مشاهدة النسخة كاملة : انا رحت السكول مع مدرس الفول
basmala 08-11-2007, 08:37 AM السلام عليكم ورحمه الله وبركاته
من الايام القليله فى السنه التى اتنازل فيها عن وقتى ..وايضا عن راحتى ..واضطر اسفا
لتغير نظام نومى ...واذهب فيها الى المنطقه المبجله التى يوجد فيها مدرستى ...وهناك
نأخذ بعض الحصص اللتى لا يوجد لها اي فائده غير تسبيب الصداع وبيان انك فاشل درجه تانيه ...وانك لاتفقه شيئ فى هذه الماده ...ولكن لا انكر انى استفاد كامل الاستفاده من حصتين الفزيا
ماعلينا .:D..ازيكوا الاول عاملين ايه ...؟
طبعا بناخد فى المدرسه فزيا ...وانا اتقبل جدا انى اسمع مصطلحات فزيا بالانجلش
لان على حد علمى انها بتكون كده فى الكليات
وبناخد برده رياضه ..وانا اتقبل برضه انى اسمه مصطلحات رياضيه بالانجلش ..لان برده على حد علمى ان كليات الرياضه كلها انجلش
وبناخد انجلش والانجلش هو انجلش
اخيرا بقى ..بناخد ماده اسمها عربى ...والشىء المؤسف ان مدرس العربى بيتفزلك ويتكلم بالانجلش
عشان يعنى يعرفنا انه مثقف ...
فيجى مثلا يقولنا على موضوع التعبير (كومبيرهنشن )...معرفش ازاى ...بس هو مش بينطقها كده ....:Dهو بينطقها كومبيهنزيشن....
غير كدا ..فى احد احاديثه الغير ممتعه واللى فيها درجه ملل ترفع الضغط...كان بيسألنا انتوا فهمتوا الدرس من المدرسه ولا من الدرس الخصوصى
فبيقولنا ايه(( ها ياجماعه انتوا فهمتوا منى ولا من البريفت ))
هو معنى كلمه درس خصوصى بريفت
الله واعلم ..العلم عند الله
ايش حال مدرس العربى بقى يتكلم انجليزى (انجليزى ده يا مرسى)...يبقى احنا نعمل ايه
ياريت نتمسك باللغه العربيه شويه عن كده ...
وياريت اللى ميعرفش حاجه مايتكلمش فيها ...وياريت مندخلش انجليزى فى لغتنا العربيه
لانه لغه احقر من اننا نستعملها بدل لغتنا ...وفى الاخر والاول دى للغه القرأن
احمد رضا 08-11-2007, 09:40 AM السلام عليكم و رحمه الله و بركاته
انا مش عارف اقولك ايه يا بسمله !!
يعني بالنسبالي عندنا في المدرسه تلت ارباع المدرسين مبيعرفوش يشرحوا و الربع الباقي مريح دماغه إلا من رحم ربي و اظن انا مش هروح اترزع في المدرسه من الساعه 8 لحد الساعه 3 عشان من رحم ربي
لاء تتحرق المدرسه بمدرسينها بطلبتها بالتخت ذات نفسها
و تلاقي المدرس بتاع العربي فعلا بقه يتكلم انجليزي اليومين دول ههههههههه حاجة تدعو للتمسك باللغه العربيه فعلا ..لا و اللي زاد و غطي لغه الفرانكو اللي دخلت علي اللغه العربيه في الرسائل الإلكترونيه دي مصيبه لوحدها يالا ربنا يستر
بس ليا تعليق صغنن خالص
بالنسبه للعنوان حاسس انه مش متركب علي الموضوع - يعني افتكر ان الفول مش محتاج مدرس احنا بسم الله ماشاء الله بناكله بالفطره و السليقه وبعدين لو افترضنا ان فيه مدرس فول تروحي معاه ليه ههههههههه ما علينا من دي
بالنسبه انك بتقولي الانجليزي احقر من اننا ندخله في العربي - طيب ليه بتقولي " انجلش " مفروض تقولي " انجليزية " او " الانكليزيه " ده علي حسب معلوماتي المحدوده يعني
انا معاكي ان احنا المفروض نحافظ علي لغتنا بس علي فكرة الانجليزي مش حقير ولا حاجة :)
بس بجد ياريت نحافظ علي لغتنا العربيه الفصحي بدل ما هتبقي- سوري في اللفظ اللي اقصده - لغه عربيه مش فصحي هتبقي عربيه تانيه كدا
السلام عليكم و رحمه الله و بركاته:)
نونا المصرية 08-11-2007, 10:30 AM ايه الموضوع الجامد ده يا بسملة
بجد فعلا عندك حق
الناس مش عارفة ليه بقى بتتكسف تتكلم عربى هو بقى عيب ولا ايه يا جماعة؟؟؟؟؟؟؟؟؟؟؟؟
وللاسف تلاقى ان اكتر الجهلة بالانجلش هما اللى بيحبوا يتفزلكوا بيه وكل اللى حفظينهم هما كلمتين عمى
انا مدرس الانجلش بتاعى كان عايش طول عمره فى اسكتلندا وبيدرس للطلبة هناك يعنى ما شاء الله بيتكلم انجلش ببراعة وباللكنة بتاعتهم كمان لكن لو قابلته برة الدرس كل كلامه عربى عادى يعنى وكان دايما يقولنا ان اجهل الناس هما اللى بيحبوا يتمنظروا بعلمهم القليل
يلا ربنا يهدي الجميع ويعرفوا ان اللغة العربية هى لغة القران وهى لغة اهل الجنة
ميرسى يا جميل عالموضوع التحفة ده
fares elnet 08-11-2007, 10:34 AM هو فعلا موضوع خطير جدا
وهو عدم التمسك باللغة العربية
وده للاسف السائد بين الشباب
مش بس فى المدارس كمان
وشكرا للموضوع
General 08-11-2007, 10:51 AM يبقا انت اكيد فى مصر ..........!
The_Relativistic200 08-11-2007, 02:17 PM كويس انك بتهتمى باللغة العربية
دى حاجة جميلة جدا على فكرة
لان انا شخصيا بحب العربى جدا
افتقدته فى الجامعة كلغة مش كدراسة
لان دراسته متخلفة شوية
لكن انا اتكلمت زمان فى شبه كده
(بس انا ما اتكلمتش على الانجليزى)
والحمد لله الناس استجابت...!!
وبيكتبوا احسن منى كمان
شكرا يا بسملة على موضوعك
اما بالنسة لمصطلحات الجامعة
فانا بدعيلك ان ربنا يرزقك بناس بتنطق انجليزى
مش الفلاحين بتوع الفيزيا عندنا
انا اللى مخلينى اذاكر فيزيا النطق بتاع المعيد بس:)
صوت الحق 08-11-2007, 02:29 PM يكفيها فخرا انه لغة القرءان الكريم وعمر الثقافة بنطق كلمات بلغة ثانية والعيب كل العيب فى المدرس وليس اللغة شكرا على الموضوع
http://www.up7up.com/pics/h/15/1181693023.gif (http://www.up7up.com/)
محبة الله 08-11-2007, 02:34 PM لالالا احنا مدرس العربى بتاعنا غير كدا خالص
من اول حصة دخل بنقولوا يا مستر اوم قالنا
(انا لست مسترا انا استاذا)
هههههههههههههههه
اهم حاجة انو مايبقاش مسترا
مش مستر
بس بردو لفتة جميلة منو
ومافيش احلى من اللغة العربية
وشكرا (مش ميغسى) ع الموضوع
MohammeD el_SadaT 08-11-2007, 03:27 PM المشكله إن بقه حلم كل احد إنه يجيد لغه
عشان يقدر يشتغل
ومع ذلك
والله العظيم معظمنا دا لو مكنش كلنا
مش بيجيد لغته الأم وهى العربيه
ربنا يتولانا برحمته
براءة 08-11-2007, 04:33 PM m3lesh ya sara
take it easy :d
احمد رضا 08-11-2007, 05:25 PM المشكله إن بقه حلم كل احد إنه يجيد لغه
عشان يقدر يشتغل
ومع ذلك
والله العظيم معظمنا دا لو مكنش كلنا
مش بيجيد لغته الأم وهى العربيه
ربنا يتولانا برحمته
ليا تعليق صغير بس علي كلامك يا محمد
علي فكرة مش مشكلة خالص ان الواحد يحلم يبقي معاه لغه و اتنين و تلاته و سبعه كمان لان ما دام لغتنا مش جايبلنا فلوس خلاص يبقي ندور علي اللي بيجيب فلوس بس في نفس الوقت نحرص اشد الحرص اننا نتعلم لغتنا و انا ان شاء الله بعد السنادي هبدأ اخد كورس في اللغه العربيه عن اي دكتور وبعدين ابدا اتعلم في اللغات التانيه عشان يبقي فرص الشغل مفتوحه قدامي و سديت كل الثغرات
ده كان مجرد رأيي
وشكرا ليكي مرة تانيه يا سارة علي الموضوع الجاد
basmala 08-11-2007, 10:55 PM السلام عليكم و رحمه الله و بركاته
تدعو للتمسك باللغه العربيه فعلا ..لا و اللي زاد و غطي لغه الفرانكو
هى ايه لغه الفرانكو دى ..؟؟
بالنسبه للعنوان حاسس انه مش متركب علي الموضوع - عادى ..ماهو العنوان بيدل انه انجلش على عربى خلطه زى الناس اشمعزا اناوبعدين لو افترضنا ان فيه مدرس فول تروحي معاه ليه ..؟:D..مين ده ..!!
- طيب ليه بتقولي " انجلش " مفروض تقولي " انجليزية " او " الانكليزيه "
انا من رأيى اقول على ماده الانجليزى انجلش واقول على الفرنساوى فرنش ...لان دى ماده اسمها كده
السلام عليكم و رحمه الله و بركاته:)
وعليكم السلام ورحمه الله وبركاته
الموضوع نور
ايه الموضوع الجامد ده يا بسملة
جامد بدخولك طبعا
وللاسف تلاقى ان اكتر الجهلة بالانجلش هما اللى بيحبوا يتفزلكوا بيه وكل اللى حفظينهم هما كلمتين عمىايوه فعلا انا ملاحظه كده ...
اجهل الناس هما اللى بيحبوا يتمنظروا بعلمهم القليل
اكتر جمله عجبانى...اناكمان مدرس الانجلش بتاعى عمره مااتمنظر فى كلامه العادى معانا
انا فرحانه بدخولك الموضوع يا نونا منوراه
هو فعلا موضوع خطير جدا
وهو عدم التمسك باللغة العربية
وده للاسف السائد بين الشباب
مش بس فى المدارس كمان
..شكرا لمرورك على الموضوع ..وياريت نحاول بجد نغيرها ولو حتى فى نفسنا
يبقا انت اكيد فى مصر ..........!
فعلا احنا فى مصر بلد الفقهاء والمتميزين
__________________________________________________ ____________________
كويس انك بتهتمى باللغة العربية ...ماهو الواحد ساعات بيكون فى حاله وبعدين يلاقى الناس نرفزته فيضطر يهتم غصب عنه
دى حاجة جميلة جدا على فكرة
لان انا شخصيا بحب العربى جدا
افتقدته فى الجامعة كلغة مش كدراسة
لان دراسته متخلفة شوية
الحمد لله انك قولته لانى كنت لسه هقولها
لكن انا اتكلمت زمان فى شبه كده
(بس انا ما اتكلمتش على الانجليزى)
والحمد لله الناس استجابت...!!
وبيكتبوا احسن منى كمان
شكرا يا بسملة على موضوعك
شكرا ليك لاهتمامك بالموضوع والرد
اما بالنسة لمصطلحات الجامعة
فانا بدعيلك ان ربنا يرزقك بناس بتنطق انجليزى
مش الفلاحين :Dبتوع الفيزيا عندنا..:Dبدون التريأه على الفلاحين الشرفاء
دول ناس جهله ..زى مدرس الفزيا بتاعى عايز يحفظنى المسائل ...
انا اللى مخلينى اذاكر فيزيا النطق بتاع المعيد بس:)...الحمد لله ...نورت الموضوع[/quote]
__________________________________________________ ____________________
يكفيها فخرا انه لغة القرءان الكريم وعمر الثقافة بنطق كلمات بلغة ثانية والعيب كل العيب فى المدرس وليس اللغة شكرا على الموضوع
http://www.up7up.com/pics/h/15/1181693023.gif (http://www.up7up.com/)
شكرا لحضرتك على مرورك العيب فى الناس لكن انا ماعيبتش فى اللغه
(انا لست مسترا انا استاذا)
:D:D:D:D:D:D
اهم حاجة انو مايبقاش مسترا...هههههههه...
مش مستر
بس بردو لفتة جميلة منو
ومافيش احلى من اللغة العربية
وشكرا (مش ميغسى) ع الموضوع
الله يمغسكى يا محبه الله ..انا اللى المفروض اشكرك
[quote=CoMe frOM ThE DeaTh;312909] المشكله إن بقه حلم كل احد إنه يجيد لغه
عشان يقدر يشتغل
ومع ذلك
والله العظيم معظمنا دا لو مكنش كلنا
مش بيجيد لغته الأم وهى العربيه مش لما يعلمونا عربى الاول
ربنا يتولانا برحمته
ايوه ماشى لكن بعيدا عن الشغل فى حياتنا اليوميه ...
m3lesh ya sara
take it easy :d
ياحلو صبح يا حلو طل ..مي مين رحمه للعالمين
شكرا يا احمد لمرورك للمره التانيه
انا بشكركوا كلكوا للأهتمام
_GUIDE_ 08-11-2007, 11:09 PM اتجوزى واقعدى فى البيت :D
احمد رضا 08-11-2007, 11:26 PM ههههههههههه بصي يا سارة متحاوليش انتي غلطانه بقه في انك تقولي انجلش
احنا قولنا نتكلم عربي يبقي مش نقبل المصطلحات الخارجيه :p
ومتقوليش اسم الماده كدا لانها ليها ترجمه مش محطوطه كدا
وإلا كنا شوفنا واحد في ترجمته كتاب عن اليونان ولا الفرس ولا البلاد اللي بتتكلم انجليزي بيقول انجلش :D
هههههههه مش مشكلة المهم انك كويسه :D
منى الشقية 09-11-2007, 12:47 AM بجد انتي بتتكلمي صح
يا جماعة ابتدت لغتنا تنهار وهنصبح قريبا زي شعوب اسمها عربية فقط ولكن لا يتحدثونها
اتمنى ان نهتم بلغتنا العربية وننميها ولكن هذا لا يمنع ان ندرس الانجليزية
قالوا الوداع قولت قشطة 10-11-2007, 02:41 PM لا خلاص ما احنا بقينا جيل ما يعلم بيه الا ربنا
Miss_CaR!zma 11-11-2007, 11:37 PM مش معنى انه مدرس عربى يبقى لازم يحافظ على الهويه
مع انه مفروض انه يعمل ده
بس يا بنتى انتى ايه ضمنك اصلا انه درس الماده دى عن حب ؟
مش يمكن غلطه مكتب تنسيق مثلا
وعامه اى حد اى حد دلوقتى من غفير لوزير فى انجلش فى كلامه ولو من غير قصد
سواء انجليزى ده يا مرسى او انجليزى صومالى او انجليزى من اللى بنسمعه فى الافلام الاجنبى
وربنا يوفقك يا بسمله يا بنتى وتخلصى من الثانويه العامه وتوابعها وتدخلى كليه كلها انجلش علشان مش تعلقى وتقولى يوم من ايامك يا مستر :p
|