مشاهدة النسخة كاملة : هلال ..... النهارده


اميمة طه
06-02-2011, 06:56 PM
هلال يحاول تهدئة متظاهرى "التعليم" ويجلس معهم على الأسفلت


الأحد، 6 فبراير 2011 - 17:30

http://www.youm7.com/images/NewsPics/large/s3201022184510.jpg الدكتور هانى هلال وزير التعليم العالى القائم بمهام وزير التربية و التعليم
كتب حاتم سالم
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
حضر الدكتور هانى هلال، وزير التعليم العالى، القائم بمهام وزير التربية والتعليم بشكل مؤقت اليوم إلى مقر وزارة التربية والتعليم لتهدئة الموظفين المتظاهرين، للمطالبة بعدم عودة بدر لمنصبه، وقام هلال بالجلوس على الأرض، مطالبا المتظاهرين بالجلوس معه للحوار بشأن مشاكلهم من أجل الاستماع لها، تمهيدا لعرضها على رئاسة الوزراء.

وحيا المتظاهرون هانى هلال وأكدوا أنهم يطالبون بعدم عودة أحمد زكى بدر لمنصبه وأبعاد معاونيه، من جانبه أعلن هلال عن تشكيل لجنة لبحث أوضاع الموظفين الوظيفية والمادية والعمل على حلها بشكل عاجل.

اميمة طه
06-02-2011, 06:58 PM
هلال يتعهد بتحقيق مطالب المتظاهرين داخل ديوان التعليم


الأحد، 6 فبراير 2011 - 17:20

http://www.youm7.com/images/NewsPics/large/s122010912737.jpg الدكتور هانى هلال وزير التعليم العالى
كتب حاتم سالم
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
تعهد الدكتور هانى هلال، وزير التعليم العالى والمشرف مؤقتا على وزارة التربية والتعليم بإعادة كل الموظفين الذين تم نقلهم إلى وظائفهم الأصلية حتى لا يشعر موظفو التعليم بأنهم مظلومون ومضارون، وقال: "احنا فى ظرف صعب ومحتاجين نعدى الأزمة دى وكل واحد له مظلمة هندرسها وهتابع تنفيذها حتى لو اتعين وزير جديد.

كما تعهد هلال خلال لقائه اليوم بما يزيد عن ألف متظاهر بتسوية أوضاع موظفى العقود وأضاف: "كل قيادات الوزارة اللى متهمين بعدم مراعاة مصالح الموظفين سيتم محاسبتهم بالقانون".

وفيما يتعلق بتفاوت حجم المكافآت داخل قطاعات وزارة التربية والتعليم، وأكد هلال أنه سيعيد توزيعهم حتى يتساوى الجميع مع منح مزايا إضافية لمن يعملون بعد انتهاء ساعات العمل الرسمية، ورداً على مطالبات الموظفين بعدم عودة د.أحمد زكى بدر لمنصبه، وإبعاد معاونيه خاصة لواءات الشرطة عن الوزارة، أشار هلال إلى أنه سينقل الصورة كاملة لرئاسة الوزراء تمهيداً لإعادة الاستقرار للوزارة.

من جانبه، طالب إبراهيم الشوبكشى، أحد وكلاء الوزارة ونقيب المعلمين بديوانها العام، باستبعاد كل القيادات التى أحضرها زكى بدر من جهات أمنية ومنحها مناصب قيادية للتعليم، وقال الشوبكشى: "هؤلاء حصلوا على كل المزايا وبسببهم وقعت خلافات بيننا وبين الموظفين، ولم نتوقف عن المطالبة برحيلهم"، وهو الطلب الذى أيده غالبية المتظاهرين على ضرورة رحيل اللواء أحمد عبد المنعم، مدير مكتب الوزير، وعادل شكرى مستشاره، للتطوير الإدارى.

جارةالوادى
06-02-2011, 07:00 PM
وكان ذكى بدر مش عاجبكم اهو جالكم هانى هلال اللى عامل مشاكل مع طوب ارض الجامعات يارب اهدى الحال ونتثبت اللهم امين

ابن الأكرمين
06-02-2011, 07:02 PM
فين المعلمين المساعدين ؟؟؟؟؟؟؟؟؟؟؟؟؟؟؟؟؟

اميمة طه
06-02-2011, 07:08 PM
يا ريت نلاقى طريقة مناسبة للوضع دلوقتى لتوصيل طلباتنا

جارةالوادى
06-02-2011, 07:13 PM
انا مش عارفة بصراحة حاسة انى متلخبطة يعنى دى فعلا احسن فرصة اننا نطالب باللى عايزينه التثبيت بس ارجع واقول لنفسى وهو يعنى مفيش دم هى البلد ناقصة بس فعلا المفروض ندور على الية مناسبة غير المظاهرات والاعتصامات والاحتجاجات نوصل بيها صوتنا للفريق احمد شفيق وهو رجل ماشاء الله لاقوة الابالله صدره يتسع للجميع

اميمة طه
06-02-2011, 07:20 PM
ممكن تكتب شكوى جماعية نتفق على صيغتها ونبعتها على موقع الوزارة..... مثلا
واللى عنده رائ احسن يا ريت يقوله

ابن الأكرمين
06-02-2011, 07:20 PM
ان شاء الله هنحاول نلاقي طريقة

بدور على أي إيميل أورقم لده وان شاء الله أول مايصلني هأضعه

ربنا ييسر الأمور

MISS.DINA
06-02-2011, 07:22 PM
بس المهم هنوصلها ازاى انا والله النهاردة سمعت فى اذاعة الراديو ان الحكومة ستهتم بتثبيت المؤقتين العاملن فى الدولة مش عارفة احنا منهم ولا ايه بس عالعموم احنا نستنى الاوضاع تهدى شوية وبعدين اى حاجة هنطالب بيها اعتقد ان الحكومة هتنفذها لان فى خوف من المظاهرات دى

MISS.DINA
06-02-2011, 07:25 PM
ممكن تكتب شكوى جماعية نتفق على صيغتها ونبعتها على موقع الوزارة..... مثلا
واللى عنده رائ احسن يا ريت يقوله


انا مع حضرتك فى الراى دة واهوحل وسط منه ان الايميل دة اصلا وسيلة الاتصال بينا وبين الوزارة وبين اننا من غير اعتصام هنطلب حقنا واكيد الوزارة هتتابع الايميلات دى وربنا ييسر لنا امرنا باذن الله بس ارجوكم بلاش تهور وحد يطلع بفكرة اعتصام البلد مش ناقصة

اميمة طه
06-02-2011, 07:25 PM
الخبر الاكيد..............
ان النقابات اتفقت على ان ميبقاش فى مؤقتين وبيطالبوا بتثبيتهم الايام دى
بس المضمون ان كلامنا يوصل لرئيس الوزراء بطريقة شرعية ومناسبة

alirahim
06-02-2011, 07:31 PM
مش هينفع غير مكالمة تليفونيه او من خلال الشاشات لان ده بجد اللى هيوصل صوتنا لكن شكاوى الوزارة والكلام ده مش مجدى بالنسبه لنا خالص
عيزين اى طريقة نعرف نوصل بيها للراجل المحترم دة وياريت يبقى عند حسن ظن الجميع

اميمة طه
06-02-2011, 07:31 PM
يا ريت اللى يلاقى ايميل لرئاسة الوزراء او موقع لارسال الشكاوى سواء لوزارة التربية والتعليم او التعليم العالى يضعه......وانا هاحاول

اميمة طه
06-02-2011, 07:33 PM
مش هينفع غير مكالمة تليفونيه او من خلال الشاشات لان ده بجد اللى هيوصل صوتنا لكن شكاوى الوزارة والكلام ده مش مجدى بالنسبه لنا خالص
عيزين اى طريقة نعرف نوصل بيها للراجل المحترم دة وياريت يبقى عند حسن ظن الجميع

طبعا حضرتك عندك حق....... انما مين اللى هيرد على 43 الف تليفون ...... انما لو 43 الف شكوى من النت طبعا حاجة تانية بس اظن ان وقت زى ده اى شكوى هيبقى لها وقع والراجل الحمد لله مستجيب وهيتصرف
كمان
ممكن نبعت شكاوى برده عن طريق الايميل لبرامج معروفة لمناقشة الوضع زى 48 ساعة مثلا

hassan43
06-02-2011, 07:34 PM
كما تعهد هلال خلال لقائه اليوم بما يزيد عن ألف متظاهر بتسوية أوضاع موظفى العقود

hassan43
06-02-2011, 07:36 PM
إرسـال شكاوى أو مقترحات إلى رئاسة مجلس الوزراء : http://www.complaints.cabinet.gov.eg/

ابن الأكرمين
06-02-2011, 07:38 PM
إرسـال شكاوى أو مقترحات إلى رئاسة مجلس الوزراء : http://www.complaints.cabinet.gov.eg/



مشكور وياريت تكتبوا نص واحد فقط موحد ونبتدي نرسل
كله يرسل وميكسلشي

وياريت صاحبة الموضوع بعد إذن صاحب الرابط
تخلي الموضوع ده لوحده

اميمة طه
06-02-2011, 07:42 PM
إرسـال شكاوى أو مقترحات إلى رئاسة مجلس الوزراء : http://www.complaints.cabinet.gov.eg/


خلاص نتفق على الصيغة ..... ويا ريت تبقى هادئة ومناسبة وميبقاش فيها تهديد انما هى تذكير بنا وكل واحد يرتب افكاره ويضيف الصيغة وممكن فى الاخر ناخد الاجزاء اللى تعجبنا من كل صيغة ونعملها واحدة بس متكاملة ولازم كمان يبقى اسلوبها راقى الله يخليكم لازم تعبر عننا......واللى يوصل لحاجة يضيفها هنا يا ريت

اميمة طه
06-02-2011, 07:47 PM
اظن اننا نفضل هنا وبعد ما نوصل للصيغة المناسبة نفصلها فى موضوع منفصل لتكون جاهزة للارسال عبر الايميل

اميمة طه
06-02-2011, 08:11 PM
جه فى بالى حاجة تانية مش عارفه هتتقبلوها ولا لا.......
كل واحد يبعت بطريقته بدل الصيغة ما تبقى موحدة

اميمة طه
06-02-2011, 08:17 PM
http://www.complaints.cabinet.gov.eg/images/IconHome.jpg الصفحة الرئيسية (http://www.cabinet.gov.eg/) http://www.complaints.cabinet.gov.eg/images/IconSiteMap.jpg خريطة الموقع (http://www.cabinet.gov.eg/SiteMap/sitemap.aspx) http://www.complaints.cabinet.gov.eg/images/IconContact.jpg اتصل بنا (http://www.cabinet.gov.eg/ContactUs/contactus.aspx)
http://www.complaints.cabinet.gov.eg/images/EgyptianCabinetOfMinisters.jpg (http://www.cabinet.gov.eg/index.asp)http://www.complaints.cabinet.gov.eg/images/Menu_Banner.gifhttp://www.complaints.cabinet.gov.eg/images/Menu_Title.gif (http://www.complaints.cabinet.gov.eg/cabinet/Complain.aspx) (http://localhost/cabinet/UserControls/Complain.aspx) » الصفحة الرئيسية (http://www.complaints.cabinet.gov.eg/Complain.aspx)
» المواطنيــن
- أرسال طلب (http://www.complaints.cabinet.gov.eg/newCase.aspx?id=1)
- الأستعلام عن طلب (http://www.complaints.cabinet.gov.eg/Inquiry.aspx?id=1)



http://www.complaints.cabinet.gov.eg/images/arrow-larg-orange-left.jpg إرسـال طلبات :
http://www.complaints.cabinet.gov.eg/images/arrow-medium-orange-left.jpg برجاء تسجيل بيانات صاحب الشكوى أو الطلب :
يجب إدخال بيانات البند الذى يحمل العلامة *
الأسـم * الرجاء أدخال الأسم العنوان * الرجاء أدخال العنوان المحافظة * اختارالمحافظة القاهرة الجيزة الاسماعيلية البحيرة الشرقية الغربية الفيوم القليوبية الاسكندرية البحر الاحمر الدقهلية السويس المنوفية المنيا الوادى الجدي أسوان بنى سويف بورسعيد جنوب سيناء دمياط سوهاج شمال سيناء قــنـــا كفرالشيخ مطروح اسيوط حلوان 6 اكتوبرالرجاء أختيار المحافظة الرقم البريدى الرقم القومى * الرجاء أدخال القومى الرجاء التأكد من الرقم القومى الرجاء أدخال ال 14 رقماً بشكل صحيح التليفون المحمول الفاكس البريد الألكترونى برجاء أدخال الأيميل بشكل صحيح نوع الطلب * أختر نوع الطلب شكوى مقترح إستفسارالرجاء أختيار نوع الطلب ملخص الموضوع *
(يرجى إدخال ملخص الشكوى دون مقدمات فيما لا يزيد عن 2000 حرف)
برجاء أدخال ملخص الموضوع تحميل مرفقات إرفاق الملف (javascript:{if (typeof(Page_ClientValidate) != 'function' || Page_ClientValidate()) __doPostBack('Btn_AddFile','')}) حذف ملف (javascript:__doPostBack('Btn_deleteFile','')) المرفقات ملحوظة : يمكن أضافة عدد 5 ملفات لا يتعدى حجم الملف 512 كيلو بايت ويجب أن يكون من نوع jpg أو gif أو doc




الصفحة الرئيسية (http://www.cabinet.gov.eg/)| قرارات (http://www.cabinet.gov.eg/Decrees/Decreeslaws.aspx)| أهم المواقع (http://www.cabinet.gov.eg/links/links.aspx)| خريطة الموقع (http://www.cabinet.gov.eg/SiteMap/sitemap.aspx)| اتصل بنا (http://www.cabinet.gov.eg/ContactUs/contactus.aspx)

جميع الحقوق محفوظة (http://www.cabinet.gov.eg/Copyright/CopyrightDesc.asp) (http://www.cabinet.gov.eg/Copyright/CopyrightDesc.asp)© 2007 - 2010 رئاسة مجلس الوزراء المصرى- جمهورية مصر العربية




الرابط المباشر:http://www.complaints.cabinet.gov.eg/newCase.aspx?id=1

اميمة طه
06-02-2011, 08:22 PM
الحاجات اللى بالاحمر كلها تحتها مستطيلات تملا فى الاستمارة بس متنقلتش بالتنسيق بتاعها صح

بحراوية من دمنهور
07-02-2011, 12:17 AM
ده نص للشكوى :
نرجو من سيادتكم النظر فى امر تعيين 43 الف من المعلمين المساعدين فى وزارة التربية والتعليم حيث اننا قد قمنا بتقديم جميع الاوراق التى تثبت احقيتنا فى التثبيت منذ اكثر من عام ولازالت وزارة التربية والتعليم تتجاهل مطلبنا فى التثبيت ولا نعلم لماذا هذا التباطئ فى اتخاذ قرار بالتعيين فنرجو من سيادتكم الاسراع باتخاذ القرار الذى هو مطلبنا الوحيد والذى سيرفع من شأن المعلم فنحن شباب مصر ونرجو ان نشعر بالامان الوظيفى داخل مدارسنا ولكم فائق الاحترام

اميمة طه
07-02-2011, 07:43 AM
ده نص للشكوى :
نرجو من سيادتكم النظر فى امر تعيين 43 الف من المعلمين المساعدين فى وزارة التربية والتعليم حيث اننا قد قمنا بتقديم جميع الاوراق التى تثبت احقيتنا فى التثبيت منذ اكثر من عام ولازالت وزارة التربية والتعليم تتجاهل مطلبنا فى التثبيت ولا نعلم لماذا هذا التباطئ فى اتخاذ قرار بالتعيين فنرجو من سيادتكم الاسراع باتخاذ القرار الذى هو مطلبنا الوحيد والذى سيرفع من شأن المعلم فنحن شباب مصر ونرجو ان نشعر بالامان الوظيفى داخل مدارسنا ولكم فائق الاحترام

طبعا كلامك جميل بس فى نقط بتضعف ....وهى بالاحمر ...اظن محتاجين كلام اقل حدة واكتر قوة