Dr. Hoda Ahmed
09-02-2011, 07:24 PM
سلام عليكم ورحمة الله وبركاته
الموضوع 3 اسئلة فقط ارجو توضيحهم من اساتذة المنتدى او الطلبة الافاضل
عندما يمر ضوء ابيض خلال وعاء يحتوى على غاز الهيدروجين فانه يلاحظ ان اطوالا موجبه من متسلسلة بالمر ومتسلسلة ليمان يتم امتصاصها هل هذا الغاز ساخن ام بارد ؟ ولماذا؟؟
لماذا تصدر الاجسام الصلبه الساخنه طيفا مستمرا بينما تصدر الغازات الساخنه طيفا خطيا ؟؟
ارجو توضيح علاقة نوع الماده بنوع الطيف لو سمحتم ؟؟
الكترون حر طاقته 20الكترون فولت اصطدم بذرة الهيدوجين فاثارها الى مستوى معين وتشتت الالكترون بسرعة اقل من سرعة التصادم فاذا انبعث من ذرة الهيدروجين عندما عادت الى الاستقرار فوتون طوله الموجى 1.216*10اس -7
احسب سرعة التشتت
انا عارفه الحل بس مش مقتنعة وعايزة اعرف ايه هى سرعة التشتت دى وليه مش هنستخدم المعطى الاول المفروض اننا فى اى مساله نستخدم المعطيات كلها
شكرا وانا اسفة لو اسئلتى كتير
وشكرا لمن يتقدم بالاجابة
josephmorris
09-02-2011, 08:24 PM
عندما يمر ضوء ابيض خلال وعاء يحتوى على غاز الهيدروجين فانه يلاحظ ان اطوالا موجبه من متسلسلة بالمر ومتسلسلة ليمان يتم امتصاصها هل هذا الغاز ساخن ام بارد ؟ ولماذا؟؟
أظن الغاز بارد
طالما امتص من مجموعة ليمان يبقى اكيد ذراته كانت فى المستوى الاول .... يبقى مكانتش مكتسبة طاقه تثيرها .. يبقى الغاز بارد .. ولما طلعب للمستوى الثانى امتص من مجموعة بالمر .. بس مش متأكد
لماذا تصدر الاجسام الصلبه الساخنه طيفا مستمرا بينما تصدر الغازات الساخنه طيفا خطيا ؟؟ ياريت تقولى المصدر منين ... علشان كل المواد الساخنه .. صلبه سائله او غازيه تشع طيف مستمر
ارجو توضيح علاقة نوع الماده بنوع الطيف لو سمحتم ؟؟جميع المواد الساخنه تشع طيف مستمر
الكترون حر طاقته 20الكترون فولت اصطدم بذرة الهيدوجين فاثارها الى مستوى معين وتشتت الالكترون بسرعة اقل من سرعة التصادم فاذا انبعث من ذرة الهيدروجين عندما عادت الى الاستقرار فوتون طوله الموجى 1.216*10اس -7
احسب سرعة التشتت من طاقة الالكترون اللى ساقط اجيب سرعته
ومعايا طاقة الالكترون المشتت ( اطرح طاقة الاكترون - طاقة الفوتون اللى طالع )
يبقى معايا طاقة الالكترون الساقط
سرعة الالكترون الساقط
طاقة اللكترون المشتت
الطاقه ÷ السرعه = الطاقه ÷ السرعه
سرعة التشتت السرعه اللى طالع بيها الالكترون المشتت
ArabianPDA
09-02-2011, 10:29 PM
انتو وصلتوا الحديثه!!!!!!!!!!!!!!!!!!!!!!!!
josephmorris
09-02-2011, 11:05 PM
انتو وصلتوا الحديثه!!!!!!!!!!!!!!!!!!!!!!!!
لا بعيد عنك ... دا انا فاضلى حصتين او تلاته وأخلص المنهج ... خدنا حصه فى ال 15
الاستاذ بتاعنا ماشى بسرعة الصاروخ ..
وده انا شايفه عيب لأنه مش بيديلنا فرصه نحل الاسئله اللى على كل فصل بس انشاء الله نعوضها فى المراجعه
Dr. Hoda Ahmed
09-02-2011, 11:19 PM
أظن الغاز بارد
طالما امتص من مجموعة ليمان يبقى اكيد ذراته كانت فى المستوى الاول .... يبقى مكانتش مكتسبة طاقه تثيرها .. يبقى الغاز بارد .. ولما طلعب للمستوى الثانى امتص من مجموعة بالمر .. بس مش متأكد
lماشى تفسيرك مقنع مع اجابتى انا كمان وصلت انه بارد بس مش لنفس السبب
انا قلت مثلا فى خطوط فرونهوفر نتيجه ان الغازات اللى فجو الشمس تعترض طريق الشمس الللى هو الضوء الابيض
واكيد ضوء الشمس اشد حرارة من الغاز دى حاجة
كمان علشان امتص طاقة من مادة يبقى انا لازم اكون اقل منه درجة حرارة يعنى انا ابرد اللى هو الهيدروجين
فكده قد تتلائم مع اجابتك حاول تفكر فى كلامى لو مقتنع بيه واسال استاذك تانى فى الاجزئية دى لانى مش مقتنعة باجابة استاذى
ياريت تقولى المصدر منين ... علشان كل المواد الساخنه .. صلبه سائله او غازيه تشع طيف مستمر
ازاى هو مش طيف الانبعاث بيكون من المواد الصلبة المتوهجة والابخرة والغازات الملتهبة لكن لم بنقسم طيف الانبعاث مستمر وخطى بنفصلهم يعنى المواد الصلبة دى طيف مستمر
والابخرة ولاغازات الساخنه طيف خطى مميز (واكيد الفرق واضح بينهم )
بس ليه ايه علاقة ده بده فى الكتاب مكتوبه نصا لكن بدون تعليل او تعليق وكتاب الامتحان شوف الاسئلة هتلاقيها اخر حاجة فى اسئلة الفصل الثالث عشر (اللى بالااحمر )
جميع المواد الساخنه تشع طيف مستمر (لا مش كلها )
من طاقة الالكترون اللى ساقط اجيب سرعته
ومعايا طاقة الالكترون المشتت ( اطرح طاقة الاكترون - طاقة الفوتون اللى طالع )
يبقى معايا طاقة الالكترون الساقط
سرعة الالكترون الساقط
طاقة اللكترون المشتت
الطاقه ÷ السرعه = الطاقه ÷ السرعه
سرعة التشتت السرعه اللى طالع بيها الالكترون المشتت
مش فاهماك الاجابة اللى الاستاذ عملها وطلع الناتج مظبوط انه عادى اوى ساوى الطاقة من قانون سى فى اتش على لمدا المذكورة
ومنها بتساوى نصف ام فى تربيع
ومنها جاب السرعة بلا اى استخدام للمعطى الاول وده اعتراضى
انا هحلها باجابتك وهشوف الناتج واحاول اطبقها انا بحاول اجيب حل يستخدم المعطى الاول
شكرا يا جوزيف على الحل واسفة لو بتعبك هراجع اخر مسالة وارد عليك
Dr. Hoda Ahmed
09-02-2011, 11:23 PM
لا بعيد عنك ... دا انا فاضلى حصتين او تلاته وأخلص المنهج ... خدنا حصه فى ال 15
الاستاذ بتاعنا ماشى بسرعة الصاروخ ..
وده انا شايفه عيب لأنه مش بيديلنا فرصه نحل الاسئله اللى على كل فصل بس انشاء الله نعوضها فى المراجعه
تقريبا عندى نفس المشكلة يا جوزيف
بس ان شاء الله لما نخلص نحل وده يبقى افضل ان شاء الله
josephmorris
10-02-2011, 01:39 AM
طيب بصى ده ... اقتباس من الويكيبيديا
يحتوي الطيف المستمر سلسلة مستمرة من الموجات أو الترددات ضمن نطاق طويل. جميع الأجسام الصلبة، والسوائل، والغازات الساخنة تصدر طيفا مستمرًا ، مثل فتيل مصباح متوهج أو في الفرن العالي. ينتج الطيف المستمر عمومًا في درجات الحرارة العالية . وبينت التجربة أن توزيع ترددات الأشعة الصادرة من جسم معين عند درجة حرارة 1500 كلفن مثلا لا يتغير شكله عندما يبرد الجسم إلى درجة حرارة 500 مثلا . كل ماهنالك أن منحنى التوزيع ينزاح بأكمله في اتجاه الموجات الطويلة ، حتي إذا تُرك الجسم ليبرد إلى درجة حرارة الغرفة (300 كلفن) فإن منحنى التوزيع يحتفظ بشكله ولكنه ينزاح في اتجاه موجات أطول . و يُعبر عن توزيع أطوال الموجات وبالتالي توزيع طاقة الأشعة الصادرة من جسم ساخن واعتمادها على درجة الحرارة ب قانون بلانك.
طيف الانبعاث معروف انه ينقسم لخطى ومستمر ... بس كتاب المدرسه مش ذاكر انواع لده ولا لده ولا حتى مذاكرة الاستاذ ...
صدقينى لما فكرت فى السؤال الاول ده لقيت انه ممكن يكون الغاز سخن وممكن يكون بارد
ممكن يكون سخن ... يبقى هو مكتسب طاقه ... اثارت الالكترونات الى المستوى التانى ... علشان كده امتص من مجموعة بالمر
وممكن يكون بارد ... يبقى هو مش مكتسب طاقه .... يبقى الكتروناته فى المستوى الاول ... علشان كده امتص من مجموعة ليمان
وعلى فكره انا مش باخد اجابات الامتحان على انها مرجع يعنى اعتمد عليه
المسأله الاخيره
مش فاهم استاذك حلها كده ازاى ...
هقولك انا فكرت ازاى فى المسأله دى
اكيد عارفه تأثير كومبتوم .... لما قذفنا الالكترون بفوتون
الفوتون اتشتت .. وقلت طاقته ......... والالكترون اتغير اتجاهه وزادت سرعته وطاقته وكده
دى نفس الفكره
لما الالكترون اللى طاقته 20 ev ده اصطدم بألكترون الذرة .. اللى هيحصل
الالكترون المقذوف ... هتقل طاقته ويتغير اتجاهه ... (( وهيتشتت ))
الالكترون اللى فى الذره هيكتسب طاقه تخليه يصعد لمستوى اعلى وهيهبط تانى وينطلق فوتون طاقته اللى هو عاطيها فى المسأله (( تيجى من طوله الموجى عادى ))
يبقى احنا عندنا كده ...... طاقة الالكترون اللى قذفناه انقسمت بين الالكترون المشتت ...... والالكترون اللى اثير ... وبعدين هبط وانطلق فوتون
يبقى طاقة الالكترون الساقط 20 اى فولت = طاقة الفوتون المنبعث ( موجوده ) + طاقة الالكترون المشتت
كله موجود ما عدا طاقة الالكترون المشتت .. نجيبها عادى .. ويبقى
طاقة الالكترون المشتت = نص ام فى تربيع
يبقى المجهول بس السرعه ... تيجى عادى ... انا عملتها دلوقتى وطلع الناتج صح ...
شكرا يا جوزيف على الحل واسفة لو بتعبك هراجع اخر مسالة وارد عليك
لالا بالعكس ده النقاش ده بيفيدنا كلنا جداا
Dr. Hoda Ahmed
10-02-2011, 01:56 AM
طيب بصى ده ... اقتباس من الويكيبيديا
طيف الانبعاث معروف انه ينقسم لخطى ومستمر ... بس كتاب المدرسه مش ذاكر انواع لده ولا لده ولا حتى مذاكرة الاستاذ ...
صدقينى لما فكرت فى السؤال الاول ده لقيت انه ممكن يكون الغاز سخن وممكن يكون بارد
ممكن يكون سخن ... يبقى هو مكتسب طاقه ... اثارت الالكترونات الى المستوى التانى ... علشان كده امتص من مجموعة بالمر
وممكن يكون بارد ... يبقى هو مش مكتسب طاقه .... يبقى الكتروناته فى المستوى الاول ... علشان كده امتص من مجموعة ليمان
مقتنع بكلامك جدا بس هو مش قصده فى السؤال انه امتص على مرحلتين (الامتصاص كله تعتبر عمليه واحدة هنا فى السؤال علشان مش تتعدد الاجابه )
وانا مقتنعة بانه بارد اكتر
وعلى فكرة مش فى اجابات للامتحان على الجزء ده انا قلت طريقة فهمى لها فوق
وعلى فكره انا مش باخد اجابات الامتحان على انها مرجع يعنى اعتمد عليه
المسأله الاخيره
مش فاهم استاذك حلها كده ازاى ...
هقولك انا فكرت ازاى فى المسأله دى
اكيد عارفه تأثير كومبتوم .... لما قذفنا الالكترون بفوتون
الفوتون اتشتت .. وقلت طاقته ......... والالكترون اتغير اتجاهه وزادت سرعته وطاقته وكده
دى نفس الفكره
لما الالكترون اللى طاقته 20 ev ده اصطدم بألكترون الذرة .. اللى هيحصل
الالكترون المقذوف ... هتقل طاقته ويتغير اتجاهه ... (( وهيتشتت ))
الالكترون اللى فى الذره هيكتسب طاقه تخليه يصعد لمستوى اعلى وهيهبط تانى وينطلق فوتون طاقته اللى هو عاطيها فى المسأله (( تيجى من طوله الموجى عادى ))
يبقى احنا عندنا كده ...... طاقة الالكترون اللى قذفناه انقسمت بين الالكترون المشتت ...... والالكترون اللى اثير ... وبعدين هبط وانطلق فوتون
يبقى طاقة الالكترون الساقط 20 اى فولت = طاقة الفوتون المنبعث ( موجوده ) + طاقة الالكترون المشتت
كله موجود ما عدا طاقة الالكترون المشتت .. نجيبها عادى .. ويبقى
طاقة الالكترون المشتت = نص ام فى تربيع
يبقى المجهول بس السرعه ... تيجى عادى ... انا عملتها دلوقتى وطلع الناتج صح ...
وانا عملت طريقتك وطلعت تمام واظن دى اللى كنت عايزة اوصلها بس هو حلها وطلع برضه الناتج
عموما هناقشه بدى افضل انا مقتنعة بيها اكتر
لالا بالعكس ده النقاش ده بيفيدنا كلنا جداا
شكرا ليك مرة تانية جزاكم الله خيرا
Dr. Hoda Ahmed
10-02-2011, 02:03 AM
عملية الانبعاث المستحث تتضمن انتاج فوتون اخر مطابق للفوتون الساقط هل الحصول على هذين الفوتونين يعد انتهاك لقانون حفظ الطاقة ؟؟
كيف تمير بين شعاع الضوء العادى وشعاع الليزر المطلوب هنا ؟؟ ذكر الخواص بينهم ؟؟
لماذا تكون مستويات الطاقة شبه المستقرة فى كل من الهيليوم والنيون قريبة جدا من قيمة الطاقة ؟؟
الفرق بين سرعة الضوء العادى وضوء الليزر ؟؟
Dr. Hoda Ahmed
10-02-2011, 02:04 AM
بس بالنسبة سؤال المواد الصلبة لم نصل لاجابة امتحان مقنعه ؟؟
josephmorris
10-02-2011, 02:23 AM
عملية الانبعاث المستحث تتضمن انتاج فوتون اخر مطابق للفوتون الساقط هل الحصول على هذين الفوتونين يعد انتهاك لقانون حفظ الطاقة ؟؟
اكيد لاء .. الطاقه لا تستحدث من العدم
لا يعد انتهاكا لقانون بقاء الطاقه لأن الذره تكون مثارة من قبل بطاقه اخرى ... وعندما يأتى الفوتون الجديد يستحث الذره على فقد الطاقه الاساسيه ... فينطلق الفوتونان معا
كيف تمير بين شعاع الضوء العادى وشعاع الليزر المطلوب هنا ؟؟ ذكر الخواص بينهم ؟؟
طبعا فى خواص كتيره
واحده منهم
قطر شعاع الليزر لا يتغير اثناء انتشاره
بينما قطر شعاع الضوء العادى يزداد اثناء انتشاره
لماذا تكون مستويات الطاقة شبه المستقرة فى كل من الهيليوم والنيون قريبة جدا من قيمة الطاقة ؟؟
مش فاهم السؤال
الفرق بين سرعة الضوء العادى وضوء الليزر ؟؟
فى الظروف العاديه الفرق بيساوى صفر ... اى متساويين
Dr. Hoda Ahmed
11-02-2011, 02:39 PM
لماذا تصدر الاجسام الصلبه الساخنه طيفا مستمرا بينما تصدر الغازات الساخنه طيفا خطيا ؟؟سؤال رقم 8 ص367
بكتاب الامتحان
لماذا تكون مستويات الطاقة شبه المستقرة فى كل من الهيليوم والنيون قريبة جدا من قيمة الطاقة ؟؟
ص379 س8 الجزئية ج
وفى سؤال فى الوسام ع الكهربية
ملف مقاومته 15 اوم معامل حثه الذاتى 6. هنرى يوصل مع مصدر تيار مستمر يعطى 120 فولت احسب المعدل الذى ينمو به التيار
1\ لحظه توصيله
2\ لحظه وصول التيار الى 80% من قيمته العظمى
راجع يا جوزيف السؤالين فوق
وده سؤال كهربية انا عارفه اجابته بس عايزة اشوف لو طريقة ابسط من عندى