السلام عليكم ورحمة الله وبركاته



بسم الله الرحمن الرحيم




أتمنى كلنا نشاااااارك فى الموضوع








الموضوع اسمه


النفاق على المنتدى


أو


نفاق اعضاء منتدى الثانوية



أو


أبو وشين



يعنى باختصار وبكل صراحة


فيه تصرفااااااات


أكيد
بيعملها معظم الأعضاء والعضوات فى المنتدى
حتى لو كانوا مشرفين أو مشرفات
أو اى حاجة تانية


المهم


بيظهر فيها نفاقهم الواضح


وطبعا هنذكر بعض الأمثلة بدون تجريح أو بدون ذكر أسماء لأى حد



معظمهم بينافق
يعنى ايه


يعنى تصرفاته فى الجامعة


غير المنتدى


غير البيت


غير الشارع



كل مكان بيتصرف فيه بطريقة مختلفة جدا
وكانه انسان تانى


كأن أخلاقه وتصرفاته بتتبدل من مكان لاخر


مثلا :



الأمثلة
(على سبيل المثال وليس على سبيل الحصر )


1- ممكن تلاقى عضو داااااااااااخل المنتدى كل همه
انه يدور على البنات
يبعت رساااااااااائل خاصة لهم



2- ممكن عضو تلاقيه بيكتب موضوعات او ردود وتعليقات
وهو نفسه نفسه بس حد ياخد باله منه




3- ممكن تلاقى عضو كل همه يعاكس الأخوات فى ردوده فى اى حاجة





4- ممكن تلاقى عضو كل ما يشوف بنت فى موضوع ، يكتب رد فيه كلمة
يا أخت يا أختى يا أختى


واتاريه كدااااااب كبيييييير أوى غشاش منافق
لو دورت جواااااااااااه مش هتلاقى لمعنى كلمة أختى دى وجود
هتلاقيه .............




5- ممكن تلاقى عضو طول ما هو قاعد بيجمل فى صورته
هو وحش جدا برا
وجاااااااى هنا يجمل فى صورته
بيرسم بورتريه جديد




6- ممكن عضو تلاقيه كل همه بيدخل المنتدى يدور على البنات ازاى
يفتح خدمة ( قائمة الأعضاء ) اللى موجودة فى أعلى المنتدى ويدور فيها على ايميلات البنات ويكلمهم
ويبعت رسائل خاصة


رجااااااااااااااء :
ياريت الادارة توقف خدمة ( قائمة الأعضاء ) دى اللى موجودة فى أعلى المنتدى
والظاهر عبقرينو وقفها





7- عضو تااااااااانى شرااااااااااانى كل همه يجى يدور على فيروساااااات برامج اختراق وسرقة للايميلات وغيرهم
يعنى كلام فاااااااااضى ( رغم ان المنتدى مش قوى فى كده )





8- عضو تانى تلاقيه محترف شويتين ثلاثة
يقوم يخترق المنتدى ويجيب ايميلات البنات اللى قاموا بالتسجيل بيها فى المنتدى
( الحمد لله ليه فترة سليم ومعافى من الإختراقات )





9- عضو تانى تلاقيه طووووول ما هو موجود فى المنتدى يوعظ ويقول حرام حلال عيب
وهو نفسه لو شفته يصعب عليك عايز اللى يوعظه





10- عضو تاااااانى بيقول كلام وبيعمل كلام تانى خاااااااااالص


سبحان الله الناس دى بتجيب الوشوش دى كلها منين
دا لو كان عنده 100 قناع كان زهق منهم



11- تلاقيه عضوة بقى نتكلم عن الحجاب واللبس المتبرج والحجاب الموضة المتبرج ،
وهى عادى وترد بكل حزم
تقول لا كلامك صح يا أخى
لازم يا أخواتى نلتزم كلنا بالحجاب
وهى أصلا مش لابسة حجاب
او لابساه كموضة


12- عضوة تانية ، هى اللى بتبعت رسااائل خاصة بس بتبعتهم للأخوة هنا فى المنتدى
سبحان الله

13- عضوة كمان تلاقيها نتكلم عن الصلاة او عن اى عبادة او عن اى شى تيجى تقول ( جزاكم الله خيرا )
انت تحس انها استفادت
و هى تتكلم فى الدين والصلاة وتنصح
و هى أصلا مش بتصلى

طب من الاخر بعد دا كله

انت هتنافق الناس ولكنه غلط وحرام

طب هتنافق ربنا كمان فى الدين
فى العبادة

دا انت كدا مش خليت حاجة الا وبتنافق فيها

فاضل ايه تانى وتكون بتنافق فيه

حوار وهمى :

طبعا الحوار للعظة وللفهم بجد


انت ولد صح ؟

وهي بنت صح ؟

الشيطان ثالثنا

الشيطان ده غلبان

النفس أقوى منه

وربنا خلق النفس دي كده

نفس الولد تميل لنفس البنت
و العكس طبعا

"فلا تخضعن بالقول فيطمع الذي في قلبه مرض

عارف اتقالت لمين ؟

اتقالت لنساء النبي

عارف نساء النبي دول يقربولك ايه ؟

يقربولنا أمهاتنا

وكانوا أمهات الصحابة

يعني ربنا بيقول لأمهات المؤمنين متكلموش المؤمني بخضوع

عارف ليه ؟

عشان اللي في قلبه مرض ميطمعش فيكم

يا جدعان ازااااااااي

دول صحابة

صحاااااااابة

دي غريزة

ربنا خلقها

وجعلها أقوى غريزة

على الإطلاق

طيب يتكلموا عادي مفيهاش حاجة

زي إخوات

فاهم بس زى ما قلتلك بجد انا والله انسان مش بيفكر كدا

أنا عارف

بس تفتكر

الصحابة كانوا بيفكروا كده ؟

أو أمهات المؤمنين كانوا بيفكروا كده ؟

طيب أمال نزلهم ليه ؟

موعظة وليها سبب

الغريزة

محدش بيجي يعصي ربنا ويقول

أنا هاعصي دلوقتي

محدش بيقفول كده

اللي بيحصل

وصفه النبي بالظبط

قالك

صاحبنا ده ، بيجي

ونفسه بتزينله الموضوع

لأنه عادي ومفيهوش حاجة

فيبقى عامل زي الراعي

اللي خد غنمه

حولين المنطقة المحرمة

وطلقهم

كون إنك تحس إن فلانة أختك بجد

تفتكر انت أول واحد في العالم ؟

تفتكر دي مش موجودة في الإسلام

موجودة

أقولك فين

عارف مراتك
( افترض انك اتجوزت )

أخوك هيحس ناحيتها بايه ؟

المفروض تبقى اخته

طيب عارف النبي قال ايه ؟

قال : الحمو الموت

يعني أخو الزوج

زي الموت

هلاك للبيت

أخو الزوج يا رسول الله

عارف ليه ؟

لأنها مش أخته

عارف البنت / فلانة اللى انت تعرفها فى المنتدى هنا

انت حاسس إنها أختك

اه والله مش بهزر

لكنها مش أختك

يحللك تتجوزها

وده معناه

إنك ممكن قوي تفكر فيها - اعذرني ع الصراحة - جنسيا

ولو انت معملتش

القاعدة هي القاعدة

في الإسلام

الحالة دي

الإسلام اتكلم عنها كتير جدا

لأن الغرييييييييييييييزة قوية

ولو طلعت

مش هتعرف تدخلها تاني

انا بصراحة اللى بيمنعنى عن الحاجة الحرام دى هى الحديث بتاع الرسول اللى بيقول سبعة يظلهم الله فى ظله يوم لا ظل الا ظله

رجل دعته امراة

بس صاحبنا ده

بعد أصلا عن الطريق كله

لكن هى اللى جت له

الله يقول في القرآن

"فماذا بعد الحق إلا الضلال ؟

يعني هما اتنين

حق وضلال

تفتكر ده أنه حق ولا ضلال ؟

لو حق

تأكد إن الحق ده هيرتد على أختك

أو بنتك

وساعتها هتشوف إنه مش حق

انت ايه رأيك ؟

والنبي بيقول :"الحلال بين

والحرام بين

وبينهما أمور مشتبهات

فمن اتقى الشبهات

فقد استبرأ لدينه وعرضه

ومن وقع في الشبهات

فقد وقع في الحراااااااااااااااااااااااااااام

كالراعي يرعى حول الحمى

يوشك أن يرتع فيه

يعنى انا كدا وقعت فى الشبهات دلوقتى

ده على أقل تقدير

ايه هو فيه حاجة تانية ولا ايه

بس انا كنت فاكر الشبهات مش مستحبة مش عارف انها حرام

مش مستحبة يعني مكروهة

يعني يكرهها الله ورسوله

وكلمة "قد وقع في الحرام

مجازا

لأن النبي فاهم

ان اللي يدور حوالين المنطقة

غصبن عنه وهو مش حاسس

حتى لو كان احساسه انها أخته

وافتكر دايما

إن فكرك مش هيكون أبدا أطهر من فكر الصحابة
( الولد )

ولا فكرها هيكون أطهر من فكر أمهات المؤمنين
( البنت )

ورغم كده الآية نزلت

تقطع الشك باليقين

طب ما معنى كدا يالا نطرد البنات من المنتدى
و كمان المشرفات

هو قال لاتتكملن

ولا قال لا تخضعن

يعني اتكلموا بس بشروط

طب وانا اضمن منين بقى انك لما تكلم واحدة يبقى نيتك سليمة

أقولك تضمن منين

انكوا ما تزيولش الحواجز

متهزروش

تضمن لما تلاقي الكلام عام

مراعي للآداب

من غير هزار وتحوير

مش ع الخاص

لا يختلين أحدكم بامرأة ولو كان يعلمها القرآن
.
.
.
خلصنا
.
.
ربنا يهدى الجميع


الموضوع فى أجزاء انا كاتبها وأجزاء أخرى كاتبها صاحب ليا اسمه سامح بس هو مش مسجل هنا فى المنتدى
دعواتكم لينا

بجد أنا مش قادر أقول ولا كلمه
ولا لاقى حاجه توصف ولا لاقى حاجه تعبر ولا أى حاجه خالص
تسلم إيدك إنت وصديق
ويا ريت تخليه يسجل معانا
يا أحمد


ويسعدنى إنى أكون اول رد فى الموضوع
ويسعدنى أكتر إنى أقولك تم تثبيت الموضوع

بجد أنا مش قادر أقول ولا كلمه

ولا لاقى حاجه توصف ولا لاقى حاجه تعبر ولا أى حاجه خالص
تسلم إيدك إنت وصديق
ويا ريت تخليه يسجل معانا
يا أحمد


ويسعدنى إنى أكون اول رد فى الموضوع
ويسعدنى أكتر إنى أقولك تم تثبيت الموضوع



شكرا يا محمد على متابعتك للمواضيع ويشرفنى انك ترد على الموضوع ويارب نسمع ونطبق

بجد موضوع اكثر من رائع يا احمد
بس ابو وشين ده مش موجود فى المنتدى بس لا موجود فى كل حياتنا
وتقريبا كل انسان فيه من جواه شوية نفاق بس بتتفاوت النسبة من انسان لاخر
ياريت بجد كل واحد يحاول يغير اللى جواه يحاول يشيل كل الاقنعة المزيفة اللى شوهت معانى الطيبة والصدق
ميرسى يا احمد عالموضوع المتميز ده

شكرا يا احمد على الموضوع الرائع


وفعلا ده موجود فى كل المجتمع مش بس فى المنتديات



ونرجو الهداية من الله عز وجل للجميع


وجزاك الله خيرا وجعله فى ميزان حسناتك

موضوع كبير وحلو
وفي تفكير
لمواقف بتوضح كل انسان ومدى تفكيره في المواقف

وهل سيكون صريح ام مخادع

يا توبيكاتك يا احمد


7- عضو تااااااااانى شرااااااااااانى كل همه يجى يدور على فيروساااااات برامج اختراق وسرقة للايميلات وغيرهم
يعنى كلام فاااااااااضى ( رغم ان المنتدى مش قوى فى كده )


انت ولد صح ؟

وهي بنت صح ؟

الشيطان ثالثنا

الشيطان ده غلبان

النفس أقوى منه
هههه



______________


منهم اللى عندو صراحه ومنهم اللى غدار ومنهم الخائن


ومنهم اللى ميشكرش الموضوع هه

تسلم ايدك والله يا احمد

أحسن المواضيع اللى قرأتها على الساحة فى الفترة الحالية
فعلآ النفاق يسود معظم معاملات الاعضاء فى المنتديات
وده انا شوفته ولمسته كتير من اكثر من عضو
كل واحد من دول بيقول ما دام ما حدش عارفنى
يبقى اصور نفسى بالصورة اللى تخلينى قدامهم نجم شباك!!

شكرآ على الموضوع الهايل يا مان

جزاك الله خيرا

هو بيضحك على نفسه أولا وأخيرا شكرا على الموضوع

السلام عليكم ورحمة الله وبركاته
جزاك الله كل خير
بس هناك قطعه انا مش متفق معاك فيها بالمره
وهى



4- ممكن تلاقى عضو كل ما يشوف بنت فى موضوع ، يكتب رد فيه كلمة
يا أخت يا أختى يا أختى



واتاريه كدااااااب كبيييييير أوى غشاش منافق
لو دورت جواااااااااااه مش هتلاقى لمعنى كلمة أختى دى وجود
هتلاقيه .............

ده مش مقياس ده الطبيعى وده الى لازم يتقال
امال يقولها ايه يا انسه يا مدام يا فلانه
اعتقد انه لازم يقولها يا اختى ولو مقلهاش كده عايز حضرتك تقولى يقولها ايه بمكانها
وجزاك الله كل خير يا اخى

بجد موضوع اكثر من رائع ماشا الله

علي فكره معظمنا له اكتر وش ومش شرط ان كلهم وشوش منافقه

بالعكس ممكن يكون ليك اكتر من وش بس مش منافق يعني ممكن انتا يكون طبعك هادي

ومع اشخاص معينين بتكون مش هادي ابدا علي العكس

وطبعا شخصيتك الاكثر صراحه هي في البيت

محدش هيعرفك كويس من الظاهر اكتر من الوالدين

ومحدش هيحس بيك ويفهمك من جواك اكتر من اصحابك اللي بجد

انما حكايات النفاق دي فموجوده وموجوده اوي اوي

وربنا يكرمنا ويحفظنا كلنا يارب العالمين

وعاوزه اعلق كمان علي اسلوبك السلس البسيط ودا اجمل ما في الموضوع علي فكره:)

انا عيبي اني صريح

بس المنتدى دا علمني اني اكون هنا فيه بأكتر من وش

ع العموم انا بتعامل بطبيعتي والله

ولما بتنرفز دا بيبان في كلامي

وربنا يهدي والموضوع جميل وروعة تسلم عليه

موضوع جميل
بس انا رايى مش كل الناس كده
يعنى الصادق هيفضل صادق سواء اكان فى المنتدى او الشارع او البيت او مع اى شخص او فى اى مكان
وياريت اى شخص يراعى ان اى كذبة تكتب وتحسب عليه حتى ولو كذبة صغيرة

الواحد فى النت بأيده او غصب عنه لازم يكون بأكتر من وش

اولا : شكرا على تعلقياتكم اللى أضافت كتير وفتحت باب مناقشة كنا مفتقدينه

وثانيا : بالنسبة للأخ ( المجاهد فى سبيل الله ) أنا بتكلم على الناس اللى جواها النفاق بيقول ( أختى ) ومش من قلبه - مش قاصدها
وده رأيك وبحترمك فيه وأنا قابل للحوار مش متمسك برأيي

والعضو ( الشخص عموماً ) ليه يكون له أكتر من شخصيتين فى وقت واحد !

موضوعك رائع بجد
بس انتوا دلوقتى بتقولوا ان اى حد من حقه انه يظهر باكتر من وش مش كده؟
امال ايه النفاق فى وجهة نظركوا؟؟؟
ده مجرد سؤال
وانا عن نفسى لما بيكون فى موضوع دينى مثلا مينفعش مثلا ادخل اقول ميرسى او ثانكس
لازم هقول جزاك الله خيرا ومع انها كلمه جميله جدا
بس انا اتعودت على ميرسى وثانكس وخلافه
انا معتقدش ان ده نفاق مش كده
انا بفكر معاكوا بصوت عالى وياريت تقولولى رأيكوا فى الموضوع ده
وسورى على الاطاله وميرسى على موضوعك ......رائع بجد

موضوعك رائع بجد
بس انتوا دلوقتى بتقولوا ان اى حد من حقه انه يظهر باكتر من وش مش كده؟
امال ايه النفاق فى وجهة نظركوا؟؟؟
ده مجرد سؤال
وانا عن نفسى لما بيكون فى موضوع دينى مثلا مينفعش مثلا ادخل اقول ميرسى او ثانكس
لازم هقول جزاك الله خيرا ومع انها كلمه جميله جدا
بس انا اتعودت على ميرسى وثانكس وخلافه
انا معتقدش ان ده نفاق مش كده
انا بفكر معاكوا بصوت عالى وياريت تقولولى رأيكوا فى الموضوع ده
وسورى على الاطاله وميرسى على موضوعك ......رائع بجد


انا كاتب فى الموضوع نفسه الرد على كلامك لو قريته كويس

معظمهم بينافق
يعنى ايه



يعنى تصرفاته فى الجامعة



غير المنتدى



غير البيت



غير الشارع




كل مكان بيتصرف فيه بطريقة مختلفة جدا
وكانه انسان تانى



كأن أخلاقه وتصرفاته بتتبدل من مكان لاخر

موضوع يستحق التثبيت بجد
بالنسبه لموضوع النفاق فى المنتدى
انت دلوقتى بتقرا موضوع بيتكلم عن مثلا مثلا حدود العلاقه بن لولد والبنت انت بتقرا هتلاقى نفسك دخلت فى مود الموضوع هترد رد مناسب ليه حتى لو مش مقتنع بيه
تدخل بعد الموضوع ده مثلا على جرس الفسحه هتلاقى موضوع يشدك هتقراه ويدخلك فى موده وهترد زى اللى بيردوا بنفس النمط غالبا وبرده مش شرط تبقى مقتنع بيه
انا كنت فى فتره بقيت كده فعلا بس مش نفاق لانى ليه هنافق وهنافق مين اصلا؟
وفى نقطه تانيه لفتت نظرى وهى موضوع ان ده اختى وده اخويا واحنا بنتكلم عادى
هى مش قاعده ان كل من قال دى اختى يبقى بيضحك على نفسه
فى ناس كويسه كتير و كلمه اختى او اخويا بتبقى مجرد رمز للاحترام مش اكتر
ولو كان فى غير احترام النفاق مش بيدوم كتير اعتقد لان صعب اوى شخص يتصرف على غير طبيعته فتره طويله
ده رايى مش اكتر ومش دخلت فى موضوع حلال او حرام
وسورى للاطاله وشكرا جدا على موضوعك

No comment :S

نفسي اعرف هنستفاد ايه من الموضوع

مش دا بردوا يعتبر من الهمز واللمز اللي ممنوع هنا في المنتدي

اهو الموضوع سكت وخلاص وكل واحد كلمه مزعلاه قلها وفش غله وخلصنا لكن اسفدنا ايه مفيش

احنا عارفين كويس اوي مين هو اللي بكام وش

وكل واحد عارف نفسه
وبعدين ابو وشين دا الباطن لا يعلمه غير الله يعني نتق الله شويا ها مش عمالين قايدين المووضع حريقه وفلان قال وفلان عاد

وتشككوا الناس في نفسيها


وبعدين قلي بقي انت بتعرف ان الاخت اللي بتتكلم عن الحجاب وهي مش لابسه حجاب عرفت منين

الانسان اللي وشه حلو والتاني وش وحش عرفت منين وهو اصلا مش ظاهره

اشققت عن قلبه



الموضوع دا ملوش لزمه وجاي في وقت المنتدي فيه مولع والناس سيباه

انت يعني هتستفيد ايه انا يعني استفدت ايه من الموضوع يعني رغي وبعدين كل واحد عارف نفسه دي مش غيبه ونميمه ولا تعتبر ايه دا


يتصنف ايه الموضوع دا

وفي حاجه كمان موضوع زي دا كان ممكن يتكتب بطريقه مش مستفزه

ويدي حل يعني الناس دي مثلا نتعامل معاهم ازاي

؟؟؟؟؟؟؟؟؟؟؟


حسبي الله ونعم الوكيل

The Sad Angle (http://www.thanwya.com/vb/member.php?u=25186) انا قلت لا تعليق عشان مكتبش ردك


شكرا انا متفق معاك

معلش
انت مش ريد دفل يعني ايفان
انا محمد قمر لو سمحت خد ايملي وكلمني دلوقتي علشان انا مش عارف اوصلك اوكيه

وانا هحذف ردي دا بعد ما تكلمني

الموضوع ده ملوش لازمه وايه الكلام الاهبل ده

وازاي الموضوع ده يتثبت فين المشرفين الي هنا وفين استاذ اشرف

الموضوع ده لازم يتحذف ومين المشرف الي ثبت الموضوع

احنا عايزين المنتدي يتقدم لقدام مش يبوظ حاله اكتر ماهو بايظ

وبعدين الموضوع منقول واعتقد انه مكرر

وانا اتخنقت من المواضيع المكررة والمنقوله

الموضوع ده ملوش لازمه وايه الكلام الاهبل ده

وازاي الموضوع ده يتثبت فين المشرفين الي هنا وفين استاذ اشرف

الموضوع ده لازم يتحذف ومين المشرف الي ثبت الموضوع

احنا عايزين المنتدي يتقدم لقدام مش يبوظ حاله اكتر ماهو بايظ

وبعدين الموضوع منقول واعتقد انه مكرر

وانا اتخنقت من المواضيع المكررة والمنقوله


ياريت يكون اسلوبك افضل من كده
وبعدين
هاتلى الموضوع اللى انت بتقول عليه مكرر منه ومنقول منه
حتعملى زى الأصمعى

شكرا على ارائكم وكل واحد حر فى اللى بيكتبه

بيبان ع فكرة

طب ما معنى كدا يالا نطرد البنات من المنتدى
و كمان المشرفات
طب ونطرد البنات والمشرفات ليه مانطرد الولاد :D

طب وانا اضمن منين بقى انك لما تكلم واحدة يبقى نيتك سليمة


أقولك تضمن منين


انكوا ما تزيولش الحواجز


متهزروش

يعني معني اني هزرت فوق اني عايزة اتعرف عليك مثلا (دة على حسب كلامك)
دة لو تقصد الكلام ع المنتدى طب وليه اضمن ولا ماضمنش ان نية اللي قدامي سليمة اللي بيعلم النوايا هو اللي يحاسب عليها (عز وجل) المهم نيتي انا وفيه ناس كتير لما تيجي ترد مش بتبص الا على اسم الموضوع مش على اسم صاحب/ة الموضوع

تضمن لما تلاقي الكلام عام


مراعي للآداب


من غير هزار وتحوير

طب وف قسم جرس الفسحة مثلا اللي مواضيعة كلها عبارة عن تسالي لازم بيبقى فيه هزار واحنا مش نعرف نية اللي بيهزر يبقى الحل ايه نقفل جرس الفسحة مثلا

يا اخي احنا لو سبنا اللي ورانا واللي قدامنا ومفكرناش ف الهدف الاساسي للمكان اللي موجودين فيه وقعدنا نفكر مين نيته ايه وفلان/ة قصده/ـا ايه وارد ولا ماردش مش هنخلص ولا هنستفيد ولا هننجز ويمكن كلنا هنحس بالكلام دة لما ندخل مجال العمل اللي محدش يقدر يجزم ان الموظفين كلهم جد طول النهار (لاحظت اني قلتلك يا اخي)

ف النهاية اختلاف الراي لا يفسد للود قضية ودة رايي واسفة للتطويل

متشكر يا طالبة محتاسة على رأيك

بس أضيف إنى مش بمنع الهزار بتاتا بس يكون فى حدود المقول وخاصة اهزار بتاع الشات الخاص مش زى جر الفسحة
لأن كلامى ده مبنى على دلائل انا والله شوفتها
لما يكون واحد ( خصوصا الناس الجدد فى المنتدى والجدد فى النت اصلا ) لما يشوف واحدة بتتكلم بيطبق عليه قول الله عز وجل
* فلا تخضعن بالقول فيطمع الذى فى قبله مرض .. وقلن قولا معروفا

شكار على المناقشة من الجميع

احمد انا احب اقول شيء لك ممكن بعد ردي دا ممكن

اتفضل .. عايز تقول ايه يا محمد ؟

انا اسف وبجد انا اعني هيدا الكلمي

اوك متزعلش مني دي بس زي نرفزه الملعب كدا



اوك


انا اسف وحقيقه اعنيها من كل قلبي

ولا يهمك أنا مش ممكنأزعل منك ولا من حد محترم هنا
الإختلاف فى الرأى لا يفسد للود قضية

هههههههههههههههههه صحيح

الكبير كبير

والبيج بوس بيج بوس بردوا

هههههههههههههههههه صحيح

الكبير كبير

والبيج بوس بيج بوس بردوا

:D:D:D:D:D

هوا انت يائة التي شيرت ديقة شوية ولا انت متعشتش كويس النهاردة

لوك انك تكتب موضوع تاني زي ده

وعلي رأي المثل "
وياريت متقوليش حسن اسلوبك في الكلام عشان انا مش هكلم بالشوكة والسكينة

FrDeT ShRaB

لااله الا الله

ماشى يا كبير

اوك

دا اخر انذار ليك

مووووووووووووووووووووووووووووضع

بجد حلو جدا ما شاء الله

الله يباركلك

في رعاية الله

مشكور اخي على الموضوع الجميل
وصدقت في كل كلمة قلتها

حلو الموضوع جدا--بس من 3سنوات:078111rg3::078111rg3:
ياللى شغال تصحى وتنشط فى الكسلان :d
وعمال تجدد مواضيع مرعليها زمان
جدد ياعم جدد وخلي الإبداع يبان[:d
والمبدع دايما مبدع فى كل وقت وكل أوان

حلو اني انشط

صوووووح ولا ايه