ثالثنا الهوي [الأرشيف] - بوابة الثانوية العامة المصرية

إلهام صلاح لاشين

07-02-2011, 10:34 AM

ثالثنا الهوى –شعر إلهام صلاح

أد إيه الناس بتكره بعضها
وتعيب فى بعض
أد إيه الناس بتطعن بعضها
وتاكل فى بعض
مستحيل الخير هيسكت كل ده
أبدا ده صعب
مستحيل الشر يسكن قلبنا
إبعد يا شر
مستحيل الدمع يسكن حلمنا
والدمع مر
مستحيل الحضن يهجر أهلنا
ولمتنا بر
وسط أمواج الحياة
بتضيع براءة عمرنا
بكلام بيحرق دمنا
تكوى الضغينة ف صدرنا
تشلح هدومنا وسترنا
يتشفى فينا عدونا
ونقول قدر
ونقول قدر
مكتوب علينا يهدنا
يسقط قمرنا وشمسنا
وبحور ندم
تجرى تسيل
على خدنا
تجرف هموم
ونزيد ألم
ونزيد أنين
ونزيد وجع
فى المجروحين
ليه كل ده
تاه الندا
فارد قلوعه
ورايح لفين؟
قال الندا:
يمكن يقابلنى الصباح
أبو العيون المرتاحين
والطرحة تلى منورة
فوق الجبين
وندوب قوام
ويا الحنين
يعدل قلوعى الميالين
يانميل سوا
على شط ثالثنا الهوى
وتفوق عيونى
الدبلانين
:022yb4: