عبد الله الرفاعي
10-02-2011, 08:51 PM
رجاءا
رجاءا
رجاءا
إلي كل مصري غيور علي وطنه: اذا تنحي الرئيس بالفعل اليوم فبرجاء تشكيل لجان شعبية لحماية المنشآت الوطنية والممتلكات العامة من أي أيدي عابثة قد تضر باستقرار مصر وتدفع الجيش للتدخل الفوري وإعلان الاحكام العرفية ... رجاء المحافظة علي وطننا وانشروا الدعوة بقدر المستطاع
هو ده اللي لازم يحصل ومفيش مجال لا للشك ولا للعند
فى هذه الحالة سيفرض الجيش الأحكام العرفية العسكرية والتى تعد الأخطر وتقتضى هذه الأحكام إلغاء الدستور الحالى وحل مجلسى الشعب والشورى، وأن تظل البلاد تحت الحكم العسكرى لفترة انتقالية تجرى فيها انتخابات مجلسى الشعب والشورى والعمل على إصدار دستور جديد، ليس فقط مجرد حظر التجوال أو نزول الجيش دون فاعلية كما هو الآن.
أنا بنبه بس قبل الاعلان المتوقع للتنحى
amira elnaggar
10-02-2011, 09:11 PM
يارب بس يتنحى الاول ونفكر بعد كدة
واكيد فكرة حلوة اننا نشكل لجان شعبية
Egypt for Ever 25
10-02-2011, 09:16 PM
قصيدة الضاحك الباكي (صوت الشعب ) صلاح جاهين
علي اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
أسمعها مهموسة والا أسمعها مشخوطة
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد أقوله لحد
القمح ليه اسمه قمح اليوم وأمس وغد
ومصر يحرم عليها .. والجدال يشتد
على اسم مصر
لللشاعر الكبير صلاح جاهين
EbTeSaM91
10-02-2011, 09:16 PM
فعلا لو تنحى الرئيس مبارك الليلة عن الحكم يبقى لازم كلة يرجع بيتة لان خلاص مطالب الشعب بتتحقق ربنا يحمى مصر
محمد حسين الشربينى
10-02-2011, 09:16 PM
http://img196.imageshack.us/img196/917/71776png.jpg وبس
شروق الحرية
10-02-2011, 09:59 PM
سيعود كل مصرى شريف
ولن يبقى سوى من له أهداف أخرى !!!!!!!!!!!!!!
حفظ الله مصر من كل شر
محمد حسن ضبعون
10-02-2011, 10:41 PM
علق هنا وبكل موضوعية
على خطاب السيد رئيس الجمهورية
http://www.thanwya.com/vb/showthread.php?t=285270
aymaan noor
11-02-2011, 12:47 AM
http://a4.sphotos.ak.fbcdn.net/hphotos-ak-snc6/182860_180897215278812_179496608752206_364752_1014 401_n.jpg
عبد الله الرفاعي
11-02-2011, 07:44 PM
الريس اتنحى زى ماقلنا االواجب على الجميع ان يعود الى بيته ليخفف الضغط على الجيش
لن يبقى فى الميدان سوى من له أهداف أخرى !!!!!!!!!!!!!!
حفظ الله مصر من كل شر.
عاوزين نشوف المصريين اللى بجد