جيفارا مات
جيفارا مات
آخر خبر فِ الراديوهات
و فِ الكنايس
و الجوامع
و فِ الحواري
و الشوارع
و عَ القهاوي و َ البارات
جيفارا مات
جيفارا مات
و اتمد حبل الداردشة و التعليقات
مات المناضل المثال
يا ميت خسارة عَ الرجال
مات الجدع فوق مدفعه جوّه الغابات
جسّد نضاله بمصرعه
و من سُكات
لا طبالين يفرقعوا
و لا اعلانات
ما رأيكم دام عزكم
يا انتيكات
يا غرقانين
فِ المأكولات و الملبوسات
يا دفيانين
و مولعين الدفايات
يا محفلطين ( متأنقين )
يا ملمّعين يا جيمسنات
يا بتوع نضال آخر زمن
ف العوامات
ما رأيكم دام عزّكم
جيفارا مات
لا طنطنة
و لا شنشنة
و لا إعلامات و استعلامات
عيني عليه ساعة القضا
من غير رفاقه تودّعه
يطلع أنينه للفضا
يزعق و لا مين يسمعه
يمكن صرخ من الألم
من لسعة النار فِ الحشا
يمكن ضحك
أو ابتسم
أو ارتعش
أو انتشى
يمكن لفظ آخر نفس كلمة وداع
لَجل الجياع ( على شان)
يمكن وصية للي حاضنين القضية
بالصراع
صور كتير ملو الخيال
و ألف مليون إحتمال
لكن أكيد و لا جدال
جيفارا مات موتة رجال
*******
يا شغالين و محرومين
يا مسلسلين ( مربوطين بالسلاسل )
رجلين و راس
خلاص خلاص
مالكوش خلاص
غير البنادق و الرصاص
دا منطق العصر سعيد
عصر الزنوج و الامريكان
الكلمة للنار و الحديد
و العدل أخرس أو جبان
صرخة جيفارا يا عبيد
في أي موطن أو مكان
ما فيش بديل
ما فبش مناص
يا تجهّزو جيش الخلاص
يا تقولو عَ العالم
خلاص

بجد جميله بس
أنا بقول

على العالم خلاص

شكراً على مرورك يا سادات

احساسها حلو بجد
رغم انى مش عارفة مين جيفارا
عموما الله يرحمه

ربنا يخليكى يا محبة الله

هو بيقولو قائد الثوره الشعبيه تبع كوبا مش عرفه كده ولا ايه

عموماً شكراً على مرورك


اه صحيح هو انتى محبة الله اللى هى هبه اللى انا اعرفها ولا واحده تانيه؟

لا انا اصالة هبة بنجمتين
هههههههههههههه
والشكر لله ياجميل

يا مجنون مش انا ليلى

ماشى يا عسل

تسلم ايدك انتي و رغم اني مبحبش الراجل اللي اسمه احمد فؤاد نجم ده بس انا هقولك تسلم ايدك علي المجهود بس



احساسها حلو بجد
رغم انى مش عارفة مين جيفارا
عموما الله يرحمه


ربنا يحرقه يا أصاله ده زعيم الشيوعيه في العالم كله

ياعم قول ربنا يهدى

ههههههههه ربنا يهدي علي فكرة مش زعيم الشيوعيه انا غلطت

هوا رمز من رموز الشيوعية الملحدة التي لاتعرف رباً ولا رسولاً ولا ديناً ولا شرعاً ولا أخلاقاً
بل هي إلى الحيوانات أقرب بل كرم الله الحيوان عنها


بس مواقفه ضد الحكومه كانت كويسه

ربنا يحرقه برده

وعلي فكرة هوا مات

يهدي مييييين بقااااااااا ؟
ههههه

مشكورة مرة تانيه يا دارك

مووضوع اكثر من رائع شكراا ليكى

تسلم ايدك انتي و رغم اني مبحبش الراجل اللي اسمه احمد فؤاد نجم ده بس انا هقولك تسلم ايدك علي المجهود بس

معلش معلش هى البيئه بقى

شكراً يا احمد على مرورك منور


ربنا يحرقه يا أصاله ده زعيم الشيوعيه في العالم كله



ياعم قول ربنا يهدى

ههههههههه ربنا يهدي علي فكرة مش زعيم الشيوعيه انا غلطت

هوا رمز من رموز الشيوعية الملحدة التي لاتعرف رباً ولا رسولاً ولا ديناً ولا شرعاً ولا أخلاقاً
بل هي إلى الحيوانات أقرب بل كرم الله الحيوان عنها


بس مواقفه ضد الحكومه كانت كويسه

ربنا يحرقه برده

وعلي فكرة هوا مات

يهدي مييييين بقااااااااا ؟
ههههه

مشكورة مرة تانيه يا دارك

يا راجل طيب انا عيزه اعرف عنه اكتر بقى
مووضوع اكثر من رائع شكراا ليكى

العفو يا ميدو وشكراً على مرورك

ربنا يرحمة

يسمنوووووووووووووووووووووووووووووووووووووووووو

ربنا يسامحه شكراًيا نينو على مرورك

شكراً يا محمود على مرورك

شكراً يا ايمى
يلا ربنا يرحمه غلطة وعمت
تسلمى يا ايمى

تسلم ايديكى يا ايموووووووووووووز
دايما أحمد فؤاد نجم مبدع

اولا الموضوع رائع وانا بحيكى عليه وعاوزة اقول للعضوة اللى متعرفش جيفارا فى حد ميعرفشى قائد كبير زى القائد والمناضل دة على فكرة انا عامله موضوع عنة لو حبيتى تعرفى عنة معلومات كمان لو مهتميه بالموضوع انا ممكن اعطيكى كذا موقع فيهم معظم المعلومات اللى عليه وبالنسبة لاحمد فؤاد نجم فهو مبدع وسيظل مبدع
تقبلى مرورى

كافر ...... مجوسى ..... ملحد ...... شيوعى

مش مهم ... بس مرضيش بالذل و القهر فى بلده و كانه بيحبها و مؤمن بفكرة

ما احنا مسلمين و نشهد ان لا إله إلا الله و ان محمد رسوله و عملنا ايه لبلدنا

ولا حاجة

بجد القصيده جميله جدا تسلم ايدك

ابه الخلاود دى