السلام عليكم

المدرسة اجلا او عاجلا هتفتح أبوابها


ولكن هل احد فكر فى ان مع بداية الفصل الدراسى الثانى

هتنتقل ثورة التغيير الى مدارسنا
يا ساتر يارب هو احنا كمان هنعمل مظاهرات

لا مش قصدى كدة

أنا اقصد كمعلم ومربى سواء ابتدائى او اعدادى او ثانوى

دخلت لتلميذك

هينتظر رايك

وهتبتدى انت تنقل له الحدث من منظورك

ومن هنا يقوم هذا الجيل اللى يسمعك بتغيير موقفه تماما وهيبتدى يناقشك


هل فكرنا كيف ننقل الخبر


فى انتظار ردودك ومناقشاتكم

هل تنقل الخبر الحدث من وجه نظرك انت
ام هتعرض كل الوجهات النظر

والا هتتغافل عن الحدث وتعديه وتكتفى بانه يتابع بمنزله
أم ماذا هتفعل

يراعى فى المقام الأول مكانة وعظمة مصر وثانيا تأكيد حرية التعبير من منظور الرأى والرأى الأخر فى أطار تربوى ديمقراطى وتأكيد مبدء الصدق والشفافية

اللى اعتقده من الواقع يعنى كل واحد من السادة المدرسين هيقول رأيه بكل صدق وصراحه والولاد فى البيت اكيد بيسمعوا رأى الوالد وعشان كدة هيبقى فيه نقاش جامد والعملية التعليمية هتبقى كلها سياسة وخصوصا ان حاجز الخوف خلاص انكسر فربنا يستر مشاكل كتير هتحصل وخصوصا تغيير مفهوم الحرية عند الطلبة الى مفهوم اكثر قربا من الفوضى

https://lh3.googleusercontent.com/_AE1-Ki38M1U/TUmxj-tW56I/AAAAAAAAABE/9QBYuKUxzJw/%D8%B9%D9%84%D9%85%20%D9%85%D8%B5%D8%B1%201.jpg