة أميمة

اميمة طه
09-02-2011, 10:00 PM
عاوزه اقول لحضرتك انى مجاش ليا رد على الرسالة اللى بعتها

اميمة طه
09-02-2011, 10:01 PM
يا ريت تبقى تدخل مواضيعى وتقولى رايك بجد هل هى مميزة ولا مميزة؟

MR : ABO BATTA
09-02-2011, 10:42 PM
عاوزه اقول لحضرتك انى مجاش ليا رد على الرسالة اللى بعتها
رسالة ايه ؟؟؟؟ وبعتيها لمين ؟؟؟؟


يا ريت تبقى تدخل مواضيعى وتقولى رايك بجد هل هى مميزة ولا مميزة؟

اكيد مميزة لأن الاختيارات كلها مميزة ... ههههه

MR : ABO BATTA
12-02-2011, 02:51 PM
بالأمس اكتمل الحلم الذي لم يكن يتوقع احد بتحققه وهو قرار تنحي الرئيس محمد حسني مبارك عن منصب رئيس الجمهورية المصرية واسناده مسئولية البلاد الى المجلس الأعلى للقوات المسلحة بقيادة المشير محمد حسين طنطاوي
واكرر السؤال .. من كان يحلم بأن هذا كان سيحدث ؟؟؟؟؟

زهراء دريم
12-02-2011, 06:15 PM
فعلا الواحدمش كان مصدق اللى حصل

mero.2010
13-02-2011, 12:01 PM
بص حضرتك انا اتخيلت في يوم ان مبارك هتكرشه الناس

MR : ABO BATTA
14-02-2011, 10:35 PM
فعلا الواحدمش كان مصدق اللى حصل

شكرا على رأيك يا زهراء دريم

MR : ABO BATTA
14-02-2011, 10:36 PM
بص حضرتك انا اتخيلت في يوم ان مبارك هتكرشه الناس

وتخيلك كان في محله
اشكرك mero.2010

MR : ABO BATTA
15-02-2011, 11:12 AM
http://www.om-eddonia.com/up/files/32d9ulcu95mfu567mw0l.gif (http://www.om-eddonia.com/up/)

http://www.q8boy.com/images/avvrfsq73211hkz077gu.gif