مشاهدة النسخة كاملة : هلال يقرر تعيين المعلمين المساعدين خلال أسبوع لإنهاء مظاهراتهم
محمودعامر 10-02-2011, 04:20 PM فى تحرك عاجل لإنهاء الاحتجاجات أمام وزارة التربية والتعليم، أعلن د.رضا أبو سريع مساعد أول وزير التربية والتعليم، أن د.هانى هلال، المشرف مؤقتاً على الوزارة، قرر تعيين 43 ألف معلم مساعد على درجة معلم خلال أسبوع من الآن.
وعلم اليوم السابع، أن "هلال" أرسل صباح اليوم خطاباً لـ د.سيمر رضوان وزير المالية الجديد يخطره فيه بأنه قرر تعيين المعلمين المساعدين الذين استوفوا شروط التثبيت، وقال مصدر مطلع بالتعليم، إن هلال أرسل لرضوان قائمة بأعداد المستحقين للتعيين، وأضاف المصدر أن التعليم والمالية ستتعاونان لانتهاء الأزمة خلال أسبوع.
http://www.youm7.com/News.asp?NewsID=349522&
ABDOURAGAB 10-02-2011, 04:22 PM http://www.facebook.com/pages/mlmwn-mtsmwn/135491336513019?ref=ts
المؤمنه بالله 10-02-2011, 04:23 PM ده حلم ولاايه تسكين بردو
ابن الأكرمين 10-02-2011, 04:24 PM كلام جميل جداً مبرووووووووك لكل الناس وخصوصاً o
saber samy 10-02-2011, 04:29 PM هل دى مماطلة جديدة ماكرة من الباشا اللى كان مع بدر على طول ولا تسكين ولا حقيقة مش عارفين
محمودعامر 10-02-2011, 04:31 PM انا احترت مع الحكومة دى مش عارف أخرتها أيه معاهم
كل يوم يطلعوا بتصريح شكل مابقتشى عارف أصدق مين ولا أكذب مين .
ربنا يرحمنا منهم.
البرهان الرياضى 10-02-2011, 04:32 PM وأين مُعلمى الأزهر ؟
********
m.medhat ramadan 10-02-2011, 04:32 PM والله كلام جميل ومحدد حيث قال بالنص " خلال اسبوع من الأن " يعني المفروض يوم الخميس القادم يكون فيه جديد والا ........
هاجر موسى 10-02-2011, 04:34 PM افلح ان صدق
مدحت52 10-02-2011, 04:38 PM يــــــــــــــــــــــــــــــــارب
تامر سرواح 10-02-2011, 04:41 PM الحقن كتير
محمد حسين الشربينى 10-02-2011, 04:52 PM مماطلة مماطلة مماطلة
mmagdy_81 10-02-2011, 04:58 PM ياااااااااااااااااااااااااااااااااااااااااارب
saber samy 10-02-2011, 05:05 PM اخرنا اسبوع فقط من الان وانتظروا الثورة القادمة
mmagdy_81 10-02-2011, 05:09 PM يجماعه نصدق مين وزير الماليه ولا وزير التربيه والتعليم؟
وليد نور 10-02-2011, 05:14 PM يا جماعه طب اللى محضرش الامتحان ولسه ف السنة التالتة دى اللى انا فيها هيكون متعين ولا صباح الخيرؤ ليسسسسسسه
مرمر مصر 10-02-2011, 05:18 PM مممممممممممممممممممممممممممممممممششششششششششششووووو وووووووووووووررررررر
mmagdy_81 10-02-2011, 05:20 PM اعلن وزير التربيه والتعليم ان التعيين خلال اسبوع ل 43 الف معلم مساعد استوفى للشروط
ومن دقائق اعلن وزير الماليه تعيين كل العماله المؤقته والذى مر عليها 3 سنوات
طيب احنا متعاقدين من 2002 واخدنا العقد المعلم المساعد من 2008 وامتحنا واجتازنا وقدمنا كل الاوراق ولسه السنه الثالثه فى المعلم المساعد تنتهى فى شهر 6 ايه وضعنااحنا حد يفهمنا لو سمحتم نصدق مين؟
ابن الأكرمين 10-02-2011, 05:24 PM يجماعه نصدق مين وزير الماليه ولا وزير التربيه والتعليم؟
همه 43000 الف امتحنوا الكادر والicdl
علي عضاضلي 10-02-2011, 05:31 PM يا جدعان ازغرد ولا استنى شويه..!!
ابن الأكرمين 10-02-2011, 05:34 PM يا جدعان ازغرد ولا استنى شويه..!!
زغرد ياعلوه
مبرووووووووووووووووووووووووووووووووووووووووووووووو وووك
محمد ابوصلاح 10-02-2011, 05:38 PM انا كنت في الاجتماع مع د رضا ابو سريع وهو قال لينا كده فعلا بس انا حسيت من كلامه ان ده حقن مسكنه لاني لم ارتاح ليه
ابن الأكرمين 10-02-2011, 05:39 PM انا كنت في الاجتماع مع د رضا ابو سريع وهو قال لينا كده فعلا بس انا حسيت من كلامه ان ده حقن مسكنه لاني لم ارتاح ليه
احكي لنا ماذا دار في الإجتماع لو تكرمت
وليد نور 10-02-2011, 05:51 PM يا رجال احنا كنا فى العقود اليومين دول يعنى انا فى السنة التالتة وقال اللى هيعدى عليه 3 سنوات هيتعين يعنى ربنا يسهل ويااااااااااارب يستر
وليد نور 10-02-2011, 05:57 PM انا مش هصدف الكلام الا لما اتعين ربنا يستررررررررررر
إيمان رجب 10-02-2011, 06:13 PM والله ياستاذ على وابن الاكرمين ضحكتونى بس خايفة جدا من الفرحة دى خايفة تكون مهدات
hassan43 10-02-2011, 06:18 PM فى اول اجتماعات اللجنة الوزارية لمتابعة الأداء الاقتصادى
تثبيت العمالة المؤقتة بالحكومة ممن أمضوا 3 سنوات فى العمل
http://www.egynews.net/wps/portal/news?params=115441
طاهر الشاعر 10-02-2011, 06:19 PM ازاي احمد ذكي بدر النصاب طلع في التليفزيون من 3 شهور ومن 3 اسابع وقال انه خاطب وزارة المالية لان هاني هلال لسة اللي باعت للمالية
بيبونينو 10-02-2011, 06:34 PM سمعت وزير المالية على الفضائية المصريه يقول ( كل من امضى 3 سنوات بعقد سنوى سيتم تعيينهم فورا )
يعنى ان شاء الله تعيين للكل مش بس 43 الف
يارب يكون كلام بجد المره دى
the keng 10-02-2011, 06:36 PM وأين مُعلمى الأزهر ؟
وليد غربية 10-02-2011, 06:46 PM اخوانى الأعزاء نرجو أن نفرق بين موضوع تثبيت جميع العماله الموقتة فى الحكومه
وبين التثبيت فى التربية والتعليم
التربية والتعليم بعد صدور قانون الكادر فى مجلس الشعب فلا يطبق علينا قانون الثلاث سنوات
بل القانون الى كلنا حفظناه وهو من يجتاز امتحان الصلاحية بعد عام من تعينه بالعقد ومن لا يستطع فا يمد له سنه اخر بعد سنتين من التعاقد يعنى كلهم ثلاث سنوات
ولذلك
من استطاع النجاح فى شهادة الصلاحية فى التربية والتعليم فاله الحق ومن لسه لم يستطع فا هيتاجل لحين حصوله على شهادة الصلاحيه
يعنى بالعربى احنا لا يطبق علينا شرط الثلاث سنوات
جارةالوادى 10-02-2011, 07:03 PM معلش ياجماعة نأجل اى تكهنات واى مبروك واى اى حاجة لغاية منشوف القرار بعنينا ونفهم بالظبط هم قصدهم مين بالظبط من هذه القرارت الصاروخية
leprince2010 10-02-2011, 07:04 PM ههههههههههههههههههه
mmagdy_81 10-02-2011, 07:05 PM فيه حاجه هامه جدا مش واخدين بالنا منها وهى ان قانون الكادر الذى تسير عليه التربيه والتعليم يختلف مطلقا عن قانون الوظيغه العام او قانون العمل
حيث ان كلام وزير الماليه ليس موجها مطلقا الى العاملين فى التربيه والتعليم (المدرسين) انما موجه للعاملين طبقا لقانون العمل حتى الى العاملين العمال فى لالتربيه والتعليم ينطبق عليهم نفس الكلام وليس نحن (المدرسين)
ثانيا لو تلاحظوا كلام وزير التربيه والتعليم انه خلال اسبوع سوف يتم تعيين ال 43 الف معلم مساعد
هذا والله اعلم لانه لو شمل هذا الكلام كل الفئات وايضا التربيه والتعليم يبقى ده هدم لقانون الكادر
ارجوان تكونوا فهمتم كلامى؟
ابوعماد 10-02-2011, 08:29 PM مصداقاً للكلام الاستاذ عمرو المهدى معلم مساعد مثلنا قال ( ذهنا للوزارة وقابلنا رضا ابو سريع وقال على نهاية الاسبوع القادم سيكون التعيين للناجحين ) .
ريهمسة 10-02-2011, 08:47 PM يعني ايه !!!!!!!!!!!!!!!!!!
يوم الخميس الجاي هتعين!!!!!!!!!!!!!!!!
emy142005 10-02-2011, 10:04 PM انا لسه حخلص السنة الثالثة 30/9/2011 يعنى حصبر كل ده حرااااااااااااااااااااااااااااااااااااااام والله
MISS.DINA 10-02-2011, 10:06 PM يا جدعان ازغرد ولا استنى شويه..!!
لا استنى شوية متزغردوش الا اما تتنصفو المثل بيقول كدة وياااااااااااااااااااااااااارب نتنصف بقى
alirahim 10-02-2011, 10:22 PM مسكنات طلما من رضا ابو سريع ماهو سياته كان بيدى برضوا المسكنات دى ايام زكى الله يرحمه
ayman3body 10-02-2011, 11:28 PM فوقو بقه ده مجرد بنج
mmagdy_81 10-02-2011, 11:44 PM ياجماعه بلاش الهيصه ده انتوا مش فاهمين البلد كانت واقفه فى كل حاجه انتوا مش عايزين تفهموا طيب ممكن اسال سؤال التعيين للى مر عليه 3 سنوات قبل العقد المعلم المساعد ولا بعده ؟اللى هيعرف يرد هيفهم قصدى ايه .ولو كان فيه تعيين لينا الان كان حضر اجتماع الماليه وزير التربيه والتعليم كل القطاعات حضرت الا التربيه والتعليم. وشكرا
امجد7007 11-02-2011, 12:10 AM يجماعه نصدق مين وزير الماليه ولا وزير التربيه والتعليم؟
اعلن وزير التربيه والتعليم ان التعيين خلال اسبوع ل 43 الف معلم مساعد استوفى للشروط
ومن دقائق اعلن وزير الماليه تعيين كل العماله المؤقته والذى مر عليها 3 سنوات
طيب احنا متعاقدين من 2002 واخدنا العقد المعلم المساعد من 2008 وامتحنا واجتازنا وقدمنا كل الاوراق ولسه السنه الثالثه فى المعلم المساعد تنتهى فى شهر 6 ايه وضعنااحنا حد يفهمنا لو سمحتم نصدق مين؟
ياجماعه مفيش تعارض بين اللى قاله وزير المالية ووزير التعليم لسبب بسيط جدا هو ان اللى قاله وزير الماليه لا ينطبق على المعلمين المساعدين بالتربية والتعليم لان احنا لينا قانون خاااااااااص غير القانون اللى بيتكلم عليه وزير الماليه واحنا مش محتاجين نقعد 3 سنين لان قانون الكادر محدد شروط اللى تتوفر فيه يتثبت حتى قبل مرور سنتين عليه يعنى احنا نمتاز عن الوزارات الاخرى بقوة القانون واكرر ان كلام وزير المالية لايقصد به نحن على الاطلاق لأنه يخالف القانون الخاص بتاعنا وكمان هيبقى فيه ظلم جائر علينا والكلام ده انا متاكد منه عشان القانون بيقول كده ونشوف بقى يجرى ايه بعد اسبوع
mmagdy_81 11-02-2011, 12:13 AM جزاك الله خير يااستاذ امجد هذا ما اردت توضيحه وشكرا
امجد7007 11-02-2011, 12:15 AM انا لسه حخلص السنة الثالثة 30/9/2011 يعنى حصبر كل ده حرااااااااااااااااااااااااااااااااااااااام والله
لا طبعا ده يبقى منتهى منتهى الظلم لو هتصبر ده كله واحنا مش محتاجين تمر علينا 3 سنين لانه لو حضرتك مستوفيه الشروط يعنى اى سى دى ال وتكون ناجح فى اختبار الكادر ودبلوما تربويه لو حضرتك من غير خريجى كليات التربيه يحق لك التعيين بقوة القااااااااااانون وقبل ما تتم سنتين كمان وعلى فكره احنا يحق لنا التعيين من عام مضى لكن منهم لله اللى زى بدر وغيره كان واضع الاسماء فى درج المكتب من شهر 4 الماضى واهوه ربنا جزاه وطار ويارب مايرجع تانى ارجو ان يكون كده الصوره وضحت
امجد7007 11-02-2011, 12:18 AM جزاك الله خير يااستاذ امجد هذا ما اردت توضيحه وشكرا
انشاء الله خيرررررررررررر
darsh1 11-02-2011, 01:10 AM عايزين نطالب برفع اجورنا ايضا ..ذي كل القطاعات الاخري تتطالب بده بجانب التعيين
darsh1 11-02-2011, 01:12 AM يعني نتعيين و ناخد برضه 400 ملطوش...لازم رفع المرتب برضه
mrmoh 11-02-2011, 02:34 AM ياحضرات هناك فرق بين ما قيل علي لسان وزير المالية وبين قانون الكادر يارب نفهم ونسكت شوية ونشوف
اشجانات 13-02-2011, 07:26 PM انا اشتغلت بالحصة لمدة 8 سنوات وتعاقدت من سنة واحدة بس ولسه ما عملتش التربوى ولا امتحنت كادر يعنى كدة انا اشتغلت 8 سنين بالحصة +سنة تعاقد معلم مساعد هل هتثبت زيكم ولا ايه افيدونى يا اهل الخبرة خصوصا انى فى امس الحاجة للثبيت لانى ام واب فى نفس الوقت لخمس اطفال
tatateto 13-02-2011, 07:48 PM الصبر يا صـــــــــــــــــــــــابر
يعني لما كان عندنا وزير ماإتعيناش ويوم ما يبقاش في وزير نتعين !!!!!!!!!!!!! عجبي
مدرسة الانجلش 13-02-2011, 07:53 PM يارب
اجعل عهد ما بعد مبارك
خير لكل مصر
خير خير ان شاء الله
|