كانت المظاهرات التونسية هي الشرارة التي بعثت الأمل في نفوس الخاملين
الذين اقتنعو بدوام حياة المهانة والذل والقمع والتهديد
بأنه يمكن للشعب ان يقف في وجه الرئيس ويجبره على الرحيل مجبراً

قام الشباب باختيار يوم الثورة 25 يناير ليكون هدفاً لتحرير مصر من فساد النظام
واختاروا "التحرير" مكاناً لهم ومعبراً عنهم

كان شعارهم
"الشعب يريد إصلاح النظام"

وبعد يوم او يومين تحول الشعار إلى
"الشعب يريد إسقاط النظام"

وبعد ثلاثة أيام من بداية المظاهرات وتحديداً ليلة يوم الخميس
وبعد أن ماطل الرئيس فضائيات العالم كله منتظرة خطابه
ظهر ليلة الجمعة بخطاب وضح فيه أنه أقال حكومته

ولكن هذا لم يكن كل شيء خاصة بعد تأخره كل هذه الفترة
فكلما تأخر كانت الأعداد تزداد والمطالب تزداد
خاصة بعد ان انتهت جميع الامتحانات ووصل جميع الطلاب
وكذلك كن من كان له مطمعاً ولم يكن مشاركاً قد أنضم للأفواج
امثال البرادعي وجماعته وبعض الاحزاب المعارضة

ولذلك كانت جمعة الغضب

والتي علمت بها مصادر حكومية وحاولو التخلص منها بسحب الامن وفتح السجون
فالطريقة الوحيدة لتدمير الشعب هي باستخدام مجرمي الشعب نفسه
بعدما فشل الامن في ردعهم كما كانوا يظنون

ولكي تكتمل الخطة قاموا بحرق أقسام الشرطة في العديد من المناطق لإيجاد حجة قوية
لاختفاء الامن وهروب المساجين


وهنا كانت معجزة الشعب المصري الأولى

لقد تفاجئت لهؤلاء الشباب الذين شكلو لجاناً شعبية وحموا شوارعهم بأنفسهم
وفعلوا ما عجز الأمن عن فعله من تأمين الشوارع
ولم ينقص هذا من شدة المظاهرة من شيء

وفي خلال ثلاثة أيام فقط
استطاع ذلك الشعب الغير منظم الغير متظاهر الغير واعي بهذه الثقافة الجديدة
أن ينظم نفسه ويرتب صفوفه ويتظاهر سلمياً
واستطاع بنفسه حماية المتحف الوطني حتى وصول قوات الجيش إليه
وهذا يكذب من قال انهم من احرقو الحزب الوطني
لإنه المبنيين متجاورين والشباب هو نفسه اللى كان موجود


في نهاية ثلاثي الايام الثاني
كان الجيش قد سيطر تقريباً على معظم الاماكن
وتم القبض على العديد من الهاربين

ومن خلال رؤيتي لمن حاول خطاب هؤلاء الفاريين
وجدت معظمهم من "اللصوص" وليسو "مجرمين"
أي انهم بسطاء كل ما حاولو فعله سرقة الاماكن المهدمة لجلب المال لا اكثر
ولم يكن منهم سفاحون او مخربون بالقدر الكبير كما سمعنا
وكانوا ذاعرون اكثر من المواطنون انفسهم
خاصة من الطريقة التي هربو بها من السجون


وانضم الجيش إلى الشعب واصبح الشعب الآن قوة لا تقهر
خاصة بعدما رأينا منهم هذا التعاون والتنظيم


والآن أصبح لا مفر من الرئيس بأن يقدم على تنفيذ جميع الطلبات
وبالفعل قرر
اعلان عدم ترشحه مرة أخرى
النظر في طعون انتخابات مجلس الشعب
تغيير مادتي الدستور المطلوبين

وماظهر في نبرته من ألم وحزن واستعطاف لما آل عليه الحال

وبعدها اقتنع العديد من فئات الشعب بكلام الريس بل وتظاهرو أيضاً ضد من كانو لا يزالون معارضون


ولكن إلى هناانتهت الأحداث بشكل رسمي
فالمجموعة الشبابية الخالصة الواضحة اهدافها قد انهت مهمتها
ومن هم باقون الآن هم طوائف لهم مئارب خاصة


لننظر إلى إيجابيات وسلبيات الموقف وبعض الوقائع التي حدثت

أظهرت قوة المظاهرات المصرية (حيث قيل ان القاهرة فقط بحجم تونس تقريباً)
وكيف له ان غير الحكومة في 3 ايام وغير الدستور في 6 ايام وكيف واجه الامن الاقوى في المنطقة
خوفاً كبيراً لدى حكومة نتنياهو الاسرائيلية واملاً كبيراً للتغيير في بقية الدول العربية
***
وجدنا هذا الجيل الذي قيل عنه فاشل وجاهل وبعيد عن الدين والمغيب عن السياسة
كيف له يتكلم عن قوانين الدستور وكيف له بحماية منشآت الدولة
لم نسمع عن حوادث تحرش ولم نسمع حوادث سرقة او ضرب بين المتظاهرين وانفسهم
***
تأكدنا من الوحدة الوطنية المصرية التي ظهرت في العديد من الحالات
والتي تجلت عندما رأينا كيف حمى المسيحييون المسلمون اثناء صلاة الجمعة الماضية
وهذا يبطل جميع محاولات اثارة الفتن التي حدثت خلال الايام الاخيرة
محاولة التفريق بين طوائف الشعب المصري المختلفة
و صدق رسول الله صلى الله عليه وسلم
عندما قال عن أهل مصر
"انهم في رباط إلى يوم الدين"
***
بعد تذمر كثير من كثرة من تدخلو بالشأن المصري بداية من حكومة اوباما مروراً ببعض الدول الاوروبية
مروراً بايران وتركيا وغيرها
بدأت أقتنع بأهمية دولة مثل مصر بالنسبة لمصالح هؤلاء
وخطورة الموقف اذا تركت مصر بين مخالبهم
***
تأكدنا من نوايا قناة الجزيرة وكيف لها أن بثت جميع مساوئ مصر
ولم تظهر تقريباً موقفاً نبيلاً او شجاعاً لأياً من الشعب
فحتى ظباط الأمن المركزي بعساكره كانت لهم مواقف جليلة عدة لا يجب نكرانها
ويكفي ان ضحى بعضهم بوظيفته ليقف في صفوف الشعب
***
ومن كان قد دخل منكم على موقع الجزيرة مؤخراً
لكان قد رأى جملة
"معاً لإسقاط مصر"
وليس مبارك او النظام المصري
ولكنها حذفت بحمد الله بعد ان تم تهكيرها
***

استنتاجات شخصية

تصريح مبارك الثاني او الاخير كان حكيماً جداً
فمبارك قبل الشعب يعرف قيمة مصر ويعرف ماذا سيحل بها ان تركها دون حاكماً
وكذلك كان حكيماً جداً باختيار شخصية مثل عمر سليمان نائباً له لسببين

الأولى أنه مقرباً ومحبباً لدى الشعب وقادر على اقناعهم
والثانية هي أنه عليم بالوسط لشرق اوسطي والكيان الاسرائيلي ويمكنه التصرف
ان كانت في يده القيادة اذا رحل مبارك بشكل او بآخر

مبارك حتى الآن هو رئيس مصر
واذا اردنا ان نسب امريكا الآن فإننا سنخطئ في حق اوباما لإنه يمثل واجهة امريكا
وبالتالي فان بعض اللاوعي لدى المتظاهرين دعاهم لحرق صورة مبارك
او دهسها بااحذية
او سبه علناً امام كاميرات الفضائيات وامام العالم

حتى ان بعض العرب غير مصريين قالو
حيرتونا والله شوية تشتمو في مبارك وشوية تهتفو معاه انتو عايزين ايه بالظبط

الواقع بيقول مبارك مينفعش يمشي دلوقتي
لو مشي حتلاقي مليون دولة عايزة تحط رجلها ف مصر
واولهم طبعاً امريكا
واكيد اوباما مش حيقولك حتحتلكو
حيقولك دي قوات حفظ سلام وبالقانون والاقناع وكل حاجة
وطبعاً اسرائيل بردو حتدخل
فهي اهم حاجة عندها كما صرح نتنياهو
إنه الرئيس القادم في مصر لازم يكون على سلام مع اسرائيل

ومن كثرة ان امر امريكا ملفت للنظر
كان الخبر بتاع مظاهرات مصر موجود في الصفحة الاولى على موقع ياهوو وفي احد الامريكان بيقول
نظرا لاصرار اوباما على رحيل الرئيس المصري هل ينوي الترشح للرئاسة في مصر ؟


يقول البعض ان مصر في الاسبوع الاول من المظاهرات
خسرت 40 مليار دولار بسبب توقف العمولات والتداولات وانهيار البورصة وغيره
والشعب بيبوظ كل حاجة
اقول لهم ان المليارات كانت بالفعل تضيع في السابق لتدخل جيوب مجهولين من مجلس الشعب وبعض المسؤولين
ومفيش مانع انك تخسر دلوقتي مقابل انك تجيب مكسب اكتر في المستقبل

لكن بعد ان تغيرت الحكومة وتم تقديم البعض للمحاكمة مثل احمد عز وحبيب العادلي وزير الداخلية
لا داعي الآن للتشكيك في الحكومة الجديدة قبل ان نرى منها ما يسيء


الشيء الأهم في كل ذلك
هؤلاء من يشككون في الرئيس مبارك ويتهمونه
بالسفاح والمجرم والخائن والعميل

مبارك خدم في مصر 60 سنة نصهم في الطيران ونصهم في الرئاسة
قيادة بلد كمصر ليست مهمة سهلة ابداً
والقضايا العربية وعلى رأسها الفضية الفلسطينية كانت محل اهتمام مبارك دائماً
فقد أولى مبارك اهتماماً خارجياً بسياسة مصر والدول العربية اكثر منها في الداخل
وبالبلدي كدا
"ساب الشعب للحكومة"
لا يمكنكم انكار انجازات مبارك في مصر
وإلى من يتهم مبارك بالخائن والعميل

لا تنسى ان مبارك كان اول من رفض اي تدخل خارجي في مصر
زي ما في قطر ولا الكويت والسعودية من قواعد امريكية وغيره
ولا تنسى ان مبارك رفض طلب اسرائيل بشق قناة من النيل عبر سيناء

ويحسب عليه بالطبع توصيل الغاز ببلاش تقريباً ولكن محدش عارف ايه كانت ظروفها
ومحدش يعرف السياسة من جوه فيها ايه

لكن الشيء اللى انا متأكد منه انه مبارك اهتم بمصر اكتر ما اهتم بأسرته
مبارك اللى حررنا من احتلال اسرائيل وشاف بعينه اصحابه اللى بيتقتلو على ايد اليهود
مستحيل يكون هو نفسه اللى حيواليهم ويساعدهم
لكن بيعمل المطلوب لحماية شعبه ولمساعدة العرب

مبارك نجح بالفعل بتأمين مصر عسكرياً واستطاع ان يبقي مصر خلال 30 عاماً آمنة تماماً من اي احتلال خارجي

اما اي جرائم حصلت بعد كدا سواء من المخابرات من امن الدولة من الداخلية في الاقسام وكدا
فهي بسبب من هم تحته اللى صحيح هو كان مسؤول عنهم
ولكنه لم يكن متابعهم
وبعضهم يتم محاسبتهم الآن واولهم وزير الداخلية
وبعضهم لسه حيجيلهم الدور زي بتوع مجلس الشعب
والحزن الواطي تم حله كله بما فيهم جمال مبارك

واي فساد حصل بعد كدا من رشوة او اختلاس او غش فده بايدنا احنا
واحنا اللى عملناه واقتنعنا بيه فأصبح واقعاً نعيشه


ومن هنا نستنتج ان مبارك ربما يكون غافلاً ولكنه ليس خائناً
مبارك مطلوب يمشي مش عشان هو وحش لا ابداً
ولكن عشان "انتهت صلاحيته"
واي واحد في الدنيا لازم بيغير وبيتغير
لإنه التغيير سنة الحياة

ومبارك كدا كدا حيمشي محدش قال انه قاعد تاني
ولو كان زمان الشعب نايم والريس بيعمل اللى عايزه
دلوقتي الشعب فاق وقرارات الريس اتقالت عالملأ
وسمعها الامريكي والاوروبي والعربي قبل المصري
عشان كدا مفيش مجال للتراجع عنها
والشعب مادام صحي مرة مش حيقدر ينام قبل ما يعدي عليه جيل او اتنين عالاقل

يعني الريس خلاص مش حيترشح تاني
ده بغض النظر عن انه هو نفسه زهق وعايز يسيبها بس مش قادر
ومحدش يقنعني انه متمسك بالكرسي والكام شهر دول هما اللى حيغنوه مثلاً
ولو كان مستني لابنه سلطة فهو خلاص اقاله تماماً


وفي نهاية كلامي احب اوجه كلمتين للجميع

مبارك لسه رئيس مصر واهانته اهانة لمصر فحافظ على كرامة مصر
****
إذا كنت مصراً على رحيل الرئيس الحالي عن الحكم فلا تفكر في كرهك الشخصي له
ولكن فكر في مصر بعد ان يرحل كيف سيتنازع اهلها نفسهم بين من سيحكم
وكيف سيستغل الطامعون الداخليون والخارجيون هذا الانقسام لمصالحهم ولايقاع مصر
فان مصر هي قلب الشرق الاوسط ومربط العالم
ولكل دولة في مصر مصلحة مختلفة


واخيراً للناس اللى لسه نايمة في التحرير او اللى لسه عايزيين يتظاهروا اقولكم
ارحمو احفادكم اللى لسه حيدرسوا ثورتكم ومتكبروهاش عن 10 ايام عشان ميدعوش عليكو :d

وسوري للاطالة .... BaNZeR

مبارك لسه رئيس مصر واهانته اهانة لمصر فحافظ على كرامة مصر
****
إذا كنت مصراً على رحيل الرئيس الحالي عن الحكم فلا تفكر في كرهك الشخصي له
ولكن فكر في مصر بعد ان يرحل كيف سيتنازع اهلها نفسهم بين من سيحكم
وكيف سيستغل الطامعون الداخليون والخارجيون هذا الانقسام لمصالحهم ولايقاع مصر
فان مصر هي قلب الشرق الاوسط ومربط العالم
ولكل دولة في مصر مصلحة مختلفة




جزاك الله خيرا
حضرتك أجملت كل الاحداث
وفالنهاية لخصت المطلوب الان ..

واتمنى اننا ندي فرصة للحكومة الجديدة
والناس ال فالتحرير تروح ترتاح وتريح ..
وبدل من اضاعة مجهودهم دا كله يحافظوا عليه
ونفكر فمصر لان فعلا مصر غير عن اي دولة لل بيقولوا عاوزينا زي تونس ..
وحتى لو مبارك وحش ومش عاوزينو، ننحيه من تفكيرنا دلوقتي
لأن مصر أهم ومهم تواجده حاليا !


وحمدلله على سلامة حضرتك
وعود احمد ..

بالرغم من ان الموضوع طويل شوية

بس تحليل رائع جدا وانا قراته كله

بجد الرئيس مبارك رغم انه فى اخطاء بس رجل سياسى من الدرجة الاولى عرف يحافظ على مصر خارجيا
وبالفعل كما قلت هو كان تارك الشعب للحكومة مفروض الناس تقدره ده وتصبر عليه الكام شهر دول صبرنا 30 سنة

9 شهور هيعملوا ازمة معانا

شكرا لك

واتمنى اننا ندي فرصة للحكومة الجديدة
والناس ال فالتحرير تروح ترتاح وتريح ..
وبدل من اضاعة مجهودهم دا كله يحافظوا عليه

مش ندي الحكومة كمان فرصة جديدة
احنا ندي كمان مبارك نفسه فرصة جديدة
على الاقل يكفر بيها عن غلطاته في ال 10 سنين الاخيرة دي
ويختم تاريخه المشرف في التاريخ بدل ما يبقى اخر تاريخه كفر
بالناس تقتنع لمرة في الحياة انه الدنيا بتتغير ومفيش حاجة بتفضل على طول وحشة


وحمدلله على سلامة حضرتك
وعود احمد ..

بصراحة مكنتش ناوي بس احياناً بعض الكلام اللى بيتقال بيستفز الواحد
وكان لابد من توضيح عدة نقاط
وشكراً لحضرتك :)

بالرغم من ان الموضوع طويل شوية

بس تحليل رائع جدا وانا قراته كله


الحمد لله انه في حد صبر على قراية الموضوع دنا زهقت من كتابته :d
مبعرفش اعمل مواضيع صغيرة بصراحة بس يهمني اني احلل كل نقطة فيه


ده وتصبر عليه الكام شهر دول صبرنا 30 سنة

9 شهور هيعملوا ازمة معانا

شكرا لك
هما اقل كمان من 9 شهور وزي ما قلت دول لا يقارنوا بالتلاتين سنة ومش هما اللى حيعملوا الازمة
هما خلاص كل واحد عملك راجل وقالك طب انا مش ماشي قبل ما يمشي :d

أسجل حضور
وراجع راجع
بس قول يا رب

موضوع جميل ومميز
بس حضرتك فى نقطة بتقول فيها
مبارك تفرغ للقضية الفلسطينية وياب الداخل والشعب للحكومة
حتى لو كان الكلام ده صحيح
فهووو ولا حل اى حاجة فى القضية الفلسطينية
ولا عمل اى حاجة فى الداخل
وهو المفروض ان الداخل يبقا اهم اول اولوياته
يبقى 30 سنة كان متفرغ لايه بقا
مع كامل احترامى ليه بس ما عملش حاجة
غير لما كان قائد سلاح الطيران
وتحت اشراف الرئيس السادات
وفى الاخر شكررا على موضوعك الرائع
واتمنا الاستقرار لمصرررررررررررر

http://up4.m5zn.com/9bjndthcm6y53q1w0kvpz47xgs82rf/2010/1/7/10/1s4xi8lme.gif

أسجل حضور
وراجع راجع
بس قول يا رب
منتظرك يا ريس بس على الله منتخلفش كمان في السياسة :p

موضوع جميل ومميز
بس حضرتك فى نقطة بتقول فيها
مبارك تفرغ للقضية الفلسطينية وياب الداخل والشعب للحكومة
حتى لو كان الكلام ده صحيح
فهووو ولا حل اى حاجة فى القضية الفلسطينية
ولا عمل اى حاجة فى الداخل
وهو المفروض ان الداخل يبقا اهم اول اولوياته
يبقى 30 سنة كان متفرغ لايه بقا
مع كامل احترامى ليه بس ما عملش حاجة
غير لما كان قائد سلاح الطيران
وتحت اشراف الرئيس السادات
وفى الاخر شكررا على موضوعك الرائع
واتمنا الاستقرار لمصرررررررررررر
معلش كان في كلمة في النص قلت انه متفرغ
مع كامل احترامي لسيادتك كلمة متفرغ دي بتتقال على واحد طلع عالمعاش وبيشتغل شغلانة زيادة
مش رئيس دولة بحجم مصر كل يوم بتقابله مشكلة جديدة

يعني هو كان مبارك قاعد بيحل مشكلة الاقتصاد بس مثلاً من ساعة ما مسك ؟
ده الاقتصاد نفسه كل شوية بيبقى فيه ازمة جديدة لازم تتحل

وهو يمكن في نظرك محققش حاجة تجاه القضية الفلسطينية بس ده مش بايده
ده بايد فتح وحماس واسرائيل هما اللى المفروض يخضعوا للتفاوض وينفذوا مش مبارك اللى حينفذ
لكن يكفي انه كان مهتم بيها عكس دول تانية منفضة خالص

وبردو جملتك الاخيرة ... مخدمش مصر غير لما كان في سلاح الطيران
انا عايز اسألك انت عشت كام سنة عشان تشوف فيهم مبارك اصلاً وتحكم عليه
انت مشفتش غير اللى كلنا شفناه وصورهولنا الاعلام بره انه كل حاجة فيها فساد ومبارك كله ظالم

هاتلي تلاتين سنة في عهد الحضارة المصرية كلها فضلت مستمرة بأمان 30 سنة وجنبك الكيان الصهيوني حيموت ويدخلك
لو كنت شفت تصريحات مبارك زمان وهو بيتكلم بتلقائية وبحماس
وبيقول لو اي حد عدى شبر جوه مصر بس انا حعرف اخد حق مصر منه

لازم لما نحاكم الراجل او نحكم عليه يكون عادل كفاية



http://up4.m5zn.com/9bjndthcm6y53q1w0kvpz47xgs82rf/2010/1/7/10/1s4xi8lme.gif

شكراً لمرور حضرتك

معلش كان في كلمة في النص قلت انه متفرغ
مع كامل احترامي لسيادتك كلمة متفرغ دي بتتقال على واحد طلع عالمعاش وبيشتغل شغلانة زيادة
مش رئيس دولة بحجم مصر كل يوم بتقابله مشكلة جديدة

يعني هو كان مبارك قاعد بيحل مشكلة الاقتصاد بس مثلاً من ساعة ما مسك ؟
ده الاقتصاد نفسه كل شوية بيبقى فيه ازمة جديدة لازم تتحل

وهو يمكن في نظرك محققش حاجة تجاه القضية الفلسطينية بس ده مش بايده
ده بايد فتح وحماس واسرائيل هما اللى المفروض يخضعوا للتفاوض وينفذوا مش مبارك اللى حينفذ
لكن يكفي انه كان مهتم بيها عكس دول تانية منفضة خالص

وبردو جملتك الاخيرة ... مخدمش مصر غير لما كان في سلاح الطيران
انا عايز اسألك انت عشت كام سنة عشان تشوف فيهم مبارك اصلاً وتحكم عليه
انت مشفتش غير اللى كلنا شفناه وصورهولنا الاعلام بره انه كل حاجة فيها فساد ومبارك كله ظالم

هاتلي تلاتين سنة في عهد الحضارة المصرية كلها فضلت مستمرة بأمان 30 سنة وجنبك الكيان الصهيوني حيموت ويدخلك
لو كنت شفت تصريحات مبارك زمان وهو بيتكلم بتلقائية وبحماس
وبيقول لو اي حد عدى شبر جوه مصر بس انا حعرف اخد حق مصر منه

لازم لما نحاكم الراجل او نحكم عليه يكون عادل كفاية





شكراً لمرور حضرتك

مع احترامى ليك لا هو متفررررررررررررررررررررغ
انت بتقول دولة بحجم مصر اوك دولة فى حجم مصر كلها مشاكل
دولة بحجم مصر ما بقاش ليها دورر فعال فى الخارررج
انا عايش فى شرم ومش بنزل غير علشان الامتحانات
الراجل ده طول السنة قاعد هناااك بيصيف ومش حاسس باى حاجة
او حاسس وعارف وبتعليماته

انا عمرى 21 سنة ما شفتش مباارك عمل حاجة وحدة كويسة
اعلام ايه اللى بتتكلم عنه حضرتك
ده احنا طول عمرنا بنتفرج على التليفزيون
وما ادراك ما التليفزيون يعنى الرئيس مباارك ده حاجة مقدسة
راجل ولا كل الراجل اعلام بره ايه اللى بتتكلم عنه
حتى لو فى اعلام بيصور كده زى ما بتقول
انت مش عايش فى البلد وحاسس بظروفها
والفساد اللى فيها

انت بتقول 30 سنة بامان اوووووووووووووك
والامان الداخلى فين بقا
صحيح محدش اخد شبر من بره
لكن هو واعوانه نهبوها من جوة

حتى فى خطابه مقلش كلمة واحدة عن الناس اللى ماتت

أتفق معك في كل ما ذكرته عن ثورة الشباب ( بارك الله فيهم جميعاً )
وأختلف معك في كل ما ذكرته عن ايجابيات النظام الحاكم ( لم أري له أي ايجابيات لكافة فئات الشعب المصري ) فقط تنعمت واستفادت به طبقة واحدة !!
تدهور الاقتصاد المصري
تدهور مستوي المعيشة
زيادة أعداد البطالة وتخلي الدولة تماماً عن التعيينات
تدهور صحة المواطن المصري وانتشار الأمراض
ارتفاع أسعار الدواء ( بعض المرضي تتمني الموت لعدم قدرتهم علي شراء الدواء )
تدهور الزراعة
تدهور في الأجور مقارنة بالزيادة الرهيبة في الأسعار
انتشار الفساد في كل مجالات الحياة
انتشار الرشوة
بيع الغاز الطبيعي لاسرائيل بثلث السعر العالمي
التدخل الأمريكي السافر في كل الشئون الداخلية لمصر
تدهور التعليم في كل مراحله
القضاء علي البحث العلمي
تدهور المواصلات
زيادة الضرائب ( ناقص يفرض ضريبة علي تنفس الهواء )
ضرب الحائط بأحكام القضاء التي لا تتفق مع ما يراه النظام الحاكم
زيادة أزمة الاسكان وانتشارها في كل ربوع مصر
الاستخفاف دوماً بكل كارثة تحل علي الشعب المصري ( وأشهرها حادث العبارة , حوادث القطارات , الدويقة , تأميم شركات توظيف الأموال )
تأصيل الواسطة والمحسوبية
زيادة الفارق بين طبقات الشعب بصورة لا يوجد لها نظير
اطلاق أيدي رجال الداخلية ليفعلوا بالشعب ما يحلو لهم
زيادة حجم ديون مصر بصورة تنم عن مدي الفساد الموجود في مصر
تعمد تعيين وزراء لا يحظون باحترام غالبية الشعب المصري والتمسك الشديد بهم
هل هذا يكفي أم تريد مني أن أكمل ؟!!
هل تجدني ذكرت شيئاً واحداً غير حقيقي وواقعي ؟!!
ماذا فعل النظام الحاكم حتي الأن ؟!! مجرد كلمات اعتاد الشعب المصري علي سماعها دوماً , بينما التطبيق يكون عكسها تماماً ( قول واخبط دماغك في الحيط ) !!
أخرجوا العاطفة من الأمر كله , كل ما فعله النظام الحاكم ينصب في طريق محاولة تمرير الوقت وزعزعة الفرقة بين الشعب المصري حتي لا يتحد الغالبية علي رأي واحد !!
تعيين الحكومة الجديدة استفزاز للشعب المصري وضرباً بجوهر تغيير الحكومة عرض الحائط !!
عدم الانصياع لحل مجلسي الشعب والشوري هو تأكيد علي أن النظام ينتوي الالتفاف والمراوغة في تعديل مواد الدستور !!

شكرا على الموضوع ياباشمهندس والتحليل الرائع

وحفظ الله مصر من اللئام والمثعلبين فكريا

كم نحتاج للتهدئة حرصا على مصر ولكن هناك البعض لايريد ذلك

فعلوها الشباب الطاهر بحرصه على مصر

وخطفوها النخب وجنودهم كالعادة

ربنا يحفظنا ويحفظ لنا الوطن فلاوطن لنا سواه

شكرا لك على الموضوع وان كنت أختلف تماما فى مسألة الدفاع عن الرئيس حسنى مبارك ، و ياريت نحكم عقولنا بدل من مشاعرنا ، فمن المؤكد أنك ترى الفساد الذى انتشر فى عهده ، ولابد أن ندافع جميعا على مكاسب ثولرة 25 يناير بدل التغنى بالنظام القديم

مع احترامى ليك لا هو متفررررررررررررررررررررغ
انت بتقول دولة بحجم مصر اوك دولة فى حجم مصر كلها مشاكل
دولة بحجم مصر ما بقاش ليها دورر فعال فى الخارررج
انا عايش فى شرم ومش بنزل غير علشان الامتحانات
الراجل ده طول السنة قاعد هناااك بيصيف ومش حاسس باى حاجة
او حاسس وعارف وبتعليماته

ياسيدي كلمة متفرغ معناها إني فاضي تماماً ومش عليا مسؤوليات
قول مبارك سايب مسؤولياته وقاعد في شرم ماشي
لكن مينفعش لفظ متفرغ
يمكن انت كان قصدك حاجة تاني ووصلتها بلفظ خاطئ ماشي

انا عمرى 21 سنة ما شفتش مباارك عمل حاجة وحدة كويسة
اعلام ايه اللى بتتكلم عنه حضرتك
ده احنا طول عمرنا بنتفرج على التليفزيون
وما ادراك ما التليفزيون يعنى الرئيس مباارك ده حاجة مقدسة
راجل ولا كل الراجل اعلام بره ايه اللى بتتكلم عنه
حتى لو فى اعلام بيصور كده زى ما بتقول
انت مش عايش فى البلد وحاسس بظروفها
والفساد اللى فيها

انا يمكن مش حاسس بظروفها بس عايش في البلد :d
ولو مكنتش اتأثرت بالفساد الموجود نظراً لإني لم اختلط بالعمل الحكومي
ولكني أراه واتابعه وهو على مرأى ومسمع من الجميع
واعلم ان الفساد يتعدى نسبته 95% في مصر
ولكن ليست كلها بفعل مبارك
اي نعم هو مسؤول عن اللى تحته وعن اللى بيعملوه بس الفساد مكنش بيحصل بامره المباشر
ايوه هو تجاهل كتير في الفترة الاخيرة وكان بينزل شرم كتير نظراً لتدهور صحته
ولكن لازم نحاكم الراجل بعدل بردو

انت بتقول 30 سنة بامان اوووووووووووووك
والامان الداخلى فين بقا
صحيح محدش اخد شبر من بره
لكن هو واعوانه نهبوها من جوة
اعوانه ماشي لكن هو لأ

حتى فى خطابه مقلش كلمة واحدة عن الناس اللى ماتت
لا ياعم قال نحن مستاءون مما يحدث :d

لا ياعم قال نحن مستاءون مما يحدث :d

فيه الخير والله:022yb4:

وشكرررا

وأختلف معك في كل ما ذكرته عن ايجابيات النظام الحاكم ( لم أري له أي ايجابيات لكافة فئات الشعب المصري ) فقط تنعمت واستفادت به طبقة واحدة !!
معلش سيادتك بس متقولنيش حاجات انا مقلتهاش :d

انا لو كنت بدافع عن النظام وعن انجازاته في مصر يبقى انا كدا مش شايف مبرر للثورة ومكنتش وقفت معاها من الاصل !

انا كان كل كلامي على مبارك ذات نفسه وبرد على من وصفه بالعميل والخائن والفاسد



ماذا فعل النظام الحاكم حتي الأن ؟!! مجرد كلمات اعتاد الشعب المصري علي سماعها دوماً , بينما التطبيق يكون عكسها تماماً ( قول واخبط دماغك في الحيط ) !!
أخرجوا العاطفة من الأمر كله , كل ما فعله النظام الحاكم ينصب في طريق محاولة تمرير الوقت وزعزعة الفرقة بين الشعب المصري حتي لا يتحد الغالبية علي رأي واحد !!
تعيين الحكومة الجديدة استفزاز للشعب المصري وضرباً بجوهر تغيير الحكومة عرض الحائط !!
عدم الانصياع لحل مجلسي الشعب والشوري هو تأكيد علي أن النظام ينتوي الالتفاف والمراوغة في تعديل مواد الدستور

اما بقية المقال الطويل اللى قلته فمن المتسببين فيه ؟
نظيف .. العادلي .. عز .. صفوت الشريف .. عد كل الوزارات وكل الوزرا
مش دول كانوا رؤوس الفساد ؟ مش دول الى تقصد بيهم بالنظام الحاكم ؟
سواء كنت تقصد الحزب الحاكم او الحكومة المسؤولة
كل دول تم اقصائهم

وحالياً الرئيس الفعلي للبلاد هو عمر سليمان ومبارك باق لأسباب سياسية فقط

يبقى تقدر تقولي ماذا تقصد بجوهر الحكومة ؟
اكتر من انك شلت رئيس الوزرا وكل الوزرا وحتى قيادات الحزب الحاكم ؟

وبعدين هي لعبة حل مجلسي الشعب والشورى كدا على طول
هو قالك حيتم النظر في الطعون الموجودة
ودي لوحدها حتاخد ما يتجاوز الشهر او الشهرين
فما بالك بحله واعادته كله من تاني
والحكومة اصلاً كلها متغيرة

وبعدين عني ايه مراوغة في تعديل الدستور
هو قال المادتين حيتغيروا بحيث يضمنوا شروط اسهل للترشح وتحديد للفترة الرئاسية
ايه المشكلة او الدوران في الدستور اللى لسه متحطش ومشفتهوش ؟

بردو طلب صغير
متتكلمش باسم حد
لو انت شايف الحكومة الجديدة استفزاز ليك
انا عن نفسي معجب جداً حتى الآن بالخطوات اللى حصلت

معلش سيادتك بس متقولنيش حاجات انا مقلتهاش :d

انا لو كنت بدافع عن النظام وعن انجازاته في مصر يبقى انا كدا مش شايف مبرر للثورة ومكنتش وقفت معاها من الاصل !

انا كان كل كلامي على مبارك ذات نفسه وبرد على من وصفه بالعميل والخائن والفاسد


هل يكون الحاكم صالح ويكون كل هذا الفساد موجود ؟!!
أنت نفسك ذكرت بأن نسبة الفساد في مصر 95% , فإن كنت تراه غير فاسد , فكم تكون النسبة لو كان فاسداً ؟!!
وعلي فكرة أنا مقولتكش كلام ولا حاجة ( الرئيس هو الرمز للنظام الحاكم !)

اما بقية المقال الطويل اللى قلته فمن المتسببين فيه ؟
نظيف .. العادلي .. عز .. صفوت الشريف .. عد كل الوزارات وكل الوزرا
مش دول كانوا رؤوس الفساد ؟ مش دول الى تقصد بيهم بالنظام الحاكم ؟
سواء كنت تقصد الحزب الحاكم او الحكومة المسؤولة
كل دول تم اقصائهم

ومن يقوم بتعيين هؤلاء الوزراء وغيرهم وعلي مدار 30 سنة شهد عصره 10 رؤساء وزارة ومئات الوزراء ( فهل أخطأ في الاختيار مرة أو مرتين , أم كانت كل الاختيارات خطأ ؟ وهل حدث كل هذا بمحض الصدفة ؟!! )

وحالياً الرئيس الفعلي للبلاد هو عمر سليمان ومبارك باق لأسباب سياسية فقط

يبقى تقدر تقولي ماذا تقصد بجوهر الحكومة ؟

الحكومة الجديدة ( ظاهرياً ) عبارة عن 15 وزير من الحكومة السابقة بالاضافة إلي رئيس وزارء من الحكومة السابقة ( وهو رجل عسكري مثل نائب الرئيس , أي أن الأمر امتداد للحكم العسكري وغالبية الشعب المصري لا يرغب في الحكم العسكري )
كما أن الحكومة كلها من الحزب الوطني فقط , فأين هو التغيير ؟!!
اكتر من انك شلت رئيس الوزرا وكل الوزرا وحتى قيادات الحزب الحاكم ؟

وبعدين هي لعبة حل مجلسي الشعب والشورى كدا على طول
هو قالك حيتم النظر في الطعون الموجودة
ودي لوحدها حتاخد ما يتجاوز الشهر او الشهرين
فما بالك بحله واعادته كله من تاني

هذه مجرد حجة يتزرع بها النظام الحاكم من أجل ابقاء مجلسي الشعب والشوري لضمان احتفاظ الحزب الوطني بالاغلبية فيه , ويستطيعوا تعديل مواد الدستور بما يتوافق مع هواهم فقط !!
أجمع معظم رجال القانون علي امكانية حل المجلسين واعادة الانتخابات في وقت أقل مما يستغرقه النظر في الطعون !!
والحكومة اصلاً كلها متغيرة

وبعدين عني ايه مراوغة في تعديل الدستور

ستكشف لك الأيام قريباً علي مراوغة الحزب الوطني في تعديل مواد الدستور

هو قال المادتين حيتغيروا بحيث يضمنوا شروط اسهل للترشح وتحديد للفترة الرئاسية
ايه المشكلة او الدوران في الدستور اللى لسه متحطش ومشفتهوش ؟

بردو طلب صغير
متتكلمش باسم حد
لو انت شايف الحكومة الجديدة استفزاز ليك
انا عن نفسي معجب جداً حتى الآن بالخطوات اللى حصلت


حينما أتكلم عن الشعب المصري , فأنا أتكلم عن من طالهم وضرهم الفساد والجبروت بصورة مباشرة وهم غالبية الشعب , ولا أتكلم عن من تنعموا بهذا الفساد ولا من شاهدوا الفساد ولم يضرهم أو أضرهم بصورة غير مباشرة ( القاعدة العريضة هم الشعب المصري )
من حقك أن تعجب بالحكومة الجديدة , ومن حقي أيضاً أن أراها حكومة لا تختلف عن سابقيها ( أعتقد أنك فقط عاصرت حكومتين أو ثلاثة علي الأكثر , أما أنا وغيري الكثير فعاصرنا كل حكومات الرئيس مبارك )

من حقك أن تعجب بالحكومة الجديدة , ومن حقي أيضاً أن أراها حكومة لا تختلف عن سابقيها ( أعتقد أنك فقط عاصرت حكومتين أو ثلاثة علي الأكثر , أما أنا وغيري الكثير فعاصرنا كل حكومات الرئيس مبارك )
طبعاً ده حقك تعجب او متعجبش بس انا حكلمك ببساطة

انت حكمت على دول انهم من الحكومة السابقة
واحد كان لوا طيار والتاني كان في الاستخبارات
يعني غير مسؤولين بشكل مباشر عن قضايا الشعب
يبقى لو حكمت احكم عليهم في مجالهم بس متنسبش ليهم حاجة عملتها الحكومة اللى كانوا جواها
والا حقولك لو حضرتك كنت شغال في شغلانة حكومية انه حضرتك لا تصلح لاي منصب قيادي
بما انك كنت تحت مظلة الحكومة الفاسدة نفسها

ممكن كلامي يبقى غير منطقي بس مش دي النقطة اللى حركز عليها دلوقتي :)

راعي في كلامك إنك بتتهم مبارك شخصياً إنه قصد تعيين وزراء فاسدين لإفساد الشعب
انا حفترض معاك إنه كلامك صحيح
كل حكومة كانت بتتشكل كانت بتلعب في كل حاجة زي ما هي عايزة
انتخابات قوانين دستور ضرايب مصالح
محدش من الشعب كان بيتكلم واللى كان بيتكلم بيبقى كان بس حاجة تانية :d
فببساطة كان الفساد بيبقى علني ومحدش بيشتكي

لكن دلوقتي متقدرش الحكومة الجديدة تعمل نفس اللى فات
دلوقتي الحكومة أيقنت انه الجيل ده واعي جداً وفاهم كل حاجة وحيقدر يثور مرة واتنين وتلاتة خلاص
وكل الملفات بدأت تبقى عالمكشوف وقيادات كل الحزب الحاكم اتشالت
وانا كدا بعتبر ده رأس النظام
وكما قلت سليمان اصبح هو الرئيس الفعلي حالياً عشان متقوليش راس النظام فاسد
هو اللى بينزل وبيحاور وبيخاطب وبيحط القرارات اللى بالطبع مبارك حيوافق عليها

وبعدها سهلة اي حد تحت سواء احزاب ولا مجالس شعب وشورى كله يتحل فيما بعد مش مشكلة

طبعاً ده حقك تعجب او متعجبش بس انا حكلمك ببساطة

انت حكمت على دول انهم من الحكومة السابقة
واحد كان لوا طيار والتاني كان في الاستخبارات
يعني غير مسؤولين بشكل مباشر عن قضايا الشعب

طيب ما هو كل رئيس وزراء من ال 10 كان جديد ولم يكن مسئول عن الفساد الموجود في الحكومة السابقة , فهل اختلف هذا عن ذاك ؟!!
الحكومة تنفذ سياسات الحزب الوطني ( يعني مجرد أدوات تنفيذ لما يراه الحزب الوطني فقط )
يبقى لو حكمت احكم عليهم في مجالهم بس متنسبش ليهم حاجة عملتها الحكومة اللى كانوا جواها
والا حقولك لو حضرتك كنت شغال في شغلانة حكومية انه حضرتك لا تصلح لاي منصب قيادي
بما انك كنت تحت مظلة الحكومة الفاسدة نفسها

ممكن كلامي يبقى غير منطقي بس مش دي النقطة اللى حركز عليها دلوقتي :)

راعي في كلامك إنك بتتهم مبارك شخصياً إنه قصد تعيين وزراء فاسدين لإفساد الشعب

أنا لا أتهمه , أنا فقط أذكر حقائق ووقائع ملموسة , وطلبت منك أن تذكر لي أمراً واحداً مما ذكرته عن انتكاسات النظام الحاكم طيلة 30 عاماً , وبأنني تجنيت عليه فيه أو حتي بالغت في كلامي .

انا حفترض معاك إنه كلامك صحيح
كل حكومة كانت بتتشكل كانت بتلعب في كل حاجة زي ما هي عايزة
انتخابات قوانين دستور ضرايب مصالح

كل ذلك كان يتم بأوامر من الحزب الوطني ( امال الحكومة بتكون من الحزب الوطني فقط ليه ؟! )
محدش من الشعب كان بيتكلم واللى كان بيتكلم بيبقى كان بس حاجة تانية :d
فببساطة كان الفساد بيبقى علني ومحدش بيشتكي

لا فيه ناس كتير اشتكت وصوتت كمان لكن زي ما قلت ( قول واخبط دماغك في الحيط ) ألم تري وتقرأ لحمدي قنديل , وائل الابراشي , ابراهيم عيسي , عمرو الليثي , عمرو أديب , مجدي الجلاد , وغيرهم الكثير , ولكن بلا أي جدوي !!

لكن دلوقتي متقدرش الحكومة الجديدة تعمل نفس اللى فات
دلوقتي الحكومة أيقنت انه الجيل ده واعي جداً وفاهم كل حاجة وحيقدر يثور مرة واتنين وتلاتة خلاص

ما هو الدليل علي ذلك ؟!! ما حدث من الحكومة الجديدة حتي الأن العكس تماماً .
رئيس الوزراء يصرح في أكثر من قناة فضائية ويؤكد بعدم مساس أي فرد في ميدان التحرير ثم صباح اليوم التالي يحدث ما رأيناه أو ما رأه الغالبية منا وحتي الساعة السادسة من صباح اليوم التالي , وكل ذلك والحكومة والجيش لا يفعلوا أي شيء , فالكل اكتفي بالمشاهدة .
رئيس الوزراء يؤكد بأنه لم يتم اعتقال أي شخص , ثم نري اليوم بأنه يعد بالافراج عن المعتقلين !! فإما أنه يعلم بالأمر أو لا يعلم وفي كلا الحالتين فهو لا يصلح !!

وكل الملفات بدأت تبقى عالمكشوف وقيادات كل الحزب الحاكم اتشالت
وانا كدا بعتبر ده رأس النظام

وتم وضع أعضاء من الحزب الوطني بدلاً منهم ( وهذا طبيعي ) ولكن هل ننتظر لمدة 30 عاماً أخري لكي نختبرهم ؟!! ألم نكتفي من الحزب الوطني وألاعيبه ومراوغاته وكل أنواع وأشكال الفساد التي كان وراءها ؟!!

وكما قلت سليمان اصبح هو الرئيس الفعلي حالياً عشان متقوليش راس النظام فاسد
هو اللى بينزل وبيحاور وبيخاطب وبيحط القرارات اللى بالطبع مبارك حيوافق عليها

وبعدها سهلة اي حد تحت سواء احزاب ولا مجالس شعب وشورى كله يتحل فيما بعد مش مشكلة




طالما الرئيس مبارك هو من يوافق عليها , فهو الرئيس الفعلي ( نائب الرئيس من أجل المفاوضات فهو يجيد هذا الأمر جيداً ويعرف كيف يكسب الوقت ويفتت أراء من يتفاوض معهم ) وهذا ما ستكتشفه قريبا جداً .
بالتأكيد أتمني أن تكون كل ظنوني ( بل يقيني ) كلها خطأ , ولكن سياسة مدتها 30 عاماً , فكيف تتغير بين عشية وضحاها إلي النقيض ؟!!

اولا حمد الله لعى السلامة على طول الغياب


وثانيا الموضوع طويل اووووووووووووي بس بجد رائع رائع

وهو ده المفروض اللي الناس تفهمه ان الرئيس مبارك زي ما في سلبيات في ايجابيات

بس دلوقتي الكل خلاص عايز الامر كن فيكون حتى لو كام شهر


مبارك لسه رئيس مصر واهانته اهانة لمصر فحافظ على كرامة مصر

والجملة دي عجبتني اووووي بس البعض لا يدركها ويوقولوا احنا مالنا بيه


ربنا يهدي الاحوال

شكراً لك علي طرح موضوع جميل وكلام كان نفسي أقوله بس أنت سبقتني بموضوعك الرائع
أنا معاك ف كل كلمة قولتها ودي وجهة نظري ف الموقف دلوقتي
مبارك كما له عيوب كثيرة ظهرت بوضوح في آخر 10 سنين بالظبط من يوم ما دخل جمال وعز الحزب
ولكن مبارك له ايجابيات منها :
1-اشتراكه في حرب 73 وقيادته لسلاح الطيران ف أروع ما يكون " وهذا يكفي لتكريمه عند رحيله من وجهة نظري "
2- انشاء بنية تحتية في مصر في كافة المدن والمحافظات لم تشهدها البلاد من قبل .
3- مبارك من 81 حتي 2000 كان نعم القائد داخلياً وخارجياً
مع اعترافي الكامل بأن مبارك آن له الرحيل في نهاية فترة رئاسته الحالية لأنه خلاص حاجة وتمانين ومش هيقدر يدير بلد زي مصر بدليل أنه سابها لابنه وصديق ابنه في آخر عشر سنين " منتهي الفساد "

ولكن ...
مبارك ليس خائن .. مبارك ليس عميل .. مبارك ليس مجرم

ولذا فإن كنا فعلاً نحفظ الجميل ونعفو عن الغافل فلابد من تكريم مبارك في نهاية فترة رئاسته كبطل في حرب اكتوبر علي الأقل

ونفس أشوف مبارك بعد انتخابات الرئاسة وهو في القصر الرئاسي حاملاً علم مصر ويسلمه لرئيس مصر القادم بكل تحضر ووكالات العالم تنقل ذلك فإن ذلك سيرفع من هامة المصريين في العالم وستخلد ذكري ثورة 25 يناير في كتب التاريخ وسنعلن للعالم كله اننا شعب متحضر نتظاهر من أجل حقوقنا لا من أجل الانتقام فلن ننتقم من أحد أبطال نصرنا الوحيد علي اليهود في القرن الماضي

تحيه لشباب مصر الأوفياء وتحيه لمبارك بطل حرب اكتوبر

أهلا ياحاج بانزر
عاش من شاف مواضيعك :d
بصراحة تحليل متميز جدااا ....
حتي العرب منهم اللي بيقولوا عليه خاين وعميل وحاجات كداا
في الريس ....انا بجد منغاطة ...لان ع راي المثل
ادعي علي ريسي واكره اللي يقول آميييييييييين:d
يعني احنا نقول ماشي .......لكن حد تاني مرفوض بصراحة...
أنا متفقة معاك أن اللي خلانا نستحملة 30 سنة
نستحمله 6 شهور ........وبعدين ميدان التحرير قريب وادينا عرفنا الشارع:d لو مش عجبنا أي حاجة هنقعد له في الشارع مش هنخرج .....
وبعدين المسألة مش لعب عيال يعني ...يعني قال هعمل اصلاحات ومش هترشح تاني....مستحيل يرجع في كلامه .....
ان جيت للحق لما كنت بسمع المليارات دي ....كان بيجي لي حالة ذهول تام ........مصر بيدخل لها مليارات دي كلها :o:o
اومال احنا عايشيين في فقر ليه؟:slap1qk6:
وبنأخذ معنوات من الخارج ليه ..؟:slap1qk6:
بس الثورة دي قضت ع الخوف التام فاكرة ايام 3اعدادي كان بيدينا استاذ ازهري فبيقول يابنات اوعي واحدة فيكم تتكلم في السياسة ممكن يأخذوكم امن دولة وبالذات لما تدخلوا الجامعة ...
ولحد قبل 25 يناير مكنش حد يقدر يفتح فمه بكلام في السياسة
دلوقتي حتي الأطفال والله بتتكلم....اعرف اطفال عمره 9 سنيين وبتكلموا ف اللي بيحصل :d....وأمن الدولة القمعي
انظبط ..تصدق واحد قريبي كان بيحكي ع واحد في المرور
الراجل دا كان قبل كدا بيتكلم بعجرفة رهيبة
بعد اللي حصل دا مش اقولك بئا بيبتسم :d
اذا كان الريس اتعمل فيه كداا اومال الغلبان دا هتعمل فيه ايه:bosyht9:
يعني كان ليها ايجابيات .......
حتي حكام العرب
زي بتاع العراق مش هرشح نفسي.ثالث...
وبتاع الجزائر رفع قانون الطواريء وقال لشعبه اللي عايز يقوم بمظاهرات بيتظاهر بس مش ف العاصمة .....
وبتاع الأردن اللي هي ملكية يعني فيها وراثة شال الحكومة القديمة وقال انه مش هيرشح نفسه ...:d
كل واحد منهم بئا خايف ما هو اللي حصل في مصر وتونس مش شوية :d

وكان بردو ليها سلبيات ....الاحتجاج في ميدان التحرير ..
عمل شلل في مصر .......اعرف ناس كثير
بيشتغلوا في شركات ومصانع في القاهرة بقالهم كثير مش راحوا شكلهم
وامبارح لما فكروا يروحوااا ...كان الطريق المؤدي للقاهرة مقفول ع ما أظن بالنسبة لبلدنا .....
وغير ان الشركات كمان مش بتشتغل ..
بصراحة الحزن الشديد ع السياحة اللي ادمرت ..والصناعة
يلا ربنا ييسر الأمور ويعدي الأمور ع خير

المستفيدون من الثورة

بعد أن أصبحت فترة حكم الرئيس مبارك فى ذمة التاريخ ، أحب أن أشير أن هذه الفترة بكل ما فيها من مساوىء كانت مصر فيها سدا منيعا ضد تغلل الشيعة الروافض ، وهم المستفيد الأكبر من هذه الثورة ، لقد كان هناك زعيمان يمنعان من تغلغل المذهب الشيعى هما صدام حسين والرئيس مبارك ، والمستفيد أيضا من هذه الثورة هم هؤلاء الليبراليون الذين يريدون دولة مدنية تكون الدعوة الإسلامية فيها جريمة يؤخذ عليها بالنواصى والأقدام ، وأصبح ما تبقى من مظاهر التدين فى المجتمع معرض للخطر ، وأصبحت أخلاقيات المجتمع عرضة للخطر بسبب تبنى كثير من القائمين بالثورة للمذهب الليبرالى والذى يعنى الحرية المنفلتة عن الدين ، وأيضا الدستور والذى ينص على أن مصر دولة إسلامية والشريعة الإسلامية المصدر الرئيسى للتشريع هو فى مهب الريح ، والمستفيد أيضا هم أقباط المهجر وقائمة طويلة من المطالب لا تنتهى ، والمستفيد أيضا الدولة اليهودية وتحول مصر إلى دولة ضعيفة تكتنفها الفوضى من كل إتجاه وربما التفكيك إلى دويلات ، و وا أسفى على مصر أرض الكنانة .

أبو إسراء

شكرا على الموضوع ياباشمهندس والتحليل الرائع

وحفظ الله مصر من اللئام والمثعلبين فكريا

كم نحتاج للتهدئة حرصا على مصر ولكن هناك البعض لايريد ذلك

فعلوها الشباب الطاهر بحرصه على مصر

وخطفوها النخب وجنودهم كالعادة

ربنا يحفظنا ويحفظ لنا الوطن فلاوطن لنا سواه
نعم أختي نحن في حاجة للتهدئة الآن فكل ما سيعود بخراب ليس له مقابل
التغيير حصل وانتهى خلاص
نورتم موضوعنا




شكرا لك على الموضوع وان كنت أختلف تماما فى مسألة الدفاع عن الرئيس حسنى مبارك ، و ياريت نحكم عقولنا بدل من مشاعرنا ، فمن المؤكد أنك ترى الفساد الذى انتشر فى عهده ، ولابد أن ندافع جميعا على مكاسب ثولرة 25 يناير بدل التغنى بالنظام القديم

اكيد طبعاً بدافع عن مطالب الثورة كلها من اول يوم 25 يناير حتى تقريباً اول امبارح او بعد خطاب مبارك التاني
فأنا اعتبر من وقفوا في التحرير بعد ذلك لا يمثلوا الشعب وهم جماعات خاصة
وانا لا أتغنى بالنظام القديم ولا حاجة انا فقط اتكلم عن مبارك نفسه
وشكراً لمروركم الكريم

طالما الرئيس مبارك هو من يوافق عليها , فهو الرئيس الفعلي ( نائب الرئيس من أجل المفاوضات فهو يجيد هذا الأمر جيداً ويعرف كيف يكسب الوقت ويفتت أراء من يتفاوض معهم ) وهذا ما ستكتشفه قريبا جداً .
بالتأكيد أتمني أن تكون كل ظنوني ( بل يقيني ) كلها خطأ , ولكن سياسة مدتها 30 عاماً , فكيف تتغير بين عشية وضحاها إلي النقيض ؟!!
من يظلم الكون وينيره في 12 ساعة كل يوم
من يهدي القسيس ليصبح داعية بين عشية وضحاها
قادر على ان يغير 30 من الفساد
كل كلامك بيعتمد على توقعات مستقبلية مستنتجة من ماضيك
ليه معندكش ذرة امل في التغيير ؟

على فكرة عشان تعمل تغيير (لازم) مبارك يفضل قاعد
ولو كنت تابعت الحوارات اللى اجريت مع ناس مختلفة امبارح عالتلفزيون واول امبارح حتعرف ليه

اولا حمد الله لعى السلامة على طول الغياب

الله يسلمك ده بس فاصل ونواصل :p


وثانيا الموضوع طويل اووووووووووووي بس بجد رائع رائع

شكراً ربنا يخليكي

وهو ده المفروض اللي الناس تفهمه ان الرئيس مبارك زي ما في سلبيات في ايجابيات

بس دلوقتي الكل خلاص عايز الامر كن فيكون حتى لو كام شهر


مبارك لسه رئيس مصر واهانته اهانة لمصر فحافظ على كرامة مصر

والجملة دي عجبتني اووووي بس البعض لا يدركها ويوقولوا احنا مالنا بيه
ربنا يهدي الاحوال
لا مفيش حاجة اسمها مليش دعوة
انت رايح هناك تتكلم باسمي وعن بلدي يبقى تعبر عني مش عاللى انت عاوزه بس
انت رايح تصلح البلد ولا رايح تعزل مبارك ؟ ده الفرق



ولذا فإن كنا فعلاً نحفظ الجميل ونعفو عن الغافل فلابد من تكريم مبارك في نهاية فترة رئاسته كبطل في حرب اكتوبر علي الأقل

للأسف كانوا بيدرسو التاريخ عشان الامتحان مش عشان بلدهم :d
يمكن الجيل القديم اللى شهده هو بس اللى حاسس بالنقطة دي مش احنا

ونفس أشوف مبارك بعد انتخابات الرئاسة وهو في القصر الرئاسي حاملاً علم مصر ويسلمه لرئيس مصر القادم بكل تحضر ووكالات العالم تنقل ذلك فإن ذلك سيرفع من هامة المصريين في العالم وستخلد ذكري ثورة 25 يناير في كتب التاريخ وسنعلن للعالم كله اننا شعب متحضر نتظاهر من أجل حقوقنا لا من أجل الانتقام فلن ننتقم من أحد أبطال نصرنا الوحيد علي اليهود في القرن الماضي

يااه لو حصل
حيكون مبارك اول رئيس سابق في الوطن العربي
وحتكون مصر اول دولة عربية تسلم السلطة لغير الوريث وبشكل سلمي خلال الفترة الاخيرة كلها

يعني حتى لو كل اللى اتقال مش عاجبهم يسيبونا نخلد الميزة دي في التاريخ قبل ما حد يسبقنا :d

شكراً لإضافتك العطرة

من يظلم الكون وينيره في 12 ساعة كل يوم
من يهدي القسيس ليصبح داعية بين عشية وضحاها
قادر على ان يغير 30 من الفساد
كل كلامك بيعتمد على توقعات مستقبلية مستنتجة من ماضيك

ليس ماضيّ أنا , وانما هو ماضي النظام الحاكم , وهو ما يجعل فقد الثقة بين غالبية الشعب وبين النظام الحاكم موجود ودماً !!

ليه معندكش ذرة امل في التغيير ؟

لأنه من يريد أن يغير هو النظام الحاكم نفسه الذي أفسد طيلة 30 عاماً !!
ماذا لو لم تحدث هذه الثورة ؟ أكان النظام الحاكم يقر بتغيير بعض مواد الدستور ؟
أكان الرئيس مبارك يعلن عن عدم ترشحه مرة أخري ؟ أكان جمال مبارك لا يتقدم للرئاسة إذا لم يتقدم لها الرئيس ؟! أكان أحمد عز يقدم استقالته ويتم التحفظ علي أمواله ويمنع من السفر ؟! أكان ............... !!
النظام الذي يُجبر علي فعل أمر ما علي غير رغبته , لن يقوم به بالشكل الصحيح !!


على فكرة عشان تعمل تغيير (لازم) مبارك يفضل قاعد
ولو كنت تابعت الحوارات اللى اجريت مع ناس مختلفة امبارح عالتلفزيون واول امبارح حتعرف ليه


قلتها أكثر من مرة في أكثر من موضوع بأنني لست مع رحيل الرئيس مبارك في هذا التوقيت ( ليس لاعجابي به ) ولكن يجب أن يقوم باعطاء ضمانات مؤكدة وخطوات ايجابية (وليست حزبية) لاثبات جدية النظام الحاكم في اجراء التعديلات والاصلاحات كما ينبغي وليس كما يراها النظام الحاكم وحده !!
ما معني عدم حل مجلسي الشعب والشوري وهو من سيقوم بتعديل مواد الدستور والذي صرح نائب الرئيس بأن هذا الأمر سيستغرق 70 يوماً , في حين يصرح الدكتور يحيي الجمل وهو من كبار رجال القانون بأنه يستطيع أن يضع دستوراً جديداً لمصر في ظرف شهر واحد !!!!!
ما معني أن يرفض النظام الحاكم الغاء قانون الطوارئ الأن ويقول نائب الرئيس بأن مصر تحتاج إلي 6 أشهر لاستعادة قوات الشرطة كما كانت , وبالتالي فالبلد في حاجة ماسة لاستخدام هذا القانون في الوقت الحالي !!
فلتقل لي ما هي الخطوات الايجابية التي تمت حتي الأن ( أريد أفعالاً لا أقوالاً )
دعونا من التصاريح والوعود والكلمات , اذكروا لي أفعال تم اتخاذها في صالح البلد كلها وليست خطوات تخص الحزب الوطني فقط !!

أهلا ياحاج بانزر

عاش من شاف مواضيعك :d
بصراحة تحليل متميز جدااا ....
منا عارف :d
حتي العرب منهم اللي بيقولوا عليه خاين وعميل وحاجات كداا
في الريس ....انا بجد منغاطة ...لان ع راي المثل
ادعي علي ريسي واكره اللي يقول آميييييييييين:d
اه بالظبط كدا ;)
يعني احنا نقول ماشي .......لكن حد تاني مرفوض بصراحة...
أنا متفقة معاك أن اللي خلانا نستحملة 30 سنة
نستحمله 6 شهور ........وبعدين ميدان التحرير قريب وادينا عرفنا الشارع:d لو مش عجبنا أي حاجة هنقعد له في الشارع مش هنخرج .....
اه بالظبط واللى خاف ينزل المرة الاولى مش حيتردد ينزل المرة التانية والعدد شهد
وبعدين المسألة مش لعب عيال يعني ...يعني قال هعمل اصلاحات ومش هترشح تاني....مستحيل يرجع في كلامه .....
ان جيت للحق لما كنت بسمع المليارات دي ....كان بيجي لي حالة ذهول تام ........مصر بيدخل لها مليارات دي كلها :o:o
اومال احنا عايشيين في فقر ليه؟:slap1qk6:
وبنأخذ معنوات من الخارج ليه ..؟:slap1qk6:
دي حاجة صغيرة كدا .... ثروة مبارك يادوب 70 مليار يعني :d
بس الثورة دي قضت ع الخوف التام فاكرة ايام 3اعدادي كان بيدينا استاذ ازهري فبيقول يابنات اوعي واحدة فيكم تتكلم في السياسة ممكن يأخذوكم امن دولة وبالذات لما تدخلوا الجامعة ...
ولحد قبل 25 يناير مكنش حد يقدر يفتح فمه بكلام في السياسة
دلوقتي حتي الأطفال والله بتتكلم....اعرف اطفال عمره 9 سنيين وبتكلموا ف اللي بيحصل :d....وأمن الدولة القمعي
انظبط ..تصدق واحد قريبي كان بيحكي ع واحد في المرور
الراجل دا كان قبل كدا بيتكلم بعجرفة رهيبة
بعد اللي حصل دا مش اقولك بئا بيبتسم :d
اذا كان الريس اتعمل فيه كداا اومال الغلبان دا هتعمل فيه ايه:bosyht9:
يعني كان ليها ايجابيات .......
حتي حكام العرب
زي بتاع العراق مش هرشح نفسي.ثالث...
وبتاع الجزائر رفع قانون الطواريء وقال لشعبه اللي عايز يقوم بمظاهرات بيتظاهر بس مش ف العاصمة .....
وبتاع الأردن اللي هي ملكية يعني فيها وراثة شال الحكومة القديمة وقال انه مش هيرشح نفسه ...:d
كل واحد منهم بئا خايف ما هو اللي حصل في مصر وتونس مش شوية :d
افدناهم ولسه مأنجزناش :d
على رأي اللى قال
احنا عملنا المظاهرة والجزاير لغت قانون الطوارئ
والاردن اعلن عدم ترشحه
والكويت عطو كل واحد 1000 دينار
ومعرفش مين زود المرتبات
وريسنا لسه قاعد :d

وكان بردو ليها سلبيات ....الاحتجاج في ميدان التحرير ..
عمل شلل في مصر .......اعرف ناس كثير
بيشتغلوا في شركات ومصانع في القاهرة بقالهم كثير مش راحوا شكلهم
وامبارح لما فكروا يروحوااا ...كان الطريق المؤدي للقاهرة مقفول ع ما أظن بالنسبة لبلدنا .....
وغير ان الشركات كمان مش بتشتغل ..
بصراحة الحزن الشديد ع السياحة اللي ادمرت ..والصناعة

يلا ربنا ييسر الأمور ويعدي الأمور ع خير

لو قصدك بالسياحة عالمتحف المصري فهو يلزمه بعض الترميم ولكن الحمد لله متسرقش حاجة
وعلى أية حال السياحة بتزيد في مصر ومرتباتنا بتقل :d
نبدأ نهتم لما نحس إننا بسنتفاد بيها بحاجة

المستفيدون من الثورة


بعد أن أصبحت فترة حكم الرئيس مبارك فى ذمة التاريخ ، أحب أن أشير أن هذه الفترة بكل ما فيها من مساوىء كانت مصر فيها سدا منيعا ضد تغلل الشيعة الروافض ، وهم المستفيد الأكبر من هذه الثورة ، لقد كان هناك زعيمان يمنعان من تغلغل المذهب الشيعى هما صدام حسين والرئيس مبارك ، والمستفيد أيضا من هذه الثورة هم هؤلاء الليبراليون الذين يريدون دولة مدنية تكون الدعوة الإسلامية فيها جريمة يؤخذ عليها بالنواصى والأقدام ، وأصبح ما تبقى من مظاهر التدين فى المجتمع معرض للخطر ، وأصبحت أخلاقيات المجتمع عرضة للخطر بسبب تبنى كثير من القائمين بالثورة للمذهب الليبرالى والذى يعنى الحرية المنفلتة عن الدين ، وأيضا الدستور والذى ينص على أن مصر دولة إسلامية والشريعة الإسلامية المصدر الرئيسى للتشريع هو فى مهب الريح ، والمستفيد أيضا هم أقباط المهجر وقائمة طويلة من المطالب لا تنتهى ، والمستفيد أيضا الدولة اليهودية وتحول مصر إلى دولة ضعيفة تكتنفها الفوضى من كل إتجاه وربما التفكيك إلى دويلات ، و وا أسفى على مصر أرض الكنانة .



أبو إسراء



ايه يا أستاذ ابو إسراء مش للدرجة يعني :d
هو مبارك الشخصية الوحيدة القادرة على حماية الدين في مصر
ده باعتبار انه كان حاميه اوي يعني :d

المظاهرة مينفعش إننا نشك ولو للحظة انها كانت ضد مصلحة مصر
او الشباب الطاهر اللى طلع فيها كان ليه اهداف غربية او دينية او الكلام ده
اي كل حاجة بتحصل في ناس بتستغلها لصالحها

احنا اهم حاجة نبعد عننا البرادعي وكل حاجة حتبقى تمام :d

قلتها أكثر من مرة في أكثر من موضوع بأنني لست مع رحيل الرئيس مبارك في هذا التوقيت ( ليس لاعجابي به ) ولكن يجب أن يقوم باعطاء ضمانات مؤكدة وخطوات ايجابية (وليست حزبية) لاثبات جدية النظام الحاكم في اجراء التعديلات والاصلاحات كما ينبغي وليس كما يراها النظام الحاكم وحده !!

تمام ماهو ده اللى انا عايزه كله
اني رافض اللى واقفين دلوقتي في ميدان التحرير
اللى عايزين الريس يمشي وفوراً ودون حوار حتى

لإنه الريس لو مشي دلوقتي يبقى الريس الجديد حييجي بالدستور القديم اللى الناس رافضاه

ونائب الرئيس مش حينفع حتى لو الريس عطاه صلاحيات انه الدستور يتغير

يبقى المهم إنه كلنا متفقين على انه لازم يكمل فترته

وسواء الدستور حيتعمل في شهر او في 9 شهور
في الحالتين حيؤدي لإنه اللى واقفين دلوقتي في ميدان التحرير
مش عايزين اصلاح في مصر ولا تغيير
وكدا احنا متفقين انه طار شخصي بينهم وبين الريس

وده اللى كنت عايز اوصله

نعم أختي نحن في حاجة للتهدئة الآن فكل ما سيعود بخراب ليس له مقابل
التغيير حصل وانتهى خلاص
نورتم موضوعنا




فعلا التغيير جميل لكن ليس فى كل الأحوال :d

فعلا التغيير جميل لكن ليس فى كل الأحوال :d

ههههههه مهو تغيير الاسماء وكترة العضويات دي نست الواحد اكتر ماهو ناسي
وجعتو دماغنا :d

الحقيقة هتبان , و هنعرف مين الصح و مين الغلط

معاكى يا ثورة بلادى لآخر نفس

الحقيقة هتبان , و هنعرف مين الصح و مين الغلط

معاكى يا ثورة بلادى لآخر نفس

دي مقدمة قبل قراية الموضوع ولا رد على موضوع تاني ؟