بسم الله الرحمن الرحيم


السلام عليكم و رحمه الله و بركاته


ازيكم يا جماعه ؟ عاملين ايه ؟ يارب تكونوا دايما بخير



اللي اوله شرط آخرة نور يا شباب



عايزين نحافظ علي القسم مع بعض


الحفاظ علي القسم مش من واجباتي بس


من واجباتكم انتوا كمان


عشان تقدروا تفيدوا و تستفيدوا



القسم ده معمول عشان الناس تشوف ابداعك و عشان انت تستفاد منه فساهم فيه الارتقاء به



ونقول الشروط اللي بإتباعها القسم هيفضل كويس ويرتقي ان شاء الله



1 – العدد المسموح به للأعضاء في وضع المواضيع هوا واحد او اتنين مش ألاقي تسعه اتناشر موضوع لعضو واحد في نفس اليوم


2 – ياريت يكون ردك في الموضوع رد طيب و كويس و لو فيه انتقاد او فكرة عندك وصلها بشكل مقبول عشان الرسول – صلي الله عليه و سلم – قال " الكلمه الطيبه صدقه "


وبعدين مش ألاقي واحد عمال يتخانق مع صاحب تصميم و بيوبخه واقوله انت عايز ايه يقولي عايز افيده ياريت الواحد يفتكر الآيه اللي بتقول .. بسم الله الرحمن الرحيم " ولو كنت فظا ً غليظ القلب لأنفضوا من حولك " صدق الله العظيم


يعني فكرتك و توضيحك يبقي بشكل كويس و مهذب عشان نبقي كويسين مع بعض


3 – ياريت يا جماعه اللي يجي ينقل موضوع يقول منقول عشان دي حقوق فكريه و لازم نلتزم بإننا نحط مصدر الموضوع او مجرد اسم العضو من قبيل حقوق الملكيه


4 – وعايزك تعرف برده انك بتحط تصميمك هنا مش من اجل التفاخر و سماع المديح فقط ده عشان تسمع أراءنا أو انتقاداتنا اللي هتكون مفيده بالنسبالك ان شاء الله


5 – بعد ما تخلص الموضوع و عملتله ارسال عليك انك تراجع الوصله تاني عشان لو فيه اي مشاكل ولا حاجة واي روابط معطوبه هضطر اسفا اني احذف الموضوع بعد مده معينه


6 – شارك برأيك و الانتقاد يكون بناء بعيد عن التجريح



+++++++++



شروط التصميم


ـــــــ


1 – ياريت نراعي في التصميم اننا مسلمين يعني منحطش اي صورة مخله للأدب او تكون مثيرة او اي حاجة من هذا القبيل


2 – هيتم حذف اي تصميم هيكون فيه نساء في وضع غير مناسب نظرا لظروف مجتمعنا المحافظ و عشان ديننا الإسلامي


3 – يرجي عدم وضع إيميلات الأعضاء في التصميم إلا في حالات معينه


4 – ياريت تراعي حجم التصميم عشان الناس تشوف التصميم بوضوح


5 – ياريت كل عضو يحط اسمه علي التصميم او توقيع صغير عشان حقوق الملكيه تفضل له


6 – ياريت نلتزم بالقوانين دي و اي حاجة مخالفه للقوانين هيتم النظر فيها و حذفها او تعديلها ان شاء الله




نرجووووووووو الإلتزااااااام



بك اخي العضو الكريم نرتقي بالجرافيك والتصاميم



مع تحيات


مشـــــرف القسم



+++++ احمد رضا +++++


P H O T O S H O P P E R